Published:Updated:

உங்கள் பானத்தில் உப்பா? சர்க்கரையா?

உங்கள் பானத்தில் உப்பா? சர்க்கரையா?
பிரீமியம் ஸ்டோரி
உங்கள் பானத்தில் உப்பா? சர்க்கரையா?

வாசகிகள் கைமணம், ஒவ்வொன்றுக்கும் பரிசு: ரூ. 200

உங்கள் பானத்தில் உப்பா? சர்க்கரையா?

வாசகிகள் கைமணம், ஒவ்வொன்றுக்கும் பரிசு: ரூ. 200

Published:Updated:
உங்கள் பானத்தில் உப்பா? சர்க்கரையா?
பிரீமியம் ஸ்டோரி
உங்கள் பானத்தில் உப்பா? சர்க்கரையா?

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் சமையல் கலைஞர் தீபா பாலச்சந்தர்

சாட்டூ

தேவையானவை: பார்லி - 100 கிராம், எலுமிச்சைச் சாறு - 2 டீஸ்பூன், சர்க்கரை - 4 டீஸ்பூன், ஐஸ்வாட்டர் - ஒரு கப்.

செய்முறை: பார்லியை வாணலியில் சேர்த்து மிதமான தீயில் நன்கு சிவக்க வறுக்கவும் (தீய்ந்துவிடக் கூடாது). ஆறிய பின் நன்கு பொடி செய்து, ஏர்டைட் கன்டெய்னரில் போட்டு வைக்கவும். மூன்று டீஸ்பூன் பார்லி பவுடர், எலுமிச்சைச் சாறு, சர்க்கரை, ஐஸ்வாட்டர் கலந்து பரிமாறவும்.

உங்கள் பானத்தில் உப்பா? சர்க்கரையா?

பீகார் மாநிலத்தின் கோடைக்கால பானம் இது. நீரிழிவு பிரச்னை உள்ளவர்கள் சர்க்கரைக்குப் பதில் சிறிது உப்பு சேர்த்துப் பருகலாம். பார்லி உடல் சூட்டைக் குறைக்கும் தன்மையுள்ளது. சிறுநீர் எரிச்சலை நீக்கும். உடல் பலத்தை அதிகரிக்கும்.

- மொ.ஷிரின் பாத்திமா, சென்னை-45

சிவப்புப் பூசணி பாயசம்

தேவையானவை: தோல் சீவி, துருவிய சிவப்புப் பூசணி - ஒரு கப், பொடித்த வெல்லம் - ஒன்றரை கப், தேங்காய் - அரை மூடி (துருவவும்), தினை அரிசி - கால் கப், ஏலக்காய்த்தூள் - ஒரு டீஸ்பூன், முந்திரி - திராட்சை - 2 டீஸ்பூன், நெய் - ­தேவையான அளவு,  உப்பு - ஒரு சிட்டிகை.

உங்கள் பானத்தில் உப்பா? சர்க்கரையா?

செய்முறை: வாணலியில் சிறிதளவு நெய்விட்டு, சிவப்புப் பூசணித் துருவலை வதக்கவும். பிறகு,  வாணலியில் நெய்விட்டு தினை அரிசியையும் வறுக்கவும். தினை அரிசி, சிவப்புப் பூசணியை கொரகொரப்பாக அரைத்துத் தண்ணீரில் கரைத்து வேகவிடவும். வெந்த பின் வெல்லம் சேர்க்கவும். தேங்காய்த் துருவல், முந்திரி, திராட்சையை நெய்யில் வறுத்துப் போட்டு ஏலக்காய்த்தூள், சிட்டிகை உப்பு சேர்த்து இறக்கவும்.

- எம்.வசந்தா, சென்னை-64

பச்சைப் பயறு கார தோசை

தேவையானவை: பச்சைப் பயறு - ஒரு கப், பச்சரிசி - 2 கப், காய்ந்த மிளகாய் - 7, மல்லி (தனியா), சோம்பு, மிளகு, சீரகம் - தலா 2 டீஸ்பூன், பெரிய வெங்காயம் - 2 (பொடியாக நறுக்கவும்), பூண்டு - 4 பல் நறுக்கிய கொத்தமல்லித்தழை, நறுக்கிய கறிவேப்பிலை, எண்ணெய், உப்பு - தேவையான அளவு.

உங்கள் பானத்தில் உப்பா? சர்க்கரையா?

செய்முறை: பச்சைப் பயறை 6 மணி நேரம் ஊற வைக்கவும். அரிசியை ஒரு மணி நேரம் ஊறவைக்கவும். இவற்றுடன் பூண்டு, காய்ந்த மிளகாய், மல்லி (தனியா), சோம்பு, மிளகு, சீரகம், உப்பு ஆகியவற்றைச் சேர்த்து கொரகொரப்பாக அரைத்துக்கொள்ளவும். கொத்தமல்லித்தழை, கறிவேப்பிலை, வெங்காயத்தை மாவுடன் கலக்கவும். தோசைக்கல்லைச் சூடாக்கி, மாவை தோசைகளாக ஊற்றி, எண்ணெய்விட்டு சுட்டெடுக்கவும்.

குறிப்பு: கடலை எண்ணெய் ஊற்றி தோசை செய்தால் சுவை கூடுதலாக இருக்கும்.

- ரேவதி பாஸ்கரன், தருமபுரி

உங்கள் பானத்தில் உப்பா? சர்க்கரையா?

எக்ஸ்பெர்ட் கமென்ட்ஸ்:

சாட்டூ: சர்க்கரையுடன் சிட்டிகை அளவுக்கு உப்புச் சேர்க்கச் சுவை கூடும்.

சிவப்புப் பூசணி பாயசம்: தேங்காய்த் துருவலுக்குப் பதில் தேங்காய்ப்பால் சேர்த்தும் செய்யலாம்.

பச்சைப் பயறு கார தோசை
: பச்சைப் பயறை முளைக்கட்டிச் சேர்த்தால் கூடுதல் சத்து கிடைக்கும்.