Published:Updated:

எதிர்ப்பு சக்தியைக் கூட்டலாம்... கொரோனாவை விரட்டலாம்...

மருந்து உணவுகள்
பிரீமியம் ஸ்டோரி
மருந்து உணவுகள்

30 வகை மருந்து உணவுகள்!

எதிர்ப்பு சக்தியைக் கூட்டலாம்... கொரோனாவை விரட்டலாம்...

30 வகை மருந்து உணவுகள்!

Published:Updated:
மருந்து உணவுகள்
பிரீமியம் ஸ்டோரி
மருந்து உணவுகள்

மு.முத்து

எதிர்ப்பு சக்தியைக் கூட்டலாம்...  கொரோனாவை விரட்டலாம்...

நாட்டுப் பொன்னாங்கண்ணிக்கீரைக் கூட்டு

தேவை: நாட்டுப் பொன்னாங்கண்ணிக்கீரை - ஒரு கட்டு, சின்ன வெங்காயம் - 15, பச்சை மிளகாய் - 5, சீரகம் - கால் டீஸ்பூன், பாசிப்பருப்பு - 150 கிராம், நெய் - ஒரு டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பாசிப்பருப்பை நன்றாக வேகவைத்துக்கொள்ளவும். கீரையைச் சுத்தம் செய்து கழுவி வைத்துக்கொள்ளவும். சின்ன வெங்காயத்தைப் பொடியாக நறுக்கிக்கொள்ளவும். பச்சை மிளகாயை இரண்டாக நறுக்கிக்கொள்ளவும். வேகவைத்த பருப்பில் கீரை, வெங்காயம், பச்சை மிளகாய் மூன்றையும் சேர்த்து வேகவிடவும். முக்கால் பதம் வெந்ததும் சீரகத்தைச் சேர்க்கவும். நன்றாக வெந்தவுடன் ஒரு டீஸ்பூன் நெய், தேவையான அளவு உப்பு சேர்த்து இறக்கவும்.

சிறப்பு: இது உடல் சூட்டை தணிப்பதுடன் உடலின் நோய் எதிர்ப்பு சக்தியை அதிகரிக்கும்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

வேப்பம்பூ ரசம்

தேவை: வேப்பம்பூ - ஒரு கையளவு, சீரகம் - ஒரு டீஸ்பூன், மிளகு - ஒரு டீஸ்பூன், பூண்டு - 5 பற்கள், சின்ன வெங்காயம் - 3, தக்காளி - ஒன்று, காய்ந்த மிளகாய் - 3, கறிவேப்பிலை - சிறிதளவு, புளி - எலுமிச்சை அளவு, மஞ்சள்தூள் - அரை டீஸ்பூன், உப்பு - தேவையான அளவு. தாளிப்பதற்கு: எண்ணெய் - 2 டீஸ்பூன், கடுகு - அரை டீஸ்பூன், உளுந்து - அரை டீஸ்பூன், பெருங்காயம் - கால் டீஸ்பூன்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: மிளகு மற்றும் சீரகத்தை இடித்துக்கொள்ளவும். வெங்காயம், தக்காளியைப் பொடியாக நறுக்கிக்கொள்ளவும். வாணலியில் எண்ணெய்விட்டு காய்ந்ததும் கடுகு, உளுந்து, பெருங்காயம் தாளித்து காய்ந்த மிளகாய், வேப்பம்பூ, கறிவேப்பிலையைச் சேர்த்து வதக்கவும். பிறகு இடித்துவைத்த மிளகு - சீரகத்தைச் சேர்க்கவும். இத்துடன் நசுக்கிய பூண்டு, நறுக்கிய தக்காளி, வெங்காயம் சேர்த்து வதக்கவும். நன்றாக வதங்கியதும் நான்கு டம்ளர் தண்ணீரில் புளியைக் கரைத்து, அரை டீஸ்பூன் மஞ்சள்தூள் சேர்த்துக் கலக்கிமூடவும். பொங்கி வரும்போது கொதிக்க விடாமல், அரை டம்ளர் தண்ணீர், தேவையான அளவு உப்பு சேர்த்து இறக்கவும்.

சிறப்பு: இது குடலை சுத்தம் செய்யும். நோய்த் தொற்று வராமல் தடுக்கும்.

பிரண்டைத் துவையல்

தேவை: தோல் சீவி நறுக்கிய பிஞ்சு பிரண்டை - ஒரு கப், காய்ந்த மிளகாய் - 10, பூண்டு - 10 பற்கள், புளி - ஒரு நெல்லிக்காய் அளவு, கறிவேப்பிலை - சிறிதளவு, நல்லெண்ணெய் - 2 டேபிள்ஸ்பூன், கடுகு - ஒரு டீஸ்பூன், உளுந்து - 2 டீஸ்பூன், பெருங்காயம் - அரை டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பிரண்டையை நான்கைந்து முறை கழுவி எடுத்துக்கொள்ளவும். வாணலியில் எண்ணெய்விட்டு காய்ந்ததும் கடுகு, உளுந்து, பெருங்காயம் தாளித்து அதில் கறிவேப்பிலை, காய்ந்த மிளகாய், பூண்டு, உப்பு, புளி, பிரண்டை ஆகியவற்றைச் சேர்த்து மிதமான தீயில் நன்றாக வதக்கவும். அதை ஆறவைத்து அரைக்கவும். பின்னர் வாணலியில் எண்ணெய்விட்டு காய்ந்ததும் அரைத்த கலவையை இதில் நன்றாக வதக்கி இறக்கவும்.

சிறப்பு: இது எலும்பு மற்றும் நரம்புகளை வலுவாக்கி உடலின் பலத்தை அதிகரித்து நோய் தொற்றைத் தடுக்கும்.

கோவைக்கீரைப் பொரியல்

தேவை: கோவைக்கீரை - ஒரு கப், சின்ன வெங்காயம் - 10, காய்ந்த மிளகாய் - 3, எண்ணெய் - ஒரு டேபிள்ஸ்பூன், கடுகு - அரை டீஸ்பூன், உளுந்து - அரை டீஸ்பூன், சீரகம் - கால் டீஸ்பூன், தேங்காய்த்துருவல் - 2 டேபிள்ஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: வாணலியில் எண்ணெய்விட்டு காய்ந்ததும் கடுகு, உளுந்து, சீரகம் தாளித்து அதில் நறுக்கிய சின்ன வெங்காயம், காய்ந்த மிளகாயை வதக்கவும். அதனுடன் நறுக்கிய கீரையைச் சேர்த்து வதக்கி, அடுப்பை சிம்மில் வைத்து வேகவிடவும். கீரை வெந்ததும் உப்பு, தேங்காய்த்துருவல் சேர்த்து இறக்கவும்.

சிறப்பு: கொரோனாவைத் தடுப்பதற்கு, கீரை உணவுகள் மிகவும் நல்லது. அவை நோய் எதிர்ப்பு சக்தியை அதிகரித்து தொற்றைத் தடுக்கும்.

மணத்தக்காளிக்கீரை சூப்

தேவை: மணத்தக்காளிக்கீரை - ஒரு கப், பெரிய வெங்காயம் - ஒன்று, தக்காளி - 2, பச்சை மிளகாய் - 4, எண்ணெய் - 2 டீஸ்பூன், சோம்பு - சிறிதளவு, பிரிஞ்சி இலை - சிறிதளவு, பட்டை - சிறிய துண்டு, பாசிப்பருப்பு - 25 கிராம், சீரகத்தூள் - அரை டீஸ்பூன், சோம்புத்தூள் - அரை டீஸ்பூன், மஞ்சள்தூள் - அரை டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பாசிப்பருப்பை வேகவைத்து கொள்ளவும். வாணலியில் எண்ணெய்விட்டு காய்ந்ததும் பட்டை, பிரிஞ்சி இலை, சோம்பு தாளித்து, நறுக்கிய வெங்காயம், தக்காளி, பச்சை மிளகாய், மணத்தக்காளிக்கீரை ஆகியவற்றை வதக்கவும். அத்துடன் பருப்பைச் சேர்த்து தேவைக்கேற்ப தண்ணீர்விட்டு சீரகத்தூள், சோம்புத்தூள், மஞ்சள்தூள், உப்பு சேர்த்து வேகவிடவும். கீரை வெந்ததும் இறக்கவும்.

சிறப்பு: நோய் எதிர்ப்பு சக்தியை வளர்ப்பதற்குக் கீரை உணவுகள் அதிகம் உட்கொள்வது நல்லது. அதிலும் மணத்தக்காளிக்கீரை மிகவும் உகந்தது.

முசுமுசுக்கைக்கீரைத் துவையல்

தேவை: முசுமுசுக்கைக்கீரை - ஒரு கப், காய்ந்த மிளகாய் - 6, பூண்டு - 4 பற்கள், புளி - பாதி நெல்லிக்காய் அளவு, தேங்காய்த்துருவல் - ஒரு டேபிள்ஸ்பூன், எண்ணெய் - ஒரு டேபிள்ஸ்பூன், கடுகு - அரை டீஸ்பூன், உளுந்து - அரை டீஸ்பூன், பெருங்காயம் - சிறிதளவு, கறிவேப்பிலை - சிறிதளவு, உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: வாணலியில் எண்ணெய்விட்டு காய்ந்ததும் கடுகு, உளுந்து, பெருங்காயம் தாளித்து அதில் முசுமுசுக்கைக்கீரை, காய்ந்த மிளகாய், கறிவேப்பிலை, பூண்டு, உப்பு, புளி ஆகியவற்றை வதக்கவும். நன்றாக வதங்கியதும் தேங்காய்த்துருவல் சேர்த்து வதக்கி இறக்கி அரைக்கவும்.

சிறப்பு: முசுமுசுக்கைக்கீரை ரத்தக்கொதிப்பைக் குறைக்கும். ஆரோக்கியத்தை மேம்படுத்தும்.

ஆவாரம்பூ துவையல்

தேவை: ஆவாரம்பூவிலுள்ள மஞ்சள் இதழ்கள் மட்டும் - ஒரு கப், காய்ந்த மிளகாய் - 10, பூண்டு - 5 பற்கள், புளி - பாதி நெல்லிக்காய் அளவு, கறிவேப்பிலை - சிறிதளவு, நல்லெண்ணெய் - 2 டேபிள்ஸ்பூன், கடுகு - ஒரு டீஸ்பூன், உளுந்து - 2 டீஸ்பூன், பெருங்காயம் - அரை டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: வாணலியில் எண்ணெய்விட்டு காய்ந்ததும் கடுகு, உளுந்து, பெருங்காயம் தாளித்து இதில் கறிவேப்பிலை, காய்ந்த மிளகாய், பூண்டு, உப்பு, புளி, ஆவாரம்பூ ஆகியவற்றைச் சேர்த்து மிதமான தீயில் நன்றாக வதக்கவும். பின்பு ஆறவைத்து அரைக்கவும்.

சிறப்பு: இது ரத்தத்தைச் சுத்தப்படுத்தி, தேவையற்ற கழிவுகளை வியர்வை மூலம் நீக்கி ஆரோக்கியத்தைக் காக்கும்.

முடக்கத்தான்கீரை தோசை

தேவை: முடக்கத்தான்கீரை - ஒரு கைப்பிடி, புழுங்கல் அரிசி - 200 கிராம், சின்ன வெங்காயம் - 5, மிளகு - கால் டீஸ்பூன், சீரகம் - கால் டீஸ்பூன், நல்லெண்ணெய், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: புழுங்கல் அரிசியை மூன்று மணி நேரம் ஊறவைக்கவும். ஊறிய அரிசியுடன் முடக்கத்தான்கீரை, சீரகம், மிளகு, உப்பு சேர்த்து தோசை மாவுப் பதத்துக்கு அரைத்துக்கொள்ளவும். அதில் நறுக்கிய சின்ன வெங்காயம் சேர்த்து தோசைக்கல்லில் ஊற்றி, நல்லெண்ணெய் சேர்த்து வேகவைத்து எடுக்கவும்.

சிறப்பு: புற்றுநோய் செல் வளர்ச்சியைத் தடுத்து, புதிய செல்களின் உற்பத்தியை அதிகரிக்கும்.

மஞ்சள் பால்

தேவை: பால் - ஒரு டம்ளர், மஞ்சள்தூள் - கால் டீஸ்பூன், மிளகுத்தூள் - கால் டீஸ்பூன், சர்க்கரை - ஒரு டீஸ்பூன்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பாலைச் சூடாக்கி மஞ்சள்தூள், மிளகுத்தூள், சர்க்கரை ஆகியவற்றைச் சேர்த்துப் பருகவும்.

சிறப்பு: இதை ‘தங்கப்பால்’ எனவும் கூறுவர். தொண்டையிலுள்ள கிருமிகளை அழிக்கும்.

பானகம்

தேவை: அச்சு வெல்லம் - பாதி வெல்லம், எலுமிச்சைப் பழம் - பாதி அளவு, ஏலக்காய் - ஒன்று, சுக்கு - சிறிதளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: ஒரு டம்ளர் தண்ணீரில் எலுமிச்சைப்பழச்சாறு, வெல்லம், பொடியாக்கிய ஏலக்காய் மற்றும் சுக்கு சேர்த்து நன்றாகக் கலக்கி பருகவும்.

சிறப்பு: எலுமிச்சைச்சாறு கொரோனா தடுப்பில் முன்னிலை வகிக்கிறது. மருத்துவர்கள் தினமும் எலுமிச்சைச்சாறு அருந்தும்படி கூறுகிறார்கள்.

பிரண்டைக் குழம்பு

தேவை: தோல் நீக்கி நறுக்கிய பிஞ்சு பிரண்டை - ஒரு கப், சின்ன வெங்காயம் - 10, பூண்டு - 10 பற்கள், தக்காளி - 2, பச்சை மிளகாய் - 3, கறிவேப்பிலை - சிறிதளவு, நல்லெண்ணெய் - 2 டேபிள்ஸ்பூன், வெந்தயம் - கால் டீஸ்பூன், சோம்பு - கால் டீஸ்பூன், புளி - எலுமிச்சை அளவு, மிளகாய்த்தூள் - 2 டேபிள்ஸ்பூன், மல்லித்தூள் (தனியாதூள்) - ஒரு டேபிள்ஸ்பூன், சோம்புத்தூள் - அரை டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: வாணலியில் எண்ணெய்விட்டு காய்ந்ததும் வெந்தயம், சோம்பு தாளித்து நறுக்கிய வெங்காயம், தக்காளி, பச்சை மிளகாய், கறிவேப்பிலை, பூண்டு, பிரண்டை ஆகியவற்றை சிறிது உப்பு சேர்த்து நன்றாக வதக்கவும். அதில் மிளகாய்த்தூள், மல்லித்தூள், சோம்புத்தூள், தேவையான அளவு உப்பு சேர்த்து, தண்ணீரில் புளியைக்கரைத்து ஊற்றி கொதிக்கவிடவும். குழம்பு பதத்தில் எண்ணெய் மிதந்துவந்ததும் இறக்கவும்.

சிறப்பு: உடலின் உறுதியையும் பலத்தையும் கூட்டும்.

முள்முருங்கை தோசை

தேவை: இலையின் நடுநரம்பு நீக்கிய முள்முருங்கைக்கீரை - ஒரு கைப்பிடி, புழுங்கல் அரிசி - 200 கிராம், சின்ன வெங்காயம் - 5, மிளகு - கால் டீஸ்பூன், சோம்பு - கால் டீஸ்பூன், உப்பு, நல்லெண்ணெய் - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: புழுங்கல் அரிசியை மூன்று மணி நேரம் ஊறவைக்கவும். ஊறியதும் அரிசியுடன், முள்முருங்கைக்கீரை, சோம்பு, மிளகு, உப்பு சேர்த்து தோசை மாவுப் பதத்துக்கு அரைத்துக்கொள்ளவும். அதில் நறுக்கிய சின்ன வெங்காயம் சேர்த்து தோசைக்கல்லில் ஊற்றி நல்லெண்ணெய்விட்டு வேகவைத்து எடுக்கவும்.

சிறப்பு: இது சளித் தொல்லைக்கு நல்மருந்து. கமறலைத் தடுக்கும்.

முருங்கைக்கீரை சூப்

தேவை: முருங்கைக்கீரை - ஒரு கப், பெரிய வெங்காயம் - ஒன்று, தக்காளி - 2, பச்சை மிளகாய் - 4, எண்ணெய் - 2 டீஸ்பூன், சோம்பு - சிறிதளவு, பிரிஞ்சி இலை - சிறிதளவு, பட்டை - சிறிய துண்டு, பாசிப்பருப்பு - 25 கிராம், சீரகத்தூள் - அரை டீஸ்பூன், சோம்புத்தூள் - அரை டீஸ்பூன், மஞ்சள்தூள் - அரை டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பாசிப்பருப்பை வேகவைத்துக் கொள்ளவும். வாணலியில் எண்ணெய்விட்டு பட்டை, பிரிஞ்சி இலை, சோம்பு தாளித்து நறுக்கிய வெங்காயம், தக்காளி, பச்சை மிளகாய், முருங்கைக்கீரை ஆகியவற்றை வதக்கவும். இத்துடன் பருப்பைச் சேர்த்து தேவைக்கேற்ப தண்ணீர்விட்டு சீரகத்தூள், சோம்புத்தூள், மஞ்சள்தூள், உப்பு சேர்த்து வேகவிடவும். கீரை வெந்ததும் இறக்கவும்.

சிறப்பு: இரும்புச்சத்து மிகுந்தது. உடலின் நோய் எதிர்ப்பு சக்தியை அதிகரிக்கும்.

இஞ்சி டீ

தேவை: இஞ்சி - ஒரு சிறிய துண்டு, நாட்டுச்சர்க்கரை- 2 டீஸ்பூன்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பாத்திரத்தில் ஒரு டம்ளர் தண்ணீர் ஊற்றி அடுப்பில்வைத்து காய்ந்ததும் இஞ்சியை இடித்து அதனுடன் நாட்டுச்சர்க்கரையையும் சேர்த்து கொதிக்கவைத்து இறக்கவும். டீத்தூள் சேர்த்து தேநீராகவும் பருகலாம்.

சிறப்பு: இஞ்சி உடலின் ரத்த ஓட்டத்தைச் சீராக்கும். சளியை முறிக்கும். இந்த லாக்டௌனில் பலருக்கும் உள்ள பசியின்மை கோளாறு நீங்கும்.

சுக்கு காபி

தேவை: மல்லி (தனியா) - ஒரு டீஸ்பூன், மிளகு - 2, ஏலக்காய் - ஒன்று, சுக்கு - ஒரு சிறிய துண்டு, நாட்டுச்சர்க்கரை அல்லது பனைவெல்லம் - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: மல்லியை (தனியா) லேசாக வறுத்துக்கொள்ளவும். அதனுடன் சுக்கு, ஏலம், மிளகு ஆகியவற்றைச் சேர்த்துக் கொரகொரப்பாக அரைத்துக்கொள்ளவும். அடுப்பில் சிறிய பாத்திரமொன்றில் ஒன்றை டம்ளர் தண்ணீர்விட்டு சூடாக்கவும். சூடானதும் அரைத்த பொடியில் ஒரு டீஸ்பூன் சேர்த்துக் கொதிக்கவைத்து, வடிகட்டிப் பருகவும்.

சிறப்பு: சுக்கு காபி பருகினால், சுவாச உறுப்புகள் சுத்திகரிக்கப்பட்டு கடுஞ்சளியும் குணமடையும்.

மிளகு ரசம்

தேவை: சீரகம் - ஒரு டீஸ்பூன், மிளகு - ஒரு டீஸ்பூன், காய்ந்த மிளகாய் - 2, பூண்டு - 10 பற்கள், சின்ன வெங்காயம் - 3, தக்காளி - 2, எண்ணெய் - ஒரு டேபிள்ஸ்பூன், கடுகு - அரை டீஸ்பூன், உளுந்து - அரை டீஸ்பூன், சோம்பு - கால் டீஸ்பூன், பெருங்காயம் - சிறிதளவு, மஞ்சள்தூள் - அரை டீஸ்பூன், புளி - எலுமிச்சை அளவு, கறிவேப்பிலை, மல்லித்தழை - சிறிதளவு, உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: மிளகு, சீரகம், காய்ந்த மிளகாய் மூன்றையும் மிக்ஸியில் கொர கொரப்பாக அரைத்துக்கொள்ளவும். சின்ன வெங்காயம், தக்காளியைப் பொடியாக நறுக்கிக்கொள்ளவும். பூண்டுப் பற்களை நசுக்கிவைக்கவும். வாணலியில் எண்ணெய்விட்டு காய்ந்ததும் கடுகு, உளுந்து, சோம்பு, பெருங்காயம் தாளித்து நறுக்கிய வெங்காயம், தக்காளியைச் சேர்த்து வதக்கி, அதில் அரைத்த கலவை, மஞ்சள்தூள் மற்றும் இடித்துவைத்த பூண்டு சேர்த்துக் கிளறவும். நன்கு வதங்கியதும் புளியை நான்கு டம்ளர் தண்ணீரில் கரைத்து ஊற்றி மூடிவைக்கவும். கொதிக்கவிடாமல் ரசம் பொங்கிவரும்போது, அரை டம்ளர் தண்ணீர் ஊற்றி, உப்பு சேர்த்து இறக்கவும்.

சிறப்பு: மிளகு ரசம் சளி, இருமல், காய்ச்சலுக்குக் காரணமான தொற்றுகளை நீக்க உதவும்.

கொள்ளு ரசம்

தேவை: கொள்ளு - ஒரு கப், சீரகம் - ஒரு டீஸ்பூன், மிளகு - ஒரு டீஸ்பூன், காய்ந்த மிளகாய் - 2, பூண்டு - 10 பற்கள், சின்ன வெங்காயம் - 3, தக்காளி - 2, எண்ணெய் - ஒரு டேபிள்ஸ்பூன், கடுகு - கால் டீஸ்பூன், உளுந்து - அரை டீஸ்பூன், சோம்பு - கால் டீஸ்பூன், பெருங்காயம் - சிறிதளவு, மஞ்சள்தூள் - அரை டீஸ்பூன், புளி - எலுமிச்சை அளவு, கறிவேப்பிலை, மல்லித்தழை - சிறிதளவு, உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: கொள்ளினை வேகவைத்து அந்தத் தண்ணீரை வடித்து வைத்துக் கொள்ளவும். மிளகு, சீரகம், காய்ந்த மிளகாயை மிக்ஸியில் கொரகொரப்பாக அரைத்துக்கொள்ளவும். சின்ன வெங்காயம், தக்காளியைப் பொடியாக நறுக்கிக்கொள்ளவும். பூண்டுப் பற்களை லேசாக இடித்துக்கொள்ளவும். வாணலியில் எண்ணெய்விட்டு காய்ந்ததும் கடுகு, உளுந்து, சோம்பு, பெருங்காயம் தாளித்து நறுக்கிய வெங்காயம், தக்காளியை வதக்கி அதில் அரைத்த கலவை, மஞ்சள்தூள் மற்றும் இடித்த பூண்டு சேர்த்துக் கிளறவும். நன்கு வதங்கியதும், புளியை கொள்ளு வேகவைத்த தண்ணீரில் கரைத்து அதில் ஊற்றி மூடி வைக்கவும். கொதிக்க விடாமல் ரசம் பொங்கி வரும்போது, உப்பு சேர்த்து இறக்கவும்.

சிறப்பு: கொள்ளு ரசம் ஜலதோஷத்தைக் குணமாக்கும். உடல் உறுப்புகளை பலப்படுத்தும்.

இஞ்சி ரசம்

தேவை: சீரகம் - ஒரு டீஸ்பூன், மிளகு - ஒரு டீஸ்பூன், காய்ந்த மிளகாய் - 2, இஞ்சி - சிறிதாக நறுக்கிய 10 துண்டுகள், சின்ன வெங்காயம் - 3, தக்காளி - 4, எண்ணெய் - ஒரு டேபிள்ஸ்பூன், கடுகு - அரை டீஸ்பூன், உளுந்து - அரை டீஸ்பூன், சோம்பு - கால் டீஸ்பூன், பெருங்காயம் - சிறிதளவு, மஞ்சள்தூள் - அரை டீஸ்பூன், கறிவேப்பிலை, மல்லித்தழை - சிறிதளவு, உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: மிளகு, சீரகத்தை மிக்ஸியில் கொரகொரப்பாக அரைத்துக்கொள்ளவும். சின்ன வெங்காயத்தைப் பொடியாக நறுக்கிக்கொள்ளவும். தக்காளியைக் கரைத்துக்கொள்ளவும். இஞ்சியை இடித்துக்கொள்ளவும். வாணலியில் எண்ணெய்விட்டு காய்ந்ததும் கடுகு, உளுந்து, சோம்பு, காய்ந்த மிளகாய், பெருங்காயம் தாளித்து கறிவேப்பிலை, மல்லித்தழை, வெங்காயத்தை வதக்கி, இதில் அரைத்த கலவை, மஞ்சள்தூள் மற்றும் இடித்த இஞ்சியைச் சேர்த்துக் கிளறவும். நன்கு வதங்கியதும் கரைத்த தக்காளியை ஊற்றி மூடிவைக்கவும். கொதித்தவுடன் உப்பு சேர்த்து இறக்கவும்.

சிறப்பு: இதைப் பருகினால் நெஞ்சுப் பகுதியில் தேங்கியுள்ள சளி முறிந்து, விரைவில் நிவாரணம் கிடைக்கும். உடலில் ரத்த ஓட்டம் சீராக இருக்கும். பசி உணர்வு அதிகரிக்கும்.

தூதுவளை ரசம்

தேவை: தூதுவளை - ஒரு கைப்பிடி, சீரகம் - ஒரு டீஸ்பூன், மிளகு - ஒரு டீஸ்பூன், காய்ந்த மிளகாய் - 3, பூண்டு - 10 பற்கள், சின்ன வெங்காயம் - 5, தக்காளி - 4, நல்லெண்ணெய் - ஒரு டேபிள்ஸ்பூன், கடுகு - அரை டீஸ்பூன், உளுந்து - அரை டீஸ்பூன், சோம்பு - அரை டீஸ்பூன், பெருங்காயம் - சிறிதளவு, மஞ்சள்தூள் - அரை டீஸ்பூன், கறிவேப்பிலை - சிறிதளவு, உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: மிளகு, சீரகத்தை மிக்ஸியில் கொரகொரப்பாக அரைத்துக்கொள்ளவும். தூதுவளை இலைகளை நறுக்கிவைத்துக்கொள்ளவும். சின்ன வெங்காயத்தை பொடியாக நறுக்கிக்கொள்ளவும். தக்காளியைக் கரைத்து வைத்துக்கொள்ளவும். பூண்டு பற்களை இடித்துக்கொள்ளவும். வாணலியில் எண்ணெய்விட்டு காய்ந்ததும் கடுகு, உளுந்து, சோம்பு, காய்ந்த மிளகாய், பெருங்காயம் தாளித்து கறிவேப்பிலை, வெங்காயம், தூதுவளையை வதக்கி அதில் அரைத்த கலவை மஞ்சள்தூள் மற்றும் பூண்டு சேர்த்துக் கிளறவும். நன்கு வதங்கியதும் கரைத்த தக்காளியை இதில் ஊற்றி மூடி வைக்கவும். கொதித்தவுடன் உப்பு சேர்த்து இறக்கவும்.

சிறப்பு: இது உடலுக்கு வலு கொடுப்பதுடன் இருமல், இரைப்பு, சளி ஆகியவற்றை நீக்கும்.

ஓமவல்லி பஜ்ஜி

தேவை: சுத்தமான ஓமவல்லி இலைகள் - 10, பஜ்ஜி மாவு - ஒரு கப்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பஜ்ஜி மாவைக் கரைத்து, அதில் ஓமவல்லி இலையை நனைத்து எண்ணெயில் பொரித்தெடுக்கவும்.

சிறப்பு: இது சிறந்த இருமல் மருந்து. மூக்கடைப்பு, தொண்டை வறட்சி, இருமல் மறையும்.

கொள்ளு சுண்டல்

தேவை: கொள்ளு - ஒரு கப், காய்ந்த மிளகாய் - 2, கடுகு - கால் டீஸ்பூன், உளுந்து - கால் டீஸ்பூன், கறிவேப்பிலை - சிறிதளவு, எண்ணெய் - 2 டேபிள்ஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: கொள்ளினை நான்கு மணி நேரம் ஊறவைத்துக் கொள்ளவும். பிறகு அதை உப்பு சேர்த்து தண்ணீரில் நன்றாக வேகவைத்துக் கொள்ளவும். பிறகு வாணலியில் எண்ணெய்விட்டு காய்ந்ததும் கடுகு, உளுந்து, காய்ந்த மிளகாய் மற்றும் கறிவேப்பிலை தாளித்து அதில் வேகவைத்த கொள்ளினைச் சேர்த்து கிளறி இறக்கவும்.

சிறப்பு: கொள்ளு உடலை உறுதிபடுத்தி பலப்படுத்தும்.

தூதுவளை ரொட்டி

தேவை: தூதுவளை - ஒரு கைப்பிடி, புழுங்கல் அரிசி - 200 கிராம், மிளகு - கால் டீஸ்பூன், சீரகம் - கால் டீஸ்பூன், உப்பு, நல்லெண்ணெய் - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: புழுங்கல் அரிசியை மூன்று மணி நேரம் ஊறவைக்கவும். ஊறியதும் அரிசியுடன் தூதுவளை இலை, சீரகம், மிளகு, உப்பு சேர்த்து கெட்டியாக ரொட்டி மாவுப் பதத்துக்கு அரைத்துக்கொள்ளவும். அதைத் தட்டி தோசைக்கல்லில் இட்டு நல்லெண்ணெய் சேர்த்து வேகவைத்து எடுக்கவும்.

சிறப்பு: இது சளித் தொல்லையை குணமாக்கும் நல்மருந்து.

பருத்திப்பால்

தேவை: பருத்திக்கொட்டை - 200 கிராம், பச்சரிசி மாவு - ஒரு கைப்பிடி, வெல்லம் - கால் கிலோ, ஏலக்காய் - 3, தேங்காய்ப்பால் - ஒரு டம்ளர்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: பருத்திக்கொட்டையை ஐந்து மணிநேரம் ஊறவைக்கவும். ஊறியதும் மிக்ஸியில் தண்ணீர் சேர்த்து அரைத்து வடிகட்டிக்கொள்ளவும். அதை அடுப்பில் வைத்து காய்ச்சி, கொதித்தவுடன் வெல்லம், தண்ணீரில் கரைத்த பச்சரிசி மாவு ஆகியவற்றைச் சேர்த்து கொதிக்கவிடவும். பிறகு, அதில் தேங்காய்ப்பால், பொடித்த ஏலக்காய் சேர்த்து இறக்கவும்.

