Published:Updated:

வாசகிகள் கைமணம்

வாசகிகள் கைமணம்
பிரீமியம் ஸ்டோரி
வாசகிகள் கைமணம்

பர்த்தா... பாஸ்தா... பேஷ் பேஷ்!ஒவ்வொன்றுக்கும் பரிசு: ரூ. 200

வாசகிகள் கைமணம்

பர்த்தா... பாஸ்தா... பேஷ் பேஷ்!ஒவ்வொன்றுக்கும் பரிசு: ரூ. 200

Published:Updated:
வாசகிகள் கைமணம்
பிரீமியம் ஸ்டோரி
வாசகிகள் கைமணம்
வாசகிகள் கைமணம்

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் ‘சுவையரசி’ சாந்தி விஜயகிருஷ்ணன்

காராமணி இனிப்பு சாட்

தேவையானவை: சிவப்பு காராமணி, பொடித்த வெல்லம் - தலா 2 கப், தேன் - ஒரு டேபிள்ஸ்பூன், ஆப்பிள், சப்போட்டா - தலா ஒன்று, பப்பாளி - ஒரு துண்டு, மாதுளம் முத்துக்கள் - ஒரு கப், இந்துப்பு - ஒரு டீஸ்பூன்.

ஒட்டுமொத்த விகடனுக்கும் ஒரே ஷார்ட்கட்!


செய்முறை: காராமணியை மூன்று மணி நேரம் ஊறவைத்து குக்கரில் வேகவிடவும்.  அதை வடிதட்டில் போட்டு உலரவிடவும். பொடி செய்த வெல்லத்தை தண்ணீர் விட்டு கரைத்து வடிகட்டவும். பிறகு, பாகு காய்ச்சவும். பாகு கெட்டியாகாமல் குழம்பு போன்ற பதத்தில் இருக்கும்போது வெந்த காராமணியை சேர்த்து அடுப்பை `சிம்’மில் வைக்கவும். காராமணி பாகுடன் சேர்ந்து இறுகிக்கொள்ளும். அதன் பிறகு ஆறவிடவும். ஆப்பிள், பப்பாளி, தோல் நீக்கிய சப்போட்டா பழங்களை சிறு துண்டுகளாக நறுக்கி சேர்க்கவும். மாதுளை முத்துக்களையும் சேர்க்கவும். இதனுடன் தேன் சேர்த்து, இந்துப்பு தூவி கலந்து பரிமாறவும்.

- பி.ரமணி, சேலம்

வாசகிகள் கைமணம்

பைங்கன் பர்த்தா

தேவையானவை: பெரிய சைஸ் கத்திரிக்காய் - ஒன்று, தக்காளி - 3, வெங்காயம் - ஒன்று, இஞ்சி - பூண்டு விழுது - 2 டீஸ்பூன், மஞ்சள்தூள் - ஒரு டீஸ்பூன், மிளகாய்த்தூள் - 2 டீஸ்பூன், கரம் மசாலாத்தூள் - ஒரு டீஸ்பூன், சீரகம் - அரை டீஸ்பூன், கொத்தமல்லித்தழை - சிறிதளவு,  எண்ணெய், உப்பு - தேவையான அளவு.

செய்முறை: கத்திரிக்காயில் எண்ணெய் தடவி சுட்டு, தோல் நீக்கி, கையால் மசித்தெடுங்கள். வாணலியில் எண்ணெயை சூடாக்கி சீரகம் சேர்த்து பொரியவிட்டு, நறுக்கிய வெங்காயத்தைப் போட்டு பொன்னிறமாகும் வரை வதக்கவும். அதனுடன் இஞ்சி - பூண்டு விழுது, நறுக்கிய தக்காளி, மஞ்சள்தூள், மிளகாய்த்தூள், கரம் மசாலாத்தூள், உப்பு சேர்த்து, மூடிபோட்டு, அடுப்பை மிதமான தீயில் வைத்து, கொதிக்கவிடவும். பின்னர் மசித்த கத்திரிக்காயை கொதிக்கும் கலவையில் போட்டு கிளறவும் (கிரேவி டைப்பில் வேண்டுகிறவர்கள் கொஞ்சம் தண்ணீர் சேர்த்துக் கொதிக்கவிடவும்). கடைசியாக கொத்தமல்லித்தழை சேர்த்து இறக்கவும்.

ஒரு டீஸ்பூன் தயிர் சேர்த்தால் சுவை கூடும்.

- ஆர்.வசந்தி, போளூர்

வாசகிகள் கைமணம்

பனீர் - பைனாப்பிள்  பாஸ்தா

தேவையானவை: பாஸ்தா - 100 கிராம், பனீர் - 50 கிராம், பொடியாக நறுக்கிய பைனாப்பிள் - ஒரு கப், காய்ச்சி ஆறவைத்த பால் - அரை கப், பொடியாக நறுக்கிய வெங்காயம், குடமிளகாய் (சேர்த்து) -  ஒரு கப், மிளகுத்தூள் - ஒரு டீஸ்பூன், இஞ்சி - பூண்டு விழுது - ஒரு டீஸ்பூன், வெண்ணெய் - 2 டீஸ்பூன், உப்பு - தேவைகேற்ப.

செய்முறை: பாஸ்தாவுடன் சிறிதளவு உப்பு சேர்த்து வேகவிட்டு நீரை வடிக்கவும். பனீரை சிறு துண்டுகளாக நறுக்கவும். வாணலியில் வெண்ணெயை சூடாக்கி  வெங்காயம், குடமிளகாய், இஞ்சி - பூண்டு விழுது, பைனாப்பிள், பனீர் சேர்த்து வதக்கவும். பிறகு, பால், வெந்த பாஸ்தா, மிளகுத்தூள், தேவையான உப்பு சேர்த்து ஒரு கொதி வந்ததும் இறக்கி பரிமாறவும்.

- விஜயலட்சுமி, பெங்களூரு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism