Published:Updated:

சோ... ஸ்வீட்

சுவை: சி.காவேரி மாணிக்கம் , படங்கள்/பொன்.காசிராஜன்

சோ... ஸ்வீட்

சுவை: சி.காவேரி மாணிக்கம் , படங்கள்/பொன்.காசிராஜன்

Published:Updated:

னிப்பு இல்லாத தீபாவளியா? 'இந்த தீபாவளிக்கு என்ன ஸ்வீட் செய்யப்போறீங்க?’ என்று சில பிரபலங்களிடம் கேட்டோம். அவர்கள் செய்து அசத்திய ஸ்வீட்களை கண்களால் ருசித்துவிட்டு, அவர்கள் ஸ்டைலை உங்கள் கைகளால் முயற்சி செய்யுங்கள்... 

ஸ்ரீலேகா பார்த்தசாரதியின்

காசி அல்வா

ஒட்டுமொத்த விகடனுக்கும் ஒரே ஷார்ட்கட்!

தேவையானவை:

வெள்ளைப் பூசணி - அரை கிலோ

பால் - 200 மி.லி.

ஏலக்காய் - 7

திராட்சை, முந்திரி, குங்குமப்பூ - தலா 5

சர்க்கரை - ஒன்றரை கப்

இனிப்பு இல்லாத கோவா - 100 கிராம்

நெய் - 250 கிராம்

செய்முறை: பூசணியைத் தோல் நீக்கி, தண்ணீர் இல்லாமல் சக்கையாகப் பிழிந்து கொள்ளவும். கடாயில் 150 கிராம் நெய் ஊற்றி, அதில் பிழிந்த பூசணியைப் போட்டு நன்றாக வதக்கவும். தண்ணீர் வற்றி கெட்டியான பதம் வந்ததும், 150 மி.லி. பாலை ஊற்றிக் கொதிக்கவிடவும். தனியாக 50 மி.லி. பாலில் குங்குமப்பூவைக் கொதிக்க விடவும். குங்குமப்பூ நன்றாகக் கரைந்ததும், பூசணிக் கலவையில் சேர்க்கவும். கலவை நன்றாகக் கொதித்ததும், 50 கிராம் நெய்யைச் சேர்த்துக் கிளறவும். பிறகு, கொஞ்சம் கொஞ்சமாக அதில் சர்க்கரையைக் கொட்டி, அடிப் பிடிக்காமல் கிளறிக்கொண்டே இருக்கவும். அல்வா பதம் வந்ததும், கோவாவை சிறிது சிறிதாகப் போட்டுக் கிளறவும். பதமாகச் சேர்ந்து வந்ததும், மீதமுள்ள நெய்யில் முந்திரி, திராட்சையை வறுத்துச் சேர்த்துக் கிளறவும். இதை நெய் தடவிய தட்டில் கொட்டி ஆற விடவும்.

சோ... ஸ்வீட்

ரம்யாவின்

சாக்லேட் பர்பி

தேவையானவை:

கோகோ பவுடர் - 3 டீஸ்பூன்

மில்க் பவுடர் - முக்கால் கப்

சர்க்கரை - முக்கால் கப்

வெண்ணெய் - 3 டீஸ்பூன்

செய்முறை: சர்க்கரையில் தண்ணீரை ஊற்றி, கம்பிப்பாகுப் பதம் வரும் வரை காய்ச்சி, அதில் வெண்ணெயைச் சேர்க்கவும். வெண்ணெய் உருகியதும், கோகோ பவுடர், மில்க் பவுடர் சேர்த்து, அடிப்பிடிக்காமல் கிளறவும். தீ மிதமாக இருக்க வேண்டியது அவசியம். 10 நிமிடங்களுக்குப் பிறகு நெய் அல்லது வெண்ணெய் தடவிய தட்டில் கலவையைக் கொட்டி, துண்டுகள் போடவும்.

தேவிகிருபாவின்

பூசணி அல்வா

தேவையானவை:

மஞ்சள் பூசணி - கால் கிலோ

முந்திரிப் பருப்பு - 20

பாதாம் பருப்பு - 20

ஏலக்காய் - 5

நெய் - 50 கிராம்

பிஸ்தா பருப்பு - 10

சர்க்கரை - 100 கிராம்

சோ... ஸ்வீட்

செய்முறை: ஏலக்காயைப் பொடித்துக் கொள்ளவும். பாதாம், பிஸ்தாவை துருவிக் கொள்ளவும். மஞ்சள் பூசணியின் தோல், விதை ஆகியவற்றை நீக்கிச் சிறு துண்டுகளாக நறுக்கிக் கொள்ளவும். நறுக்கிய பூசணியுடன் தேவையான அளவு தண்ணீர் சேர்த்து நன்றாக வேக வைக்கவும். வெந்ததும், தண்ணீரை வடித்துவிட்டு தட்டு அல்லது பழைய பேப்பரில் கொட்டி ஆற விட்டு, மத்தால் நன்றாக மசிக்கவும். கடாயில் நெய் ஊற்றி, உருகியதும் தீயை மிதமாக வைத்து முந்திரியை சிவக்க வறுக்கவும். பிறகு, மசித்த பூசணி விழுதைச் சேர்த்துக் கிளறவும். பூசணியில் உள்ள தண்ணீர் நன்றாக வற்றிக் கெட்டியான பதத்தில் வந்ததும் சர்க்கரை, பொடித்த ஏலக்காய் சேர்த்து, அடிப்பிடிக்காமல் கிளறிக்கொண்டே இருக்கவும். இதை அப்படியே நெய் தடவிய தட்டில் கொட்டி, துருவிய பாதாம், பிஸ்தாவை மேலாகத் தூவி அலங்கரிக்கவும்.

ஆர்த்தியின்

ரோஸ் சாண்ட்விச்

தேவையானவை:

பால் - ஒரு லிட்டர்

சர்க்கரை - முக்கால் கிலோ

கேசரி பவுடர் - தேவைக்கேற்ப

ரோஸ் எஸன்ஸ் - தேவைக்கேற்ப

துருவிய பிஸ்தா - அலங்கரிக்க

சோ... ஸ்வீட்

செய்முறை: பாலை சுண்டக் காய்ச்சி, ரோஸ் எஸன்ஸை ஊற்றிக் கிளறிக்கொண்டே இருக்கவும். கோவா பதம் வந்ததும் அடுப்பில் இருந்து இறக்கி, பாதி பாதியாகப் பிரித்துக் கொள்ளவும். பாதி கோவாவை மட்டும் சூடாக இருக்கும்போதே சிறு சிறு உருண்டைகளாகச் செய்து, எண்ணெயில் பொரித்து எடுக்கவும். உருண்டை சூடாக இருக்கும்போதே விரும்பிய வடிவத்தில் தயார் செய்து கொள்ளவும். சர்க்கரையில் தேவையான அளவு தண்ணீர் ஊற்றிப் பாகு காய்ச்சவும். இந்தப் பாகில் கேசரி பவுடர் சேர்த்து நன்றாகக் கலக்கவும். ஏற்கெனவே எண்ணெய்யில் பொரித்துத் தட்டி வைத்துள்ள கோவா டிஸைனை இதில் சேர்த்து, சுமார் 12 மணி நேரம் ஊறவைக்கவும். நன்றாக ஊறியதும் எடுத்துத் தனியாக வைத்துள்ள கோவாவில் சிறிதளவை இதன் நடுவில் வைத்து இரண்டாக மடிக்கவும். அதன்மேல் துருவிய பிஸ்தாவைத் தூவி அலங்கரிக்கவும். எண்ணெயில் பொரிக்காமல் கோவாவின் மேல் பேக்கரி க்ரீமை வைத்தும் செய்யலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism