Published:Updated:

தஞ்சையில் ஒரு முன்னுதாரண மருத்துவமனை!

தஞ்சையில் ஒரு முன்னுதாரண மருத்துவமனை!

##~##

ஞ்சாவூரில் மாதத்துக்கு ஒரு மருத்துவமனை முளைக்கிறது. அடித்தட்டு மக்களுக்கு இவற்றால் பயன் ஏதும் இல்லை. தஞ்சாவூர் எல்லையில் துலுக்கம்பட்டி கிராமத்தில் அடித்தட்டு மக்களுக்காகச் செயல்படுகிறது 'தஞ்சாவூர் புற்றுநோய் மருத்துவமனை மற்றும் ஆராய்ச்சி மையம்’. சோழ மண்டலத்தில் புற்று நோய்க்கான ஒரே தனி மருத்துவமனை இது. இந்த மருத்துவமனை, தஞ்சை அரசு மருத்துவக் கல்லூரியில் படித்த முன்னாள் மாணவர்கள் மற்றும் சமூக ஆர்வலர்கள் பலரின் கூட்டு முயற்சி!

''தஞ்சாவூர்தான் எங்களுக்கு அடையாளம் தந்தது. இந்த ஊருக்கு நாங்கள் என்ன செய்தோம் என்று எங்களுக்குள் எழுந்த கேள்விக்குப் பதில்தான் இந்த மருத்துவமனை! 2007-ல் தஞ்சாவூர் அரசு மருத்துவக் கல்லூரி முன்னாள் மாணவர்கள் ஒன்றிணைந்து 'ஜீவா நூற்றாண்டு அறக்கட்டளை’யை உருவாக்கினோம். முதலில் மருத்துவர்கள் வெ.ஜீவானந்தம், பாலகிருஷ்ணன், மைக்கேல், அப்துல் ஹக்கீம், கௌசல்யா ராணி, கூத்தபெருமாள் எனத் தொடங்கிய இந்த வட்டம், கொஞ்சம் கொஞ்சமாக தஞ்சை ராமமூர்த்தி, தமிழறிஞர் சிவகாமசுந்தரி என்று விரிந்து, இப்போது 120 பேர் இதன் உறுப்பினர்கள். இவர்களுடன் தமிழ்நாடு விவசாயத் தொழிலாளர் சங்கமும் கதர் கிராமத் தொழில் வாரிய ஓய்வு பெற்ற ஊழியர்கள் சங்கமும் இந்த அறக்கட்டளையின் உறுப்பினர்கள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தஞ்சையில் ஒரு முன்னுதாரண மருத்துவமனை!

புற்றுநோயின் தாக்கம் கணிசமாக இருக்கும் இந்த மாவட்டங்களில் புற்று நோய்க்கான சிறப்பு சிகிச்சை மையங்கள் இல்லை. பயணச் செலவு, அலைச்சல்... எல்லாவற்றையும் தாண்டி நல்ல சிகிச்சைக்காகத் தனியார் மருத்துவமனைகளுக்குக் கொடுக்க வேண்டிய விலையும் அதிகம். புற்றுநோய்ச் சிகிச்சை மையத்தை நாங்கள் இங்கு தொடங்க இதுதான் காரணம். எங்கள் மருத்துவமனையில் கட்டணம் குறைவு. மருந்துகள் அடக்க விலைக்கே விற்கப்படுகின்றன. தவிர, பொருளாதார ரீதியாக மிகவும் கீழ் நிலையில் இருப்பவர்களுக்கான மருத்துவச் செலவில் சரிபாதியை அறக்கட்டளையே ஏற்கிறது'' என்கிறார் மருத்துவமனை நிர்வாகிகளில் ஒருவரான டாக்டர் மருதுதுரை.

தஞ்சையில் ஒரு முன்னுதாரண மருத்துவமனை!

''கழுத்துகிட்ட சின்னதா ஒரு கட்டி வந்துச்சு. உள்ளூர் டாக்டர்கிட்ட காட்டினப்ப, கேன்சர்னு சொல்லி இங்கே அனுப்புனாங்க. என் வாழ்க்கையே போச்சுனுதான் நினைச்சேன். ஆனா, இப்ப கம்மியான செலவுல நல்லபடியா ஆபரேஷன் பண்ணிட்டாங்க. மருந்துக்கான செலவுல பாதிக்கு மேல அறக்கட்டளை மூலமா கட்டிட்டாங்க. இங்க இருக்கிற எல்லோருக்கும் நன்றிக் கடன்பட்டு இருக்கேன் தம்பி'' என்கிறார் மருத்துவமனையில் சிகிச்சை பெற்றுவரும் அம்மாப் பேட்டையைச் சேர்ந்த மாரியப்பன்.

தஞ்சையில் ஒரு முன்னுதாரண மருத்துவமனை!

வசூல் ராஜாக்கள் பெருகிவிட்ட இந்தக் காலகட்டத்தில், இத்தகைய மருத்துவமனைகள்தான் உண்மையான ஆலயங்கள்!

- சி.சுரேஷ், படங்கள்: கே.குணசீலன்