Published:Updated:

தமிழ்நாட்டுக்குத் தனிச்சிறப்பு!

ஒட்டுமொத்த விகடனுக்கும் ஒரே ஷார்ட்கட்

Use App
தமிழ்நாட்டுக்குத் தனிச்சிறப்பு!
தமிழ்நாட்டுக்குத் தனிச்சிறப்பு!

லஷ்மி வெங்கடேஷ்

பிரீமியம் ஸ்டோரி

``உலகத்தின் பல பகுதிகளிலும் பலவிதமான ‘ஸ்ட்ரீட் ஃபுட்’ வகைகள் இருந்தாலும், தமிழ்நாட்டின்  தள்ளுவண்டி மற்றும் தெருக்கடை உணவுகளுக்குத் தனிச்சிறப்பு உண்டு. நம் மாநிலத்தின் ஒவ்வொரு மாவட்டத்திலும் அந்தப் பகுதிக்கே உரித்தான தனிச்சிறப்புடன் கூடிய ஸ்நாக்ஸ் வகைகள் ஏராளம்... தாராளம்!

தமிழ்நாட்டுக்குத் தனிச்சிறப்பு!

பலருக்கும் விருப்பமான பஜ்ஜி, வடை, போண்டா வகைகள் தொடங்கி, தேவகோட்டை மொச்சை

தமிழ்நாட்டுக்குத் தனிச்சிறப்பு!

மசால், சேலம் தட்டு வடை செட், நொறுக்கல்,  தேனி இனிப்புப் போண்டா, ஸ்வீட் பன், மதுரை கிழங்கு பொட்டலம்,  கோயம்புத்தூர் காளான் மசாலா, மதுரை வெள்ளை அப்பம் காரச் சட்னி, தவலை வடை போன்ற ஸ்நாக்ஸ் வகைகளை நம் வீட்டிலேயே தயாரித்து அனைவரையும் அசத்தும் விதமாக படங்கள் மற்றும் வீடியோக்களுடன் அளிக்கிறார் ஷார்ஜாவைச் சேர்ந்த சமையல் கலைஞர் லக்ஷ்மி வெங்கடேஷ். பஜ்ஜியில் மட்டுமே எத்தனை விதம், பாருங்கள்... செய்யுங்கள்... ருசியுங்கள்!

தமிழ்நாட்டுக்குத் தனிச்சிறப்பு!

பஜ்ஜிகள் பலவிதம் 
 
பஜ்ஜி மாவு செய்ய தேவையானவை:

 கடலைப்பருப்பு - 4 கப்
 பச்சரிசி, மைதா மாவு - ஒரு கப்
 காய்ந்த மிளகாய் -  15
 பெருங்காயம் - ஒரு டேபிள்ஸ்பூன்
 சமையல் சோடா - ஒரு டீஸ்பூன் (விரும்பினால்)
 ஆரஞ்சு (அ) மஞ்சள் ஃபுட் கலர் பவுடர் - அரை டீஸ்பூன் (விரும்பினால்)
 உப்பு – தேவையான அளவு

பஜ்ஜிகள் பலவிதம் வீடியோக்களை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

கடலைப்பருப்பு, பச்சரிசி, காய்ந்த மிளகாய், பெருங்காயம் ஆகியவற்றை  வெயிலில் காயவைத்து, மெஷினில் கொடுத்த மாவாக அரைத்து வரவும். அதனுடன் மைதா மாவு, சமையல் சோடா, கலர் பவுடர், உப்பு சேர்த்துக் கலந்து சலிக்கவும். இதை காற்றுபுகாத டப்பாவில் சேகரிக்கவும். தேவையானபோது, இந்த மாவில் சிறிதளவு எடுத்து பஜ்ஜி செய்ய பயன்படுத்தலாம்.  

தமிழ்நாட்டுக்குத் தனிச்சிறப்பு!

