Published:Updated:

வாசகிகள் கைமணம்! - `சபாஷ்' போடவைக்கும் சர்க்கரைவள்ளி சேவ்!

வாசகிகள் கைமணம்! - `சபாஷ்' போடவைக்கும் சர்க்கரைவள்ளி சேவ்!
பிரீமியம் ஸ்டோரி
News
வாசகிகள் கைமணம்! - `சபாஷ்' போடவைக்கும் சர்க்கரைவள்ளி சேவ்!

ஒவ்வொன்றுக்கும் பரிசு: ரூ.200

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் `சுவையரசி' சாந்தி விஜயகிருஷ்ணன்

வாசகிகள் கைமணம்! - `சபாஷ்' போடவைக்கும் சர்க்கரைவள்ளி சேவ்!

சர்க்கரை வள்ளி சேவ்

தேவையானவை: சர்க்கரை வள்ளிக் கிழங்கு கூழ் - ஒரு கப் (கிழங்கை வேகவைத்து தோல் நீக்கி மிக்ஸியில் ஒரு சுற்று சுற்றவும்), பொட்டுக்கடலை மாவு - ஒரு கப், அரிசி மாவு - கால் கப், கரம் மசாலாத்தூள் - 2 டீஸ்பூன், மிளகாய்த்தூள் - ஒரு டீஸ்பூன், எண்ணெய், உப்பு - தேவையான அளவு.

செய்முறை:
பொட்டுக்கடலை மாவு, மிளகாய்த்தூள், அரிசி மாவு, கரம் மசாலாத்தூள், உப்பு ஆகியவற்றை நன்கு கலந்து சர்க்கரைவள்ளிக் கிழங்கு கூழ் சேர்த்துப் பிசையவும் (தேவைப்பட்டால் தண்ணீர் சேர்த்துப் பிசையவும்). வாணலியில் எண்ணெயைக் காயவைத்து,  தேங்குழல் பிடியில் ஓமப்பொடி அச்சு போட்டு, மாவை உருட்டி அதில் போட்டு ஓமப்பொடியாக எண்ணெயில் பிழிந்து பொன்னிறமாக பொரித்து எடுக்கவும்.

சிறிது இனிப்பும், காரமும், கரம் மசாலாவின் வித்தியாசமான சுவையும் சேர்ந்து இந்த சேவ் ருசியில் அசத்தும்.

- என்.உஷா, சென்னை - 4

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வாசகிகள் கைமணம்! - `சபாஷ்' போடவைக்கும் சர்க்கரைவள்ளி சேவ்!

வெந்தயக்கீரை உசிலி

தேவையானவை:
வெந்தயக்கீரை (சிறிய கட்டு) - 12, துவரம்பருப்பு, கடலைப்பருப்பு - தலா ஒரு கப், காய்ந்த மிளகாய் - 5, பெருங்காயத்தூள், கடுகு, உளுத்தம்பருப்பு - சிறிதளவு, எண்ணெய், உப்பு - தேவையான அளவு.

செய்முறை: வெந்தயக்கீரையை சுத்தம் செய்து, பொடியாக நறுக்கிக்கொள்ளவும். துவரம்பருப்பு, கடலைப்பருப்பை ஊறவைக்கவும். ஊறியதும் காய்ந்த மிளகாய், உப்பு சேர்த்து கொரகொரப்பாக அரைத்துக்கொள்ளவும். வாணலியில் எண்ணெய்விட்டு, காய்ந்ததும் கடுகு, உளுத்தம்பருப்பு, பெருங்காயத்தூள் தாளித்து, நறுக்கிய கீரை சேர்த்து வதக்கி, அரைத்த பருப்பு விழுதைப் போட்டு நன்றாகக் கிளறவும். நன்றாக வெந்து உதிரி உதிரியானவுடன் இறக்கவும்.

ருசியான இந்த உசிலி, நீரிழிவு உள்ளவர்களுக்கு மிகவும் உகந்தது.

- சியாமளா ராஜகோபால், சிட்லபாக்கம்

வாசகிகள் கைமணம்! - `சபாஷ்' போடவைக்கும் சர்க்கரைவள்ளி சேவ்!

பனீர் வெஜ் ஆம்லெட்

தேவையானவை: பாசிப்பருப்பு - ஒரு கப், பனீர் - 100 கிராம், பச்சை மிளகாய் - 2, கடலை மாவு - அரை கப், இஞ்சித் துருவல் - ஒரு டீஸ்பூன், எண்ணெய், உப்பு - தேவையான அளவு.

செய்முறை: பாசிப்பருப்பை வேகவைக்கவும். பச்சை மிளகாயைப் பொடியாக நறுக்கவும். பனீரைத் துருவவும். வேகவைத்த பாசிப்பருப்புடன், நறுக்கிய பச்சை மிளகாய், இஞ்சித் துருவல், கடலை மாவு, உப்பு கொஞ்சம் நீர் விட்டு கலந்து பனீர் துருவலை சேர்த்துக் கலக்கவும். தோசைக்கல்லைச் சூடாக்கி, மாவை சிறு தோசைகளாக வார்த்து, சுற்றிலும் எண்ணெய்விட்டு, இருபுறமும் வேகவிட்டு எடுக்கவும். சுவையான பனீர் வெஜ் ஆம்லெட் தயார்.

- செ.கலைவாணி, மேட்டூர்

எக்ஸ்பெர்ட் கமென்ட்ஸ்

சர்க்கரைவள்ளி சேவ்: பொட்டுக்கடலை மாவுக்குப் பதில் கடலைமாவு சேர்த்து செய்தால், கூடுதல் ருசியாக இருக்கும்.

வெந்தயக்கீரை உசிலி: முருங்கைக்கீரையிலும் செய்யலாம். அதில் இரும்புச்சத்து அதிகம் உள்ளது.

பனீர் வெஜ் ஆம்லெட்: பாசிப்பருப்புக்குப் பதில் முழு பச்சைப் பயறை ஊறவைத்து அரைத்து செய்யலாம்.