Published:Updated:

30 வகை விருந்து சமையல்

30 வகை  விருந்து சமையல்
பிரீமியம் ஸ்டோரி
News
30 வகை விருந்து சமையல்

ஹோட்டல் வேண்டாம்... வீட்டிலேயே பார்ட்டி...

30 வகை  விருந்து சமையல்

பிறந்த நாள், திருமண நாள், பதவி உயர்வு என்று நல்ல விஷயங்கள் சொல்லும்போது நண்பர்கள், உறவினர்கள் கேட்பது... `பார்ட்டி உண்டா?’ என்பதுதான்! நம் மகிழ்ச்சியிலும், முன்னேற்றத்திலும் அக்கறை கொண்டவர்களுக்கு நாம் கையாலேயே விருந்தளிக்க உதவும் விதத்தில், பலப்பல சுவையான உணவுகளை தயாரிக்கும் முறையைக் கற்றுத்தருகிறார் சமையல்கலை நிபுணர் தீபா பாலசந்தர். ஸ்டார்ட்டர், மெயின் கோர்ஸ், டெசர்ட் என்று பரிமாறத்தக்க உணவுகளுடன் வடை, பாயசம் போன்றவற்றையும் சேர்த்து அமர்க்களப்படுத்தியிருக்கிறார் தீபா.

அக்கறையோடு பண்ணுங்க... அப்ளாஸ்களை அள்ளுங்க!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
30 வகை  விருந்து சமையல்

வெல்கம் டிரிங்

தேவையானவை: மாம்பழம் (மல் கோவா, பங்கனப்பள்ளி, ஜவ்வாது, இமாம்பசந்த் போன்றவை) - ஒன்று, இஞ்சி - சிறிய துண்டு, எலுமிச்சைச் சாறு - ஒரு டீஸ்பூன், சர்க்கரை அல்லது தேன் -  தேவையான அளவு, தண்ணீர் - தேவைக்கேற்ப.

30 வகை  விருந்து சமையல்

செய்முறை: மாம்பழத்தின் சதைப் பகுதியை மட்டும் துண்டுகளாக்கவும். இஞ்சியைத் தோல் சீவி துருவவும். மிக்ஸி ஜாரில் மாம்பழத் துண்டுகள், இஞ்சித் துருவல், எலுமிச்சைச் சாறு, சர்க்கரை (அ) தேன், தேவையான தண்ணீர் சேர்த்து நைஸாக அரைத்துப் பரிமாறவும்.

குறிப்பு: மாம்பழத்துக்குப் பதில் அன்னாசிப் பழத்திலும் இந்த டிரிங் தயாரிக்கலாம்.

மின்ட் ஜூஸ்

தேவையானவை: புதினா - ஒரு கட்டு, மீடியம் சைஸ் எலுமிச்சைப் பழம் - ஒன்று, சர்க்கரை, ஐஸ்கட்டிகள் - தேவையான அளவு.

30 வகை  விருந்து சமையல்

செய்முறை: புதினா இலை களை சுத்தம் செய்து ஆய்ந்து அலசவும். இதனுடன் சிறிதளவு தண்ணீர் விட்டு மிக்ஸியில் அரைத்து வடிகட்டவும். எலுமிச் சைப் பழத்தை சாறு பிழியவும். இதனுடன் சர்க்கரை, புதினாச் சாறு, தேவையான தண்ணீர் சேர்த்துக் கலக்கவும். மேலே ஐஸ் கட்டிகளைப் போட்டு பரிமாறவும். விருப்பம் இல்லாதவர்கள், ஐஸ் போடாமலும் அருந்தலாம்.

ஸ்வீட் கார்ன் சூப்

தேவையானவை: வேகவைத்த ஸ்வீட் கார்ன் முத்துக்கள் - ஒரு கப், பாதாம் பருப்பு - 10, ஃப்ரெஷ் க்ரீம் - ஒரு டீஸ்பூன், மிளகுத்தூள், உப்பு - தேவைக்கேற்ப.

30 வகை  விருந்து சமையல்

செய்முறை: பாதாம் பருப்பை ஊறவைத்து, ஸ்வீட் கார்னுடன் சேர்த்து அரைக் கவும். பிறகு, தேவையான அளவு தண்ணீர் சேர்த்துக் கொதிக்கவிடவும். தீயைக் குறைத்து கலக்கிக்கொண்டே இருக்கவும். இறக்கியதும் ப்ரெஷ் கிரீம், மிளகுத்தூள், உப்பு சேர்த்துப் பரிமாறவும்.

பசலை சூப்

தேவையானவை: பசலைக்கீரை - ஒரு கட்டு, ஃப்ரெஷ் கிரீம் - சிறிதளவு, வெங்காயம், தக்காளி - தலா ஒன்று, கார்ன்ஃப்ளார் (சோள மாவு), வெண்ணெய் - தலா ஒரு டீஸ்பூன், மிளகுத்தூள், உப்பு - தேவையான அளவு.

30 வகை  விருந்து சமையல்

செய்முறை: பசலைக்கீரையை சுத்தம் செய்து கழுவி, பொடியாக நறுக்கவும். வெங்காயம், தக்காளியை பொடியாக நறுக்கவும். வாணலியில் வெண்ணெய் விட்டு உருக்கி... வெங்காயம், தக்காளி, கீரை, உப்பு சேர்த்து வதக்கி, சிறிதளவு தண்ணீர் சேர்த்து வேகவிட்டு இறக்கவும். ஆறிய பின் மிக்ஸியில் விழுதாக அரைக்கவும். கார்ன்ஃப்ளாரை சிறிதளவு தண்ணீரில் கரைத்து விழுதுடன் சேர்த்து சூடாக்கி, தேவைப்பட்டால் சிறிதளவு தண்ணீர் சேர்த்து, ஒரு கொதிவிட்டு  இறக்கவும். ஃப்ரெஷ் க்ரீம், மிளகுத்தூள் சேர்த்துப் பரிமாறவும்.

பனீர் கீர்

தேவையானவை: பால் - அரை லிட்டர், பனீர் - 250 கிராம், ஏலக்காய்த்தூள் - கால் டீஸ்பூன், முந்திரி - 10, சர்க்கரை - அரை கப், நெய் - ஒரு டீஸ்பூன், (விருப்பப்பட்டால்) கண்டன்ஸ்டு மில்க் - கால் கப்.

30 வகை  விருந்து சமையல்

செய்முறை: அடி கனமான பாத்திரத்தில் பாலை ஊற்றிக் காய்ச்சவும். அடுப்பை சிறு தீயில் வைத்துவிட்டு, பனீரைத் துருவவும். பால் நன்கு கொதித்து பாதியாக சுண்டி வரும்போது பனீர் துருவல் சேர்த்து நன்கு கிளறவும். (விருப்பப்பட்டால்) கண்டன்ஸ்டு மில்க் சேர்க்கவும். பிறகு, ஏலக்காய்த்தூள், சர்க்கரை சேர்த்து ஒரு கொதி விட்டு இறக்கினால்... பனீர் கீர் ரெடி! முந்திரியை ஒன்றிரண்டாக உடைத்து நெய்யில் வறுத்து கீர் மீது சேர்த்துப் பரிமாறவும்.

ரவை ரோஸ் பாயசம்

தேவையானவை: ரவை - ஒரு கப், பால் - அரை லிட்டர், முந்திரி, திராட்சை - தலா 10, சர்க்கரை - தேவையான அளவு, ரோஸ் எசன்ஸ் - சிறிதளவு, ஏலக்காய்த்தூள் - கால் டீஸ்பூன், நெய் - 3 டீஸ்பூன்.

30 வகை  விருந்து சமையல்

செய்முறை: வாணலியில் சிறிதளவு நெய் விட்டு  ரவையை லேசாக வறுக்கவும். பிறகு, மீதமுள்ள நெய்யில் முந்திரி, திராட்சையை வறுக்கவும். பாலைக் காய்ச்சி ஆறவிடவும்.

அடி கனமான பாத்திரத்தில் 2 கப் தண்ணீர் விட்டு கொதிக்கவிடவும். நன்கு கொதிக்கும்போது அடுப்பை சிறு தீயில் வைத்துவிட்டு, ரவையை சேர்த்துக் கிளறவும். ரவை நன்கு வெந்த பின் காய்ச்சி ஆறவைத்த பால், சர்க்கரை, ஏலக்காய்த்தூள் சேர்த்து ஒரு கொதி விட்டு, இறக்கும்போது ரோஸ் எசன்ஸ், வறுத்த முந்திரி, திராட்சை சேர்த்து இறக்கிப் பரிமாறவும்.

ரோஸ் எசன்ஸ் சேர்ப்பதால், இந்தப் பாயசம் புதுமையான சுவையுடன் இருக்கும்.

யாம் ஃபிங்கர் சிப்ஸ்

தேவையானவை: சேனைக் கிழங்கு (கருணைக்கிழங்கு) - கால் கிலோ, மஞ்சள்தூள் - கால் டீஸ்பூன், மிளகாய்த்தூள் - 2 டீஸ்பூன், எண்ணெய், உப்பு - தேவையான அளவு.

30 வகை  விருந்து சமையல்

செய்முறை: சேனைக்கிழங்கின் மேல் தோலை சீவிவிட்டு, நன்கு கழுவி, விரல் நீள துண்டுகளாக நறுக்கவும். பாத்திரத்தில் தண்ணீர் விட்டு மஞ்சள்தூள், சேனைக்கிழங்கு  துண்டுகள் சேர்த்துக் கொதிக்கவிடவும். பாதி அளவு (அரை வேக்காடாக) வெந்த பிறகு இறக்கி வடிகட்டவும். இதனுடன் உப்பு, மிளகாய்த்தூள் சேர்த்துப் பிசிறவும். வாணலியில் எண்ணெயைக் காயவிட்டு சேனைத் துண்டுகளை போட்டு பொன்னிறமாக பொரித்து எடுக்கவும்.

பேபி கார்ன் 65

தேவையானவை: பேபி கார்ன் - 10, இஞ்சி - பூண்டு விழுது - ஒரு டீஸ்பூன், கறிவேப்பிலை - ஒரு ஆர்க்கு, பச்சை மிளகாய் - ஒன்று, கொத்தமல்லித்தழை - சிறிதளவு, அரிசி மாவு, மைதா மாவு - தலா 4 டீஸ்பூன், தயிர் - ஒரு டீஸ்பூன், எலுமிச்சைச் சாறு - ஒரு டீஸ்பூன், கேசரி கலர் - ஒரு சிட்டிகை, எண்ணெய், உப்பு - தேவையான அளவு.

30 வகை  விருந்து சமையல்

செய்முறை: பேபி கார்னை நீளவாக்கில் துண்டுகளாக நறுக்கவும். சுத்தம் செய்த கொத்தமல்லித்தழை, கறிவேப் பிலை, பச்சை மிளகாயை சேர்த்து விழுதாக அரைக் கவும். அரைத்த விழுது, உப்பு, கேசரி கலர், அரிசி மாவு, மைதா மாவு, தயிர், எலுமிச்சைச் சாறு, இஞ்சி - பூண்டு விழுது ஆகிய வற்றை ஒரு பாத்திரத்தில்  சேர்த்துக் கலந்து, சிறிதளவு தண்ணீர் விட்டு கெட்டியாக கரைக்கவும். பேபி கார்னை இதில் தோய்த்து எடுத்து, சூடான எண்ணெயில் பொரித் தெடுக்கவும்.

பிரெட் மெதுவடை

தேவையானவை: பிரெட் ஸ்லைஸ் (சால்ட் பிரெட்) - 5, ரவை - 3 டீஸ்பூன், வெங்காயம் - ஒன்று, பச்சை மிளகாய் - ஒன்று, கொத்தமல்லித்தழை - சிறிதளவு, எண்ணெய், உப்பு - தேவையான அளவு.

செய்முறை: பிரெட்டின் ஓரங்களை வெட்டி எடுத்துவிட்டு, பிரெட்டை சிறிய துண்டுகளாக்கவும். வெங்காயம், பச்சை மிளகாயை பொடியாக நறுக்கவும்.

30 வகை  விருந்து சமையல்

ஒரு பாத்திரத்தில் பிரெட் துண்டுகள், ரவை, நறுக்கிய வெங்காயம், பச்சை மிளகாய், உப்பு, சுத்தம் செய்து நறுக்கிய கொத்தமல்லித்தழை சேர்த்துக் கலக்கவும். பிறகு, சிறிதளவு தண்ணீர் தெளித்து, சப்பாத்தி மாவு பதத்துக்கு பிசையவும். பிசைந்த மாவை சிறிய உருண்டைகளாக்கி, தட்டி, நடுவே ஓட்டை போட்டு, சூடான எண்ணெயில்  பொரித்தெடுக்கவும்.

மசால் வடை

தேவையானவை: கடலைப்பருப்பு - ஒரு கப், பச்சை மிளகாய் - 2, அரிசி மாவு - ஒரு டீஸ்பூன், கறிவேப்பிலை, கொத்த மல்லித்தழை - சிறிதளவு, வெங்காயம் - ஒன்று, இஞ்சி - சிறிய துண்டு, எண்ணெய்,  உப்பு - தேவையான அளவு.

30 வகை  விருந்து சமையல்

செய்முறை: கடலைப்பருப்பை ஒரு மணி நேரம் ஊறவிடவும். வெங்காயம், பச்சை மிளகாய், கறிவேப்பிலை, கொத்த மல்லித்தழையை பொடியாக நறுக்கவும்.

மிக்ஸி ஜாரில் பச்சை மிளகாய், தோல் சீவிய இஞ்சி, ஊறிய கடலைப்பருப்பு சேர்த்து சற்று கொரகொரவென அரைக்கவும். இதனுடன் உப்பு, அரிசி மாவு, வெங்காயம், கறிவேப்பிலை, கொத்தமல்லித் தழையை சேர்த்துக் கலக்கவும். கடாயில் எண்ணெயைக் காயவிட்டு, மாவை சிறிய உருண்டை களாக்கி, தட்டிப் போட்டு வேகவிட்டு எடுக்கவும்.

ஸ்வீட் அண்ட் சால்டி நட்ஸ்

தேவையானவை: பாதாம், முந்திரி - தலா 50 கிராம், சர்க் கரை - 100 கிராம், வெண்ணெய் - ஒரு டீஸ்பூன், உப்பு - ஒரு சிட்டிகை.

30 வகை  விருந்து சமையல்

செய்முறை:  பாதாம், முந்திரியை வெறும் வாணலியில் தனித்தனியே வறுக்கவும். பிறகு, வாணலியில் வெண்ணெய் சேர்த்து உருக்கி... சர்க்கரை, உப்பு சேர்த்துக் கலந்து, சிறிதளவு தண்ணீர் விட்டு ஒரு கொதிவிடவும். பிறகு நட்ஸ் வகைகளுடன் சேர்த்து கலந்து மீண்டும் கொதிக்கவிட்டு... நட்ஸ்கள் மீது சர்க்கரை ஒட்டிக் கொண்டு சுருண்டு வரும் வரை அடிப்பிடிக்காமல் கிளறவும்.  உப்பு தூவிக் கிளறி, இறக்கிப் பரிமாறவும்.

ரெயின்போ சாலட்

தேவையானவை: வெள்ளைக் கொண்டைக்கடலை - ஒரு கப், கேரட் துருவல் - கால் கப், மாதுளை முத்துக்கள் - கால் கப், வெங்காயம், தக்காளி - தலா ஒன்று,  நறுக்கிய கொத்தமல்லித்தழை - சிறிதளவு, எலுமிச்சைச் சாறு - 2 டீஸ்பூன், உப்பு, மிளகுத்தூள் - தேவைக்கேற்ப.

30 வகை  விருந்து சமையல்

செய்முறை: வெள்ளைக் கொண்டைக்கடலையை முதல் நாள் இரவே ஊறவிடவும். மறுநாள் நீரை வடியவிட்டு களையவும். வெங் காயம், தக்காளியை பொடியாக நறுக்கவும். ஒரு பாத்திரத்தில் கொண்டைக்கடலை, கேரட் துருவல், மாதுளை முத்துக்கள், நறுக்கிய கொத்தமல்லித்தழை, வெங்காயம், தக்காளி, உப்பு, மிளகுத்தூள், எலுமிச்சைச் சாறு சேர்த்துக் கலந்து பரிமாறவும்.

பிரெட் பூரி

தேவையானவை: பிரெட் (சால்ட்) துண்டுகள் - 5, மைதா அல்லது கோதுமை மாவு - ஒரு கப், ரவை - ஒரு டீஸ்பூன், தயிர் - 3 டீஸ்பூன், எண்ணெய், உப்பு - தேவையான அளவு.

30 வகை  விருந்து சமையல்

செய்முறை:  பிரெட்டின் ஓரங்களை வெட்டி எடுத்துவிட்டு, மிக்ஸியில் பொடிக்கவும். ஒரு பாத்திரத்தில் பிரெட் பொடி, மைதா அல்லது கோதுமை மாவு, ரவை, உப்பு, தயிர் சேர்த்து, பூரி மாவு போல பிசையவும் (தேவையானால் சிறிதளவு தண்ணீர் தெளிக்க வும்). மாவை சிறிய உருண்டை களாக்கி, பூரிகளாக திரட்டி, சூடான எண்ணெயில் பொரித்து எடுக்கவும்.

பொடி இட்லி

தேவையானவை: இட்லி மாவு - ஒரு கப், எண்ணெய் - தேவையான அளவு.

பொடி செய்ய: கடலைப் பருப்பு, உளுத்தம்பருப்பு, கறுப்பு எள் - தலா 4 டீஸ்பூன், காய்ந்த மிளகாய் - 5, உப்பு, பெருங்காயத்தூள் - தேவைக்கேற்ப.

30 வகை  விருந்து சமையல்

செய்முறை: பொடி செய்யக் கொடுத்த பொருட்களை வெறும் வாணலியில் ஒவ்வொன்றாக போட்டு வறுத்து ஆறவிடவும். பிறகு மிக்ஸியில் சேர்த்துப் பொடிக்கவும். இட்லி மாவை இட்லிகளாக செய்து எடுக்கவும். பொடியுடன் எண்ணெய் சேர்த்துக் குழைக்கவும். இட்லிகளை இருபுறமும் நன்கு பொடியில் தடவி எடுத்து பரிமாறவும்.

காரப் பணியாரம்

தேவையானவை:  இட்லி மாவு - ஒரு கப், வெங்காயம் - ஒன்று, பச்சை மிளகாய் - 2, கறிவேப்பிலை, கொத்தமல்லித் தழை - சிறிதளவு, எண்ணெய், உப்பு - தேவையான அளவு.

30 வகை  விருந்து சமையல்

செய்முறை: வெங்காயம், பச்சை மிளகாய், கறிவேப்பிலை, கொத்த மல்லித்தழையை பொடியாக நறுக்கவும். இட்லி மாவுடன் உப்பு, வெங்காயம், கறிவேப்பிலை, கொத்தமல்லித்தழை, பச்சை மிளகாய் சேர்த்துக் கலக்கவும். குழிப்பணியாரக் கல்லை சூடாகி, குழிகளில் சிறிதளவு எண்ணெய் விட்டு, மாவை ஊற்றி, வேகவிட்டு எடுக்கவும்.

மாவை நீர்க்க கரைத்தால் உப்பி வராது.

ஸ்வீட் பணியாரம்

தேவையானவை: கோதுமை மாவு - 4 கப், அரிசி மாவு - ஒரு கப், வாழைப்பழம் - ஒன்று, வெல்லம் - ஒன்றரை கப், ஏலக்காய்த்தூள் - சிறிதளவு, எண்ணெய் - தேவையான அளவு.

30 வகை  விருந்து சமையல்

செய்முறை: வெல்லத்துடன் அது  மூழ்கும் அளவு தண்ணீர் சேர்த்து, ஒரு கொதிவிட்டு இறக்கி வடிகட்டவும். இதனுடன் ஏலக்காய்த்தூள், மசித்த வாழைப்பழம், கோதுமை மாவு, அரிசி மாவு சேர்த்து, கெட்டியாகக் கரைக்கவும். அரை மணி நேரம் அப்படியே வைக்கவும். பிறகு, வாணலியில் எண்ணெயைச் சூடாக்கி, மாவை சிறிய கரண்டியால் எடுத்து ஊற்றி, நன்கு வேகவிட்டு எடுக்கவும்.

குறிப்பு: மாவை குழிப்பணியாரக் கல்லிலும் ஊற்றி எடுக்கலாம்.

பீட்ரூட் பச்சடி

தேவையானவை: பீட்ரூட் - ஒன்று, தேங்காய்த் துருவல் - கால் கப், சீரகம், கடுகு - தலா ஒரு டீஸ்பூன், கடுகு (அரைக்க) - ஒரு டீஸ்பூன், பச்சை மிளகாய் - 2, தயிர் - ஒரு கப், கடுகு, கறிவேப்பிலை (தாளிக்க) - சிறிதளவு, எண்ணெய், உப்பு - தேவையான அளவு.

30 வகை  விருந்து சமையல்

செய்முறை:  பீட்ரூட்டை தோல் சீவி துருவவும். அதனுடன் உப்பு, சிறிதளவு தண்ணீர் சேர்த்து வேகவிடவும். தேங்காய்த் துருவலுடன் பச்சை மிளகாய், சீரகம், சிறிதளவு தண்ணீர் விட்டு விழுதாக அரைக்கவும். கடுகை தனியாக அரைக்கவும். வெந்த பீட்ரூட் கலவையுடன் அரைத்த தேங்காய் விழுது, அரைத்த கடுகு சேர்த்து நன்கு கொதிக்கவிட்டு இறக்கி, கடைந்த தயிரை சேர்த்துக் கலக்கவும். சிறிதளவு எண்ணெயில் கடுகு, கறிவேப்பிலை தாளித்து சேர்த்துக் கலந்து பரிமாறவும்.

பட்டர் நாண்

தேவையானவை: மைதா - ஒரு கப் (சலிக்கவும்), வெண்ணெய் - ஒரு டீஸ்பூன் (உருக்கவும்), தயிர் - 2 டீஸ்பூன், பூண்டு விழுது - ஒரு டீஸ்பூன், பேக்கிங் பவுடர் - அரை டீஸ்பூன், கொத்தமல்லித்தழை - சிறிதளவு, வெண்ணெய், உப்பு - தேவையான அளவு.

30 வகை  விருந்து சமையல்

செய்முறை: ஒரு பாத்திரத்தில் மைதா, உப்பு, பேக்கிங் பவுடர் சேர்த்துக் கலக்கவும். இதனுடன் உருக்கிய வெண்ணெய், தயிர், பூண்டு விழுது, கொத்தமல்லித்தழை சேர்த்துக் கலந்து தேவையான அளவு தண்ணீர் விட்டு மாவைப் பிசைந்து அரை மணி நேரம் ஊறவிடவும்.

ஊறிய மாவை சிறிய உருண்டைகளாக்கி, சற்றே நீளமான சப்பாத்தி போல தேய்த்துக்கொள்ளவும். தவாவை சூடாக்கி பிறகு குறைந்த தீயில் வைத்துக் கொள்ளவும். தவாவில் படும் நாண் பகுதியை சுட்டு எடுப்பதற்கு முன் அதன்மீது சிறிது தண்ணீரை தொட்டு தடவிக்கொள்ளவும். பிறகு தண்ணீர் தடவிய பகுதியை தவாவில் படும்படி சேர்த்து 5 நிமிடம் இருபுறமும் வேக வைத்து எடுக்கவும். எடுத்தவுடனேயே எண்ணெய் தடவி பரிமாறவும்.

குறிப்பு: பேக்கிங் பவுடர் சேர்ப்பதால் நாண் சுட்டெடுத்ததும் சிறிது நேரத்திலேயே மொடமொடப்பாகி விடும். அதை தவிர்க்கவே நாண் மீது தண்ணீர் தடவுகிறோம்.

பனீர் தோசை ரோல்

தேவையானவை: தோசை மாவு, பனீர் துருவல் - தலா ஒரு கப், வெங்காயம், தக்காளி - தலா 2, இஞ்சி - பூண்டு விழுது - ஒரு டீஸ்பூன், மிளகாய்த்தூள் - ஒரு டீஸ்பூன், மஞ்சள்தூள் - கால் டீஸ்பூன், எண்ணெய், உப்பு - தேவையான அளவு.

30 வகை  விருந்து சமையல்

செய்முறை: வெங்காயம், தக்காளியைப் பொடியாக நறுக்கவும். வாணலியில் எண்ணெய் விட்டு இஞ்சி - பூண்டு விழுது, வெங்காயம், தக்காளி இவற்றை ஒன்றன்பின் ஒன்றாக சேர்த்து வதக்கி, மஞ்சள்தூள், மிளகாய்த்தூள், உப்பு, பனீர் துருவல் சேர்த்துக் கிளறி இறக்கவும்.
தோசைக்கல்லில் மாவை மெல்லிய தோசைகளாக வார்த்து, சிறிதளவு எண்ணெய் விட்டு சுட்டெடுத்து, அதன் மீது வதக்கிய பனீர் கலவையை பரப்பி ரோல் செய்து அடுக்கவும்.

பாலக் பனீர்

தேவையானவை: பாலக்கீரை - ஒரு கட்டு, தக்காளி - 2,  பனீர் துண்டுகள் - ஒரு கப், கடுகு - சிறிதளவு, கரம் மசாலாத்தூள், இஞ்சி - பூண்டு விழுது, மல்லித்தூள் (தனியாத்தூள்) - தலா ஒரு டீஸ்பூன்,  பச்சை மிளகாய் - 2, எண்ணெய், உப்பு - தேவையான அளவு.

30 வகை  விருந்து சமையல்

செய்முறை: கீரையை அலசி சுத்தம் செய்து பொடியாக நறுக்கி... பச்சை மிளகாய், சிறிதளவு தண்ணீர் சேர்த்து வேகவிடவும். ஆறிய பின் விழுதாக அரைக்கவும்.

தக்காளியுடன் இஞ்சி - பூண்டு விழுது, கரம் மசாலாத்தூள், மல்லித்தூள் (தனியாத்தூள்) சேர்த்து விழுதாக அரைக்கவும்.

வாணலியில் சிறிதளவு எண்ணெய் விட்டு கடுகு தாளித்து, அரைத்த தக்காளி விழுது, உப்பு சேர்த்து வதக்கவும். பிறகு, அதனுடன் அரைத்த கீரை விழுது, பனீர் துண்டுகள் சேர்த்து நன்கு கொதிக்கவிட்டு இறக்கினால்... பாலக் பனீர் தயார்!

சோலே மசாலா

தேவையானவை: வெள்ளைக் கொண்டைக்கடலை - ஒரு கப், வெங்காயம், தக்காளி - தலா 2, இஞ்சி - பூண்டு விழுது - ஒரு டீஸ்பூன், மஞ்சள்தூள் - கால் டீஸ்பூன், மிளகாய்த்தூள் - ஒரு டீஸ்பூன், பட்டை - சிறிய துண்டு, கிராம்பு - 2, கசகசா - ஒரு டீஸ்பூன், சன்னா மசாலா பவுடர் - ஒரு டீஸ்பூன், வெண்ணெய், உப்பு - தேவையான அளவு.

30 வகை  விருந்து சமையல்

செய்முறை: வெள்ளைக் கொண்டைக்கடலையை முதல் நாள் இரவே ஊறவிடவும். மறுநாள் களைந்து வேகவிடவும். வெங்காயம், தக்காளியைப் பொடியாக நறுக்கவும்.

வாணலியில் வெண்ணெய் சேர்த்து பட்டை, கிராம்பு, கசகசா  தாளித்து... இஞ்சி - பூண்டு விழுது, தக்காளி, வெங்காயம் சேர்த்து வதக்கி, கொஞ்சம் தண்ணீர் சேர்த்து கொதிக்கவிடவும். பிறகு, மஞ்சள்தூள், மிளகாய்த்தூள், உப்பு சேர்த்து மேலும் சிறிது நேரம் கொதிக்கவிடவும். வேகவைத்த கொண்டைக்கடலை, சன்னா மசாலா பவுடர் சேர்த்து, ஒரு கொதி விட்டு இறக்கவும்.

குறிப்பு: சப்பாத்தி, பூரி, நாண் ஆகியவற்றுடன் பரிமாறலாம்.

கேப்சிகம் சப்ஜி

தேவையானவை: குடமிளகாய் - 2, வெங்காயம் - ஒன்று, தக்காளி - 2, கடுகு, கறிவேப்பிலை - சிறிதளவு, இஞ்சி - பூண்டு விழுது - ஒரு டீஸ்பூன், மிளகாய்த்தூள் - 2 டீஸ்பூன், மஞ்சள்தூள் - கால் டீஸ்பூன், தேங்காய்த் துருவல், மல்லி (தனியா), சீரகம் - தலா ஒரு டீஸ்பூன், முந்திரி - 4, பட்டை - சிறிய துண்டு, எண்ணெய், உப்பு - தேவையான அளவு. 

30 வகை  விருந்து சமையல்

செய்முறை: வெங்காயம், தக்காளி, குடமிளகாயை பொடியாக நறுக்கவும். வெறும் வாணலியில் தனியா, சீரகம், பட்டை, முந்திரி சேர்த்து வறுக்கவும். பிறகு, தேங்காய்த் துருவல் சேர்த்து வறுத்து எடுக்கவும். ஆறிய பின் விழுதாக அரைக்கவும்.

வாணலியில் எண்ணெய் விட்டு கடுகு, கறிவேப்பிலை தாளித்து, நறுக்கிய வெங்காயம், தக்காளி, மஞ்சள்தூள், உப்பு, இஞ்சி - பூண்டு விழுது சேர்த்து நன்கு வதக்கவும். இதனுடன் மிளகாய்த்தூள், குடமிளகாய் சேர்த்து மேலும் வதக்கவும். பிறகு அரைத்து வைத்த விழுது, சிறிதளவு தண்ணீர் சேர்த்து நன்கு கொதிக்கவிட்டு இறக்கவும்.

மைசூர் ரசம்

தேவையானவை: துவரம்பருப்பு - அரை கப், தக்காளி - ஒன்று, புளி - பெரிய நெல்லிக்காய் அளவு, கொத்தமல்லித்தழை - சிறிதளவு, நெய், கடுகு, பெருங்காயத்தூள், கறிவேப்பிலை - தாளிக்கத் தேவையான அளவு,  மஞ்சள்தூள் - சிறிதளவு, உப்பு - தேவைக்கேற்ப.

வறுத்து அரைக்க: தனியா, துவரம்பருப்பு - தலா 2 டீஸ்பூன், மிளகு, சீரகம் - தலா கால் டீஸ்பூன், காய்ந்த மிளகாய் - 5 அல்லது 6, தேங்காய்த் துருவல் - 4 டீஸ்பூன்.

30 வகை  விருந்து சமையல்

செய்முறை: புளியை நீரில் ஊறவிடவும். வறுத்து அரைக்கக் கொடுத்துள்ளவற்றை வெறும் வாணலியில் வறுத்து மிக்ஸியில் பொடிக்கவும். துவரம்பருப்புடன் மஞ்சள்தூள் சேர்த்து வேகவைக்கவும்.

ஒரு பாத்திரத்தில் தக்காளி, உப்பு, புளிக்கரைசல் சேர்த்துக் கரைத்து கொதிக்கவிடவும். புளியின் பச்சை வாசனை போன பின்பு வேகவைத்த பருப்பு, அரைத்து வைத்த பொடி சேர்த்து ஒரு கொதி விட்டு இறக்கவும். நெய்யில் கடுகு, பெருங்காயத்தூள், கறிவேப்பிலை தாளித்து சேர்க்கவும். சுத்தம் செய்து நறுக்கிய கொத்தமல்லித்தழை தூவி அலங்கரித்து பரிமாறவும்.

ஃப்ரூட்ஸ் பகாளாபாத்

தேவையானவை: வடித்த சாதம் - ஒரு கப், காய்ச்சி ஆறவைத்த பால் - ஒரு கப், தயிர் - அரை கப், வெண்ணெய் - ஒரு டீஸ்பூன், கொத்தமல்லித்தழை - சிறிதளவு, கடுகு, உளுத்தம்பருப்பு - தாளிக்கத் தேவையான அளவு, நறுக்கிய ஆப்பிள், மாதுளை முத்துக்கள், திராட்சைப் பழ கலவை - ஒரு கப், இஞ்சித் துருவல் - ஒரு டீஸ்பூன், பச்சை மிளகாய் - 2, எண்ணெய், உப்பு - தேவையான அளவு.

30 வகை  விருந்து சமையல்

செய்முறை: வாணலியில் சிறிதளவு எண்ணெய் விட்டு கடுகு, உளுத்தம்பருப்பு, இஞ்சித் துருவல், பொடியாக நறுக்கிய பச்சை மிளகாய் தாளிக்கவும். ஒரு பாத்திரத்தில் சாதத்தைப் போட்டு வெண்ணெய், உப்பு, தாளித்த பொருட்கள் சேர்த்து நன்கு மசிக்கவும். பிறகு பால், தயிர், சுத்தம் செய்த கொத்தமல்லித்தழை சேர்த்து நன்கு கலக்கவும். பழக்கலவையை மேலே சேர்த்து அலங்கரித்துப் பரிமாறவும்.

மசாலா பப்பட்

தேவையானவை: பப்பட் (பப்படம்) பாக்கெட் - ஒன்று (பெரிய மளிகைக்கடை, டிபார்ட்மென்ட் கடை களில் கிடைக்கும்), சாட் மசாலாத்தூள் - சிறிதளவு, எண்ணெய் - பொரிக்கத் தேவையான அளவு.

30 வகை  விருந்து சமையல்

செய்முறை: எண்ணெயைக் காய விட்டு பப்பட்டை பொரித்து எடுக்கவும். பிறகு, அதன் மீது சாட் மசாலாத்தூள் லேசாக தூவி பரிமாறவும்.

தால் ரைஸுக்கு ஏற்ற ஜோடி இது!

மெக்சிகன் ரைஸ்

தேவையானவை: வடித்த சாதம் - ஒரு கப், நறுக்கிய கேரட், பீன்ஸ், குடமிளகாய்  கலவை - ஒரு கப், ஸ்வீட் கார்ன் முத்துக்கள் (வேகவைத்தது) - ஒரு கைப்பிடியளவு, பூண்டுப் பல் - 6, காய்ந்த மிளகாய் - 5, வெங்காயம், தக்காளி - தலா 2, எண்ணெய், உப்பு - தேவையான அளவு.

30 வகை  விருந்து சமையல்

செய்முறை: பூண்டுடன் காய்ந்த மிளகாய் சேர்த்து மிக்ஸியில் விழுதாக அரைக்கவும். வெங்காயம், தக்காளியைப் பொடியாக நறுக்கவும். வாணலியில் எண்ணெய் விட்டு பூண்டு விழுது, வெங்காயம், தக்காளி சேர்த்து வதக்கவும். பிறகு உப்பு, வேகவைத்த கார்ன், காய்கறி துண்டுகள் சேர்த்து வதக்கவும். சிறிதளவு தண்ணீர் தெளித்து வேகவிட்டு, வடித்த சாதம் சேர்த்துக் கிளறி இறக்கவும்.

குறிப்பு: ஸ்வீட் கார்னுக்கு பதிலாக ராஜ்மா பயன்படுத்தலாம்.

தால் ரைஸ்

தேவையானவை: அரிசி - ஒரு கப், துவரம்பருப்பு, பாசிப்பருப்பு - தலா கால் கப், பூண்டு பல் - 5, சீரகம் - ஒரு டீஸ்பூன், கடுகு, கறிவேப்பிலை, பெருங்காயத்தூள், நெய் - தாளிக்கத் தேவையான அளவு, மஞ்சள்தூள் - கால் டீஸ்பூன், பச்சை மிளகாய் - 3, உப்பு - தேவைக்கேற்ப.

30 வகை  விருந்து சமையல்

செய்முறை: அரிசி, துவரம்பருப்பு, பாசிப்பருப்பை கழுவி, தனித்தனியாக ஐந்து நிமிடம் ஊறவைக்கவும். பச்சை மிளகாயை பொடியாக நறுக்கவும். பூண்டின் தோலை உரித்து தட்டவும்.

குக்கரில் நெய் விட்டு உருக்கி... கடுகு, கறிவேப்பிலை, பெருங்காயத்தூள் தாளித்து... பூண்டு, சீரகம், பச்சை மிளகாய் சேர்த்து வதக்கவும். பிறகு, மஞ்சள்தூள், அரிசி, பருப்பு வகைகள், உப்பு சேர்த்துக் கலந்து மூன்றரை கப் தண்ணீர் விட்டு மூடி, அடுப்பை மிதமான தீயில் வைத்து, நான்கு விசில் வந்த பின் இறக்கிப் பரிமாறவும்.

பீஸ் பாத்

தேவையானவை: வடித்த சாதம், பச்சைப் பட்டாணி - தலா ஒரு கப், பச்சை மிளகாய் - 3, பெரிய வெங்காயம் - ஒன்று, இஞ்சி - பூண்டு விழுது - ஒரு டீஸ்பூன், பொடியாக நறுக்கிய புதினா, கொத்தமல்லித் தழை - தலா கால் கப், நெய், உப்பு - தேவையான அளவு.

30 வகை  விருந்து சமையல்

செய்முறை: பச்சைப் பட்டாணியை வேகவைக்கவும். பச்சை மிளகாய், வெங்காயத்தை பொடியாக நறுக்கவும். வாணலியில் நெய் விட்டு சூடாக்கி, இஞ்சி - பூண்டு விழுது,  பச்சை மிளகாய், வெங்காயம் சேர்த்து வதக்கவும். பிறகு சுத்தம் செய்த புதினா, கொத்தமல்லிதழை, உப்பு, வேகவைத்த பட்டாணி, வடித்த சாதம் சேர்த்துக் கிளறி இறக்கினால்...  பீஸ் பாத் தயார்!

மூங்தால் சீரா

தேவையானவை: பாசிப்பருப்பு - ஒரு கப், சர்க்கரை - முக்கால் கப், நெய் - கால் கப், ஏலக்காய்த்தூள் - சிறிதளவு, முந்திரி - தேவையான அளவு.

30 வகை  விருந்து சமையல்

செய்முறை: முந்திரியை சிறிதளவு நெய்யில் வறுத்து தனியே எடுத்து வைக்கவும். பாசிப்பருப்பை ஒரு மணி நேரம் ஊறவிடவும். பிறகு களைந்து தண்ணீர் விடாமல் மிக்ஸியில் கெட்டியாக அரைக்கவும். அரைத்த பருப்பை ஒரு வெள்ளைத் துணியில் போட்டு மூட்டை போல கட்டி அதிகப்படியான நீரை பிழிந்து எடுத்துவிடவும்.

அடி கனமான பாத்திரத்தில் நெய் விட்டு சூடாக்கி, அரைத்த பருப்பு விழுது சேர்த்து, அடுப்பை சிறு தீயில் வைத்துக் கிளறவும். பருப்பு வெந்ததும் ஏலக்காய்த்தூள், சர்க்கரை சேர்த்து, சுருளக் கிளறி இறக்கி, வறுத்த முந்திரியால் அலங்கரிக்கவும்.

மைசூர் பாக்

தேவையானவை: கடலை மாவு - ஒரு கப், சர்க்கரை - ஒன்றே கால் கப், எண்ணெய், நெய் - தலா அரை கப்.

30 வகை  விருந்து சமையல்

செய்முறை: 2 டீஸ்பூன் எண்ணெயை சூடாக்கி கடலை மாவுடன் சேர்த்து,  கட்டியில்லா மல் உதிர் உதிராக பிசிறவும். அடி கனமான பாத்திரத்தில் சர்க்கரையை சேர்த்து, அது மூழ்கும் வரை தண்ணீர் விட்டு பாகு காய்ச்சவும் (ஒரு கம்பி பாகு). வேறொரு வாணலியில் நெய்யுடன் எண்ணெய் சேர்த்து சூடாக்கவும்.

பாகு வைத்த அடுப்பின் தீயைக் குறைத்து மாவை சிறிது சிறிதாக பாகில் சேர்த்துக் கிளறவும். பின்பு சூடாக இருக்கும் நெய் - எண்ணெய் கலவையை ஊற்றிக்கொண்டே கை விடாமல் கிளறவும். மாவு வெந்து பாத்திரத்தில் ஒட்டாமல் சுருண்டு வரும்போது இறக்கி... நெய் தடவிய தட்டில் போட்டு, கொஞ்சம் ஆறிய பின் வில்லைகள் போடவும்.

தொகுப்பு: பத்மினி,    படங்கள்: எம்.உசேன்