Published:Updated:

வாசகிகள் கைமணம் - மாலை நேரத்துக்கான டேஸ்ட்டி ரெசிப்பி!

வாசகிகள் கைமணம் - மாலை நேரத்துக்கான டேஸ்ட்டி ரெசிப்பி!
பிரீமியம் ஸ்டோரி
News
வாசகிகள் கைமணம் - மாலை நேரத்துக்கான டேஸ்ட்டி ரெசிப்பி!

ஒவ்வொன்றுக்கும் பரிசு: ரூ.200

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் `சுவையரசி' சாந்தி விஜயகிருஷ்ணன்

பச்சரிசி - பாதாம் கேக்

தேவையானவை: அரிசி - அரை கிலோ, பாதாம் - 100 கிராம், தேங்காய் - ஒன்று, வெல்லம் - முக்கால் கிலோ, முந்திரிப்பருப்பு - 100 கிராம், ஏலக்காய்த்தூள் - ஒரு டீஸ்பூன், நெய் - அரை கிலோ, உப்பு - ஒரு சிட்டிகை.

செய்முறை: அரிசியை அரைமணி நேரம் ஊற வைக்கவும். பாதாமை வெந்நீரில் போட்டுச் சிறிது நேரம் கழித்துத் தோலெடுக்கவும். தேங்காயைப் பூத்துருவலாகத் துருவிக்கொள்ளவும். அரிசி ஊறியதும் நன்கு கழுவி அரைக்கவும். பாதி அரைத்ததும் அத்துடன் வெல்லம், ஏலக்காய்த்தூள், தேங்காய்த் துருவல், பாதாம் சேர்த்து நன்றாக மை போல அரைக்கவும். தண்ணீர்விட்டு, உப்பு சேர்த்துச் தோசை மாவு பதத்துக்குச் சற்றுத் தளர்த்தியாக கரைத்து வைத்துக்கொள்ளவும்.

வாசகிகள் கைமணம் - மாலை நேரத்துக்கான டேஸ்ட்டி ரெசிப்பி!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

வாணலியில் சிறிதளவு நெய்விட்டு அரைத்த மாவைப் போட்டுக் கிளறி, நெய்யைச் சிறிது சிறிதாக விட்டுக்கொண்டே நன்கு கிளறவும். நன்றாக வெந்து கையில் ஒட்டாமல் ஒன்றாகச் சேர்த்து வரும்போது, அல்வா போல் இருக்கும் இந்தக் கலவையை, நெய் தடவிய தட்டில் போட்டுக் கொஞ்சம் ஆறியதும், கத்தியால் கட் செய்து வில்லைகள் போடவும். முந்திரிப்பருப்பை மிகச் சிறிய துண்டுகளாக நறுக்கி, நெய்யில் பொரித்து மேலே தூவவும்.

- லதா கிரிதரன்,  கிழக்குத் தாம்பரம்

பிரெட் தோசை

தேவையானவை: பிரெட் துண்டுகள் - 3, ரவை - அரை கப், மைதா - ஒரு டேபிள்ஸ்பூன், தயிர் - கால் கப், சீரகம் - கால் டீஸ்பூன், வெங்காயம், தக்காளி, பச்சை மிளகாய் - தலா ஒன்று (பொடியாக நறுக்கவும்), நறுக்கிய கொத்தமல்லித்தழை - ஒரு கைப்பிடி அளவு, எண்ணெய், உப்பு  - தேவையான அளவு.

வாசகிகள் கைமணம் - மாலை நேரத்துக்கான டேஸ்ட்டி ரெசிப்பி!

செய்முறை: மிக்ஸியில் பிரெட் துண்டுகள், மைதா, ரவை சேர்த்து ஒருமுறை ஓட்டுங்கள். பின்னர் அதில் தயிர் சேர்த்து ஓட்டுங்கள். இந்தக் கலவையைப் பாத்திரத்தில் ஊற்றிச் சீரகம், உப்பு, கொத்தமல்லித்தழை, வெங்காயம், தக்காளி, பச்சை மிளகாய் சேர்த்து நன்கு கிளறவும் (தோசை மாவு பதத்துக்கு வர சிறிதளவு தயிரையும், தண்ணீரையும் சேர்த்துக்கொள்ளலாம்). தோசைக்கல்லைக் காயவைத்து, மாவைத் தோசையாக ஊற்றி, எண்ணெய்விட்டுச் சுட்டெடுக்கவும். 

இதற்குத் தேங்காய் சட்னி நல்ல காம்பினேஷன்.

- எஸ்.நித்யா, சென்னை-56

எக்ஸ்பெர்ட் கமென்ட்ஸ்

பிரெட் தோசை: சாதாரண பிரெட்டுக்கு பதிலாக, கோதுமை பிரெட்டை சேர்த்துக் கொண்டால் ஆரோக்கியத்துக்கு நல்லது.

பச்சரிசி - பாதாம் கேக்: பாதாமின் விலை அதிகமாக இருக்கும் என யோசித்தால், முந்திரியை மட்டுமே கூட சேர்த்துச் செய்யலாம்.