Published:Updated:

தென் தமிழகத்தின் சிறப்பு உணவுகள் இங்கே...

தென் தமிழகத்தின் சிறப்பு உணவுகள் இங்கே...

இறைச்சி  ஆனம் (கிரேவி)

தேவையானவை:

சின்ன வெங்காயம் - 150 கிராம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பச்சை மிளகாய் - 3

தக்காளி - 2

இஞ்சி விழுது - 1 டேபிள்ஸ்பூன்

பூண்டு விழுது - 2 டேபிள்ஸ்பூன்

ஆட்டுக் கறி - 1 கிலோ

மிளகாய்த்தூள் - 2 டேபிள்ஸ்பூன்

மல்லித்தூள் (தனியாத்தூள்) - 2 டேபிள்ஸ்பூன்

மஞ்சள்தூள் - 1 டீஸ்பூன்

சீரகத்தூள் - 1 டீஸ்பூன்

மிளகுத்தூள் - 1 டீஸ்பூன்

கரம் மசாலாத்தூள் - 1 டீஸ்பூன்

கொத்தமல்லித்தழை - சிறிதளவு

எண்ணெய் - சிறிதளவு

உப்பு - தேவையான அளவு

அரைக்க:

கொப்பரைத் தேங்காய் - 100 கிராம்

கசகசா - 1 டீஸ்பூன்

தென் தமிழகத்தின் சிறப்பு உணவுகள் இங்கே...

தாளிக்க:

எண்ணெய் - 150 மில்லி

கடுகு - அரை டீஸ்பூன்

சிவப்பு மிளகாய் - 1

நறுக்கிய சின்ன வெங்காயம் - 5

கறிவேப்பிலை - சிறிதளவு

செய்முறை:

ஒரு கடாயில் எண்ணெய் ஊற்றி, அதில் சின்ன வெங்காயம் மற்றும் பச்சை மிளகாய் சேர்த்து வதக்க வேண்டும். நன்றாக வதங்கியதும் தக்காளி  சேர்க்கவும். தக்காளியில் உள்ள தண்ணீர் வற்றியதும், ஆட்டுக் கறி சேர்த்து வதக்கவும். பிறகு இஞ்சி, பூண்டு விழுதுகளைச் சேர்த்து மிளகாய்த்தூள், மஞ்சள்தூள், சீரகத்தூள், மிளகுத்தூள், மல்லித்தூள் (தனியாத்தூள்), உப்பு, கரம் மசாலாத்தூள் சேர்த்து நன்றாகக் கிளறவும்.
கொப்பரைத் தேங்காய் மற்றும் கசகசா இரண்டையும் நன்றாக வறுத்து, அரைத்துக் கொள்ளவும். கறி வெந்ததும் தேங்காய்க் கலவையை அதில் சேர்த்துக் கிளறி நன்றாகக் கொதிக்க விடவும். இன்னொரு கடாயில் எண்ணெய் ஊற்றி, தாளிக்கக் கொடுத்துள்ள பொருட்களைத் தாளித்துப் பரிமாறலாம்.

* இந்த ரெசிப்பிக்களை வழங்கியவர் செஃப் ராஜ்மோகன்

கீரை சுண்டல் பொரியல்

தேவையானவை:

வேக வைத்த கறுப்புக் கொண்டைக்கடலை - 100 கிராம்

பசலைக் கீரை - 2 கட்டு

மஞ்சள்தூள் - 1 டீஸ்பூன்

பச்சை மிளகாய் - 3

உப்பு - தேவையான அளவு

சாம்பார்த்தூள் - 2 டீஸ்பூன்

துருவிய தேங்காய் - 100 கிராம்

எண்ணெய் - சிறிதளவு

தென் தமிழகத்தின் சிறப்பு உணவுகள் இங்கே...

தாளிக்க:

எண்ணெய் - 50 மில்லி

கடுகு - அரை டீஸ்பூன்

உளுந்து - அரை டீஸ்பூன்

கறிவேப்பிலை - சிறிதளவு

நறுக்கிய சின்னவெங்காயம் - 50 கிராம்

நறுக்கிய இஞ்சி - 1  டீஸ்பூன்

பெருங்காயத்தூள்  - அரை டீஸ்பூன்

செய்முறை:

ஒரு கடாயில் எண்ணெய் சிறிதளவு ஊற்றி, பச்சை மிளகாய், பசலைக் கீரை போட்டு வதக்கிக் கொள்ளவும்.பிறகு வேக வைத்துள்ள கொண்டைக் கடலையையும் சேர்த்துக் கிளறி உப்பு, மஞ்சள்தூள் சேர்க்கவும்.
இன்னொரு கடாயில் எண்ணெய் ஊற்றி, தாளிக்கக் கொடுத்துள்ளவற்றைத் தாளித்து, கீரைக் கலவையில் கொட்டி, சிறிதளவு சாம்பார்தூள் சேர்த்து இறக்கிவிடலாம். கடைசியாக தேங்காய்த் துருவல் தூவிப் பரிமாறலாம்.

மட்டன் தேங்காய் பிரியாணி

தேவையானவை:

மட்டன் - 1 கிலோ

சீரகச்சம்பா அரிசி - 1 கிலோ

இஞ்சி விழுது - 3 டேபிள்ஸ்பூன்

பூண்டு விழுது - 2 டேபிள்ஸ்பூன்

நறுக்கிய சின்ன வெங்காயம் - 250 கிராம் 

நறுக்கிய தக்காளி - 200 கிராம்

பச்சை மிளகாய் - 4

கொத்தமல்லித்தழை - ஒரு கைப்பிடி

புதினா - 2 கைப்பிடி

தயிர் - 200 மில்லி

தேங்காய் - 1 (அரைத்து பால் எடுத்துக் கொள்ளவும்)

நெய் - 50 மில்லி

தேங்காய் எண்ணெய் - 100 மில்லி

ரீஃபைண்டு எண்ணெய் - 100 மில்லி

உப்பு - தேவையான அளவு

தென் தமிழகத்தின் சிறப்பு உணவுகள் இங்கே...

அரைப்பதற்கு:

தேங்காய் (துருவிக்கொள்ளவும்) - 1

மல்லி (தனியா) - 1

மஞ்சள் தூள் - 1 டீஸ்பூன்

கரம் மசாலாத்தூள் - 3 டேபிள்ஸ்பூன்

சோம்புத்தூள் - 1 டேபிள்ஸ்பூன்

பட்டைத்தூள்- 1 டேபிள்ஸ்பூன்

தேங்காய் எண்ணெய் - சிறிதளவு

செய்முறை:

கடாயில் சிறிது தேங்காய் எண்ணெய் ஊற்றி, துருவிய தேங்காய், மல்லி (தனியா), மஞ்சள்தூள், கரம் மசாலாத்தூள், சோம்புத்தூள், பட்டைத்தூள் எல்லாவற்றையும் ஒன்றாக வறுத்து அரைத்துக் கொள்ளவும். இந்தக் கலவையை மட்டனில் தடவி, 2 மணி நேரம் ஊற வைக்கவும்.

கனமான அடிப்பகுதியுள்ள பாத்திரத்தில் நெய், தேங்காய் எண்ணெய், ரீஃபைண்டு எண்ணெய் மூன்றையும் ஊற்றி, சூடானதும் சின்ன வெங்காயம் சேர்த்து நன்றாக வதங்கிய பிறகு, தக்காளி சேர்த்து வதக்கவும். பிறகு, பச்சை மிளகாய், இஞ்சி-பூண்டு விழுது, புதினா, கொத்தமல்லித்தழை, எல்லாவற்றையும் சேர்த்து நன்றாக வதங்கியதும் ஊறவைத்திருக்கும் மட்டனைச் சேர்த்துக் கிளறவும். நன்றாகக் கலந்ததும் மட்டன் வேகும் அளவுக்கு தண்ணீர் ஊற்றி, முக்கால் வேக்காடு வேக வைத்தாலே போதும். பிறகு, அத்துடன் தயிர் சேர்க்கவும். பிறகு, தேங்காய்ப்பால், உப்பு, தேவையான அளவு தண்ணீரைச் சேர்த்து, சீரகச்சம்பா அரிசியைச் சேர்த்து மிதமான தீயில் வேக வைக்க வேண்டும். தண்ணீர் வற்றியதும் மூடிபோட்டு அரை மணி நேரம் தம் வைக்க வேண்டும். அதன் பிறகு, சிறிதளவு நெய், புதினா இலைகள் சேர்த்துப் பரிமாறவும்.

- வ. ஆரவ், படங்கள்: எம். உசேன்