Published:Updated:

அம்மா ரெசிப்பி; பார்வைத் திறனுக்கு பாலக் சப்பாத்தி!

படங்கள்: இரா.யோகேஷ்வரன்

அம்மா ரெசிப்பி; பார்வைத் திறனுக்கு பாலக் சப்பாத்தி!

படங்கள்: இரா.யோகேஷ்வரன்

Published:Updated:
அம்மா ரெசிப்பி; பார்வைத் திறனுக்கு பாலக் சப்பாத்தி!

இப்ப எல்லார் வீட்டிலுமே வாரத்துக்கு நாலு நாள் சப்பாத்திதான். ஆனா, தினமும் ஒரே மாதிரியான சப்பாத்தின்னா போரடிக்கும்தானே. அதனால, சப்பாத்தியில் பாலக் கீரை சேர்த்து, சத்தானதா மாத்திடுவேன். வீட்டுல சாப்பிடறதுக்கும், பேக் பண்ணி எடுத்துட்டுப் போறதுக்கும் இந்த பாலக் சப்பாத்தி ரொம்ப ருசியா இருக்கும். கீரை சாப்பிடாத குழந்தைகளை, சாப்பிடவைக்க இது நல்ல வழி. கூடவே, ஓமம் சேர்க்கிறதால வயித்துக்குத் தொந்தரவு பண்ணாது'' என்கிறார் சென்னை கோட்டூர்புரத்தைச் சேர்ந்த ஏகம்மை மணிகண்டன்.

தேவையானவை: கோதுமை மாவு 2 ஆழாக்கு, பசலைக் கீரை (பாலக்) ஒரு கட்டு, ஓமம்  ஒரு டீஸ்பூன், சர்க்கரை  ஒரு அரை டீஸ்பூன், மிளகாய்த்தூள்  அரை டீஸ்பூன், உப்பு, எண்ணெய்  தேவையான அளவு.

அம்மா ரெசிப்பி; பார்வைத் திறனுக்கு பாலக் சப்பாத்தி!

செய்முறை: பசலைக் கீரையைக் கழுவி, பாத்திரத்தில் போட்டு, ஒரு டம்ளர் தண்ணீர,் சர்க்கரை சேர்த்து ஒரு கொதிக்கு வேகவைக்கவும். வெந்த கீரையை நீரை வடித்துவிட்டு, மிக்ஸியில் போட்டு, நன்றாக அரைக்கவும். இந்த விழுதை கோதுமை மாவில் ஊற்றி, உப்பு, மிளகாய்த்தூள் சேர்த்து, ஓமத்தை உள்ளங்கையில் தேய்த்துப் போட்டுப் பிசையவும். வழக்கமான சப்பாத்தி போல, திரட்டி எடுத்து, தோசை தவாவில் போட்டு, இருபக்கமும் எண்ணெய் விட்டு சுட்டெடுக்கவும். சைடு டிஷ் எதுவும் தேவை இல்லை. அப்படியே சாப்பிடலாம்.

டயட் கவுன்சலர் கிருஷ்ணமூர்த்தி: பீட்டாகரோட்டின் இருப்பதால் கண்களுக்கு நல்லது. ரத்தத்தில் ஹீமோகுளோபின் அளவை அதிகரிக்கச் செய்யும் ஃபோலிக் அமிலம் இந்தக் கீரையில் நிறைவாக உள்ளது. மேலும், நார்ச்சத்து அதிகம் என்பதால், மலச்சிக்கல் பிரச்னை வராது. பாலக் கீரையில் ஆக்சாலிக் அமிலம் அதிகம் இருப்பதால், சிறுநீரக நோயாளிகள் தவிர்ப்பது நல்லது. சர்க்கரை நோயாளிகளுக்கு ஏற்ற உணவு.