Published:Updated:

வாசகிகள் கைமணம்

ஒவ்வொன்றுக்கும் பரிசு: ரூ.200

வாசகிகள் கைமணம்

ஒவ்வொன்றுக்கும் பரிசு: ரூ.200

Published:Updated:

மில்லட் கேக்... மில்க் அல்வா!


மல்டி மில்லட் கேக்

வாசகிகள் கைமணம்

ஒட்டுமொத்த விகடனுக்கும் ஒரே ஷார்ட்கட்!


தேவையானவை: பச்சைப் பயறு, ராகி, கம்பு, சிவப்பு அரிசி, மக்காசோளம், வெள்ளை சோளம், தினை,

வாசகிகள் கைமணம்

பொட்டுக்கடலை - தலா 100 கிராம், சர்க்கரை - 2 கப், நெய் - அரை கப், காய்ச்சி ஆறவைத்த பால் - 2 கப்.

செய்முறை: தானியங்களை வெறும் வாணலியில்  தனித்தனியாக வறுத்து, ஆறவைத்து, மாவாக

அரைத்து ஒன்றாகக் கலக்கிக்கொள்ளவும். வாணலியில் சிறிதளவு நெய் ஊற்றி, மாவை சேர்த்து வறுக்கவும். அதில் பால் சேர்த்துக் கிளறவும். பிறகு, சர்க்கரையை சேர்த்துக் கிளறி, கரைந்ததும் மீதமுள்ள நெய்யை சிறிது சிறிதாக ஊற்றிக் கிளறவும். நெய் பிரிந்து, மாவுக் கலவை வாணலியில் ஒட்டாமல் வந்ததும் இறக்கி, நெய் தடவிய தட்டில் கொட்டி துண்டுகள் போடவும்.

- ஆர்.ராமாத்தாள், சென்னை-42

நிடோகா அல்வா

வாசகிகள் கைமணம்

தேவையானவை: பால் பவுடர் - ஒரு கப், மில்க்மெய்டு

- கால் கப், நெய் - 4 டேபிள்ஸ்பூன், ஏலக்காய்த்தூள் - கால் டீஸ்பூன், ஃபுட் கலர் - ஒரு சிட்டிகை, பாதாம் துருவல், பொடித்த முந்திரி, பிஸ்தா துருவல் - தலா ஒரு டீஸ்பூன்.

செய்முறை: கடாயில் 2 டேபிள்ஸ்பூன் நெய் விட்டு, அதில் பால் பவுடர் சேர்த்து மிதமான தீயில் லேசாக கிளறவும். பிறகு, மில்க்மெய்டு ஊற்றிக் கிளறவும். பின்னர் மீதமுள்ள 2 டேபிள்ஸ்பூன் நெய்யை விட்டு சுருளக் கிளறி, ஏலக்காய்த்தூள் சேர்க்கவும். இதனுடன் ஃபுட் கலர் சேர்த்து நன்றாகக் கிளறி, கெட்டியானதும் இறக்கி, ஒரு பவுலில் சேர்த்து... மேலே பாதாம் துருவல், பொடித்த முந்திரி, பிஸ்தா துருவல் தூவிப் பரிமாறவும்.

- ஆர்.ஜோதிமணி, மேட்டுப்பாளையம்

சுரைக்காய் இட்லி

வாசகிகள் கைமணம்

தேவையானவை: பச்சரிசி - 2 கப், சுரைக்காய்த் துருவல் - ஒரு கப், தயிர் - ஒரு கப், தேங்காய்த் துருவல் - அரை கப், கடுகு - ஒரு டீஸ்பூன், நெய் - 3 டீஸ்பூன், உப்பு - தேவைக்கேற்ப.

செய்முறை: பச்சரியை மிக்ஸியில் ரவை போல் உடைத்துக்கொள்ளவும். வாணலியில் நெய் விட்டு சுரைக்காய்த் துருவலை நன்கு வதக்கவும். நெய்யில் கடுகு தாளித்து பச்சரிசி ரவையில் சேர்க்கவும். அதனுடன் வதக்கிய சுரைக்காய்த் துருவல், தயிர், உப்பு சேர்த்து ஒரு மணி நேரம் ஊறவைத்து... இட்லித் தட்டில் ஊற்றி, மேலே தேங்காய் துருவலைத் தூவி, ஆவியில் வேகவிட்டு இறக்கவும்.

- செ.கலைவாணி, மேட்டூர் அணை

படங்கள்:எம். உசேன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism