Published:Updated:

மலை நாட்டு உணவுகள்

மலை நாட்டு உணவுகள்

• படுகா வெஜ் கறி படுகா சேனை வறுவல்  

• முளைக்கட்டிய பச்சைப் பயறு பச்சடி  அவரை உதுகா (அவரைக்காய் குழம்பு)

• படுகா மீன் வறுவல்  

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

• டுங்ரிம்பய் கபாப்  

• மூங்கில் அரிசிப் பாயசம்

• படகுரு கொய் உட்கா (படுகா கோழிக் கறி)    

• அரக்கு வேலி முங்கில் கோழி வறுவல்  (பொங்குலோ சிக்கன்)  

மலை நாட்டு உணவுகள்

• நாடோடி உருளை வறுவல்

• பாடொடியா  

• பச 

• தானிய ரொட்டி  

• ஓமிடி கார்

• தேங்காய் உருண்டை  

• பலாப்பழக் கொட்டைத் துவையல்

• உருண்டைச்  சோறு  

• தாஷ்போர்கே சட்னி

பாடொடியா

தேவையானவை:

சிறு மீன் - அரை கிலோ

உப்பு - தேவையான அளவு

மிளகாய்த்தூள் - 2 டீஸ்பூன்

எலுமிச்சைச்சாறு - 1 டேபிள்ஸ்பூன்

இஞ்சி விழுது - 20 கிராம்

பூண்டு விழுது - 20 கிராம்

வாழை இலை - 2

மலை நாட்டு உணவுகள்

செய்முறை:

சிறு மீனை நன்றாக சுத்தம் செய்து கழுவி,  வாழை இலை தவிர மற்ற பொருட்களுடன் சேர்த்து வாழை இலையில் வைத்து சுற்றி, தோசைக் கல்லில் மூடியிட்டு 30 நிமிடம் வரை வைத்துப் பரிமாறவும். அல்லது மணலினுள் வைத்து மேலே நெருப்பை மூட்டி அரை மணி நேரம் கழித்து எடுத்து சாப்பிடலாம்.
அசாமில் வாழும் நாடோடிகளின் பிரபல உணவுகளில் இதுவும் ஒன்று.

பச

தேவையானவை:

ரோகு மீன் - அரை கிலோ

பூண்டு - 20 கிராம்

இஞ்சி - 20 கிராம்

பச்சை மிளகாய் - 10 கிராம்

உப்பு - தேவையான அளவு

பொட்டுக்கடலை - 25 கிராம்

வெந்தயக்கீரை - அரை கட்டு

மலை நாட்டு உணவுகள்

செய்முறை:

ரோகு மீனை நன்றாக சுத்தம் செய்து தலை மற்றும் வாலை நீக்கி, முள்ளை எடுத்து அரைத்துக் கொள்ளவும். மற்ற பொருட்களையும் நன்றாக அரைத்து, அதில் தண்ணீர் சேர்த்து 10 நிமிடம் கொதிக்கவிடவும். இத்துடன் அரைத்து வைத்துள்ள மீனைச் சேர்த்து 3 நிமிடம் கிளறவும். நன்றாக கொதித்ததும் இறக்கிவிடவும்.

அருணாச்சல பிரதேசத்தில் போர் காலங்களில் இந்த வகை உணவைத் தயாரித்து சாப்பிடுவார்கள்.

தானிய ரொட்டி

தேவையானவை:

கம்பு மாவு - 50 கிராம்

சோள மாவு - 50 கிராம்

மக்காச்சோள மாவு - 50 கிராம்

ஆரிய மாவு - 50 கிராம்

உப்பு - தேவையான அளவு

வெங்காயம் - 1 (பொடியாக நறுக்கியது)

கொத்தமல்லித்தழை - சிறிதளவு

வாழை இலை - 2

மலை நாட்டு உணவுகள்

செய்முறை:

மாவு வகைகளை ஒன்றாகக் கலந்து சலித்துக் கொள்ளவும். இதனுடன் உப்பு, தண்ணீர், நறுக்கிய வெங்காயம், கொத்தமல்லித்தழை சேர்த்து நன்றாகப் பிசைந்து 10 நிமிடம் தனியே வைக்கவும். பிறகு சிறிதளவு எடுத்து உருட்டி வாழை இலையில் வைத்து தட்டி மடிக்கவும். அதன் மேலே இன்னொரு வாழை இலையை வைத்து, மடித்து மண்ணில் புதைத்து நெருப்புக் கனலை மேலே பரப்பி 15 நிமிடம் கழித்து எடுத்து சூடாகப் பரிமாறலாம்.

ஓமிடி கார்

தேவையானவை:

சோடாமாவு - 1 டீஸ்பூன்

பப்பாளிக்காய் - அரை கிலோ

இஞ்சி (நீளவாக்கில் நறுக்கியது) - 20 கிராம்

பூண்டு (நீளவாக்கில் நறுக்கியது) - 20 கிராம்

பச்சை மிளகாய் (நீளவாக்கில் நறுக்கியது) - 5

கடுகு எண்ணெய் -  2 டீஸ்பூன்

மலை நாட்டு உணவுகள்

செய்முறை:

ஒரு கடாயில் கடுகு எண்ணெயை ஊற்றி சூடாக்கவும். அதில் இஞ்சி, பூண்டு சேர்த்து பொன்னிறமாக மாறியதும் நறுக்கிய பப்பாளிக்காயைச் சேர்த்து வதக்கவும். வதங்கியதும் பச்சை மிளகாய் 100 மில்லி தண்ணீரைச் சேர்த்து நன்றாகக் கொதிக்கவிடவும். நன்றாகக் கொதித்து கஞ்சி பதத்துக்கு வரும் போது, சிறிதளவு சோடாமாவு சேர்த்துக் கிளறி இறக்கலாம்.

அசாமில் வாழும் நாடோடிகள் மற்றும் பழங்குடியினர் இந்தக் கூட்டை அரிசி சாதத்துடன் சாப்பிடுவார்கள். குறிப்பாக, மலை அரிசி சாதத்துடன் சாப்பிடுவார்கள்.

பலாப்பழக் கொட்டைத் துவையல்

தேவையானவை:

பலாப்பழக் கொட்டை - அரை கிலோ

உப்பு - தேவையான அளவு

சிகப்பு மிளகாய் - 5

மலை நாட்டு உணவுகள்

செய்முறை:

பலாக் கொட்டையை சூரிய ஒளியில் நன்கு காய வைத்து பாதுகாத்து வைக்கவும் தேவைப்படும் போது ,தண்ணீரில் ஊறவைத்து பின்னர் அதனை வேகவைத்து அதனோடு உப்பு மற்றும் இடித்த சிவப்பு மிளகாய் சேர்த்து களியுடன் சாப்பிடவும்.

ஒரிசாவில் வாழும் பழங்குடியினரின் இன்றியமையாத உணவு இது.

உருண்டைச்  சோறு

தேவையானவை:

அரிசி - கால் கிலோ

உப்பு - தேவையான அளவு

வெண்ணெய் - 100 கிராம்

புளித்த மோர் - சிறிதளவு

மலை நாட்டு உணவுகள்

செய்முறை:

இரண்டு லிட்டர் தண்ணீரில் அரிசியைப் போட்டு தேவையான அளவு உப்பு சேர்த்து நன்றாக வேக வைக்கவும் .அரிசி வெந்ததும் அதில் புளித்த மோரை ஊற்றிக் கிளறவும் . சாதம் களி பதத்துக்்கு வந்ததும், இறக்கி அதை தட்டில் சிறிதளவு வைத்து, நடுவில் குழி போல செய்து, அதில் வெண்ணெய் வைத்து சாப்பிடலாம்.

தாஷ்போர்கே சட்னி

தேவையானவை:

காய்ந்த மிளகாய் - 15

மல்லி (தனியா) - ஒரு டீஸ்பூன்

கடுகு - 10 கிராம்

புளி - சிறிதளவு

மோர் - தேவையான அளவு

மலை நாட்டு உணவுகள்

செய்முறை:

மிளகாய் வற்றல், மல்லி(தனியா), கடுகு ஆகியவற்றை வெறும் வாணலியில் வறுத்துக் கொள்ளவும். அது நன்றாக ஆறியதும், அதில் சிறிதளவு புளி மற்றும் மோர் சேர்த்து அம்மியில் அரைத்தால் சட்னி தயார். உருண்டைச் சோற்றுக்கு தாஷ்போர்க்கே சட்னி வைத்து சாப்பிடலாம்.

முளைக்கட்டிய பச்சைப் பயறு பச்சடி - Mulaikattiya patchai payir pachadi

தேவையானவை:

முளைக்கட்டிய பச்சைப் பயறு - 100 கிராம்

தயிர் - 100 கிராம்

உப்பு - தேவையான அளவு

எலுமிச்சைப்பழம் - அரை

பச்சை மிளகாய் - 1

கொத்தமல்லித்தழை - சிறிதளவு

மலை நாட்டு உணவுகள்

செய்முறை:

முளைக்கட்டிய பச்சைப் பயறை நன்குக் கழுவி, நறுக்கிய பச்சை மிளகாய் , கொத்தமல்லித்தழை, எலுமிச்சைச்சாறு, உப்பு, தயிர் சேர்த்துக் கலக்கிக் கொள்ளவும். இதை தானிய ரொட்டி, மூங்கில் பிரியாணியுடன் பரிமாறவும்.

அவரை உதுகா (அவரைவிதைக் குழம்பு) - Avarai Uthuka

தேவையானவை:

அவரை விதைகள் - கால் கிலோ

உருளைக்கிழங்கு - 100 கிராம்

தக்காளி, சின்னவெங்காயம் - 50 கிராம்

கொத்தமல்லித்தழை -தேவையான அளவு

மிளகாய்த்தூள், மல்லித்தூள், மஞ்சள்தூள் அடங்கிய மசாலாத் தூள்- 2 டீஸ்பூன்

இஞ்சி-பூண்டு  விழுது - ஒரு டீஸ்பூன்

எண்ணெய், கடுகு, கறிவேப்பிலை - தேவையான அளவு 

உப்பு - தேவையான அளவு

மசாலாத் தூள் தயாரிக்க:

மிளகாய்த்தூள் - ஒரு டீஸ்பூன் 

மல்லித்தூள் (தனியாத்தூள்) -

முக்கால் டீஸ்பூன்

மஞ்சள்தூள்- கால் டீஸ்பூன்

மலை நாட்டு உணவுகள்

செய்முறை:

அவரை விதைகளை முதல் நாளே ஊற வைக்க வேண்டும். ஊறிய அவரை விதைகளுடன்  உருளைக்கிழங்கு , உப்பு, மசாலாத்தூள் சேர்த்து தண்ணீர் ஊற்றி, குக்கரில் ஒரு விசில் வரும் வரை வேக வைக்கவேண்டும். வாணலியில் எண்ணெய் ஊற்றி கடுகு, கறிவேப்பிலை போட்டுத் தாளிக்கவும் .  வெங்காயம், இஞ்சி, பூண்டு விழுது, தக்காளி போட்டு நன்றாக வதக்கவும். அதில் வேக வைத்த அவரை விதைகளுடன் மசாலாவைக் கொட்டி , கொதிக்க வைத்தால் அவரை விதைக் குழம்பு தயார். இறக்குவதற்கு முன் கொத்தமல்லித்தழை தூவி பரிமாறவும்.

படுகா மீன் வறுவல் - baduka meen varuval

தேவையானவை:

ஆற்று மீன்  - 1 கிலோ

காய்ந்த பிரட் தூள் - 250 கிராம்

வெங்காயம் - 100 கிராம்

இஞ்சி விழுது - 10 கிராம்

பூண்டு விழுது - 10 கிராம்

பச்சை மிளகாய் - 4

மஞ்சள்தூள்- அரை டீஸ்பூன்

எலுமிச்சைப் பழம்  -  அரை

கரம் மசாலாத்தூள் - அரை டீஸ்பூன்

சீரகம் - ஒரு டீஸ்பூன்

கொத்தமல்லித்தழை - சிறிதளவு

கடலை மாவு - 100 கிராம்

உப்பு - தேவையான அளவு

மலை நாட்டு உணவுகள்

செய்முறை:

மீனை சுத்தம் செய்து, சிறு துண்டுகளாக நறுக்கவும். வெங்காயம் முதல் உப்பு வரை அனைத்தையும் கலந்து மசாலா பேஸ்ட் தயாரித்து, அதில் மீனைக் கலந்து 30 நிமிடம் ஊற விடவும். மீன் துண்டுகளை பிரட் கிரம்ஸில் புரட்டி, மிதமான சூட்டில் மொறுமொறுவெனப் பொரித்து எடுக்கவும்.

டுங்ரிம்பய் கபாப் - Tungringbai Kabab

தேவையானவை:

மூங்கில் குச்சி - 5

டோபு அல்லது பனீர் - 200 கிராம்

சோயா சாஸ் - 20 மில்லி

சர்க்கரை - ஒரு டீஸ்பூன்

மிளகுத் தூள் - ஒரு டீஸ்பூன்

பச்சை மிளகாய்- 4

உப்பு- தேவையான அளவு

ஸ்பிரிங் ஆனியன் - 100 கிராம்

மலை நாட்டு உணவுகள்

செய்முறை:

டோபு அல்லது பனீரை சிறு துண்டுகளாக வெட்டி, நறுக்கிய ஸ்பிரிங் ஆனியன், பச்சை மிளகாய், சோயா சாஸ், மிளகுத்தூள், சர்க்கரை, உப்புடன் கலந்து மூங்கில் குச்சியில் கபாப் போல செருகி நெருப்புக் கனல் மேல் 10 நிமிடம் வைத்து சுட்டெடுத்துப் பரிமாறவும்.

அருணாச்சல பிரதேசம், மேகாலயா போன்ற மாநிலங்களில் வசிக்கும் காசி இன பழங்குடியினரின் பிரபலமான உணவு இது.

மூங்கில் அரிசிப் பாயசம் - Moongil arisi Payasam

தேவையானவை:

மூங்கில் அரிசி - 100 கிராம்

வெல்லம் - 100 கிராம்

தேங்காய்ப்பால் - 1 லிட்டர் (நன்கு முற்றிய தேங்காய்களாக இருக்க வேண்டும்)

ஏலக்காய் - 2

மலை நாட்டு உணவுகள்

செய்முறை:

மூங்கில் அரிசியை நன்கு கழுவி, ஊறவைக்க வேண்டும். தேங்காயில் 3 முறை பால் எடுத்து கடைசியாக எடுத்த தேங்காய்ப்பாலுடன் அரிசியை சேர்த்து வேகவைக்கவும். அரிசி பாதி வெந்ததும் மீதமுள்ள தேங்காய்ப்பாலையும் சேர்த்து, மூங்கில் அரிசி முழுமையாக வேகும் வரை கொதிக்க விடவும். இத்துடன் வெல்லம் மற்றும் ஏலக்காய் சேர்த்து ருசிபார்த்து சூடாகப் பரிமாறவும்.

கேரளா மாநிலம் வயநாடு பகுதியில் வாழும் நாடோடிகள் மற்றும் பழங்குடியினரின் முக்கிய உணவாகும்.

படுகா கொய் உட்கா (படுகா கோழிக் கறி) - Baduka Kozhi Curry

தேவையானவை:

 கோழிக்கறி - 1 கிலோ

சின்னவெங்காயம் - அரை கிலோ

சீரகம் - 2 டீஸ்பூன்

கசகசா - 2 டீஸ்பூன்

சோம்பு - 2 டீஸ்பூன்

லவங்கம்- 2

இஞ்சி- 10 கிராம்

பட்டை - 2

ஏலக்காய் - 3

பூண்டு - 10 பல்

உப்பு - தேவையான அளவு

மஞ்சள்தூள் - 1 சிட்டிகை

கடுகு - 1 டீஸ்பூன்

எண்ணெய்- 4 டீஸ்பூன்

கொத்தமல்லித்தழை,

கறிவேப்பிலை - சிறிதளவு

கொய் உட்கா மாசு ஹூடி மசாலாத்தூள் -100 கிராம் (காரத்துக்கு ஏற்ப)

கொய் உட்கா மாசு ஹூடி மசாலாத்தூள் தயாரிக்க:

காய்ந்த மிளகாய் - 1கிலோ

மல்லி (தனியா) - 2 கிலோ

சீரகம் - 250 கிராம்

மிளகு - 100 கிராம்

இவையனைத்தையும் தனித்தனியே சிவக்க வறுத்து, ஆறவைத்து ஒன்றாகப் பொடி செய்து கொள்ளவும்.

மலை நாட்டு உணவுகள்

செய்முறை:

கோழிக்கறியைச் சுத்தம் செய்து ,அதில் கொய் உட்கா மாசு ஹூடி மசாலாத்தூள் , உப்பு, மஞ்சள்தூள் சேர்த்து, தனியாக ஊறவைக்க வேண்டும்.

சீரகம், கசகசா, சோம்பு, பட்டை, லவங்கம், ஏலக்காய், இஞ்சி, பூண்டு எல்லாம் தனித்தனியாக சிறிது எண்ணெய்விட்டு வறுத்து , ஒன்றாக அரைத்துக்கொள்ளவும்.  சிறிதளவு வெங்காயத்தை எடுத்து வைத்துவிட்டு, மீதமுள்ள வெங்காயத்தை வதக்கி அரைத்து, கோழியுடன் கலக்கவும்.

வாணலியில் எண்ணெயைச் சூடாக்கி, கடுகு, கறிவேப்பிலை சேர்த்து வெடித்ததும், மீதமுள்ள நறுக்கிய வெங்காயத்தைச் சேர்த்து பொன்னிறமாக வதக்கவும். இதனுடன் அரைத்து வைத்திருக்கும் மசாலாவை சேர்த்து வதக்கவும். பிறகு கோழி மற்றும் தண்ணீர் சேர்த்து உப்பு போட்டு 30 நிமிடம் மூடியிட்டு வேக வைக்கவும். கறிவேப்பிலை மற்றும் கொத்தமல்லித்தழைத் தூவிப் பரிமாறவும்.

அரக்கு வேலி முங்கில் கோழி வறுவல்  (பொங்குலோ சிக்கன்) - Arukkuvelli Moongil Kozhi Varuval

தேவையானவை:

கோழிக்கறி - அரை கிலோ

வெங்காயம் - 100 கிராம்

தக்காளி - 50 கிராம்

இஞ்சி விழுது - 15 கிராம்

பூண்டு விழுது - 25 கிராம்

பட்டை - 2

லவங்கம் - 2

ஏலக்காய் - 2

உப்பு - தேவையான அளவு

பச்சை மிளகாய் - 1

மிளகாய்த்தூள் - 10 கிராம்

மல்லித்தூள் (தனியாத்தூள்) - 10 கிராம்

மஞ்சள்தூள் - 5 கிராம்

வாழை இலை - 2

மூங்கில் -2

கொத்தமல்லித்தழை - சிறிதளவுஎலுமிச்சைச்சாறு

மலை நாட்டு உணவுகள்

செய்முறை:

கோழிக்கறி, கொத்தமல்லித்தழை, மூங்கில், வாழை இலை இவை தவிர மற்ற அனைத்தையும் அரைத்து, உப்பு சேர்த்து கோழிக்கறி மற்றும் கொத்தமல்லித்தழை சேர்த்து அரை மணி நேரம் ஊற விடவும்.
மூங்கிலின் ஒரு கனுவை மேலே வெட்டி தண்ணீர் பாட்டில் போல் செய்து, அதனுள் வாழை இலையைச் சுருட்டி வைத்து, கோழிக்கறி கலவையை வைத்து, மேல் பகுதியை மீதமுள்ள வாழை இலையை அடைத்து, நெருப்பின் மேல் வைத்து, 30 முதல் 40 நிமிடம் வரை விடவும். மூங்கிலின் நீராவி உதவியுடன் உள்ளே இருக்கும் கோழிக்கறி வெந்தவுடன் சூடாகப் பரிமாறவும்.

நாடோடி உருளை வறுவல் - Naadoodi Urulai Varuval

தேவையானவை:

சேனைக்கிழங்கு (அ) உருளைக்கிழங்கு - அரை கிலோ

வெங்காயம் - 100 கிராம்

தக்காளி - 50 கிராம்

இஞ்சி - 10 கிராம்

பூண்டு- 20 கிராம்

பட்டை - 2

லவங்கம் - 2

ஏலக்காய் - 2

கறிவேப்பிலை - சிறிதளவு

கொத்தமல்லித்தழை - 1/4 கட்டு

உப்பு - தேவையான அளவு

வாழை இலை - 2

பச்சைக் களிமண்- ஒரு கிலோ

மலை நாட்டு உணவுகள்

செய்முறை:

கிழங்கை நன்கு கழுவி தனியே வைக்கவும். வெங்காயம் முதல் உப்பு வரை உள்ள அனைத்தையும் இடித்து கிழங்குடன் கலக்கவும். இதனுடன் நறுக்கிய கொத்தமல்லித்தழை மற்றும் கறிவேப்பிலை சேர்த்து வாழை இலையில் நன்கு மடிக்கவும். இதைப் பிசைந்த பச்சைக் களிமண்ணில் மெழுகி முற்றிலும் மூடவும். பின்பு, இதை நெருப்பின் மேல் போட்டுவிடவும். சூட்டில் களிமண் பானை போல் இறுகி, அதன் சூட்டில் உள்ளே இருக்கும் கிழங்கு நன்றாக வெந்துவிடும். களிமண் உருளையை உடைத்து, வாழை இலையைத் திறந்து உள்ளே இருக்கும் கிழங்கைப் பரிமாறவும்.

இது ஏற்காட்டில் வாழும் சில பழங்குடி மக்களின் சிறப்புமிக்க உணவாகும்.

படுகா சேனை வறுவல் - Baduka Senai Fry

தேவையானவை:

சேனைக்கிழங்கு - 1 கிலோ

காய்ந்த பிரட் தூள் - 250 கிராம்

வெங்காயம் - 100 கிராம்

இஞ்சி விழுது - 10 கிராம்

பூண்டு விழுது - 10 கிராம்

பச்சை மிளகாய் - 4

மஞ்சள்தூள்- அரை டீஸ்பூன்

எலுமிச்சம்பழம் -  அரை

கரம் மசாலாத்தூள் - அரை டீஸ்பூன்

சீரகம் - ஒரு டீஸ்பூன்

மல்லி (தனியா) - சிறிதளவு

கடலை மாவு - 100 கிராம்

உப்பு - தேவையான அளவு

மலை நாட்டு உணவுகள்

செய்முறை:

சேனைக் கிழங்கைச் சுத்தம் செய்து , சிறு துண்டுகளாக நறுக்கவும். வெங்காயம் முதல் உப்பு வரை உள்ள அனைத்தையும் கலந்து, மசாலா பேஸ்ட் தயாரித்து, அதில் சேனைக் கிழங்கை கலந்து 30 நிமிடம் ஊற விடவும். சேனைக் கிழங்குத் துண்டுகளை பிரட் கிரம்ஸில் புரட்டி மிதமான சூட்டில் மொறுமொறுவென பொறித்து எடுக்கவும்.

படுகா இன மக்களின் பாரம்பர்யமிக்க இந்த உணவு வெளிநாட்டு உணவுகளின் பாணியில் இருப்பதே  இதன் தனிசிறப்பாகும்.

தேங்காய் உருண்டை - Thengaai Urundai

தேவையானவை:

துருவிய தேங்காய் - 100 கிராம்

தேன் - 100 மில்லி

உப்பு - ஒரு சிட்டிகை

பால் - 250 மில்லி

மலை நாட்டு உணவுகள்

செய்முறை:

தேங்காய், தேன் மற்றும் உப்பு, திரித்து வடிகட்டிய பால் சேர்த்து நன்கு பிசையவும். இதை சிறு உருண்டைகளாக உருட்டி, வெயிலில் நன்கு காயவைத்துக் கொள்ளவும். இதை ஆறுமாதம் வரை வைத்திருந்து சாப்பிடலாம். புரதச்சத்து மிகுந்த உணவு இது.

படுகா வெஜ் கறி - Baduka Veg Curry

தேவையானவை:

காய்கறிகள் - 1 கிலோ (கேரட், உருளை, பீன்ஸ், காலிஃப்ளவர் தலா கால் கிலோ)

சின்ன வெங்காயம் - அரை கிலோ (பொடியாக நறுக்கவும்)

பெரிய வெங்காயம் - 200 கிராம்

உப்பு - தேவையான அளவு

மஞ்சள்தூள் - 1 சிட்டிகை

கடுகு - 1 டீஸ்பூன்

எண்ணெய்- தேவையான அளவு

கொத்தமல்லித்தழை, கறிவேப்பில்லை - சிறிதளவு

கொய் உட்கா மாசு ஹூடி - 100 கிராம் (காரத்துக்கு ஏற்ப)

கொய் உட்கா மாசு ஹூடி மசாலாத்தூள் தயாரிக்க:

வரமிளகாய் - 1 கிலோ

மல்லி (தனியா) - 2 கிலோ

சீரகம் - 250 கிராம்

மிளகு - 100 கிராம்

வறுத்து அரைக்க:

சீரகம் - 2 டீஸ்பூன்

கசகசா - 2 டீஸ்பூன்

சோம்பு - 2 டீஸ்பூன்

லவங்கம்- 2

இஞ்சி- 10 கிராம்

பட்டை - 2

ஏலக்காய் - 3

பூண்டு - 10 பல்

எண்ணெய் - சிறிதளவு

மலை நாட்டு உணவுகள்

செய்முறை:

கொய் உட்கா மாசு ஹூடிக்கான பொருட்களை வெறும் வாணலியில் தனித்தனியே வறுத்து, தூளாக அரைத்து வைத்துக் கொள்ளவும். வறுத்து அரைக்கக் கொடுத்துள்ள பொருட்களை வாணலியில் சிறிதளவு எண்ணெய் விட்டு் தனித்தனியாக வறுத்து, ஒன்றாக அரைத்து வைக்கவும். சின்ன வெங்காயத்தைப் பொடியாக நறுக்கி வாணலியில் சிறிதளவு எண்ணெய் விட்டு நிறம் மாற வதக்கி, அடுப்பை அணைத்து ஆற விடவும். இதை மிக்ஸியில் தண்ணீர் விடாமல் நன்றாக அரைத்து வைக்கவும்.
காய்கறிகளைச் சுத்தம் செய்து பொடியாக நறுக்கி வைக்கவும். இதில் கொய் உட்கா மாசு ஹூடி மசாலாத்தூள், உப்பு, மஞ்சள்தூள், அரைத்த வெங்காயக் கலவை சேர்த்து ஒன்றாகக் கலந்து பத்து நிமிடம் ஊற வைக்கவும்.

வாணலியில் 1 டேபிள்ஸ்பூன் எண்ணெய் விட்டு சூடானதும், கடுகு, கறிவேப்பிலை சேர்த்து வெடித்ததும், பொடியாக நறுக்கிய பெரிய வெங்காயத்தைச் சேர்த்துப் பொன்னிறமாக வதக்கவும். இதனுடன் வறுத்து அரைத்த கலவையைச் சேர்த்து வதக்கவும். இதில் ஊற வைத்த காய்கறிகள் மற்றும் தண்ணீர் சேர்த்து உப்புப் போட்டு 30 நிமிடம் மூடியிட்டு வேக வைக்கவும். கறிவேப்பிலை மற்றும் கொத்தமல்லித்தழை தூவிப் பரிமாறவும்.

கே. அபிநயா