Published:Updated:

டிப்ஸ்...டிப்ஸ்....

டிப்ஸ்...டிப்ஸ்....

டிப்ஸ்...டிப்ஸ்....

டிப்ஸ்...டிப்ஸ்....

Published:Updated:

26-03-2010
டிப்ஸ்...டிப்ஸ்...
டிப்ஸ்...டிப்ஸ்....
டிப்ஸ்...டிப்ஸ்....

ஒட்டுமொத்த விகடனுக்கும் ஒரே ஷார்ட்கட்!

டிப்ஸ்...டிப்ஸ்....

சர்க்கரை, வெல்லம் போன்ற இனிப்பு வகைகளை வைக்கும் பாத்திரத்தை சுற்றி வெள்ளரிக்காய்த் தோலை நெருக்கமாகப் போட்டு வைத்தால், எறும்புகள் கிட்டே நெருங்காது.

- ஜி.கண்ணாத்தாள், திருச்சுழி

தினமும் சொல்லும் சுலோகப் புத்தகத்தின் முக்கியமான பக்கங்களின் ஓரங்களில் ‘செலோ டேப்’பை பார்டர் போல மடித்து ஒட்டிவிட்டால் கிழியாமல் இருக்கும்.

- டி.பி.கண்ணகி, திருப்பூர்-7

டிப்ஸ்...டிப்ஸ்....

நூடுல்ஸ் செய்யும்போது, மசாலா பவுடருக் குப் பதிலாக சமையலுக்குப் பயன்படுத்தும் மிளகு, சீரகம் சேர்த்து அரைத்த ரசப்பொடியை தூவினால், சுவை வித்தியாசமாகவும், அருமையாகவும் இருக்கும்.

- அ.விஜயகுமாரி, மதுரை-16

திடீர் விருந்தாளிகளுக்கு உடனடி ஸ்வீட் செய்ய ஒரு ஐடியா! கடாயில் சிறிது நெய் விட்டு, நான்கு டேபிள்ஸ்பூன் கடலை மாவை வறுத்துக் கொள்ளுங்கள். அதில் அரை கப் மில்க்மெய்டு சேர்த்து, சில நிமிடங்கள் கிளறி இறக்குங்கள். நெய் தடவிய தட்டில் கொட்டி, துண்டுகள் போடுங்கள். சுவையான பால் மைசூர்பாக் தயார்!

- கே சீதாலட்சுமி, பாளையங்கோட்டை

மாதாந்திர சாமான்களை வாங்குவதற்கு முன், வீட்டில் உள்ள குடும்ப உறுப்பினர்கள் ஒவ்வொருவரிடமும் அவர்களுக்கு என்ன தேவை என்பதைக் கேட்டறிந்து லிஸ்ட்டில் சேர்த்துக் கொள்ளுங்கள். இதனால் பலமுறை கடைக்குப் போவதைத் தவிர்க்கலாம்.

- மஞ்சு வாசுதேவன், நவிமும்பை

கரண்டியையும் கத்தியாக்கலாம். எவர்சில்வர் கரண்டியின் கைப்பிடி உடைந்துவிட்டால், காம்புப் பகுதியைத் தட்டையாகத் தட்டி, ஒரு பக்கம் சாணை பிடித்துவிட்டால் கூர்மையான கத்தி தயார்.

- வி.விஜயலட்சுமி, அய்யம்பேட்டை

டிப்ஸ்...டிப்ஸ்....

ஈஸியா கொழுக்கட்டை செய்ய ஒரு வழி. பூரணம் தயாரித்து சிறு உருண்டைகளாக உருட்டிக் கொள்ளுங்கள். அரிசி மாவை இட்லி மாவு பதத்தில் கரைத்து, அதில் பூரண உருண்டைகளை தோய்த்து எடுத்து, உலர்ந்த அரிசி மாவில் ஒரு முறை புரட்டி, இட்லித் தட்டில் வேக வைத்து எடுங்கள். மாலை நேரத்துக்கு ஏற்ற அருமையான டிபன்!

- டி.சண்முகப்பிரியா, இடைகால்

ஒரு பாத்திரத்தில் தண்ணீரை நிரப்பி ஃபிரிட்ஜில் எப்போதும் வைத்து விடுங்கள். கரன்ட் கட்டானாலும் கவலையில்லை. பால் பாக்கெட்டுகளை அந்த ஜில் தண்ணீரில் போட்டு வைத்து விட்டால், சில மணி நேரம் வரை பால் கெட்டுப் போகாமல் இருக்கும்.

- எஸ்.லக்ஷ்மி, சென்னை-17

பிரெட்டில் டோஸ்ட், சாண்ட்விச் மட்டுமே செய்து சாப்பிட்டு அலுத்து விட்டதா? பிரெட் துண்டுகளை முக்கோண வடிவில் வெட்டி, டோஸ்ட் செய்து, தாளித்த தயிரை மேலாக ஊற்றுங்கள். இரண்டே நிமிடத்தில் பிரெட் தயிர் வடை தயார்.

- ஜே.கஸ்தூரி, சேலம்-8

டிப்ஸ்...டிப்ஸ்....
 
டிப்ஸ்...டிப்ஸ்....
டிப்ஸ்...டிப்ஸ்....
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism