Published:Updated:

வீணாகும் உணவு... இந்தியாவுக்கு முதலிடம்!

வீணாகும் உணவு... இந்தியாவுக்கு முதலிடம்!
பிரீமியம் ஸ்டோரி
News
வீணாகும் உணவு... இந்தியாவுக்கு முதலிடம்!

#WorldFoodDayநாட்டுநடப்பு

உணவு, உடை, உறைவிடம் மூன்றும் மனிதனின் அத்தியாவசியத் தேவைகள். இதில் முதன்மையானது உணவு. மனிதனுக்கு மட்டுமல்ல, உயிரினங்கள் அனைத்துக்கும் உணவே பிரதானத் தேவை. இந்தியாவில் தினமும் 30 கோடிக்கும் அதிகமான மக்கள் இரவு உணவு இல்லாமல் தூங்குகிறார்கள். 18 கோடிக்கும் அதிகமானோர் காலை அல்லது மதிய உணவின்றி வாழ்கிறார்கள் என்று ஆய்வுகள் கூறுகின்றன. உணவை வீணடிப்பதைத் தடுக்கவும், பிறருக்கு உதவி செய்யவும் விழிப்பு உணர்வு ஏற்படுத்தவும்  உலக உணவு தினம் (World Food Day) கொண்டுவரப்பட்டது.

உலகம் முழுவதும் ஒவ்வொரு வருடமும் அக்டோபர் மாதம் 16-ம் தேதி உலக உணவு தினம்  கடைப்பிடிக்கப்படுகிறது. 1945-ம் ஆண்டு ஐ.நா சபையால், கனடாவில் உள்ள கியூபெக் நகரில், உலக உணவு மற்றும் வேளாண் அமைப்பு (FAO) நிறுவப்பட்டது. அதன்பின், 1979-ம் ஆண்டு ஐக்கிய நாடுகள் சபையின் உணவு மற்றும் வேளாண் அமைப்பின் மூலம் உலக உணவு தினம் அறிவிக்கப்பட்டது. தற்போது ஒவ்வொரு வருடமும் 150-க்கும் மேற்பட்ட நாடுகளில் இந்தத் தினம் கடைப்பிடிக்கப்பட்டு வருகிறது.

வீணாகும் உணவு... இந்தியாவுக்கு முதலிடம்!

‘‘உலகிலேயே அதிகமாக இந்தியாவில், 38% பேர் ஊட்டச்சத்து குறைபாட்டால் பாதிக்கப்பட்டுள்ளனர். இதில் கிராமப்பகுதியினர் 41 சதவிகிதமும், நகர்ப்பகுதியினர் 31 சதவிகிதமும் அடங்கும். இந்தியாவில் ஊட்டச்சத்துக் குறைபாடு ஏற்பட்டுள்ள குழந்தைகளில் 72 சதவிகிதம் பேர் ரத்தசோகையால் பாதிக்கப்பட்டுள்ளனர். தமிழ்நாட்டில் 27 சதவிகிதம் பேர் ஊட்டச்சத்துக் குறைபாட்டுடன் காணப்படுகின்றனர்.

உலகின் உணவு உற்பத்தியில் சுமார் மூன்றில் ஒரு பங்கு உணவு, அதாவது 1.3 பில்லியன் டன் உணவு வீணாக்கப்படுகிறது. குறிப்பாக உணவை வீணடிப்பதில், இந்தியர்கள் முதலிடத்தில் இருக்கின்றனர்’’ என உலக உணவு மற்றும் வேளாண் அமைப்பின் அறிக்கையில் சுட்டிக் காட்டப்பட்டுள்ளது. பெரும்பான்மையாக வீணடிக்கப்படும் உணவுப்பொருள்களில் பழங்களும் காய்கறிகளும் அடங்குகின்றன. இந்தியாவில் கோயில் விழாக்கள், அரசியல் கட்சி நிகழ்ச்சிகள், திருமணங்கள் எனப் பல்வேறு நிகழ்வுகளில் பரிமாறப்படும் உணவுகளில், பாதிக்கு மேல் குப்பைக்குத்தான் போகின்றன என்கிறது ஆய்வுகள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

- பெ.மதலை ஆரோன்