Published:Updated:

2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!

பிரியாணி, இட்லி
பிரீமியம் ஸ்டோரி
பிரியாணி, இட்லி

- மோ.அரவிந்தராஜ்

2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!

- மோ.அரவிந்தராஜ்

Published:Updated:
பிரியாணி, இட்லி
பிரீமியம் ஸ்டோரி
பிரியாணி, இட்லி
இஎம்ஐ கட்டி, இன்கம்டாக்ஸ் கட்டி, சீட்டுப் பணம் கட்டி, வட்டிக்காசு கட்டினு வாழ்க்கையில நமக்குத்தான் எத்தன கமிட்மென்ட்கள். ஆனா, உலகம் நமக்கான எளிய பக்கங்களையும்தான் திறந்தே வெச்சிருக்கு. அதை நாம கண்டடைஞ்சு படிக்கிறதுதான் இங்க நமக்கான டாஸ்க். உதாரணமா, உங்ககிட்ட 100 ரூபா இருக்கா... அட போதுமே... பிரேக்ஃபாஸ்ட், லன்ச், டின்னர், டெஸர்ட்னு புதுச்சேரியில ஒரு நாள் முழுக்க ருசியா, வெரைட்டியா சாப்பிட! நம்ப முடியலையா? வாங்க போகலாம்!
2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!
2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!

தாத்தா கடை இட்லி, பூரி!

புதுச்சேரி ராஜா தியேட்டர் சிக்னல்கிட்ட கிராண்ட் பேக்கரிக்கு எதிர்ல உள்ள தெருவுல இருக்கு, தாத்தா கடை. அங்க போய் ‘தாத்தா கடை’னு கேட்டாலே சந்தோஷமா வழிகாட்டுவாங்க. கடை ஓனர், 70 வயசாகும் வேல் தாத்தா. இங்க நாலு இட்லி சட்னி, சாம்பாரோட 10 ரூபாய், 3 பூரி கிழங்கோட விலை 10 ரூபாய்னு சொன்னா நீங்க நம்பித்தான் ஆகணும்.

15 வருஷத்துக்கு முன்னால இங்க தன் மனைவியோடு சேர்ந்து இந்தக் கடையை ஆரம்பிச்சாரு வேல் தாத்தா. மூணு வருஷங்களுக்கு முன்னாடி மனைவி இறந்து போய்விட, இப்போ தாத்தாதான் இங்க ஆல் இன் ஆல். காலையில 7 - 11 மணி வரைக்கும்தான் கடை இருக்கும். தினமும் சுமார் 50, 60 பேர் சாப்பிட வர்றாங்க. இங்க பலரும் விரும்பிச் சாப்பிடுற அயிட்டம்... இட்லி - போட்டி (குடல் கிரேவி). போட்டிக்கு தனி விலை 30 ரூபாய்.

2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!

50 ரூபாய்க்கு சிக்கன் பிரியாணி!

புதுச்சேரி போத்தீஸுக்கு முன்புறம் போற ரோட்டுல நேரா போனா, வலப்பக்கம் இருக்கு பாஸ்கரன் பிரியாணி கடை. இங்க கிடைக்கிற 50 ரூபாய் சிக்கன் பிரியாணி ரொம்ப பிரபலம். பிரியாணியோட சிக்கன் 65யும் சேர்த்துத் தர்றாங்க. ப்ளைன் பிரியாணியும் இங்க 20 ரூபாய், 30 ரூபாய்ல கிடைக்குது. எட்டு வருஷங்களாக இருக்குற இந்தக் கடை, புதுச்சேரியில பலருக்கும் ஃபேவரைட்.

2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!

அஞ்சு ரூபாய் பரோட்டா!

கோட்டை குப்பம் மணிக்கூண்டு பக்கத்துல இருக்கு, சலாவாத் பரோட்டா கடை. கடையோட பெயரை சொல்றதைவிட, கோட்டை குப்பம் பரோட்டா கடைனு சொன்னாதான் எல்லாருக்கும் தெரியும். 50 வருஷமா, நாலு தலைமுறையா இங்க பரோட்டா போடுறாங்களாம். ஒரு பரோட்டா அஞ்சு ரூபாய்.

2K kids: 100 ரூபாய்க்குள்ள காலை, மதியம், இரவு உணவு மற்றும் குல்ஃபி!

குளுகுளு கூழ்!

சாப்பாடு மட்டும் போதுமா... குல்ஃபி யும் சாப்பிடுவோம் வாங்க. நேரு வீதி காய்கறி மார்க்கெட்டுக்குப் பக்கத்துல இருக்கு, லல்லு குல்ஃபி கடை. கடைக்கு வயசு 40. புதுச்சேரியில ரொம்ப பிரபலமான இந்தக் கடையில ஃபிரஷ் குல்ஃபி, ரசமலாய், ரோஸ்மில்க், அனார்கலி, லஸ்ஸி, பாதாம் மில்க்னு எல்லாமே கிடைக்கும். ஒண்ணு 25 ரூபாய். குலாம் ஜாமூன், ரசகுலா, சம் சம்... ஒண்ணு 15 ரூபாய்.

இப்போ இந்தக் கடைகள்ல ஒரு நாள்ல நாம என்னவெல்லாம் சாப்பிட்டோம்னு பார்க்கலாம். காலையில 10 ரூபாய்க்கு பூரி, கிழங்கு, மதியம் 50 ரூபாய்க்கு ஒரு சிக்கன் பிரியாணி வித் சிக்கன் 65, நைட்டு 15 ரூபாய்க்கு மூணு பரோட்டா, நைட்டு ஜில்லுனு ஒரு குல்ஃபி 25 ரூபாய்... ஆக மொத்தம் 100 ரூபாய்!

நைஸ் யூ நோ!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism