Published:Updated:

வாசகிகள் கைமணம்! - காலையில் கம்பு இட்லி... மாலையில் ஹெல்த்தி கேக்!

ஒட்டுமொத்த விகடனுக்கும் ஒரே ஷார்ட்கட்

Use App
வாசகிகள் கைமணம்! - காலையில் கம்பு இட்லி... மாலையில் ஹெல்த்தி கேக்!
வாசகிகள் கைமணம்! - காலையில் கம்பு இட்லி... மாலையில் ஹெல்த்தி கேக்!

ஒவ்வொன்றுக்கும் பரிசு: ரூ. 200

பிரீமியம் ஸ்டோரி

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் `சுவையரசி' சாந்தி விஜயகிருஷ்ணன்

வாசகிகள் கைமணம்! - காலையில் கம்பு இட்லி... மாலையில் ஹெல்த்தி கேக்!

கம்பு இட்லி

தேவையானவை: கம்பு, இட்லி அரிசி - தலா 200 கிராம், உளுத்தம்பருப்பு - 75 கிராம், பொடியாக நறுக்கிய கேரட், கொத்தமல்லித் தழை, குடமிளகாய் - தேவையான அளவு, உப்பு - தேவைக்கேற்ப.

செய்முறை: கம்புடன் இட்லி அரிசியைக் கலந்து ஒரு மணி நேரம் ஊறவைக்க வேண்டும். அதேபோல், உளுத்தம்பருப்பையும் தனியாக ஊறவைக்க வேண்டும். முதலில் உளுந்தை வெண்ணெய் போல (கிரைண்டரில்) நன்றாக அரைக்க வேண்டும். ஊறவைத்த கம்பு, அரிசியையும் அரைத்து உளுந்து மாவுடன் சேர்த்து, உப்பு கலந்து கரைத்து வைத்துக்கொள்ளவும். மறுநாள் காலையில், இட்லிப்பாத்திரத்தில் துணியை வைத்து நறுக்கிய கேரட், கொத்தமல்லித்தழை, குடமிளகாய் ஆகியவற்றை வைத்து, அதன்மேல் இட்லி மாவை ஊற்றி வேகவைத்தால் கம்பு இட்லி தயார். கம்பு இட்லி மென்மையாகவும் சுவையாகவும் இருக்கும். இது ஆரோக்கியத்துக்கு உகந்தது.

- கவிதா சரவணன், திருச்சி

வாசகிகள் கைமணம்! - காலையில் கம்பு இட்லி... மாலையில் ஹெல்த்தி கேக்!

ஹெல்த்தி கேக்

தேவையானவை: சோள மாவு, கோதுமை மாவு, கேழ்வரகு மாவு -  தலா ஒரு கப், சோயா பவுடர் - 2 டீஸ்பூன், கோகோ பவுடர் - 2 டீஸ்பூன், வாழைப்பழம் - அரை கப் (அரைத்தது), முந்திரி, பாதாம், அக்ரூட் (சேர்த்து) - ஒரு கப், சர்க்கரை பவுடர் - தேவையான அளவு, தேங்காய்ப் பால் - ஒரு கப்.

செய்முறை: எல்லாப் பொருட்களையும் நன்றாகக் கலந்து ஒரு மணி நேரம் ஊற வைக்கவும் (இட்லி மாவு பதம்). சிறுசிறு கப்களில் நெய் தடவி, அரை கப் அளவு மாவு ஊற்றி, ஆவியில் 15 நிமிடங்கள் வேக வைக்க வேண்டும். கோகோ பவுடருக்கு பதில் அன்னாசி அல்லது ஆப்பிள் எசென்ஸ் சேர்த்தும் செய்யலாம். நெய், எண்ணெய் அதிகம் இல்லாத ஹெல்த்தி கேக் தயார்!

- வே.யாழினி, வேலூர்

வாசகிகள் கைமணம்! - காலையில் கம்பு இட்லி... மாலையில் ஹெல்த்தி கேக்!

முருங்கைக்காய் புட்டு

தேவையானவை: முருங்கைக்காய் - 7, உளுத்தம்பருப்பு - ஒரு டீஸ்பூன், கடுகு - அரை டீஸ்பூன், நறுக்கிய வெங்காயம் - கைப்பிடி அளவு, பச்சை மிளகாய் - 2, தேங்காய்த் துருவல் - அரை கப், எண்ணெய், உப்பு, கறிவேப்பிலை - தேவைக்கேற்ப.

செய்முறை: முருங்கைக்காயை துண்டுகளாக்கி நீரில் வேகவைத்து சதைப்பகுதியை மட்டும் எடுத்துக் கொள்ளவும். அதில் சிறிது உப்பு சேர்த்து, வாணலியில் எண்ணெய் ஊற்றி உளுத்தம் பருப்பு, கடுகு தாளித்து, முருங்கை விழுது, நறுக்கிய வெங்காயம், பச்சை மிளகாய், கறிவேப்பிலை சேர்த்து வதக்கவும். பிறகு, தேங்காய்த் துருவல் சேர்த்துக் கிளறி இறக்கவும்.

- ஆர்.பிரபா, திருநெல்வேலி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு