அலசல்
தன்னம்பிக்கை
லைஃப்ஸ்டைல்
என்டர்டெயின்மென்ட்
Published:Updated:

THE WORST INDIAN KITCHEN - முன்னேற்றத்துக்கு முட்டுக்கட்டை!

THE WORST INDIAN KITCHEN
பிரீமியம் ஸ்டோரி
News
THE WORST INDIAN KITCHEN

உணவை அதிகம் கொண்டாடுவதுதான் பிரச்னைக்குக் காரணமா?

`சமையலறை, பெண்களின் முன்னேற்றத்தைத் தடுத்துக்கொண்டிருக்கிறது’ என்கிற விவாதம் கடந்த சில வாரங்களாக சமூக வலைதளங்களில் அனல் பறந்து கொண்டிருக்கிறது. ‘தடுத்துக்கிட்டுத்தான் இருக்குன்னு பதிவு போட்டுட்டு சமைக்கத்தான் போறேன்’, ‘காலையில எழுந்திருச்சு சமைக்கிறேன். அப்புறம் வேலைக்குப் போறேன். மறுபடியும் வீட்டுக்கு வந்து சமைக்கிறேன். என்ன முன்னேற்றம் வாழுது?’... இப்படித் தங்களுடைய கோபத்தையெல்லாம் பதில் பதிவுகளாக இறக்கி வைத்துக்கொண்டிருக்கிறார்கள் பெண்கள் பலரும்.

ஆணுக்கு வெளி வேலை, பெண்ணுக்கு வீட்டுவேலை என்று பங்கிட்டுக்கொண்டதில், சமையல் வேலை மொத்தமாய் பெண்ணின் பொறுப்புக்கு மாறியிருக்கலாம். பெண்கள் வெளி வேலைகளுக்குச் சென்ற பிறகும், ‘சமையல் கட்டு உங்களுடைய ஏரியாதான்’ என்று சக மனுஷியின் உழைப்பையும் ஆரோக்கியத்தையும் ஆதிக்க மனப்பான்மையோடு பெரும் பாலான ஆண்கள் சுரண்டிக் கொண்டிருப்பதுதான் பிரச்னையே. சமையலை பணமும் புகழும் சம்பாதிக்கும் களமாக ஆண்கள் பலரும் ஏற்றுக் கொண்டிருக்கிறார்கள். ஆனால், அவர்களில் பலரும்கூட, வீட்டு சமையலறை ‘என் ஏரியா கிடை யாது’ என்று தெளிவாக இருக் கிறார்கள். தீர்வென்ன... சில ஆளுமைகளிடம் கேட்டோம்.

THE WORST INDIAN KITCHEN - முன்னேற்றத்துக்கு முட்டுக்கட்டை!

உணவை அதிகம் கொண்டாடுவது தான் பிரச்னைக்குக் காரணமா?

பேராசிரியரும் பேச் சாளருமான பர்வீன் சுல்தானா, ‘`ஒரு தலை முறைக்கு முன்பு வரைக் கும் இட்லி என்பது தீபாவளியன்று செய்யப்படுகிற பலகாரம். இன்றோ

அது தினசரி உணவு. வயக்காட்டு வேலைக்குச் செல்லும் பெண்கள் இரவு ஒருவேளைதான் சமைப்பார்கள். மீந்த சாதத்தில் தண்ணீர்விட்டு மறுநாள் காலையும் மதியமும் சாப்பிடுவார்கள். இன்றைய பெண்கள் உழைக்கிறார்கள்; மூன்று வேளை சமைக்கவும் செய்கிறார்கள். சமையல் என்ற பெயரில் பெண்களின் ஆற்றல் தொடர்ந்து சுரண்டப்பட்டுக் கொண்டிருக்கிறது. இட்லி என்றால் ஒரு சட்னிதான். மதியத்துக்கு ஒரு குழம்பு, ஒரு பொரியல்தான் என்று சமையல் கட்டுக்குள் என் நேரத்தைக் குறைவாகச் செல விட்டதுதான் என் வெற்றிக்கு காரணம்’’ என்கிறார் தெளிவாக.

THE WORST INDIAN KITCHEN - முன்னேற்றத்துக்கு முட்டுக்கட்டை!
Morsa Images

‘அம்மியில் அரைத்த சட்னிதான் ருசி...’ - இவர்களின் உளவியல்தான் என்ன?

``அம்மியில் அரைக்கிற சட்னிதான் ருசி; ஆட்டுரலில் மாவாட்டினால்தான் பெண்கள் ஆரோக்கியமாக இருப்பார்கள் போன்ற மெசேஜ்களை ஃபார்வேர்டு செய்பவர்களுக்கு பெண்கள் எந்நேரமும் வேலை செய்துகொண்டே இருக்க வேண்டும். மனிதர்களின் வேலைப்பளுவைக் குறைப்பதுதான் விஞ்ஞானத்தின் வேலையே. இதனால் சேமிப்பாகும் மனித சக்தியை வீடு முதல் நாட்டின் பொருளாதார வளர்ச்சிவரை பயன்படுத்தலாம் என்ற அடிப்படை புரிந்துணர்வுகூட இல்லாத இவர்களைப் புறந்தள்ளிவிட்டுச் செல்வதுதான் வளர்ந்துகொண்டிருக்கிற சமூகத்துக்கு நல்லது’’ என்கிறார் உளவியலாளர் த.சந்தோஷ்.

கம்யூனிட்டி கிச்சன் ஓகேதான்!

‘`வெளிநாடுகளைப்போல அடுப்படியிலிருந்து பெண் களை மீட்கும் கம்யூனிட்டி கிச்சன் நம் சமூகத்துக்கும் சரிப்பட்டு வரும்’’ என்கிற சமையற்கலை நிபுணர் ரேவதி சண்முகம், ‘`எனக்குத் தெரிஞ்ச ஒரு பொண்ணு, ‘என் ஃபிளாட்ல இருக்கிற பதினைஞ்சு குடும்பங்களுக்கு சமைச்சுத் தரப் போறேன். அளவுகள் சொல் லுங்கம்மா’ன்னு கேட்டாங்க. நானும் சொல்லிக் கொடுத்தேன். இதுதான் நம்ம ஊருக்கான கம்யூனிட்டி கிச்சன். சமையலை பிசினஸா பெண்கள் கையில எடுக்குறப்போ ‘இதெல்லாம் தொழிலா’ன்னு தடுப்பாங்க. பின்வாங்கிடாதீங்க’’ என்று யோசனையும் தருகிறார்.

THE WORST INDIAN KITCHEN - முன்னேற்றத்துக்கு முட்டுக்கட்டை!

சமைலறைகளை மூடுங்கள்; பொருளாதாரம் உயரும்!

‘`1965-ல் மலேசியாவிலிருந்து சிங்கப்பூர் பிரிந்தபோது, அதன் நிலைமை உலகமறிந்தது. ‘நாட்டில் எத்தனை கைகள் இருக்கின்றனவோ அத்தனையும் பொருளாதாரத்தை முன்னேற்ற வர வேண்டும் என அதன் பிரதமர் அழைப்பு விடுக்க, வீட்டின் சமையல்கட்டுகள் மூடப் பட்டன. நாட்டின் பொருளாதாரம் வளர ஆரம்பித்தது.

நம் நாட்டுக்கு வருவோம். 100 வருடங்களுக்கு முன்பு, நீர்நிலைகளைத் தேடி வீட்டுக்குத் தேவையான தண்ணீரை மொண்டு வருவது தான் பெண்களின், சிறுமிகளின் முக்கியமான வேலை. இந்த வேலையைச் செய்து முடிக்கவே அவர்களின் அரைநாள் ஓடிவிடும். 50 வருடங் களுக்கு முன்பு நீர்ப்பாசன திட்டமிடல்கள் நடக்க ஆரம்பித்ததால், தண்ணீருக்காகப் பல மைல் தூரம் நடக்க வேண்டிய பெண்களின் கஷ்டம் குறைந்தது. வீட்டில் சும்மா இருக்கிற பெண் குழந்தைகளைப் படிக்க அனுப்பி னார்கள். இன்றைக்கு, காலையில் எழுந்ததும் குழாயைத் திருப்பினால் தண்ணீர் வர வேண்டும். இல்லையென்றால், ஃபிளாட் அசோசியேஷனில் ஆரம்பித்து குடிநீர் வாரியம் வரைக்கும் போனை போட்டு சண்டை போடுகிறோம். காரணம், நேரத்துக்கு வீட்டு வேலைகளை முடித்துவிட்டு அலுவலகத் துக்குக் கிளம்ப வேண்டுமே என்கிற பதற்றம். தண்ணீர் மொண்டு வரும் ஒரு வேலை குறைந்ததற்கே பெண்கள் இவ்வளவு வளர்ந்திருக்கிறோம் என்றால், கம்யூனிட்டி கிச்சன் உருவானால்... பெண்களுடன் சேர்ந்து நாடும் முன்னேறும்’’ என்கிறார் பொருளாதார ஆலோசகர் லலிதா ஜெயபாலன்.

THE WORST INDIAN KITCHEN - முன்னேற்றத்துக்கு முட்டுக்கட்டை!

தீர்வு... அதுவும் நம் கையில்தான்..!

தன் அனுபவத்தின் மூலம் தீர்வைப் பகிரும் பர்வீன் சுல்தானா, ‘`பத்தாம் வகுப்புத் தேர்வு விடுமுறையில் ஹாஸ்டலில் இருந்து வீட்டுக்கு வந்த என் மகன், 8,000 ரூபாயில் ஒரு கிரிக்கெட் பேட் கேட்டான். நான் மறுக்கவே, வீட்டுக்கு அருகில் இருக்கிற காபி ஷாப்பில் வேலை கேட்டிருக்கிறான். 15 நாள் டிரெயினிங் அதன் பிறகு வேலை, சம்பளம் என்றிருக் கிறார்கள். ‘பணம் சேர்த்து பேட் வாங்குவதற் குள் என் தேர்வு விடுமுறையே முடிந்துவிடுமே’ என்று வருத்தப்பட்டவனிடம், ‘நம் வீட்டு வேலைகளைச் செய்தால், நான் தினமும் உனக்கு 500 ரூபாய் தருகிறேன்’ என்றேன். பாத்திரம் தேய்ப்பதில் ஆரம்பித்து பாத்ரூம் கழுவுவது வரைக்கும் அத்தனை வேலைகளையும் செய்தான். இதில் நல்ல விஷயம் என்னவென்றால், பேட் வாங்குவதற் கான பணம் சேர்ந்த பிறகும் என் மகன் வீட்டு வேலைகளைச் செய்தான். இப்போதும் விடுமுறைக்கு வீட்டுக்கு வரும்போதெல்லாம் அத்தனை வீட்டு வேலைகளையும் செய்வான். என் வீட்டுக்கு வரப்போகிற மருமகள் சமையலறைக்குள் அழுத்தப்பட மாட்டாள் என்கிற நம்பிக்கை எனக்கு வந்துவிட்டது’’ என்று தம்ஸ் அப் காட்டுகிறார்.

*****

THE WORST INDIAN KITCHEN - முன்னேற்றத்துக்கு முட்டுக்கட்டை!

அவர்களிடம்தான் கைமணம் இருக்கும்! - செஃப் தாமு

``காலங்காலமாக சமைத்து வந்ததால், பெண்களிடம்தான் கைமணம் இருக்கும். அதேநேரம் ஆண்களும் சமைக்க வேண்டும். நாம் அனைவருமே சாப்பிடு கிறோம். சமைக்கிற வேலையை மட்டும் பெண்கள்தான் செய்ய வேண்டும் என்று சொல்ல முடியாதல்லவா?’’

இஸ்ரேலை பின்பற்றலாம் இந்தியா!

இஸ்ரேல் நாட்டில் இன்றும் ஒரு பழக்கம் நடைமுறையில் இருக்கிறது. கிராமப்பகுதியில் வாழும் பெரும் கூட்டுக் குடும்பத்தினர் வட்ட வடிவில் கட்டப்பட்ட பெரிய வீடுகளில் வசிக்கிறார்கள். ஆண்களும் இளம் பெண்களும் கூட்டாக விவசாயப் பணிகளில் ஈடுபடுகிறார்கள். முதிய பெண்கள் சமையல் மற்றும் வீட்டு வேலை களைப் பார்த்துக்கொள்கிறார்கள். மொத்த வருமானம், மொத்த செலவுகள் மற்றும் நிகர வருவாய் அனைவருக்கும் பொதுவாக, கூட்டுக் குடும்பத் தலைவர் பொறுப்பில் இருக்கும். இதற்கு Commune என்று பெயர். நகர்ப்புறங்களில் தனித் தனியாக வாழும் நமக்கு இந்த முறை சரிவருமா என்று நீங்கள் நினைக்கலாம். கிராம மற்றும் நகர்ப்புறங்களில் ஏற்கெனவே இயங்கி வரும் மகளிர் சுய உதவிக் குழுக்கள் Community Kitchen என்றழைக்கப்படும் சமுதாய சமையற்கூடம் முறையை கையில் எடுக்கலாம். ஒரு குடியிருப்பு அல்லது காலனி எதுவாக இருந்தாலும் அங்கத்தினர்கள் அனைவருக்கும் பொதுவான ஒரு கூடத்தில் அவர்கள் தேவைக்கேற்ப கூட்டாக சமையல் வேலைகளை மேற்கொள்ளலாம். வீட்டில் தனித்தனியே சமையல் செய்யும் நேரத்தை மிச்சப்படுத்தி பெண்கள் அவர்கள் நேரத்தைப் பயனுள்ள கைத்தொழில் சார்ந்த துறைகளில் செலவழிக்கலாம். பெண்கள் வாசிப்புக்கு நேரம் எடுத்துக்கொள்ளலாம். ஆண்களின் வருமானத்தை மட்டும் சார்ந்து நிற்கும் நிலையை மாற்றி வேலைக் குப் போகாத பெண்களும் வருவாய் ஈட்டவும் அவர்களின் சுய மேம் பாட்டுக்கும் இது நல் வாய்ப்பாக அமையும்.

THE WORST INDIAN KITCHEN - முன்னேற்றத்துக்கு முட்டுக்கட்டை!

அதுல என்ன தப்பு? -`வில்லேஜ் குக்கிங்’ பெரியதம்பி

``ரெண்டு மாடுகட்டி உழுதா தான் விவசாயம். அதேமாதிரி ஆணும் பொண்ணும் வேலை பார்க்கிறாங்கன்னா, சேர்ந்து சந்தோஷமா சமைக்கட்டுமே... அதுல என்ன தப்பு?’’