சிறப்பு: இது நெஞ்சு சளி, இருமலை குணமாக்கும். உடலுக்கு ஊட்டமளிக்கும்.

கேழ்வரகுப்பால்

தேவை: கேழ்வரகு - 200 கிராம், வெல்லம் - கால் கிலோ, ஏலக்காய் - 3, தேங்காய்ப்பால் - ஒரு டம்ளர்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: கேழ்வரகை ஐந்து மணிநேரம் ஊறவைக்கவும். இதை தண்ணீர்விட்டு கொரகொரப்பாக அரைத்து வடிகட்டிக் கொள்ளவும். இதை பாத்திரத்தில் ஊற்றி நன்றாகக் காய்ச்சவும். கொதித்த பிறகு வெல்லம் சேர்க்கவும். இதில் பொடித்த ஏலக்காய், தேங்காய்ப்பால் சேர்த்து இறக்கவும்.

சிறப்பு: கேழ்வரகு நுரையீரலில் சேரும் கெட்ட கொழுப்புகளைக் கரைக்க வல்லது. உடலின் இயல்பான செயல்பாட்டிலும், சேதமடைந்த திசுக்களை சரிசெய்வதிலும் பங்கு வகிக்கும் அமினோ அமிலம் இதில் நிறைந்திருக்கிறது.

நெல்லிக்காய் ஜூஸ்

தேவை: நெல்லிக்காய் - ஒன்று, சர்க்கரை - 2 டீஸ்பூன், இஞ்சி - ஒரு சிறிய துண்டு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: நெல்லிக்காயைச் சிறு துண்டுகளாக நறுக்கிக்கொள்ளவும். இதில் இஞ்சி மற்றும் சர்க்கரை சேர்த்து ஒரு டம்ளர் தண்ணீர் ஊற்றி மிக்ஸியில் அரைத்து வடிகட்டிப் பருகவும்.

சிறப்பு: நெல்லிக்காய் ரத்த நாளங்கள் மற்றும் தமனிகளைச் சுத்தமாக வைத்துக் கொள்ள பெரிதும் உதவும். உடலில் உள்ள தீங்கு விளைவிக்கும் நச்சுகளை வெளியேற்றும்.

கரிசலாங்கண்ணிக் கூட்டு

தேவை: சுத்தம் செய்து ஆய்ந்த கரிசலாங்கண்ணி - ஒரு கப், சின்ன வெங்காயம் - 5, பச்சை மிளகாய் - 2, சீரகம் - சிறிதளவு, பாசிப்பருப்பு - 50 கிராம், நெய் - அரை டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: சின்ன வெங்காயம், பச்சை மிளகாயைப் பொடியாக நறுக்கிக் கொள்ளவும். பருப்பை வேகவைக்கவும். வெந்ததும் அதில் கரிசலாங்கண்ணி, நறுக்கிய வெங்காயம், பச்சை மிளகாய் சேர்த்து வேகவிடவும். வெந்ததும் சீரகத்தை இடித்துச்சேர்த்து, நெய் மற்றும் உப்பு சேர்த்து நன்றாகக் கிளறி இறக்கவும்.

சிறப்பு: கரிசலாங்கண்ணியில் அதிகமான அளவு இரும்புச்சத்து உள்ளது. இதனால் உடலுக்கு எந்த நோயும் வராமல் நோய் எதிர்ப்பு சக்தி உண்டாகும்.

சுண்டைக்காய் மசியல்

தேவை: சுண்டைக்காய் - ஒரு கப், கடலைப்பருப்பு - 50 கிராம், துவரம்பருப்பு - 50 கிராம், சின்ன வெங்காயம் - 15, பச்சை மிளகாய் - 7, கறிவேப்பிலை - சிறிதளவு, எண்ணெய் - 3 டேபிள்ஸ்பூன், கடுகு - அரை டீஸ்பூன், உளுந்து - அரை டீஸ்பூன், சோம்பு - கால் டீஸ்பூன், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: சுண்டைக்காயை நறுக்கி மிக்ஸியில் அரைத்துக்கொள்ளவும். துவரம்பருப்பு, கடலைப்பருப்பை ஒரு மணிநேரம் ஊறவைத்து அரைத்துக்கொள்ளவும். சின்ன வெங்காயம், பச்சை மிளகாயைப் பொடியாக நறுக்கிக்கொள்ளவும். வாணலியில் எண்ணெய்விட்டு காய்ந்ததும் கடுகு, உளுந்து, சோம்பு தாளித்து வெங்காயம், பச்சை மிளகாய், கறிவேப்பிலையை வதக்கி, உப்பு மற்றும் அரைத்த சுண்டக்காயைச் சேர்த்துக் கிளறி வேகவிடவும். நன்றாக வெந்ததும் அரைத்த பருப்பைச் சேர்க்கவும். நன்கு வெந்து பாத்திரத்தில் ஒட்டாமல் வந்ததும் இறக்கவும்.

சிறப்பு: சுண்டைக்காயில் உள்ள கசப்புத்தன்மை ரத்தத்தைச் சுத்தம் செய்வதோடு உடலில் நோய் எதிர்ப்பு சக்தியையும் அதிகப்படுத்தும்.

