Published:Updated:

டிப்ஸ்... டிப்ஸ்...

டிப்ஸ்...  டிப்ஸ்...
பிரீமியம் ஸ்டோரி
News
டிப்ஸ்... டிப்ஸ்...

ஒவ்வொன்றுக்கும் பரிசு: ரூ. 100

டிப்ஸ்...  டிப்ஸ்...

கோவைக்காய் பழுத்துவிட்டால்... நறுக்கி, வதக்கி, தேவையான உப்பு, புளி, மிளகாய் சேர்த்து அரைக்கவும். கடாயில் எண்ணெய் விட்டு கடுகு தாளித்து, அரைத்த விழுதை சேர்த்து வதக்கி தொக்கு செய்தால், சூப்பர் சுவையில் இருக்கும்.

- டி.இந்திரலட்சுமி, பம்மல்


ருகம்புல் சாறு, ஆரஞ்சுச் சாறுடன், நாட்டுச் சர்க்கரை, இஞ்சிச் சாறு கலந்து பருகினால் அசதி விலகும். இஞ்சிச் சாறு, எலுமிச்சைச் சாறு, சீரகத்தூள் உப்புடன் நீர் சேர்த்துப் பருகினால்... மலச்சிக்கல், வாய்வுத் தொல்லை விலகும்.

- சு.நவீனா தாமு, பொன்னேரி

வெண்டைக்காய் பொரியல் செய்யும்போது, கடைசியில் கடலை மாவு கொஞ்சம் தூவி, சில நிமிடங்கள் அடுப்பை `சிம்’மில் வைத்துக் கிளறி இறக்கினால், சுவை நன்றாக இருக்கும்.

- ஆர்.பிருந்தா ரமணி, பெங்களூரு

டிப்ஸ்...  டிப்ஸ்...

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

சாம்பாருக்குப் போட காய்கறி இல்லையென்றால், பருப்பு வேகவைக்கும்போது அதில் ஒரு பிடி பச்சை வேர்க்கடலையையும் போட்டு அதைப் பயன்படுத்தி சாம்பார் செய்தால் ஜோராக இருக்கும்.

- ஆர்.மீனாட்சி, திருநெல்வேலி

விருந்துண்ட பிறகு வயிறு வலித்தால்... ஒரு வெற்றிலையில் நான்கு ஓமமும் இரண்டு உப்புக் கல்லும் சேர்த்து சுருட்டி மெதுவாகச் சுவைத்து சாற்றை விழுங்குங்கள். வயிற்றுவலி ஐந்தே நிமிடத்தில் பறந்துவிடும்.

- ஆர்.ஜெயலெட்சுமி, திருநெல்வேலி

டையில் வாங்கிய உருளைக்கிழங்கு சிப்ஸ் நமர்த்துவிட்டதா...? நான்-ஸ்டிக் வாணலியில் ஒரு ஸ்பூன் நெய் ஊற்றி, சிப்ஸைப் போட்டு அடுப்பை ‘சிம்’மில் எரியவிட்டு மூடிவைக்கவும். சில நிமிடங்களில் சிப்ஸ் மொறுமொறு என்று ஆகியிருக்கும்.

- சே.தமிழரசி, அம்பத்தூர்

ரவில் படுக்கச் செல்லும் முன்பாக தேனை யும், லவங்கப் பொடியையும் மிதமான சுடுநீரில் கலந்து குடித்து வந்தால், உடல் எடை குறையும்.

- மஞ்சு வாசுதேவன், மும்பை

வித்தியாசமான கலந்த சாதம் செய்யலாமா..? ஒரு ஸ்பூன் நெய்யை சூடாக்கி... உப்பு, ஆம்சூர் பவுடர் (மாங்காய்த்தூள்), மிளகுத்தூள், நெல்லிக் காய்த்தூள் கலந்து, பொரித்த அப்பளத்தை நொறுக்கி சேர்க்கவும். இதை சாதத்தோடு கலந்து நறுக்கிய கொத்தமல்லித்தழை தூவி பரிமாறவும்.

- ஆர்.அஜிதா, கம்பம்

வீட்டை விட்டு வெளியே போகும்போது, கதவைப் பூட்டி அதில் சிறிய நோட்புக்கையும் அதனோடு பென்சிலையும் சேர்த்து கட்டிவிட்டுச் சென்றால், தேடி வருபவர்கள் தங்கள் முகவரியையும் போன் நம்பரையும் எழுதிவிட்டுச் செல்ல வசதியாக இருக்கும்.

டிப்ஸ்...  டிப்ஸ்...

- எஸ்.மலர்விழி கோவிந்தசாமி, ஊத்தங்கரை

தேனுடன் மாதுளம் பழச்சாறு கலந்து ஒரு மாத காலம் தொடர்ந்து குடித்து வந்தால் ரத்த சோகை நீங்கும்.

- ஆர்.கீதா, கேரளா

விக்கல் விலக வேண்டுமா..? சுக்கு, மிளகு, சீரகத்தை பொடி செய்து நீர் விட்டு வெல்லம் கலந்து பருகலாம். வெல்லம், தோல் சீவி நசுக்கிய இஞ்சி, நசுக்கிய ஏலக்காய், எலுமிச்சைச் சாறு, நீர் கலந்து பருகலாம்.

- எஸ்.சுபா மணியன், விருதுநகர்


புளிக்குழம்பு, காரக்குழம்பு, சாம்பார் வைக்கும்போது தக்காளியை நசுக்கிப் போடாமல், மிக்ஸியில் அரைத்துச் சேர்த்துப் பாருங்கள். ருசியாகவும் இருக்கும்; கெட்டியாகவும் இருக்கும்.

- எஸ்.மேகலா, தேனாம்பேட்டை

சாம்பார், கூட்டு போன்றவற்றுக்கு அரைத்து விட தேங்காய் இல்லையென்றால், சர்க்கரைவள்ளிக் கிழங்கை அரைத்து விட்டால் போதும். தேங்காய் அரைத்து விட்டது போலவே இருக்கும். கொழுப்புச் சத்தும் மிகவும் குறைவாக இருக்கும்.

- டி.நிர்மலா தேவி, பம்மல்