Published:Updated:

தயிர் ரெசிப்பிக்கள்

தயிர் ரெசிப்பிக்கள்
பிரீமியம் ஸ்டோரி
News
தயிர் ரெசிப்பிக்கள்

தயிர் ரெசிப்பிக்கள்

* ஈஸி கேக்
வாழைப்பழ ஸ்ரீகண்ட் ஐஸ்க்ரீம்
வாழைக்காய் தயிர் வடை
பூசணி தயிர் பச்சடி
உருண்டை மோர்க்குழம்பு
வரகு பகளாபாத்
தினை தஹி பூரி
பப்பா தோய்
தாமினி டோக்ளா
தஹினி மினி இட்லி சாட்

தயிர் ரெசிப்பிக்கள்

வெயில் சீஸனில் நாம் விரும்பி உண்ணும் தயிரை வைத்து வித்தியாசமான ரெசிப்பிக்களை இங்கே தந்திருக்கிறார் சென்னையைச் சேர்ந்த கிருஷ்ணகுமாரி.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஈஸி கேக்

தேவையானவை:
 மேரி பிஸ்கட் - 10
 வெண்ணெய் - 2 டேபிள்ஸ்பூன்
 தேன் - 2 டேபிள்ஸ்பூன்
 பனீர் - 200 கிராம்
 ஜாம் (விருப்பமான ஃப்ளேவர் )
- 2 டேபிள்ஸ்பூன்
 கெட்டித் தயிர் - 200 மில்லி
 மில்க்மெய்ட் - 100 மில்லி
 பொடித்த சர்க்கரை - 2 டேபிள்ஸ்பூன்
 ஜெலட்டின் - 1 டீஸ்பூன்
 ஆரஞ்சு சுளை - 10

தயிர் ரெசிப்பிக்கள்

செய்முறை:
சதுர அல்லது வட்ட வடிவ பாத்திரத்தில் பிஸ்கட்டை கைகளால் பொடித்து சேர்க்கவும். அதன் மேல் உருக்கிய வெண்ணெய் மற்றும் தேன் ஊற்றி மரக்கரண்டியால் நன்கு அழுத்தி ஃப்ரிட்ஜில் அரை மணி நேரம் வைக்கவும். பனீரைத் துருவிக் கொள்ளவும். அதனுடன் கெட்டித் தயிர், மில்க்மெய்ட், பொடித்த சர்க்கரை, ஜாம் ஆகியவற்றை ஒரு பவுலில் சேர்த்து நன்கு கலக்கவும். வெதுவெதுப்பான நீரில் ஜெலட்டினை சேர்த்து அது கரைந்ததும் (அப்படியே விட்டால் கெட்டியாகிவிடும்) மில்க்மெய்ட் கலவையில் ஊற்றவும். பிறகு ஃப்ரிட்ஜில் செட்டான பிஸ்கட் கலவையை வெளியே எடுத்து ஜெலட்டின் கலவையை ஊற்றவும். மேலே ஆரஞ்சு சுளைகளை பரப்பி வைத்து மீண்டும் ஃப்ரிட்ஜில் 2 மணி நேரம் வைக்கவும். பிறகு, வெளியே எடுத்து விரும்பிய வடிவத்தில் துண்டுகள் போட்டுப் பரிமாறவும்.

வாழைப்பழ ஸ்ரீகண்ட் ஐஸ்க்ரீம்

தேவையானவை:
 வாழைப்பழம் - 3
 கெட்டித் தயிர் - 1 கப்
 தேன் - 2 டேபிள்ஸ்பூன்
 வெனிலா எசன்ஸ் - 3 சொட்டுக்கள்
 பொடித்த முந்திரி, பாதாம் - தேவைக்கேற்ப‌

தயிர் ரெசிப்பிக்கள்

செய்முறை:
வாழைப்பழங்களைத் துண்டுகளாக்கி ஒரு பவுலில் சேர்த்து ஃப்ரீசரில் 2 மணி நேரம் கெட்டியாகும் வரை வைக்கவும். பிறகு கெட்டித் தயிருடன் தேன், வெனிலா எசன்ஸ் சேர்த்து நன்கு கலக்கவும். ஃப்ரிட்ஜில் இருந்து எடுத்த வாழைப்பழங்களை மிக்ஸி ஜாரில் சேர்த்து விப்பரில் சுற்றவும். அதனுடன் தயிர்க்கலவை, ஐஸ் கட்டிகள் சேர்த்து நன்கு அடிக்கவும். கலவையை ஐஸ்க்ரீம் கிளாஸ்களில் ஊற்றி, ஃப்ரீசரில் மீண்டும் 3 முதல் 4 மணி நேரம் கலவை கெட்டியாகி ஐஸ்க்ரீம் பதம் வரும் வரை வைக்கவும். பிறகு, வெளியே எடுத்து மேலே முந்திரி, பாதாம் தூவி பரிமாறவும்.

வாழைக்காய் தயிர் வடை

தேவையானவை:
 வாழைக்காய் - 2
 மைதா மாவு - அரை கப்
 அவல் - 1 கப்
 துருவிய தேங்காய் - கால் கப்
 பச்சைமிளகாய் விழுது - 1 டீஸ்பூன்
 எலுமிச்சைச் சாறு - 1 டேபிள்ஸ்பூன்
 உப்பு - தேவையான அளவு
 கரம்மசாலா - 1 டேபிள்ஸ்பூன்
 தயிர் - 1 கப்
 எண்ணெய் - பொரிக்கத் தேவையான அளவு
 சீரகப்பொடி - 1 டீஸ்பூன்
 ஓமப்பொடி - ஒரு சிட்டிகை
 கொத்தமல்லித்தழை - சிறிதளவு
 சர்க்கரை - 1 டீஸ்பூன்

தயிர் ரெசிப்பிக்கள்

செய்முறை:
வாழைக்காய்களை தோல் நீக்கி வேகவைத்து நன்கு மசித்துக்கொள்ளவும். அதனுடன் தேங்காய்த்துருவல், உப்பு, மைதா சேர்த்து சப்பாத்தி மாவு போல பிசையவும், அவலை அரை மணி நேரம் ஊற வைக்கவும். ஊறிய அவலுடன் பச்சை மிளகாய் விழுது, உப்பு, கரம்மசாலா, எலுமிச்சைச் சாறு, சர்க்கரை சேர்த்துப் பிசையவும். வாழைக்காய் கலவையை சின்னச் சின்ன கிண்ணம் போல செய்து அதனுள் அவல் கலவையை வைத்து மூடவும். இதை வடை போல் தட்டி சூடான எண்ணெயில் பொரித்தெடுக்கவும். பரிமாறும் தட்டில் வடைகளை அடுக்கி அதன் மேலே தயிரை ஊற்றி சீரகப்பொடி, ஓமப்பொடி, கொத்தமல்லித்தழை தூவிப் பரிமாறவும்.

குறிப்பு:
தயிரைக் குளிரவைத்து ஊற்றி பரிமாற வேண்டும்.

பூசணி தயிர் பச்சடி

தேவையானவை:
 வெள்ளை பூசணி - 1 கீற்று
 தயிர் - 100 கிராம்
 கடுகு, உளுந்து, சீரகம் - தலா கால் டீஸ்பூன்
 பச்சைமிளகாய் - 2
 கறிவேப்பிலை - சிறிது
 எண்ணெய் - 1 டீஸ்பூன்
 உப்பு - தேவையான அளவு

தயிர் ரெசிப்பிக்கள்

செய்முறை:
பூசணியை துருவி நீரை வடித்துக் கொள்ளவும். வாணலியில் எண்ணெய் விட்டு சூடாக்கி கடுகு, உளுந்து, கறிவேப்பிலை தாளித்து, பூசணித் துருவலைச் சேர்த்து ஒரு நிமிடம் வதக்கவும். பச்சைமிளகாய் மற்றும் சீரகத்தை மிக்ஸியில் சேர்த்து விழுதாக அரைத்து உப்பு மற்றும் தயிரோடு சேர்த்துக் கலக்கவும். வதக்கிய பூசணியை ஆறவிட்டு தயிர்க்கலவையோடு சேர்த்து கலந்து பரிமாறவும். வெயில் காலத்துக்கேற்ற அருமையான பச்சடி.

உருண்டை மோர்க்குழம்பு

தேவையானவை:
 கடலைப்பருப்பு, துவரம்பருப்பு -
தலா கால் கப்
 சோம்பு, கடுகு, வெந்தயம், உளுந்து, சீரகம், மிளகு, மஞ்சள்தூள் -
தலா கால் டீஸ்பூன்
 காய்ந்த மிளகாய் - 3
 தேங்காய்த் துருவல் - 3 டேபிள்ஸ்பூன்
 பச்சைமிளகாய் - 5
 இஞ்சி - சிறிய துண்டு
 கறிவேப்பிலை - சிறிது
 தேங்காய் எண்ணெய் - 3 டேபிள்ஸ்பூன்
 உப்பு - தேவையான அளவு
 மோர் - 100 மில்லி

தயிர் ரெசிப்பிக்கள்

செய்முறை:
பருப்பு வகைகளை முக்கால் மணி நேரம் ஊறவைத்து சோம்பு, சீரகம், மிளகு, காய்ந்த மிளகாய், உப்பு சேர்த்து கொரகொரப்பாக அரைத்து சிறு சிறு உருண்டைகளாக உருட்டிக் கொள்ளவும். தேங்காய்த் துருவலுடன் இஞ்சி, பச்சைமிளகாய் சேர்த்து அரைத்து தண்ணீர் விட்டு நீர்க்க கரைக்கவும். வாணலியில் 2 டேபிள்ஸ்பூன் தேங்காய் எண்ணெய் ஊற்றி சூடானதும் கடுகு, உளுந்து, கறிவேப்பிலை, வெந்தயம் தாளித்து, தேங்காய்த்துருவல் கரைசலை ஊற்றி, உப்பு சேர்த்துக் கொதிக்க விடவும். கலவை ஒரு கொதி வந்ததும் அடுப்பை சிம்மில் வைத்து பருப்பு உருண்டைகளை கலவையில் சேர்த்துக் கொதிக்கவிடவும். கலவை எல்லாம் சேர்ந்து வரும்போது மோர், உப்பு, மஞ்சள்தூள் சேர்த்து கலக்கவும். குழம்பு கொதித்து வரும் போது மீதமுள்ள தேங்காய் எண்ணெயை ஊற்றி இறக்கி சூடான சாதத்துடன் பரிமாறவும். \

குறிப்பு:
மோர் சேர்த்ததும் அதிக நேரம் குழம்பை கொதிக்கவிடக்கூடாது.
உருண்டை நிறைய இருந்தால் மோரை அதிகம் சேர்த்துக் கொள்ளவும்

வரகு பகளாபாத்

தேவையானவை:
 வரகு சேவை (சேமியா) - 100 கிராம்
 தயிர் - 1 கப்
 பால் - கால் கப்
 இஞ்சித் துருவல் - 1 டீஸ்பூன்
 பச்சைமிளகாய் - 2
 கறிவேப்பிலை - சிறிது
 மாதுளை முத்துக்கள் - 1 கைப்பிடி
 ஆப்பிள் துண்டுகள் - விருப்பத்துக்கேற்ப
 கடுகு, உளுந்து, கடலைப்பருப்பு - தலா கால் டீஸ்பூன்
 பெருங்காயத்தூள் - 1 சிட்டிகை
 எண்ணெய் - 3 டீஸ்பூன்
 உப்பு - தேவைகேற்ப

தயிர் ரெசிப்பிக்கள்

செய்முறை:
அடுப்பில் நன்கு கொதித்த நீரில் ஒரு டீஸ்பூன் எண்ணெய், ஒரு சிட்டிகை உப்பு சேர்த்து, சேமியாவையும் சேர்த்து மூடி போடவும். ஒரு நிமிடம் கழித்து சேமியாவில் உள்ள நீரை வடிகட்டவும். பிறகு குளிர்ந்த நீரில் சேமியாவை அலசி தண்ணீரை மீண்டும் வடிகட்டவும். வாணலியில் எண்ணெய் விட்டு சூடானதும் கடுகு, உளுந்து, கடலைப்பருப்பு, கறிவேப்பிலை, பொடியாக நறுக்கிய பச்சைமிளகாய், இஞ்சித் துருவல், பெருங்காயத்தூள் சேர்த்து தாளிக்கவும். இதை தயிருடன் கலந்து உப்பு சேர்க்கவும். இந்த தயிர்க்கலவையை வெந்த சேமியாவில் சேர்த்துக் கலக்கவும். காய்ச்சி ஆறவைத்த பாலை இத்துடன் சேர்க்கவும். மேலாக பழங்கள் தூவி அலங்கரித்து பரிமாறவும். இதைக் குளிர வைத்துக் கூட பரிமாறலாம்.

தினை தஹி பூரி

தேவையானவை:
 தினை மாவு - கால் கப்
 கோதுமை மாவு - கால் கப்
 ரவை - 2 டேபிள்ஸ்பூன்
 உப்பு - தேவைக்கேற்ப
 கேரட் துருவல் - கால் கப்
 மிளகுத்தூள், சீரகத்தூள் - தலா கால் டீஸ்பூன்
 மிளகாய்த்தூள் - தலா கால் டீஸ்பூன்
 தயிர் - 100 கிராம்
 கொத்தமல்லித்தழை, புதினா - சிறிது
 தக்காளி - 1
 எண்ணெய் - தேவைக்கேற்ப
 ஓமப்பொடி (ஸ்நாக்ஸ் வகை) - அலங்கரிக்க தேவையான அளவு

தயிர் ரெசிப்பிக்கள்

செய்முறை:
தினை மாவு, கோதுமை மாவு, ரவை, உப்பு சேர்த்துப் பிசிறி தேவையான நீர் சேர்த்து கெட்டியாகப் பிசையவும். மாவை சிறு சிறு பூரிகளாக திரட்டி சூடான எண்ணெயில் பொரித்து தனியே வைக்கவும். கேரட் துருவலில் உப்பு, மிளகாய்த்தூள் சேர்த்து கலக்கவும். தயிருடன் மிளகுத்தூள், சீரகத்தூள் சேர்த்துக் கலக்கவும். பூரிகளின் நடுவே சிறிய துளையிட்டு அதன் உள்ளே பொடியாக நறுக்கிய தக்காளி, கேரட் துருவலை சேர்த்து அதன் மேலே தயிரை ஊற்றவும். இறுதியாக, நறுக்கிய கொத்தமல்லித்தழை, புதினா ஓமப்பொடி தூவி பரிமாறவும். வெயிலுக்கு ஏற்ற இதமான மாலை சிற்றுண்டி இது.

பப்பா தோய்

தேவையானவை:
 மில்க்மெய்ட் - ஒரு கப்
 கெட்டித் தயிர் - ஒரு கப்
 மாம்பழக்கூழ் - கால் கப்
 மாம்பழத்துண்டுகள் -
ஒரு கைப்பிடியளவு (தோல் நீக்கியது)
 முந்திரி - சிறிதளவு
 பாதாம் - சிறிதளவு

தயிர் ரெசிப்பிக்கள்

செய்முறை:
மில்க்மெயிட், தயிர், மாம்பழக்கூழ் ஆகியவற்றை ஒரு பாத்திரத்தில் சேர்த்து நன்றாக அடித்துக் கலந்து கொள்ளவும். இத்துடன் மாம்பழத்துண்டுகள், முந்திரி, பாதம் சேர்த்துக் கலந்து சிறு கிண்ணங்களில் ஊற்றி அதனை அலுமினிய ஃபாயில் பேப்பரால் மூடவும். இதனை குக்கரில் வைத்து பிரஷர் வரும் வரை வேகவிடவும். பிறகு குக்கரில் இருந்து வெளியே எடுத்து குளிரவைத்துப் பரிமாறவும்.

புகழ்பெற்ற பெங்காலி டிஷ்ஷான இதை நீங்கள் விரும்பும் சுவைகளில் தயாரிக்கலாம்.

தஹினி மினி இட்லி சாட்

தேவையானவை:
 மினி இட்லி - 15-20
 தயிர் - ஒரு கப்
 சாட் மசாலா- ஒரு டீஸ்பூன்
 மிளகுத்தூள் - ஒரு டீஸ்பூன்
 சீரகத்தூள் ஒரு டீஸ்பூன்
 உப்பு - தேவையான அளவு
 மாதுளை முத்துகள் - 4 டேபிள்ஸ்பூன்
 வாழைப்பழம் - கால் கப்
 ஆப்பிள் துண்டுகள் - கால் கப்
 கொத்தமல்லித்தழை - சிறிதளவு
 புதினா - சிறிதளவு
 கேரட் துருவல் -  ஒரு டேபிள்ஸ்பூன்
 ஓமம்- சிறிதளவு (விருப்பப்பட்டால்)

தயிர் ரெசிப்பிக்கள்

செய்முறை:
தயிருடன் உப்பு, மிளகுத்தூள், சீரகத்தூள் சேர்த்துக் கலக்கவும். பரிமாறப்போகும் தட்டில் இட்லிகளை விரும்பும் வடிவில் அடுக்கவும். அதன் மேல் தயிர்க்கலவையை பரவலாக ஊற்றவும். பழங்கள், கேரட் துருவல், புதினா இலை, ஓமம் நறுக்கிய கொத்தமல்லித்தழையை இட்லியின் மேல் தூவவும். மீண்டும் தயிர் ஊற்றி சாட் மசாலா, ஓமம் தூவிப் பரிமாறவும்.

தாமினி டோக்ளா

தேவையானவை:
 கடலைப்பருப்பு - அரை கப்
 துவரம்பருப்பு - அரை கப்
 பாசிப்பருப்பு - அரை கப்
 உளுந்து - அரை கப்
 புழுங்கலரிசி - முக்கால் கப்
 தயிர்- ஒரு கப்
 ஃப்ரூட் சால்ட் - ஒரு டீஸ்பூன்
 வெல்லம் (பொடித்தது) - 4 டேபிள்ஸ்பூன்
 மிளகாய்த்தூள் - 1 டீஸ்பூன்
 உப்பு - தேவைக்கு ஏற்ப
 கடுகு, உளுந்து - தலா கால் டீஸ்பூன்
 கறிவேப்பிலை - சிறிது

தயிர் ரெசிப்பிக்கள்

செய்முறை:
பருப்பு வகைகள், உளுந்து மற்றும் அரிசியை மூன்று மணி நேரம் ஒன்றாக ஊறவைத்து கிரைண்டரில் சேர்த்து கொரகொரப்பாக அரைக்கவும். இத்துடன் தயிர் சேர்த்து 6 மணி நேரம் புளிக்க விடவும். பிறகு உப்பு, மிளகாய்த்தூள், வெல்லம், ஃப்ரூட் சாலட் சேர்த்து நன்கு கலக்கவும். கலவையை சிறிய கிண்ணங்களில் ஊற்றி ஆவியில் வேகவைத்துப் எடுத்துப் பரிமாறவும். விருப்பப்பட்டால் கடுகு, உளுந்து, கறிவேப்பிலை தாளித்து சேர்த்தும் பரிமாறலாம்.

- படங்கள்: எம்.உசேன்