கம்பங்கூழ்

தேவை: கம்பு - ஒரு கப், சின்ன வெங்காயம் - 4, கறிவேப்பிலை, மல்லித்தழை - சிறிதளவு, மோர் - ஒரு டம்ளர், உப்பு - தேவையான அளவு.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: கம்பை அரை மணிநேரம் தண்ணீரில் ஊறவைக்கவும். அதை 15 நிமிடங்கள் நிழலில் உலர்த்தவும். பிறகு மிக்ஸியில் ரவை பதத்துக்கு அரைத்துக் கொள்ளவும். அதை ஒரு லிட்டர் தண்ணீரில் கொதிக்கவிடவும். கொதித்ததும் கட்டியாகாமல் கிளறி, அரைமணி நேரம் வேகவைத்து இறக்கவும். சின்ன வெங்காயம், கறிவேப்பிலை, மல்லித்தழை, உப்பு மற்றும் மோர் சேர்த்துப் பருகவும்.

சிறப்பு: கம்பைத் தொடர்ந்து உணவாக எடுத்துக்கொள்பவர்களுக்கு உடலில் நோய் எதிர்ப்புத் திறன் அதிகரித்து, உடலைப் பல நோய்களின் தாக்கத்திலிருந்து காக்கும்.

ஆடா தொடா இலை மணப்பாகு

தேவை: ஆடா தொடா இலை - அரை கிலோ, நாட்டுச் சர்க்கரை - அரை கிலோ.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: ஆடா தொடா இலையை நரம்பு நீக்கி கழுவி நறுக்கி மூன்று லிட்டர் தண்ணீரில் வேகவைக்கவும். அது முக்கால் லிட்டராக வற்றிய பிறகு அதில் நாட்டுச்சர்க்கரை சேர்த்துக் காய்ச்சி பாகு பதத்துக்கு வந்ததும் இறக்கவும். வேறு பாத்திரத்தில் மாற்றிவைக்கவும். அதை இரண்டு டீஸ்பூன் எடுத்து வெதுவெதுப்பான நீரில் கலந்து பருகவும்.

சிறப்பு: இது நுரையீரலின் சிற்றறைகளில் உள்ள கசடுகளை நீக்கி, ஆரோக்கியமாக வைத்திருக்க உதவும்.

காப்பரிசி

தேவை: சிவப்பரிசி - 200 கிராம், அச்சு வெல்லம் - ஒன்று, தேங்காய்ப்பற்கள் - 2 டேபிள்ஸ்பூன், பொட்டுக்கடலை - 2 டேபிள்ஸ்பூன், ஏலக்காய் - 3, பொரித்த எள் - ஒரு டேபிள்ஸ்பூன்.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

செய்முறை: அரிசியை நான்கு மணிநேரம் ஊறவைத்து தண்ணீரை வடித்துக் கொள்ளவும். வெல்லத்தை பாகாகக் காய்ச்சிக்கொள்ளவும். அதில் அரிசியைச் சேர்க்கவும். பிறகு பொரித்த எள், வதக்கிய தேங்காய், பொட்டுக்கடலை, பொடித்த ஏலக்காய் சேர்த்து கிளறி இறக்கவும்.

சிறப்பு: சிவப்பரிசி ரத்தத்தில் இருக்கும் கழிவுகளை நீக்கி, ரத்தத்தைத் தூய்மைப்படுத்தும். உடல் பலம் பெறும். நோய் எதிர்ப்பு சக்தியை அதிகரிக்கும்.

கொரோனாவின் தாக்கம் நாடு முழுவதும் பரவி, மக்கள் பெரும் அவதிக்குள்ளாகிக் கிடக்கும் சூழலில், ‘உணவே மருந்து, மருந்தே உணவு’ என்கிற நம் மூத்தோர் மொழி நினைவிலாடுகிறது.

ஆம், நம் முன்னோர்களின் பாரம்பர்ய உணவு முறைகள், மனிதர்களின் நோய் எதிர்ப்பு சக்தியை வளர்த்து, எவ்வித இடர்பாடுகளிலிருந்தும் மீட்டெடுக்கும் வலிமைமிக்கவை.

எதிர்ப்பு சக்தியைக் கூட்டலாம்...  கொரோனாவை விரட்டலாம்...

`இன்றைய கொரோனா காலத்தில், நோய் எதிர்ப்பு சக்தியைப் பெருக்கிக் கொள்வதற்காக இஞ்சி, மிளகு, திப்பிலி, மஞ்சள், கீரை வகைகள், பழங்கள், சிறுதானிய வகைகள், நெல்லிக்காய், எலுமிச்சை ஆகியவற்றைத் தவறாமல் உணவில் சேர்த்துக் கொள்ளுங்கள்' என்றே நம் சித்த மருத்துவர்கள் பரிந்துரைக்கிறார்கள்.

அந்த வகையில், சென்னையைச் சேர்ந்த சித்த மருத்துவர் விக்ரம்குமார் பரிந்துரைக்கும் உணவுகளில் 30 வகை ரெசிப்பிகளை எளிதாகக் கிடைக்கும் பாரம்பர்ய பொருள்களை வைத்தே சமைத்து இங்கே உங்களுக்குப் பரிமாறுகிறார் தேவகோட்டையைச் சேர்ந்த மு.முத்து.