கிட்ஸ் @ கிச்சன்.காம்

ஆப்பிள் சீசன் வந்தாச்சு. எங்கே பார்த்தாலும் ஆப்பிள்கள்தான். ஸோ, ஆப்பிளையும்  சாக்லேட்டையும் வெச்சு, செம டேஸ்ட்டா ரெசிப்பியைக் கத்துக்கொடுக்கிறாங்க, திவ்யா ஆன்ட்டி. செய்து சாப்பிடுங்க, சீசனைக் கொண்டாடுங்க!

தேவையானவை:

ஆப்பிள் - 1, டார்க் சாக்லேட் காம்பவுண்டு - 1/2 கப், கார்ன்ஃப்ளேக்ஸ் - கால் கப்.

செய்முறை:

ஆப்பிளைக் கழுவி, நீள நீளத் துண்டுகளாக, தோலுடன் நறுக்கி வெச்சுக்குங்க.

சாக்லேட் காம்பவுண்டு கட்டியை, சின்னச் சின்னத் துண்டுகளா வெட்டி எடுத்துக்குங்க.

கார்ன்ஃப்ளேக்ஸை ஒரு தட்டில் கொட்டி வெச்சுக்குங்க.

சாக்லேட் துண்டுகளை, உருகும் வரை பெரியவங்க உதவியோடு மைக்ரோவேவ் அவென்ல வெச்சு எடுங்க. (அவென் இல்லாதவங்க, கேஸ் ஸ்டவ்ல வைக்கலாம்).

சாக்லேட் உருகியதும், ஆப்பிள் துண்டுகளின் மேலே ஊற்றி, `கோட்டிங்’ பண்ணிட்டு, அதை உடனடியா கார்ன்ஃப்ளேக்ஸ்ல புரட்டி எடுத்துடுங்க.
எல்லாத் துண்டுகளையும் இதே மாதிரி, கோட்டிங் செஞ்சதும், ஃப்ரிட்ஜ்ல வெச்சு எடுங்க.

`ஜில்லு’னு சாப்பிடுங்க. ஃப்ரெண்ட்ஸுக்கும் செய்து கொடுத்து, ‘லைக்’ வாங்குங்க!