குறிப்பு:

*
ஒரு கப் கடலை மாவுடன் ஒரு டேபிள்ஸ்பூன் அரிசி மாவு, ஒரு டீஸ்பூன் மிளகாய்த்தூள், கால் டீஸ்பூன் பெருங்காயத்தூள்,  அரை சிட்டிகை சமையல் சோடா, உப்பு சேர்த்துக் கரைத்தும் பஜ்ஜி செய்யலாம்.

வெங்காயம், உருளைக்கிழங்கு, வாழைக்காய், கத்திரிக்காய், புடலங்காய், குடமிளகாய், காலிஃப்ளவர், பஜ்ஜி மிளகாய், மஷ்ரூம், பேபி கார்ன், பசலைக்கீரை, ஓமவல்லி, அவகாடோ, பனீர், பிரெட், சிறிய அப்பளம்  ஆகியவற்றைப் பயன்படுத்தி பஜ்ஜி செய்யலாம்.

பஜ்ஜிக்கு எண்ணெய் புகைவரும் அளவு காய்ந்துவிடக் கூடாது. அதேநேரம், எண்ணெய் காயாமல் போட்டால், பஜ்ஜி ‘சதசத’வென்று ஆகிவிடும்.

* ஆகையால், எண்ணெய் சரியான சூட்டுக்கு வந்த பிறகு பஜ்ஜி செய்யும் பொருளைப் பஜ்ஜி மாவில் தோய்த்து எண்ணெயில் போட்டு இருபுறமும் பொன்னிறமாகப் பொரித்து எடுக்கவும்.

தமிழ்நாட்டுக்குத் தனிச்சிறப்பு!
தமிழ்நாட்டுக்குத் தனிச்சிறப்பு!
தமிழ்நாட்டுக்குத் தனிச்சிறப்பு!

தேவகோட்டை மொச்சை மசால்

தேவையானவை:

 உலர்ந்த மொச்சை -  ஒரு கப்
 பொட்டுக்கடலை - அரை கப்  (பொடிக்கவும்)
 தோலுரித்த சின்ன வெங்காயம் - ஒன்றரை கப்
 தோல் சீவிய இஞ்சி - ஒரு இன்ச் துண்டு
 பூண்டு - 5 பல்  
 சோம்பு - அரை டீஸ்பூன்
 கிராம்பு - 2
 பட்டை - அரை இன்ச் துண்டு
 காய்ந்த மிளகாய் - 10
 கடுகு, சீரகம் - தலா கால் டீஸ்பூன்
 எண்ணெய், உப்பு – தேவையான அளவு

தமிழ்நாட்டுக்குத் தனிச்சிறப்பு!

தேவகோட்டை மொச்சை மசால் வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

பொட்டுக்கடலைப் பொடியுடன் தண்ணீர் சேர்த்துக் கரைக்கவும். மொச்சையைக் கழுவி 6 மணி நேரம் ஊறவைக்கவும். பிறகு மொச்சை ஊறவைத்த நீரை வடித்துவிடவும். குக்கரில் மொச்சையுடன், உப்பு, மொச்சை மூழ்கும் அளவு தண்ணீர் சேர்த்து நன்கு வேகவிட்டு எடுக்கவும். வெறும் வாணலியில் சோம்பு, கிராம்பு, பட்டை, காய்ந்த மிளகாய் ஆகியவற்றை வறுத்தெடுத்து மிக்ஸியில் பொடித்தெடுக்கவும். அரை கப் வெங்காயத்துடன்  இஞ்சி, பூண்டு சேர்த்து கொரகொரப்பாகத் தண்ணீர் விடாமல் அரைத்தெடுக்கவும்.
 
வாணலியில் எண்ணெய்விட்டு சூடாக்கி, கடுகு, சீரகம் தாளிக்கவும். அதனுடன் அரைத்த வெங்காய விழுதைச் சேர்த்து என்ணெய் பிரியும் வரை வதக்கவும். பிறகு மீதமுள்ள வெங்காயத்தை பொடியாக நறுக்கி வதக்கவும். அத்துடன் அரைத்த பொடி, உப்பு, வேகவைத்த மொச்சை, கால் கப் தண்ணீர் சேர்த்துக் கொதிக்கவிடவும். அதனுடன் பொட்டுக்கடலை கரைசல் சேர்ந்து எண்ணெய் பிரிந்து வரும் வரை வதக்கி இறக்கவும்.

மொச்சை மசாலாவைப் பொட்டலமாகப் போட்டு மாலை நேரங்களில் தேவகோட்டையில் தெருவோரங்களில் விற்பது வழக்கம்.

சேலம் தட்டு வடை செட்

தேவையானவை

 தட்டை - 12
 கேரட் துருவல், பீட்ரூட் துருவல் கலவை - அரை கப்
 வெங்காயம் - ஒன்று (பொடியாக நறுக்கவும்)
 நறுக்கிய கொத்தமல்லித்தழை - சிறிதளவு
 எலுமிச்சைச் சாறு - அரை டீஸ்பூன்
 காரச் சட்னி - 6 டீஸ்பூன்
 புதினா சட்னி - 6 டீஸ்பூன்
 மாங்காய்த் துருவல் - 3 டீஸ்பூன் (விரும்பினால்)
 சாட் மசாலாத்தூள் - 3 டீஸ்பூன்
 உப்பு – தேவையான அளவு

தமிழ்நாட்டுக்குத் தனிச்சிறப்பு!

சேலம் தட்டு வடை செட்  வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

பாத்திரத்தில் கேரட் துருவலுடன் பீட்ரூட் துருவல், உப்பு, எலுமிச்சைச் சாறு சேர்த்துக் கலக்கவும். ஆறு தட்டைகளின் மீது காரச் சட்னி தடவி தட்டில் இடைவெளிவிட்டு வைக்கவும். அதன் மேலே கேரட் - பீட்ரூட் கலவையை வைக்கவும். பிறகு அதன் மீது வெங்காயம், கொத்தமல்லித்தழை, மாங்காய்த் துருவல், சாட் மசாலாத்தூள்  தூவவும். மீதமுள்ள ஆறு தட்டைகளின் மீது புதினா சட்னி தடவி, காய்கறி கலவையின் மீது வைத்துப் பரிமாறவும்.

தேனி இனிப்புப் போண்டா / ஸ்வீட் பன்

தேவையானவை

 மைதா மாவு - ஒரு கப்
 தயிர் - கால் கப்
 சர்க்கரை - அரை கப்
 ஏலக்காய்த்தூள் - கால் டீஸ்பூன்
 ஒன்றிரண்டாகப் பொடித்த சீரகம் - கால் டீஸ்பூன்
 சமையல் சோடா - ஒரு டீஸ்பூன்
 உப்பு - ஒரு சிட்டிகை
 எண்ணெய் - பொரிக்கத் தேவையான அளவு

தமிழ்நாட்டுக்குத் தனிச்சிறப்பு!

தேனி இனிப்புப் போண்டா / ஸ்வீட் பன் வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

மைதா மாவுடன் தயிர், சர்க்கரை, ஏலக்காய்த்தூள், சீரகம், சமையல் சோடா, உப்பு சேர்த்துக் கலந்து ஒரு மணி நேரம் ஊறவைக்கவும். (தேவைப்பட்டால் சிறிதளவு தண்ணீர் சேர்க்கலாம்). வாணலியில் எண்ணெயைக் காயவிட்டு, அடுப்பை மிதமான தீயில் வைத்து, மாவைப் போண்டாக்களாக உருட்டிப் போட்டுப் பொரித்தெடுக்கவும்.

மதுரை கிழங்கு பொட்டலம்

தேவையானவை

 உருளைக்கிழங்கு - கால் கிலோ
 பொடியாக நறுக்கிய சின்ன வெங்காயம் - அரை கப்
 பச்சை மிளகாய் - 2 (பொடியாக நறுக்கவும்)
 பூண்டு - 5 பல் (பொடியாக நறுக்கவும்)
 பொடியாக நறுக்கிய கொத்தமல்லித்தழை, கறிவேப்பிலை, புதினா  - சிறிதளவு
 மிளகாய்த்தூள் - ஒரு டீஸ்பூன்  
 கடலை மாவு - ஒரு டேபிள்ஸ்பூன்
 எண்ணெய், உப்பு – தேவையான அளவு

தாளிக்க:

 கடுகு, உளுத்தம்பருப்பு - தலா அரை டீஸ்பூன்
 சோம்பு - கால் டீஸ்பூன்

தமிழ்நாட்டுக்குத் தனிச்சிறப்பு!

மதுரை கிழங்கு பொட்டலம் வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

கடலை மாவுடன் சிறிதளவு தண்ணீர் சேர்த்துக் கரைக்கவும். உருளைக்கிழங்கை தோல் சீவி, சிறிதளவு உப்பு கலந்த நீரில் வேகவைத்து, மசிக்கவும். வாணலியில் எண்ணெயைக் காயவிட்டுத் தாளிக்கக் கொடுத்துள்ள பொருள்களைச் சேர்த்துத் தாளிக்கவும். அதனுடன் சின்ன வெங்காயம், கறிவேப்பிலை, பூண்டு, பச்சை மிளகாய், சேர்த்து வதக்கவும். பிறகு உப்பு, மிளகாய்த்தூள் சேர்த்து வதக்கி, கால் கப் தண்ணீர் சேர்த்துக் கொதிக்கவிடவும். அதனுடன் மசித்த உருளைக்கிழங்கைச் சேர்த்துக் கிளறவும். பிறகு கடலை மாவுக் கரைசல் சேர்த்துக் கொதிவிட்டு இறக்கவும். மேலே கொத்தமல்லித்தழை, புதினா சேர்த்து அலங்கரிக்கவும்.

இந்தக் கிழங்கு மசாலாவை மாலை வேளையில் சிற்றுண்டியாகச் சாப்பிடலாம் அல்லது சாதத்துடன் சேர்த்தும் சாப்பிடலாம்.

கோயம்புத்தூர் காளான் மசாலா

தேவையானவை

 காளான் - 250 கிராம் (கழுவி, சிறிய துண்டுகளாக்கவும்)
 மைதா மாவு - கால் கப்
 அரிசி மாவு - ஒரு டேபிள்ஸ்பூன்
 கார்ன்ஃப்ளார் (சோள மாவு) - 4 டேபிள்ஸ்பூன்
 வெங்காயம், தக்காளி - தலா 2 (பொடியாக நறுக்கவும்)
 இஞ்சி - பூண்டு விழுது - ஒரு டேபிள்ஸ்பூன்  
 தக்காளி கெட்சப் - ஒரு டீஸ்பூன்
 சில்லி சாஸ் - ஒரு டீஸ்பூன்
 மிளகாய்த்தூள் - 2 டீஸ்பூன்
 மல்லித்தூள் (தனியாத்தூள்) - அரை டீஸ்பூன்
 கொத்தமல்லித்தழை - சிறிதளவு
 எண்ணெய், உப்பு - தேவையான அளவு

தமிழ்நாட்டுக்குத் தனிச்சிறப்பு!

கோயம்புத்தூர் காளான் மசாலா வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

ஒரு டேபிள்ஸ்பூன் சோள மாவுடன் தண்ணீர் சேர்த்துக் கரைக்கவும். காளான் துண்டுகளுடன் ஒரு டீஸ்பூன் மிளகாய்த்தூள், உப்பு, மைதா மாவு, மீதமுள்ள கார்ன்ஃப்ளார், அரிசி மாவு சேர்த்துப் பிசிறவும். அதனுடன் சிறிது சிறிதாகத் தண்ணீர் சேர்த்துப் பிசிறவும். வாணலியில் எண்ணெயைக் காயவிட்டு, காளான் துண்டுகளைப் போட்டு மொறுமொறுப்பாக பொரித்தெடுக்கவும்.

