Published:Updated:

வாசகிகள் கைமணம் - சத்தான சத்தல்லவா!

வாசகிகள் கைமணம் - சத்தான சத்தல்லவா!
பிரீமியம் ஸ்டோரி
News
வாசகிகள் கைமணம் - சத்தான சத்தல்லவா!

ஒவ்வொன்றுக்கும் பரிசு: ரூ.200படங்கள்: சொ.பாலசுப்ரமணியன்

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் சமையல் கலைஞர் தீபா பாலச்சந்தர்

உளுந்து உருண்டை

தேவையானவை: தோலுடன்கூடிய கறுப்பு உளுத்தம்பருப்பு - அரை கப், வெள்ளை உளுத்தம்பருப்பு - அரை கப், வெல்லம் - ஒன்றரை கப், நெய் - 50 மில்லி, பச்சரிசி - ஒரு டேபிள்ஸ்பூன். 

வாசகிகள் கைமணம் - சத்தான சத்தல்லவா!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

செய்முறை: வெறும் வாணலியில் தனித்தனியே பருப்புகளையும் பச்சரிசியையும் நன்கு வாசம் வரும்வரை வறுக்கவும். பின்பு மிக்ஸியில் பொடியாக்கவும் (சலிக்க வேண்டாம்). பிறகு வெல்லத்தைச் சீவி மிக்ஸியில் சேர்த்துச் சுற்றவும். இதனுடன் அரிசி மாவு, உளுத்தம்பருப்பு மாவையும் சேர்த்து, லேசாகச் சூடாக்கிய நெய்யையும் சேர்த்துச் சுற்றவும். உடனே உருண்டையாகப் பிடிக்கவும்.

முந்திரியை நெய்யில் வறுத்தும் சேர்க்கலாம். இது மிகவும் சத்தான உருண்டை.

- ஜெயந்தி முத்துக்குமரசாமி, திருச்சி

எக்ஸ்பெர்ட் கமென்ட்: 

உளுந்து உருண்டை: ஏலக்காய்த்தூள் சேர்த்தால் வெல்லத்தால் ஏற்படும் கபத்தைத் தடுக்கலாம்.

வாசகிகள் கைமணம் - சத்தான சத்தல்லவா!

சத்து உசிலி

தேவையானவை:
முருங்கைக்கீரை - 4 கப், துவரம்பருப்பு - ஒரு கப், கொள்ளு - ஒரு டேபிள்ஸ்பூன், கடலைப்பருப்பு - 2 டேபிள்ஸ்பூன், பாசிப்பருப்பு - ஒரு டேபிள்ஸ்பூன், ஆளிவிதை - 2 டீஸ்பூன், காய்ந்த மிளகாய் - 5, எண்ணெய் - 2 டேபிள்ஸ்பூன், உப்பு - தேவைக்கேற்ப.

தாளிக்க: கடுகு - அரை டீஸ்பூன், உளுத்தம்பருப்பு - ஒரு டீஸ்பூன், பெருங்காயத்தூள் - கால் டீஸ்பூன், கறிவேப்பிலை - சிறிதளவு.

செய்முறை: துவரம்பருப்பு, கடலைப்பருப்பு, பாசிப்பருப்பு, கொள்ளு ஆகியவற்றைக் களைந்து தண்ணீரில் பத்து நிமிடங்கள் ஊறவைத்து வடிகட்டவும். இதனுடன் காய்ந்த மிளகாய், உப்பு, ஆளிவிதை சேர்த்துக் கொரகொரப்பாக அரைத்து எடுக்கவும். முருங்கைக் கீரையை ஆவியில் வேகவைத்து எடுக்கவும். அடி கனமான வாணலியில் எண்ணெய் ஊற்றிக் கடுகு, உளுத்தம்பருப்பு, பெருங்காயத்தூள், கறிவேப்பிலை தாளித்து, அதில் அரைத்த பருப்பைப் போட்டுக் கிளறவும். உதிர் உதிரான பதம் வந்ததும் ஆவியில் வேகவைத்த முருங்கைக்கீரையைச் சேர்த்து ஐந்து நிமிடங்கள் கிளறி இறக்கவும்.

இதை, சூடான சாதத்தில் சேர்த்து  நெய்விட்டுச் சாப்பிட்டால் சுவையாக இருக்கும். இந்தச் சத்து உசிலியை சைட் டிஷ்ஷாகத் தொட்டுக்கொள்ளலாம். சேவையிலும் இந்தச் சத்து உசிலியைக் கலந்து சத்து உசிலி சேவை தயாரித்துச் சாப்பிடலாம். புரதச் சத்து, இரும்புச்சத்து நிறைந்தது.

 - என்.உஷா, சென்னை - 4 

எக்ஸ்பெர்ட் கமென்ட்: 

சத்து உசிலி: அரைத்த விழுதுடன் கீரையைச் சேர்த்துப் பிசைந்தும் ஆவியில் வேக வைக்கலாம். தாளிக்கும் போது வறுத்த வேர்க்கடலையைச் சேர்க்கலாம்.

வாசகிகள் கைமணம் - சத்தான சத்தல்லவா!

கசகசா வடை

தேவையானவை:
கசகசா, பொட்டுக்கடலை - தலா அரை கப், உருளைக்கிழங்கு - 2, துருவிய இஞ்சி - சிறிதளவு, கறிவேப்பிலை - 2 ஆர்க்கு, பச்சை மிளகாய் - 3, எண்ணெய் - பொரிக்கத் தேவையான அளவு, உப்பு - தேவைக்கேற்ப.

செய்முறை: கசகசாவை வெறும் கடாயில் சூடுவரப் புரட்டவும். இத்துடன், பொட்டுக்கடலை சேர்த்துப் பொடிக்கவும். உருளைக்கிழங்கை வேகவைத்து மசிக்கவும். அகலமான பாத்திரத்தில், பொடித்த கசகசா கலவை, மசித்த உருளைக்கிழங்கு, துருவிய இஞ்சி, கறிவேப்பிலை, உப்பு, பொடியாக நறுக்கிய பச்சை மிளகாய் சேர்த்துக் கலக்கவும் (தேவையானால் தண்ணீர் சேர்க்கலாம்). மாவை வடைகளாகத்தட்டி, சூடான எண்ணெயில்போட்டு, மொறுமொறுவெனப் பொரித்தெடுக்கவும்.

- ர.கிருஷ்ணவேணி, நொளம்பூர்

எக்ஸ்பெர்ட் கமென்ட்:

கசகசா வடை: தேவையான பொருள்களில் அரிசி மாவு 2 டீஸ்பூன் சேர்த்துக் கொள்ளவும். இல்லையென்றால் எண்ணெய்யில் போட்டதும் பிரிந்துவிடுகிறது.