Published:Updated:

`பல வருஷ கோரிக்கை இது!’ - மணப்பாறை முறுக்குக்கு புவிசார் குறியீடு; மகிழ்ச்சியில் வியாபாரிகள்

மணப்பாறை முறுக்கு
News
மணப்பாறை முறுக்கு

``இந்த அங்கீகாரத்தால், இத்தொழில் இன்னும் சிறப்படையும். விற்பனை அதிகரிக்கும். இந்தத் தொழிலைச் செய்பவர்களுக்கு வங்கிக் கடனுதவிகள் கிடைக்கும்.மணப்பாறை முறுக்கு என்ற பெயரைப் பயன்படுத்தி பல இடங்களில், லோக்கல் முறுக்குகள் விற்பவர்களைக் கட்டுப்படுத்த வேண்டும்.’’

Published:Updated:

`பல வருஷ கோரிக்கை இது!’ - மணப்பாறை முறுக்குக்கு புவிசார் குறியீடு; மகிழ்ச்சியில் வியாபாரிகள்

``இந்த அங்கீகாரத்தால், இத்தொழில் இன்னும் சிறப்படையும். விற்பனை அதிகரிக்கும். இந்தத் தொழிலைச் செய்பவர்களுக்கு வங்கிக் கடனுதவிகள் கிடைக்கும்.மணப்பாறை முறுக்கு என்ற பெயரைப் பயன்படுத்தி பல இடங்களில், லோக்கல் முறுக்குகள் விற்பவர்களைக் கட்டுப்படுத்த வேண்டும்.’’

மணப்பாறை முறுக்கு
News
மணப்பாறை முறுக்கு

முறுக்கு என்றதும் அனைவருடைய நினைவுக்கும் சட்டென வருவது மணப்பாறை தான். அந்தளவிற்கு திருச்சி மாவட்டத்தில் உள்ள மணப்பாறை முறுக்கு மிகவும் புகழ் வாய்ந்தது. தமிழகம் மட்டுமன்றி இந்தியாவின் பல்வேறு மாநிலங்கள் மற்றும் அமெரிக்கா, சிங்கப்பூர், மலேசியா எனப் பல்வேறு வெளிநாடுகளுக்கும் மணப்பாறை முறுக்கு செல்கிறது. இத்தகைய புகழ்வாய்ந்த மணப்பாறை முறுக்கிற்கு புவிசார் குறியீடு வழங்க வேண்டுமென, மணப்பாறை முறுக்கு உற்பத்தியாளர்கள் தொடர்ந்து வலியுறுத்தி வந்தனர்.

இந்நிலையில், மணப்பாறை முறுக்கிற்கு மத்திய அரசு புவிசார் குறியீடு வழங்கியிருக்கிறது. இதனால் மணப்பாறை முறுக்கு உற்பத்தியாளர்கள், வியாபாரிகள் மற்றும் இத்தொழிலை நம்பியுள்ள பல்லாயிரக்கணக்கானோர் பெரும் மகிழ்ச்சி அடைந்துள்ளனர்.

மணப்பாறை முறுக்கு
மணப்பாறை முறுக்கு

இதுகுறித்து மணப்பாறையைச் சேர்ந்த 'இசைப்பிரியா ரிலாக்ஸ் நெய் முறுக்கு' கடையின் உரிமையாளரான ஜேம்ஸிடம் பேசினோம். ``புகழ்பெற்ற மணப்பாறை மாட்டுச்சந்தையை விட, மணப்பாறை முறுக்கினுடைய புகழ் உலகம் முழுக்கப் பரவிக் கிடக்கிறது.

மணப்பாறை பகுதியிலுள்ள சுவையான தண்ணீரும், பாரம்பர்யமாக முறுக்கினைச் செய்து வருபவர்களின் கைப்பக்குவமும் தான், மணப்பாறை முறுக்கின் புகழை அரை நூற்றாண்டுக்கு மேலாக தக்க வைத்திருக்கிறது. முறுக்கின் சுண்டியிழுக்கும் வாசனை, மொறுமொறுவென்ற பதம், முறுக்கினுடைய தரத்தினாலும் தான் எங்களுடைய முறுக்கிற்கு மக்களிடையே பெரும் வரவேற்பு இருக்கிறது.

இப்படிப் புகழ்பெற்ற மணப்பாறை முறுக்கிற்கு புவிசார் குறியீடு வழங்க வேண்டுமென நாங்கள் பல வருடங்களாகக் கோரிக்கை வைத்து வந்தோம். உதயநிதி ஸ்டாலின் எங்களுடைய கடைக்கு வந்து, முறுக்கி வியாபாரிகளைச் சந்தித்துப் பேசியபோதும் கூட, இந்தக் கோரிக்கையை முன்வைத்தோம். இப்படியான சூழலில் நீண்டகாலப் போராட்டத்திற்கு பலனாய் மணப்பாறை முறுக்கிற்கு புவிசார் குறியீடு கிடைத்திருக்கிறது.

மணப்பாறை முறுக்கு
மணப்பாறை முறுக்கு

இது முறுக்குத் தொழிலில் ஈடுபட்டுள்ள 500 குடும்பங்களுக்கும், முறுக்குத் தொழிலை நம்பியுள்ள வியாபாரிகள், தொழிலாளர்கள் என ஆயிரத்திற்கும் மேற்பட்டோருக்கும் பெரும் மகிழ்ச்சியைக் கொடுத்திருக்கிறது. இந்த அங்கீகாரத்தால், இந்தத் தொழில் இன்னும் சிறப்படையும். விற்பனை அதிகரிக்கும். இந்தத் தொழிலைச் செய்பவர்களுக்கு வங்கிக் கடனுதவிகள் கிடைக்கும். இதற்கிடையே, மணப்பாறை முறுக்கு என்ற பெயரைப் பயன்படுத்தி பல இடங்களில், லோக்கல் முறுக்குகள் விற்பனை செய்யப்படுவதை கட்டுப்படுத்த வேண்டும்" என்றார்.