Published:Updated:

வாசகிகள் கைமணம்! - ஹெல்த்தி... க்ரிஸ்பி... டேஸ்ட்டி!

வாசகிகள் கைமணம்! - ஹெல்த்தி... க்ரிஸ்பி... டேஸ்ட்டி!
பிரீமியம் ஸ்டோரி
News
வாசகிகள் கைமணம்! - ஹெல்த்தி... க்ரிஸ்பி... டேஸ்ட்டி!

ஒவ்வொன்றுக்கும் பரிசு: ரூ 200படங்கள்: சொ.பாலசுப்பிரமணியன்

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் `சுவையரசி' சாந்தி விஜயகிருஷ்ணன்    

சுங்கா பக்ரி    

வாசகிகள் கைமணம்! - ஹெல்த்தி... க்ரிஸ்பி... டேஸ்ட்டி!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

தேவையானவை: கொண்டைக்கடலை மாவு - அரை கப், நறுக்கிய வெங்காயம் - கால் கப், மிளகாய்த்தூள், மஞ்சள்தூள் - தலா அரை டீஸ்பூன், கறிவேப்பிலை, கொத்தமல்லித்தழை, தண்ணீர், உப்பு - தேவையான அளவு.

வதக்க: நறுக்கிய வெங்காயம் - அரை கப்,  நறுக்கிய பச்சை மிளகாய், இஞ்சி - பூண்டு விழுது - தலா ஒரு டீஸ்பூன், கடுகு, சீரகம் - தலா ஒரு டீஸ்பூன், எண்ணெய் - சிறிதளவு.

செய்முறை: வாணலியில் சிறிதளவு எண்ணெய்விட்டு, கடுகு, சீரகம் தாளிக்கவும். இஞ்சி - பூண்டு விழுது, பச்சை மிளகாய், வெங்காயம் சேர்த்து பொன்னிறமாகும் வரை வதக்கவும். கொண்டைக்கடலை மாவுடன் பொடியாக நறுக்கிய வெங்காயம், மிளகாய்த்தூள், மஞ்சள்தூள், உப்பு, கறிவேப்பிலை சேர்த்து, கொஞ்சம் தண்ணீர் சேர்த்து கட்டியில்லாமல் நீர்க்கக் கரைக்கவும். அந்தக் கரைசலை வாணலியில் ஊற்றி இளம் தீயில் வேகமாகக் கிளறவும். ஐந்து நிமிடங்களில் தண்ணீர் வற்றியதும் இறக்கி, கொத்தமல்லித்தழை சேர்க்கவும்.

கம்பு ரொட்டிக்குத் தொட்டுக்கொள்ள முக்கியமான சைட் டிஷ் இது.

- ஆர்.வசந்தி, போளூர்

பாதாம் ஷீரா   

வாசகிகள் கைமணம்! - ஹெல்த்தி... க்ரிஸ்பி... டேஸ்ட்டி!

தேவையானவை: பால் - ஒரு கப், பாதாம் - 10, கசகசா - ஒரு டீஸ்பூன், காய்ந்த ரோஜா இதழ்கள் - 10, பிஸ்தா - 5, ஏலக்காய் - ஒன்று, சர்க்கரை - 4 டீஸ்பூன்.

செய்முறை:
பாதாமுடன் கசகசா சேர்த்து முதல் நாள் இரவே ஊறவிடவும். மறுநாள் பாதாமின் தோலை உரித்து மிக்ஸியில் சேர்த்து, அதனுடன் ஊறவைத்த கசகசா, ஏலக்காய், ரோஜா இதழ்கள், சர்க்கரை ஆகியவற்றையும் சேர்த்து அரைக்கவும். பாலைக் காய்ச்சி, அதனுடன் அரைத்த பாதாம் விழுதைச் சேர்த்து, பாலை மறுபடியும் அடுப்பில் வைத்து கொதிக்க வைத்து இறக்கவும். பிஸ்தாவை மெலிதாகச் சீவி மேலாகத் தூவி அலங்கரித்துப் பரிமாறவும்.

- வனஜா, போளூர்

எக்ஸ்பெர்ட் கமென்ட்ஸ்:

சுங்கா பக்ரி:
வெங்காயத்தைக் குறைத்துக்கொண்டு கேரட் துருவலைச் சேர்த்தால் சுவைகூடும்.

சப்போட்டா ஹெல்த்தி பால்ஸ்: சர்க்கரைக்குப் பதிலாக வெல்லப்பாகு சேர்த்து செய்தால் உடலுக்கு நல்லது.    

வாசகிகள் கைமணம்! - ஹெல்த்தி... க்ரிஸ்பி... டேஸ்ட்டி!

பாதாம் ஷீரா: பாலுடன் ஒரு டீஸ்பூன் கோவா சேர்த்து செய்தால் சுவையாக இருக்கும்.

சப்போட்டா ஹெல்த்தி பால்ஸ்

தேவையானவை: சப்போட்டா - 4 (விதைகளை நீக்கி மசிக்கவும்), சம்பா கோதுமை, தினை, பொட்டுக்கடலை, பாசிப்பருப்பு - தலா 100 கிராம், முந்திரி, பாதாம் - தலா 10, சோள மாவு - 50 கிராம், நெய்யில் வறுத்த முந்திரி - 10 (மிக்ஸியில் ஒன்றிரண்டாகப் பொடிக்கவும்), நெய் - கால் கப், சர்க்கரை - 150 கிராம், ஏலக்காய்த்தூள் - கால் டீஸ்பூன்.

செய்முறை: சம்பா கோதுமை, தினை, பொட்டுக்கடலை, பாசிப்பருப்பு, முந்திரி, பாதாம் ஆகியவற்றை தனித்தனியே வெறும் வாணலியில் வறுத்து சர்க்கரை சேர்த்து மெஷினில் கொடுத்து அரைக்கவும். அகலமான பாத்திரத்தில் இந்த மாவைச் சேர்த்து... சோள மாவு, ஏலக்காய்த்தூள், சப்போட்டா விழுது, நெய்யில் வறுத்த முந்திரி சேர்த்து நன்கு பிசையவும். கொஞ்சம் கொஞ்சமாகச் சூடான நெய்யை விட்டு உருண்டைகளாகப் பிடிக்கவும்.

- ஆர்.ஜோதிமணி, மேட்டுப்பாளையம்