Published:Updated:

வாசகிகள் கைமணம்! - ஜலதோஷம் போக்கும் வெற்றிலை ரசம்!

ஒட்டுமொத்த விகடனுக்கும் ஒரே ஷார்ட்கட்

Use App
வாசகிகள் கைமணம்! - ஜலதோஷம் போக்கும் வெற்றிலை ரசம்!
வாசகிகள் கைமணம்! - ஜலதோஷம் போக்கும் வெற்றிலை ரசம்!

ஒவ்வொன்றுக்கும் பரிசு: ரூ. 200படங்கள்: உ.கிரண்குமார்

பிரீமியம் ஸ்டோரி

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் `சுவையரசி' சாந்தி விஜயகிருஷ்ணன்

வாசகிகள் கைமணம்! - ஜலதோஷம் போக்கும் வெற்றிலை ரசம்!

அவல் பணியாரம்

தேவையானவை: அவல் - 100 கிராம், தேங்காய் - ஒரு மூடி, அரிசி மாவு - 300 கிராம், பெரிய வெங்காயம் - 2, கொத்தமல்லித்தழை - ஒரு கைப்பிடி, கறிவேப்பிலை - ஒரு கைப்பிடி, பச்சை மிளகாய் - 10, கடலைப்பருப்பு - 1 டேபிள்ஸ்பூன், புளித்த தயிர் - 200 கிராம், எண்ணெய், உப்பு - தேவையான அளவு

செய்முறை: அவலை மிக்ஸியில் சேர்த்து ரவை பதத்துக்கு தூளாக்கி அரிசி மாவுடன் சேர்த்து, புளித்த தயிரில் 8 மணி நேரம் ஊறவைக்கவும். அதனுடன் பொடியாக நறுக்கிய பச்சை மிளகாய், பல்லு பல்லாக நறுக்கிய தேங்காய், பொடியாக நறுக்கிய வெங்காயம், கறிவேப்பிலை, கொத்தமல்லித்தழை ஆகியவற்றை கலந்துகொள்ளவும். பிறகு, கடலைப்பருப்பை தண்ணீரில் ஊறவைத்து கொரகொரப்பாக அரைத்து மாவுடன் கலந்து உப்பு சேர்த்து ஒன்றாக கலக்க வேண்டும். அதன்பிறகு மாவில் தேவையான அளவு தண்ணீர் விட்டு தோசை மாவு பக்குவத்தில் தயாரிக்கவும். பணியாரச்சட்டியில் எண்ணெய் தடவி, மாவை ஊற்றி சுட்டு எடுத்தால், அவல் பணியாரம் ரெடி.

- அ.அன்புச்செல்வி, திருச்சி - 21

வாசகிகள் கைமணம்! - ஜலதோஷம் போக்கும் வெற்றிலை ரசம்!

புடலங்காய் போண்டா

தேவையானவை: கடலை மாவு (அ) கோதுமை மாவு - ஒரு கப், அரிசி மாவு - அரை கப், சோள மாவு - அரை டீஸ்பூன், இஞ்சி - ஒரு துண்டு, புடலங்காய் - ஒரு கப் (துருவியது), பச்சை மிளகாய் - 2, காய்ந்த மிளகாய் - 2, சீரகம் - ஒரு டீஸ்பூன், எண்ணெய், உப்பு - தேவையான அளவு

செய்முறை: ஒரு பாத்திரத்தில் மேலே சொன்ன மூன்று மாவுகளையும் சேர்த்துக்கொள்ளவும். மிக்ஸியில் இஞ்சி, சீரகம். பச்சை மிளகாய், காய்ந்த மிளகாய் ஆகியவற்றைச் சேர்த்து அரைத்துக்கொள்ளவும். அத்துடன் புடலங்காயைப் போட்டு ஒரு சுற்று சுற்றி எடுக்கவும். இவை எல்லாவற்றையும் கலந்து வைத்த மாவுகளுடன் சேர்த்துக் கலக்கவும். தேவையான அளவு உப்பு சேர்த்து, தண்ணீர் விட்டு போண்டா பதத்துக்கு கிளறவும். பிறகு, மாவை சிறிய உருண்டைகளாக உருட்டி சூடான எண்ணெயில் சேர்த்து வேகவிட்டு எடுத்து பரிமாறவும்..

குறிப்பு: விருப்பப்பட்டால் புடலங்காயுடன் சௌசௌ, பறங்கிக்காய் சேர்த்துக்கொள்ளலாம்.இதற்கு தொட்டுக்கொள்ள தக்காளி சட்னி சிறந்தது.

- ஜி.கிருஷ்ணவேணி, சென்னை - 93

வாசகிகள் கைமணம்! - ஜலதோஷம் போக்கும் வெற்றிலை ரசம்!

வெற்றிலை ரசம்

தேவையானவை:  வெற்றிலை - 6, தக்காளி - 2, உப்பு - தேவையான அளவு, மிளகுத்தூள் - 1 டீஸ்பூன், சீரகத்தூள் - 1 டீஸ்பூன், பெருங்காயத்தூள் - ஒரு சிட்டிகை
தாளிக்க: நெய் - 1 டீஸ்பூன், சீரகம் - 1 சிட்டிகை.

செய்முறை: தக்காளியை நறுக்கி, ஒரு பாத்திரத்தில் சேர்த்து அத்துடன் தேவையான அளவு தண்ணீர், உப்பு, மிளகுத்தூள், சீரகத்தூள், பெருங்காயத்தூள் சேர்த்து அடுப்பில் வைத்து கொதிக்கவிடவும். லேசாக கொதி வரும்போது வெற்றிலையை அரைத்து வடிகட்டி சாறு எடுத்து கலவையில் சேர்த்துத் தாளிக்கக் வேண்டியதை தாளித்து சேர்த்தால், வெற்றிலை ரசம் ரெடி.

- எஸ்.ராஜம், சேலம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு