டிப்ஸ்... டிப்ஸ்...

ச த்துமாவு கஞ்சிக்கு அடுப்பில் கொதிக்க வைக்கும் போது சில சமயம் கட்டி தட்டிவிடும். இதைத் தவிர்க்க, முதலில் தண்ணீரில் மாவைப் போட்டு நன்றாகக் கரைத்து அதன் பின் அடுப்பில் வைத்து காய்ச்சினால்... கட்டிதட்டாது.

- பி.சந்திரகலா, பெரம்பூர்

. தே ங்காய் மூடியில் கொஞ்சம் உப்பைத் தூவி வைத்தால், தேங்காய் மஞ்சள் நிறமாக மாறாமல் தடுக்கும்.

- ம.நிவேதா, நாகப்பட்டினம்

. ஒ ரு பங்கு புழுங்கலரிசி, கால் பங்கு பச்சரிசி, கால் பங்கு ஜவ்வரிசி மூன்றையும் ஊறவைத்து, ஒரு பிடி பழைய சாதம், கொஞ்சம் தேங்காய்ப்பால் சேர்த்து தளர அரைத்து ஆப்பம் செய்தால்... சுவை அள்ளும் (உளுந்து தேவையில்லை).

- ஆர்.ஜோதிமணி, மேட்டுப்பாளையம்

. வீ ட்டில் வாழைப்பழம், மாதுளை, ஆப்பிள், கொய்யா, ஆரஞ்சு என நிறைய சேர்ந்து விட்டால், கவலையே வேண்டாம். எல்லா பழங்களையும் நறுக்கி அதனுடன் உலர்ந்த திராட்சை, பேரீச்சை, கல்கண்டு, தேன், சர்க்கரை சேர்த்து ஃப்ரூட் மிக்ஸ் செய்யலாம். இதை குட்டீஸ் மிகவும் விரும்புவார்கள்.

- ஆர்.ஹேமமாலினி, மணப்பாறை

. த க்காளிப்பழ சாற்றுடன், தயிர் கலந்து முகத்தில் தடவி, 10 நிமிடத்துக்குப் பிறகு முகம் கழுவிவந்தால்... முகத்தில் உள்ள கரும்புள்ளிகள் குறையும்.

- அ.மணிமேகலை, மதுரை

. பா யசம் சற்று நீர்த்துப் போய்விட்டால், கவலை வேண்டாம். அதில் ஒரு வாழைப்பழத்தைப் பிசைந்து போட்டு, கொஞ்சம் தேன் அல்லது மில்க்மெய்ட் சேர்த்துக் கலந்தால்... சுவை மிகுந்த பாயசம் ‘ஹாய்’ சொல்லும்.

- எஸ்.மதிமலர், சூளைமேட

. கோ டை முடியும் வரை, கேழ்வரகு கூழை தினமும் ஒருவேளை குடித்தால், கோடை உபாதைகள் பெரும்பாலானவற்றைத் தவிர்த்துவிடலாம்.

- நா.பாப்பா நாராயணன், பாளையங்கோட்டை

. கோ டையில் வேர்க்குரு பெண்களைப் பாடாய்ப்படுத்தும். வேப்பிலை, மஞ்சள் மற்றும் சந்தனத்தை மையாக அரைத்துப் பூசினால், வேர்க்குரு உதிர்ந்துவிடும்.

- ஹெச்.ராஜேஸ்வரி, மாங்காடு

. அ ரிவாள்மனை, தேங்காய்த் துருவி போன்றவற்றில் துரு ஏறினால், அவற்றின் மீது வெங்காயத்தைத் தேய்த்தால், துரு மறைந்துவிடும்.

- லெட்சுமி மணிவண்ணன், சிக்கல்

விகடன் லேட்டஸ்ட்

டிப்ஸ்... டிப்ஸ்...

Vikatan Correspondent