Published:Updated:

வெஜிடபிள் கார்விங்: காய்கறிகளில் கலைவண்ணம்!

வெஜிடபிள் கார்விங்
பிரீமியம் ஸ்டோரி
வெஜிடபிள் கார்விங்

கேரட் மற்றும் வெங்காயத்தாளைக் கொண்டு அழகான கார்விங் பூங்கொத்து செய்வது எப்படி என்று கூறுகிறார் செஃப் உமாசங்கர் தனபால்

வெஜிடபிள் கார்விங்: காய்கறிகளில் கலைவண்ணம்!

கேரட் மற்றும் வெங்காயத்தாளைக் கொண்டு அழகான கார்விங் பூங்கொத்து செய்வது எப்படி என்று கூறுகிறார் செஃப் உமாசங்கர் தனபால்

Published:Updated:
வெஜிடபிள் கார்விங்
பிரீமியம் ஸ்டோரி
வெஜிடபிள் கார்விங்
வெஜிடபிள் கார்விங்: காய்கறிகளில் கலைவண்ணம்!

வெஜிடபிள் கார்விங் செய்வதற்குத் தேவையான உபகரணங்கள் பற்றியும், அவற்றைக் கையாளும் முறைகள் மற்றும் அடிப்படைப் பயிற்சிகள் பற்றியும் சென்ற இதழில் பார்த்தோம். இப்போது கேரட் மற்றும் வெங்காயத்தாளைக் கொண்டு அழகான கார்விங் பூங்கொத்து செய்வது எப்படி என்று கூறுகிறார் செஃப் உமாசங்கர் தனபால்.

கேரட் பூங்கொத்து

ஒட்டுமொத்த விகடனுக்கும் ஒரே ஷார்ட்கட்!

தேவையானவை: குக்கீ கட்டர், கேரட், வெங்காயத்தாள், மூங்கில் குச்சி, கிச்சன் கத்தி (Kitchen Knife), பேரிங் கத்தி (Paring Knife).

வெஜிடபிள் கார்விங்: காய்கறிகளில் கலைவண்ணம்!
வெஜிடபிள் கார்விங்
வெஜிடபிள் கார்விங்

செய்முறை: ஸ்டெப்-1: ஒரு வெங்காயத்தாளை எடுத்து அதன் அடி மற்றும் நுனியை நறுக்கிவிட்டு அதன் நடுப்பகுதியில் தோராயமாக 2 இன்ச் அளவுக்குக் கார்விங் கத்தியை வைத்துப் படத்தில் காட்டியுள்ளவாறு இரண்டாகப் பிரித்துக் கொள்ளவும்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
வெஜிடபிள் கார்விங்: காய்கறிகளில் கலைவண்ணம்!

ஸ்டெப்-2: இரண்டாகப் பிரித்து வைத்திருக்கும் வெங்காயத்தாள் இதழின் உட்பகுதியில் கட்டை விரலையும், வெளிப்பகுதியில் கார்விங் கத்தியின் கூர்மையில்லாத பகுதியையும் வைத்து வெங்காயத்தாளை ஒரு க்ளிப் மாதிரி பிடித்துக்கொள்ளவும். வெங்காயத்தாளின் இதழ் கிழிந்து விடாதபடி பக்குவமாக நீவிவிடவும். இப்படிச் செய்தால் வெங்காயத்தாளின் இதழ் வளையம்போல் சுருண்டு வரும். இதுபோல் வெங்காயத்தாளின் இரண்டு பக்கங்களிலும் செய்து தண்ணீரில் போட்டு வைக்கவும்.

வெஜிடபிள் கார்விங்
வெஜிடபிள் கார்விங்

ஸ்டெப்-3: இப்போது கேரட்டை எடுத்து அதன் தலைப்பகுதியை நீக்கிவிட்டு, 1 - 1.5 சென்டிமீட்டர் விட்டம் உள்ள ஒரு கேரட் துண்டை குறுக்குவெட்டில் வெட்டிக்கொள்ளவும்.

வெஜிடபிள் கார்விங்
வெஜிடபிள் கார்விங்

ஸ்டெப்-4: வெட்டி வைத்திருக்கும் வட்ட வடிவக் கேரட் துண்டின் மீது குக்கீ கட்டரை வைத்து சமமாக அழுத்தும்போது அழகான வடிவம் நமக்குக் கிடைக்கும்.

வெஜிடபிள் கார்விங்
வெஜிடபிள் கார்விங்
வெஜிடபிள் கார்விங்
வெஜிடபிள் கார்விங்

ஸ்டெப்-5: குக்கீ கட்டர் மூலம் வெட்டி எடுத்துவைத்திருக்கும் கேரட்டின் நடுமையத்தில் கார்விங் கத்தியின் நுனியை ஒரு மில்லி மீட்டர் அளவில் இறக்கி, மலர் வடிவத்தில் இருக்கும் அதன் ஐந்து விளிம்புகள்வரை ஒவ்வொன்றிலும் ஒரு நேர்க்கோடு போடவும். மையத்தில் ஒரு மில்லி மீட்டர் ஆழத்தில் இறங்கும் கத்தி, விளிம்பை அடையும்போது கேரட்டினுள் ஏழு மில்லி மீட்டர் ஆழத்தில் இருக்க வேண்டும். பிறகு அதன் மையத்தில் ஒரு சொட்டு பீட்ரூட் சாற்றை விடவும் (கோடு உள்ள இடத்தை அடையாளம் காண்பதற்காக பீட்ரூட் சாறு).

வெஜிடபிள் கார்விங்
வெஜிடபிள் கார்விங்

ஸ்டெப்-6: பிறகு படத்தில் கட்டியுள்ளவாறு கேரட்டின் மையத்திலிருந்து மலர் இதழ் வடிவின் விளிம்புவரை பக்கவாட்டில் கத்தியை வைத்துக் கோடு கிழித்து, வரும் கேரட் பகுதியை வெட்டி எடுத்துவிடவும் இதுபோல அதன் ஐந்து இதழ்களிலும் செய்யவும்.

வெஜிடபிள் கார்விங்
வெஜிடபிள் கார்விங்

ஸ்டெப்-7: சென்ற ஸ்டெப்பில் கேரட்டில் உருவான கூர்மையான முனைகளை, இப்போது கத்தியை வைத்து வளைவாக வருமாறு சரிசெய்து கொள்ளவும். படத்தில் கட்டியுள்ளவாறு கேரட்டில் ஓர் அழகான வடிவம் நமக்குக் கிடைக்கும்.

வெஜிடபிள் கார்விங்
வெஜிடபிள் கார்விங்

ஸ்டெப்-8: ஏற்கெனவே நாம் செய்து வைத்திருக்கும் வெங்காயத்தாளைத் தண்ணீரிலிருந்து எடுத்து, பைப் போல இருக்கும் அதன் அடிப்பகுதியிலிருந்து மேல்பகுதிவரை மூங்கில் குச்சியைச் செருகிக் கொள்ளவும். பின்னர் வெங்காயத்தாளில் உள்ள மூங்கில் குச்சியின் நுனியை, நாம் செய்துவைத்திருக்கும் கேரட் மலரின் அடி தலைப் பாகத்தின் மையத்தில் படத்தில் கட்டியுள்ளவாறு பொருத்தவும். இப்போது காம்புடன் கூடிய ஒரு ஆரஞ்சு மலரின் சிற்பம் நமக்குக் கிடைக்கும்.

வெஜிடபிள் கார்விங்
வெஜிடபிள் கார்விங்

இந்த மலர் வடிவத்தை கேரட்டை தவிர்த்து முள்ளங்கி, பீட்ரூட், மஞ்சள் பூசணியிலும் செய்யலாம். வெவ்வேறு நிறங்களில் உள்ள காய்களில் இந்த வடிவத்தைச் செய்யும்போது இறுதியாகப் படத்தில் காட்டியுள்ளவாறு ஒரு வண்ணமயமான கார்விங் பூங்கொத்து நமக்குக் கிடைக்கும்.

வெஜிடபிள் கார்விங்
வெஜிடபிள் கார்விங்

உங்கள் வீட்டையும் விருந்தையும் அலங்கரிக்கத் தகுந்த வேறு சில வெஜிடபிள் கார்விங் சிற்பங்களை எப்படிச் செய்வது என்பது பற்றி அடுத்த இதழில் பார்க்கலாம்.

நவீன சாதனங்கள்
நவீன சாதனங்கள்

நவீன சாதனங்கள்!

வெஜிடபிள் கார்விங் செய்யப் பயன்படும் அடிப்படைக் கருவிகள் மற்றும் சாதனங்கள் பற்றிச் சென்ற இதழில் பார்த்திருப்போம். இப்போது கொடுக்கப்பட்டுள்ளவை கார்விங் செய்யப் பயன்படும் நவீன சாதனங்கள். இவற்றை லூப் கார்விங் டூல்ஸ் (Loop Carving Tools), யூ,வி, இசட் டூல்ஸ் (U,V, Z Tools) என்று அழைக்கிறோம். லூப் கார்விங் டூல்ஸ் காய்கறிகளில் விலங்குகள் மற்றும் மனித உருவங்களைச் செய்யப் பயன்படுகின்றன. யூ,வி, இசட் டூல்ஸ் U, V, Z போன்ற வடிவங்களைச் செய்யப் பயன்படுகின்றன.