மற்றொரு வாணலியில் சிறிதளவு எண்ணெய் விட்டுச் சூடாக்கி வெங்காயம், இஞ்சி - பூண்டு விழுது சேர்த்து வதக்கவும். அதனுடன் தக்காளி, தக்காளி கெட்சப், சில்லி சாஸ், மீதமுள்ள மிளகாய்த்தூள், மல்லித்தூள், உப்பு சேர்த்து வதக்கி 2 கப் தண்ணீர் ஊற்றி நன்கு கொதிக்கவிடவும். அதனுடன் சோள மாவு கரைசல், பொரித்த காளான் துண்டுகள், கொத்தமல்லித்தழை சேர்த்து, எல்லாமும் நன்றாகச் சேர்ந்துவரும் வரை கொதிக்கவிட்டுக் கிளறி இறக்கவும்.

மதுரை வெள்ளை அப்பம் - காரச் சட்னி

தேவையானவை

வெள்ளை அப்பம் செய்ய:
 புழுங்கல் அரிசி, பச்சரிசி - தலா ஒரு கப்
 உளுத்தம்பருப்பு - கால் கப்
 மிளகு, சீரகம் - தலா அரை டீஸ்பூன்
 பச்சை மிளகாய் - 2
 கறிவேப்பிலை - சிறிதளவு (பொடியாக நறுக்கவும்)
 எண்ணெய், உப்பு - தேவையான அளவு

காரச் சட்னி   செய்ய:

 பச்சை மிளகாய் - 20
 கடலைப்பருப்பு - ஒரு டீஸ்பூன்
 தேங்காய்த் துருவல் - ஒரு டீஸ்பூன்
 புளி - அரை டீஸ்பூன்
 எண்ணெய், உப்பு - தேவையான அளவு

தமிழ்நாட்டுக்குத் தனிச்சிறப்பு!

மதுரை வெள்ளை அப்பம் - காரச் சட்னி வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

அரிசி வகைகளுடன் பருப்பைச் சேர்த்து நன்கு கழுவி, 2 மணி நேரம் ஊறவைக்கவும். பிறகு நீரை வடித்துவிட்டு சீரகம், மிளகு, பச்சை மிளகாய், கறிவேப்பிலை, உப்பு சேர்த்து, தண்ணீர் தெளித்து நன்கு கெட்டியாக அரைத்தெடுக்கவும். பிறகு மாவை 6 மணி நேரம் புளிக்கவிடவும்.  வாணலியில் எண்ணெயைக் காயவைத்து, அடுப்பை மிதமான தீயில் வைத்து,  மாவைப் போண்டாக்களாகப் போட்டுப் பொன்னிறமாக வேகவிட்டு எடுக்கவும். 

மற்றொரு வாணலியில் சிறிதளவு எண்ணெய்விட்டு குறைந்தபட்சம் அரைமணி நேரம் ஊறவைத்த கடலைப்பருப்பைச் சேர்த்து சிவக்க வறுக்கவும். அதனுடன் பச்சை மிளகாய், தேங்காய்த் துருவல், புளி, உப்பு சேர்த்து வதக்கி இறக்கி ஆறவைக்கவும். ஆறியதும் மிக்ஸியில் கொரகொரப்பாக அரைத்தெடுத்தால், காரச் சட்னி தயார். இதைச் சூடான வெள்ளை அப்பத்துடன் பரிமாறவும்.

தவலை வடை

தேவையானவை

 கடலைப்பருப்பு, துவரம்பருப்பு - தலா அரை கப்
 பச்சரிசி, பாசிப்பருப்பு, உளுத்தம்பருப்பு - தலா கால் கப்
 ஜவ்வரிசி - 2 டேபிள்ஸ்பூன்
 பல்லு பல்லாக நறுக்கிய தேங்காய் - 2 டேபிள்ஸ்பூன்
 காய்ந்த மிளகாய் - 5
 தோல் சீவி, துருவிய இஞ்சி - ஒரு டேபிள்ஸ்பூன்
 பொடியாக நறுக்கிய பச்சை மிளகாய் - ஒரு டேபிள்ஸ்பூன்
 பொடியாக நறுக்கிய கறிவேப்பிலை, கொத்தமல்லித்தழை - சிறிதளவு
 பெருங்காயத்தூள் - ஒரு டீஸ்பூன்
 எண்ணெய், உப்பு -  தேவையான அளவு

தமிழ்நாட்டுக்குத் தனிச்சிறப்பு!

தவலை வடை வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

அரிசியுடன் பருப்பு வகைகளைச் சேர்த்துக் கழுவி ஒரு மணி நேரம் ஊறவைக்கவும். ஜவ்வரிசியைத் தனியாக ஊறவைக்கவும். பிறகு அரிசி, பருப்புடன் காய்ந்த மிளகாய், ஜவ்வரிசி சேர்த்து கொரகொரவென அரைத்தெடுக்கவும். அதனுடன் பெருங்காயத்தூள், தேங்காய், இஞ்சி, பச்சை மிளகாய், கறிவேப்பிலை, கொத்தமல்லித்தழை, உப்பு சேர்த்துக் கெட்டியாகப் பிசையவும்.  வாணலியில் எண்ணெயைக் காயவைத்து மாவைச் சிறிய உருண்டைகளாக்கி மெல்லிய வடைகளாகத் தட்டிப் போட்டு, அடுப்பை மிதமான தீயில் வைத்து, மொறுமொறுப்பாக பொரித்தெடுக்கவும்.

சேலம் நொறுக்கல்

தேவையானவை

 தட்டை - 6
 முறுக்கு - 4
 கேரட் துருவல், பீட்ரூட் துருவல் கலவை - அரை கப்
 வெங்காயம் - ஒன்று (பொடியாக நறுக்கவும்)
 தக்காளி - பாதியளவு (பொடியாக நறுக்கவும்)
 நறுக்கிய கொத்தமல்லித்தழை - சிறிதளவு
 எலுமிச்சைச் சாறு - அரை டீஸ்பூன்
 காரச் சட்னி, புதினா சட்னி - தலா 6 டீஸ்பூன்
 சாட் மசாலாத்தூள் - 3 டீஸ்பூன்
 உப்பு – தேவையான அளவு

தமிழ்நாட்டுக்குத் தனிச்சிறப்பு!

சேலம் நொறுக்கல் வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

பாத்திரத்தில் தட்டை, முறுக்குகளைக் கைகளால் நொறுக்கிப் போடவும். அதனுடன் கேரட் துருவல், பீட்ரூட் துருவல், உப்பு, எலுமிச்சைச் சாறு, காரச் சட்னி, புதினா சட்னி, வெங்காயம், தக்காளி, கொத்தமல்லித்தழை, சாட் மசாலாத்தூள் சேர்த்து நன்கு கலந்து பரிமாறவும்.

மதுரை - பருத்திப்பால்

தேவையானவை

 பருத்தி விதை - ஒரு கப்
 கருப்பட்டித்தூள் - அரை கப்
 தேங்காய் - ஒரு மூடி (துருவி, அரைத்து பாலெடுக்கவும்)
 பச்சரிசி மாவு - 2 ஸ்பூன்

பொடிக்க:

 தோல் சீவிய சுக்கு - ஓர் அங்குல துண்டு
 சித்தரத்தை - ஓர் அங்குல துண்டு
 மிளகு, திப்பிலி - தலா அரை டீஸ்பூன்
 ஏலக்காய் - 4
 பனங்கற்கண்டு - ஒரு டீஸ்பூன்

தமிழ்நாட்டுக்குத் தனிச்சிறப்பு!

செய்முறை:

பருத்தி விதையை முதல் நாள் இரவே தண்ணீரில் ஊறவைக்கவும். மறுநாள் காலையில் விதைகளை மிக்ஸியில் சேர்த்து சிறிதளவு தண்ணீர்விட்டு ஒரு சுற்று அரைக்கவும். பிறகு அதனுடன் ஒரு கப் தண்ணீர் ஊற்றி அரைத்தெடுத்து வடிகட்டவும். மீண்டும் சக்கையுடன் ஒரு கப் தண்ணீர்விட்டு அரைத்து பொடித்தெடுக்கவும். இதனை காற்றுப்புகாத டப்பாவில் சேகரிக்கவும்.

கருப்பட்டித் தூளுடன் ஒரு கப் தண்ணீர்விட்டு கொதிக்கவைத்து கரைத்து வடிகட்டவும்.

அரிசியைக் கழுவி, ஒரு மணி நேரம் ஊறவைத்து விழுதாக அரைத்தெடுக்கவும். அதனுடன் தண்ணீர் சேர்த்து நீர்க்க கரைக்கவும். அடிகனமான பாத்திரத்தில் பருத்திப் பாலை ஊற்றி பச்சை வாசனை போகும் வரை கிளறிக்கொண்டே காய்ச்சவும். அதனுடன் அரிசி மாவுக் கரைசல் சேர்த்துக் கிளறவும். பிறகு கருப்பட்டிக் கரைசல், பொடித்தவற்றைச் சேர்த்து மூன்று நிமிடங்கள் கிளறிக்கொண்டே நன்கு கொதிக்கவிடவும். இறுதியாக தேங்காய்ப்பால் சேர்த்து ஒரு கொதிவிட்டு இறக்கி சூடாகப் பரிமாறவும். விரும்பினால் முந்திரி, திராட்சை சேர்க்கலாம். 

குறிப்பு:

பருத்திப்பாலை ஊற்றி காய்ச்ச ஆரம்பித்ததில் இருந்து இறக்கும் வரை விடாமல் கிளறிக்கொண்டே இருக்க வேண்டும். இல்லை என்றால் அடிபிடித்துக்கொள்ளும்.  நீரிழிவு உள்ளவர்கள் கருப்பட்டி, பனங்கற்கண்டுக்கு பதிலாக உப்பு சேர்த்து பருகலாம்.

ஸ்பெஷல் வடை

தேவையானவை:

 உளுத்தம்பருப்பு - ஒரு கப்
 நீளவாக்கில் நறுக்கிய வெங்காயம் - அரை கப்
 பச்சை மிளகாய் - 2 (நீளவாக்கில் நறுக்கவும்)
 தோல் சீவிய இஞ்சி - சிறிய துண்டு (பொடியாக நறுக்கவும்)
 பெருங்காயத்தூள், சீரகம் - தலா அரை டீஸ்பூன்
 பொடியாக நறுக்கிய கறிவேப்பிலை - சிறிதளவு
 எண்ணெய், உப்பு - தேவையான அளவு

தமிழ்நாட்டுக்குத் தனிச்சிறப்பு!

ஸ்பெஷல் வடை வீடியோவை கீழே உள்ள QR code-ஐ உங்கள் மொபைலில் ஸ்கேன் செய்து காணலாம்.

தமிழ்நாட்டுக்குத் தனிச்சிறப்பு!

செய்முறை:

உளுத்தம்பருப்பை ஒரு மணி நேரம் ஊறவைத்து தண்ணீரை வடிக்கவும். பிறகு மிக்ஸியில் கொரகொரப்பாக தண்ணீர்விடாமல் அரைத்தெடுக்கவும். அதனுடன்  வெங்காயம், பச்சை மிளகாய், இஞ்சி, பெருங்காயத்தூள், சீரகம், கறிவேப்பிலை, உப்பு சேர்த்துக் கலக்கவும். வாணலியில் எண்ணெயைக் காயவைத்து, மாவைச் சிறிய உருண்டைகளாக்கி மெல்லிய வடைகளாகத் தட்டிப் போட்டு மொறுமொறுப்பாக பொரித்தெடுக்கவும்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு