Published:Updated:

சீஸன் ரெசிப்பி... செம தூள்!

சீஸன் ரெசிப்பி... செம தூள்!

சீஸன் ரெசிப்பி... செம தூள்!

சீஸன் ரெசிப்பி... செம தூள்!

Published:Updated:

றுத்தெடுக்கும் வெயில், எரிச்சலூட்டும் வியர்வை கசகப்பு எல்லாம் விலகி, குளிர்க்காற்று உடலைத் தழுவும் சுகானுபவ பருவக் காலத்தில் அடியெடுத்து வைத்திருக்கிறோம். நாக்கின் சுவை நரம்புகள் அதிகமாக தூண்டப்படும் காலகட்டமும் இதுதான்! `கிரிஸ்பியா... `யம்மி’யா ஏதாவது செஞ்சு கொடு’ என்று குழந்தைகளும், `தொண்டைக்கு இதமா, வயித்துக்கு பதமா சூப்பர் சமையல் அயிட்டம் ரெடி பண்ணு’ என்று

சீஸன் ரெசிப்பி... செம தூள்!

பெரியவர்களும் கோரிக்கை மனுக்களை இல்லத்தரசிகளிடம் குவிப்பார்கள். இந்த கோரிக்கைகளை நிறைவேற்றி, குடும்ப வட்டத்தில் தன்னிகரற்ற தலைவியாக உலா வர உதவும் வகையில்... சுவையான ரொட்டி; மொறுமொறு பக்கோடா; புதுமையான `பேல்’,  புலாவ், `பாஜி’ என்று கலந்துகட்டி இங்கே வழங்குகிறார் சமையல்கலை நிபுணர் அ.சாரதா. இதையெல்லாம் செய்து பரிமாறி, பாராட்டு மழையில் நனைய நீங்கள் தயார்தானே..?!

ஒட்டுமொத்த விகடனுக்கும் ஒரே ஷார்ட்கட்!

சீஸன் ரெசிப்பி... செம தூள்!

கார்ன் பேல்

தேவையானவை: வேகவைத்த அமெரிக்கன் கார்ன் - ஒன்றரை கப், வேகவைத்த உருளைக்கிழங்கு - ஒன்று, தக்காளி  - ஒன்று (விதை நீக்கி நறுக்கவும்), பொடியாக நறுக்கிய சீன வெள்ளரி (டிபார்ட்மென்ட் கடைகளில் கிடைக்கும்) - கால் கப், பொடியாக நறுக்கிய கொத்தமல்லித்தழை, எலுமிச்சைச் சாறு - சிறிதளவு, எண்ணெய், சீரகம் - தலா அரை டீஸ்பூன் 

கலந்துகொள்ள: மிளகாய்த்தூள், சாட் மசாலா, உப்பு, சீரகத்தூள் - சிறிதளவு.

செய்முறை: கடாயில் எண்ணெய் விட்டு சீரகம் தாளித்து, அதில் அமெரிக்கன் கார்ன், காய்கறிகள், கலந்துகொள்ள கொடுத்துள்ள பொடிகள் அனைத்தையும் சேர்த்து லேசாக கிளறி, எலுமிச்சைச் சாறு, கொத்தமல்லித்தழை சேர்த்துக் கலந்து இறக்கி, சூடாகப் பரிமாறவும்.

கார்னின் லேசான இனிப்பும், எலுமிச்சையின் புளிப்பும், பொடிகளின் காரமும் சேர்ந்து சுவையில் அசத்தும்  இந்த பேல்!

குறிப்பு: சீன வெள்ளரி கிடைக்காவிட்டால், சாதாரண வெள்ளரிக்காயும் (கசப்பில்லாதது) பயன்படுத்தலாம்.

பஜ்ஜி மிளகாய் ஸ்டஃப்டு சப்ஜி

சீஸன் ரெசிப்பி... செம தூள்!

தேவையானவை: பஜ்ஜி மிளகாய் - 4 அல்லது 5, எண்ணெய் - 3 டீஸ்பூன்

ஸ்டஃப்பிங்க்குக்கு: பொட்டுக்கடலை பொடி - அரை கப், வெங்காயம் - ஒன்று (மிகவும் பொடியாக நறுக்கவும்), ஆம்சூர் பவுடர்(உலர் மாங்காய்த்தூள்) - முக்கால் டீஸ்பூன், ஓமம் - கால் டீஸ்பூன்,  மிளகாய்த்தூள் - அரை டீஸ்பூன், பெருங்காயத்தூள் - கால் டீஸ்பூன், உப்பு - தேவைக்கேற்ப,

செய்முறை: பஜ்ஜி மிளகாயைக் கீறி விதைகளை நீக்கவும். ஸ்டஃப்பிங் செய்யக் கொடுத்துள்ள பொருட்களை கலந்து பஜ்ஜி மிளகாய்க்குள் அடைக்கவும். `பிரஷர் பான்’னில் (Pressure pan) எண்ணெய் விட்டு, ஸ்டஃப் செய்யப்பட்ட பஜ்ஜி மிளகாய்களை வரிசையாக வைக்கவும். வெயிட் போடாமல் அடுப்பில் வைக்கவும். நன்கு பிரஷர் வந்து ஆவி வரும்போது வெயிட் போட்டு அணைத்துவிடவும். ஆவி விட்டதும் எடுத்துப் பரிமாறவும்.

மிகவும் சுவையான இந்த சப்ஜி... பூரி, சப்பாத்தி, தோசை போன்றவற்றுக்கு நல்ல சைட் டிஷ். சாதத்துக்கும் தொட்டுக்கொள்ளலாம்.

மஞ்சள்பூசணி கடி

சீஸன் ரெசிப்பி... செம தூள்!

தேவையானவை - கட்டா செய்ய: துருவிய மஞ்சள் பூசணி  - ஒன்றரை கப், கடலை மாவு - 3 டீஸ்பூன்,  ஒன்றிரண்டாக பொடித்த மல்லி (தனியா) - ஒரு டீஸ்பூன், சீரகம் - அரை டீஸ்பூன், மிளகாய்த்தூள் - முக்கால் டீஸ்பூன், மல்லித்தூள் (தனியா பொடி) - அரை டீஸ்பூன், பொடியாக நறுக்கிய கொத்தமல்லித்தழை - 3 டீஸ்பூன், உப்பு - சிறிதளவு.

`கடி’ செய்ய:  பிரிஞ்சி இலை - ஒன்று, ஓமம் - ஒரு சிட்டிகை, மிளகாய்த்தூள் - ஒன்றரை டீஸ்பூன், மல்லித்தூள் (தனியா பொடி) - முக்கால் டீஸ்பூன், மஞ்சள்தூள், ஒரு சிட்டிகை, தயிர் - அரை கப், கடலை மாவு - 4 டீஸ்பூன், எண்ணெய் - 2 டீஸ்பூன், உப்பு - சிறிதளவு.

மேலே தூவ: நறுக்கிய கொத்தமல்லித்தழை - சிறிதளவு.

செய்முறை: கட்டா செய்யக் கொடுத்துள்ள பொருட்களை ஒன்றாக சேர்த்துப் பிசைந்து நீள்வடிவ உருண்டைகளாக்கி... துண்டுகளாக வெட்டவும். ஒரு பாத்திரத்தில் நீரைக் கொதிக்கவிட்டு, மேலே ஒரு கண் தட்டு /சல்லடை தட்டு வைத்து, அதில் கட்டாவை வைத்து, வேகவிட்டு எடுக்கவும்.

கடாயில் எண்ணெய் விட்டு பிரிஞ்சி இலை, ஓமம், தாளித்து... மஞ்சள்தூள், மிளகாய்த்தூள், மல்லித்தூள், உப்பு சேர்த்துக் கிளறவும். கடலை மாவை தயிரில் கரைத்து சேர்க்கவும். கொஞ்சம் தண்ணீர் ஊற்றவும். கொதித்ததும் வேகவைத்த கட்டாவை சேர்க்கவும். மேலும் 2 நிமிடம் கொதிக்கவிட்டு இறக்கவும். நறுக்கிய கொத்தமல்லித்தழையை மேலே தூவி பரிமாறவும்.

சப்பாத்தி, பூரி, நாண் போன்றவற்றுக்கு தொட்டு சாப்பிடலாம். சூடான சாதத்துடனும் சேர்த்து சாப்பிடலாம்.

கொத்தமல்லி ரொட்டி

சீஸன் ரெசிப்பி... செம தூள்!

தேவையானவை: கோதுமை மாவு - ஒரு கப், கொத்தமல்லித்தழை (மிகவும் பொடியாக நறுக்கவும்) - முக்கால் கப், பச்சை மிளகாய் விழுது - ஒன்றரை டீஸ்பூன், ஆம்சூர் பவுடர் (உலர் மாங்காய்த்தூள்) - ஒரு டீஸ்பூன், நெய் அல்லது எண்ணெய், உப்பு - தேவைக்கேற்ப.

செய்முறை: கோதுமை மாவுடன் மற்ற எல்லா பொருட்களையும் கலந்து தேவையான அளவு தண்ணீர் சேர்த்துப் பிசையவும். மாவை சிறிய சப்பாத்திகளாக இட்டு நெய் / எண்ணெய் விட்டு சுட்டெக்கவும். 

தயிரில் சிறிதளவு சீரகப் பொடி தூவி இந்த ரொட்டிக்குத் தொட்டுக்கொள்ளலாம். அப்படியே சாப்பிட்டாலும் ரொட்டி சுவையாக இருக்கும்.

ஸ்பைசி ரவா பக்கோடா

சீஸன் ரெசிப்பி... செம தூள்!

தேவையானவை: கடலை மாவு - ஒரு கப், ரவை - அரை கப், இஞ்சி - பச்சை மிளகாய் விழுது - ஒரு டீஸ்பூன், சீரகம் - ஒரு டீஸ்பூன், மஞ்சள்தூள் - ஒரு சிட்டிகை, மிளகாய்த்தூள் - ஒரு டீஸ்பூன், கரம்மசாலாத்தூள் - அரை டீஸ்பூன், மல்லித்தூள் (தனியாத்தூள்) - ஒரு டீஸ்பூன், வெள்ளை எள் - ஒரு டீஸ்பூன், மிளகுத்தூள் - அரை டீஸ்பூன், பொடியாக நறுக்கிய கொத்தமல்லித்தழை - கால் கப், எலுமிச்சைச் சாறு - ஒன்றரை டீஸ்பூன், சமையல் சோடா - ஒரு சிட்டிகை, உப்பு - தேவைக்கேற்ப, எண்ணெய் - பொரிக்கத் தேவையான அளவு.

செய்முறை: கொடுக்கப்பட்டுள்ள எல்லாவற்றையும் (எண்ணெய் நீங்கலாக) ஒன்றுசேர்த்து, அரை கப் தண்ணீர் விட்டு நன்கு கலந்து, 15 - 20 நிமிடம் ஊறவிடவும். கடாயில் எண்ணெயை சூடாக்கி, செய்து வைத்த கலவையை சிறிய உருண்டைகளாக உருட்டிப் போட்டு பொன்னிறமாக பொரிக்கவும்.

இதற்கு கொத்தமல்லி / புதினா சட்னி தொட்டுக்கொள்ளலாம்.

கோதுமை ரவை புலாவ்

சீஸன் ரெசிப்பி... செம தூள்!

தேவையானவை: கோதுமை ரவை - ஒன்றரை கப், வெங்காயம் - ஒன்று (பொடியாக நறுக்கவும்), காய்ந்த மிளகாய் விழுது - ஒன்றரை டீஸ்பூன், தக்காளி - 4 (பொடியாக நறுக்கவும்), பூண்டு - 6 பல் (நசுக்கவும்), பெரிய கறுப்பு ஏலக்காய் - 2, எண்ணெய் - ஒன்றரை டீஸ்பூன், உப்பு - தேவைக்கேற்ப.

செய்முறை: குக்கரில் எண்ணெய் விட்டு பெரிய கறுப்பு ஏலக்காயைத் தாளிக்கவும். இதனுடன் கொடுக்கப்பட்டுள்ள மற்ற பொருட்களை சேர்த்துக் கிளறி, இரண்டரை கப் தண்ணீர் விட்டுக் கலந்து குக்கரை மூடி, 2 விசில் விட்டு இறக்கவும். 

கோதுமை ரவை உடலுக்கு சூடு தரும். கறுப்பு ஏலக்காயின் மணம் உணவுக்கு ருசி கூட்டும்.

குறிப்பு: பெரிய சைஸ் கோதுமை ரவையில் இந்த புலாவ் செய்தால்,  நீரின் அளவை அதிகரித்துக்கொள்ள வேண்டும்.

தக்காளி - தயிர் பாஜி

சீஸன் ரெசிப்பி... செம தூள்!

தேவையானவை: தக்காளி - 6, சின்ன வெங்காயம் - 6, சிறிய பட்டைத் துண்டுகள் - 2,  கிராம்பு - 3, மஞ்சள்தூள் - கால் டீஸ்பூன், பூண்டு - 12 - 15 பற்கள், பிரிஞ்சி இலை ஒன்று, தயிர் - அரை கப், எண்ணெய் - சிறிதளவு, நறுக்கிய கொத்தமல்லித்தழை - சிறிதளவு, உப்பு - தேவைக்கேற்ப.

அரைக்க: தேங்காய்த் துருவல்- கால் கப், பச்சை மிளகாய் - 6 (அல்லது காரத்துக்கேற்ப), பொட்டுக்கடலை - 2

சீஸன் ரெசிப்பி... செம தூள்!

டீஸ்பூன், கசகசா - அரை டீஸ்பூன், முந்திரி - 6.

செய்முறை: அரைக்கக் கொடுத்துள்ள வற்றை விழுதாக அரைத்துக்கொள்ளவும். குக்கரில் எண்ணெய் விட்டு, பிரிஞ்சி இலை, பட்டை, கிராம்பு தாளித்து நறுக்கிய தக்காளி, உரித்த சின்ன வெங்காயம், பூண்டுப் பற்கள், மஞ்சள்தூள், உப்பு சேர்த்துக் கிளறவும். இதனுடன் அரைத்த விழுதை சேர்த்து குக்கரை மூடி 2 விசில் வந்ததும் இறக்கவும். பிறகு குக்கரைத் திறந்து தயிர் சேர்த்து, 2 நிமிடம் கொதிக்கவிட்டு இறக்கவும். கொத்தமல்லித்தழை தூவி பரிமாறவும்.

இட்லி, தோசை, பூரி, சப்பாத்தி, கலந்த சாதத்துக்கு இதை தொட்டுக்கொள்ளலாம். சூடான சாதத்தில் சேர்த்துக் கலந்தும் சாப்பிடலாம். இடியாப்பத்துக்கும் ஏற்றது.

படங்கள்: எம்.உசேன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism