Published:Updated:

பச்சடியும் பகாளாபாத்தும்!

பச்சடியும் பகாளாபாத்தும்!
பிரீமியம் ஸ்டோரி
News
பச்சடியும் பகாளாபாத்தும்!

வாசகிகள் கைமணம்வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் `சுவையரசிஒவ்வொன்றுக்கும் பரிசு: ரூ. 200

சேமியா பகாளாபாத்

பச்சடியும் பகாளாபாத்தும்!

தேவையானவை: சேமியா - ஒரு கப், தயிர் (புளிக்காதது) - முக்கால் கப், பால் - அரை கப், பச்சை மிளகாய் - 2, இஞ்சி - சிறிய துண்டு (தோல் சீவி, விழுதாக அரைக்கவும்), கடுகு, உளுத்தம்பருப்பு, கடலைப்பருப்பு - தலா கால் டீஸ்பூன், கறிவேப்பிலை, கொத்தமல்லித்தழை - சிறிதளவு, எண்ணெய், உப்பு - தேவையான அளவு.

செய்முறை: வெறும் வாணலியில் சேமியாவை வறுத்துத் தனியாக எடுத்து வைத்துக்கொள்ளவும்.  ஒரு பாத்திரத்தில் தண்ணீர்விட்டு சூடானதும் வறுத்த சேமியாவைப் போட்டு 5 நிமிடங்கள் கொதிக்கவைக்கவும். பிறகு, தண்ணீரை நன்கு வடிகட்டி சேமியாவை ஆறவிடவும். வாணலியில் எண்ணெய்விட்டுக் காய்ந்ததும் கடுகு, உளுத்தம்பருப்பு, கடலைப்பருப்பு, நறுக்கிய பச்சை மிளகாய், இஞ்சி விழுது, கறிவேப்பிலை தாளிக்கவும். அத்துடன் வேகவைத்த சேமியா, தயிர், உப்பு சேர்த்துக் கிளறவும். இதில் பாலைச் சேர்த்துக் கலக்கவும். பின்னர் கொத்தமல்லி சேர்த்துக் கிளறி இறக்கவும்.

- அ.அன்புச்செல்வி, திருச்சி

நெல்லிக்காய் ஸ்வீட் பச்சடி

தேவையானவை: வேகவைத்து மசித்த நெல்லிக்காய் - ஒரு கப், ஊறவைத்து மசித்த பேரீச்சம்பழம் - அரை கப், வெல்லம் - ஒரு கப், ஏலக்காய்த்தூள் - ஒரு டீஸ்பூன், முந்திரி, திராட்சை - தலா ஒரு டீஸ்பூன், நெய், கோதுமை மாவு - தலா ஒரு டீஸ்பூன்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பச்சடியும் பகாளாபாத்தும்!

செய்முறை: அரை கப் தண்ணீரில் வெல்லப் பாகு வைத்து, அழுக்கு நீக்கி, கம்பிப் பதம் வந்ததும் மசித்த நெல்லிக்காய், பேரீச்சம்பழம் விழுது சேர்த்து மிக்ஸியில் ஒரு சுற்று சுற்றி, அரை டம்ளர் தண்ணீரில் கரைத்து பாகில் விட்டு, 2 நிமிடங்கள் கொதிக்கவிடவும். கால் கப் தண்ணீரில் கோதுமை மாவைக் கரைத்துக் கொதிக்கும் கலவையில் விடவும். நன்கு சேர்ந்தாற்போல் வந்ததும் ஏலக்காய்த்தூள் சேர்த்துக் கலந்து, நெய்யில் வறுத்த முந்திரி, திராட்சையைச் சேர்த்தால்... சுவையான ஸ்வீட் பச்சடி ரெடி.

இதை சப்பாத்தி, பூரி, தோசைக்குத் தொட்டு சாப்பிடலாம். நெல்லிக்காயில் வைட்டமின் சி சத்து, பேரீச்சம் பழத்தில் இரும்புச்சத்து அதிகம் இருப்பதால், உடலுக்கு எனர்ஜி தரும்.

மணத்தக்காளி சுண்டைக்காய் பச்சடி

தேவையானவை: பொரித்த மணத்தக்காளி வற்றல் - 4 டீஸ்பூன், பொரித்த சுண்டைக்காய் வற்றல் - 2 டீஸ்பூன், புளிக்காத தயிர் - ஒரு கப், தேங்காய்த் துருவல் - 3 டீஸ்பூன், மிளகுத்தூள் - அரை டீஸ்பூன், கடுகு - அரை டீஸ்பூன், பெருங்காயத்தூள் - ஒரு சிட்டிகை, எண்ணெய் - சிறிதளவு, உப்பு - தேவைக்கேற்ப.

பச்சடியும் பகாளாபாத்தும்!

செய்முறை: புளிக்காத தயிரில் தேங்காய்த் துருவல், உப்பு, பெருங்காயத்தூள் சேர்க்கவும். பொரித்த மணத்தக்காளி வற்றல், சுண்டைக்காய் வற்றல் சேர்த்து நன்கு கிளறவும். பிறகு, மிளகுத்தூள் தூவவும். தேங்காய் எண்ணெயில் கடுகு தாளித்துச் சேர்க்கவும்.

துவையல் சாதம், கலவை சாதத்துக்கு இது நல்ல மேட்ச். அஜீரணக் கோளாறுகள், வாய்ப்புண் ஆகியவற்றிலிருந்து நிவாரணம் அளிக்கும்.

- சீனு சந்திரா, சென்னை - 4

எக்ஸ்பெர்ட் கமென்ட்ஸ்

சேமியா பகாளாபாத்: மாதுளை, திராட்சை சேர்த்தால் சுவை கூடும்.

நெல்லிக்காய் ஸ்வீட் பச்சடி: ஒரு துண்டு இஞ்சியைத் துருவிச் சேர்க்கலாம்.

மணத்தக்காளி சுண்டைக்காய் பச்சடி
: சுண்டக்காயை நசுக்கிப் போட்டால் நன்கு ஊறிச் சுவையாக இருக்கும்.