Published:Updated:

இனிக்கும் சீர்வரிசைகள் - வகைவகையாய்... விதவிதமாய்!

ஒட்டுமொத்த விகடனுக்கும் ஒரே ஷார்ட்கட்

Use App
இனிக்கும் சீர்வரிசைகள் - வகைவகையாய்... விதவிதமாய்!
இனிக்கும் சீர்வரிசைகள் - வகைவகையாய்... விதவிதமாய்!

ஸ்வீட்ஸ்

பிரீமியம் ஸ்டோரி

சீர்வரிசை தட்டுகள் இல்லாமல் திருமண நிகழ்வுகள் எதையும் நம்மால் எளிதில் கற்பனை செய்துவிட முடியாது. அந்தளவு பாரம்பர்யமாக திருமண நிகழ்வுகளுடன் சடங்குகளாக ஒன்றி இருப்பவை சீர்வரிசைத் தட்டுகள். பெண் பார்ப்பதில் துவங்கி... நிச்சயதார்த்தம், மாப்பிள்ளை அழைப்பு, முகூர்த்தம், வரவேற்பு வரை சீர்வரிசை இல்லாத திருமண நிகழ்வுகள் கிடையாது. பூவில் துவங்கி தாம்பூலம், மாலை, பட்டு சேலை, பட்டு வேட்டி, நகைகள் என சீர்வரிசை தட்டுகளை அலங்கரித்து வைப்பது என்பது ஒரு கலையாகவே மாறிவிட்டது.

இனிக்கும் சீர்வரிசைகள் - வகைவகையாய்... விதவிதமாய்!
இனிக்கும் சீர்வரிசைகள் - வகைவகையாய்... விதவிதமாய்!

சீர்வரிசை அழகாக இருக்க வேண்டும், சீர்வரிசை தட்டுகளின் எண்ணிக்கை அதிகளவில் இருக்க வேண்டும் என நினைப்பவர்கள் சீர்வரிசை தட்டுகளை எப்படி அழகுபடுத்துவது? 100 தட்டுகள் வைக்க வேண்டும் என்றால் அதில் என்ன வைப்பது? என பெரிய விவாதமே நடத்துவார்கள். இனி அது போன்ற விவாதத்துக்கு அவசியமில்லை.

பெரும்பாலான திருமணச் சடங்குகளில் அவசியமான ஒன்றாக இருப்பது இனிப்புகள். `இந்த இனிப்புகளையே பல வடிவங்களில் தயார் செய்து சீர்வரிசையில் இடம்பெறச்செய்தால்...’ இந்த ஒற்றை வரி ஐடியாவைப் பிடித்து, சீர்வரிசைத் தட்டில் வைப்பதற்கென்றே மல்லிகைப்பூவில் துவங்கி நெக்லஸ் வரை அனைத்து வடிவங்களிலும் ஸ்வீட்ஸ் செய்து அசத்தி இருக்கிறது ஸ்ரீகிருஷ்ணா ஸ்வீட்ஸ் நிறுவனம். பெண் பார்ப்பதில் துவங்கி முகூர்த்தம் வரை, எந்த வடிவத்தில்... எத்தனை தட்டுகள் வேண்டும் என்றாலும் ஸ்வீட்ஸால் நிரப்பிக்கொடுக்கிறார்கள். மல்லிகைப்பூ முதல் நெக்லஸ் வரை அத்தனையும் தத்ரூபமாக வடிவமைத்துத் தருகிறார்கள்.

பெண் பார்க்கும் படலத்துக்கு தேங்காய், பழம், வெற்றிலை, பாக்கு, மல்லிகைப்பூக்கள், இனிப்புகளின் வடிவில் 3 தட்டுகளில் துவங்கி வடிவமைத்துத் தருகிறார்கள். நிச்சயதார்த்தம், மாப்பிள்ளை அழைப்பு, முகூர்த்தம் போன்ற நிகழ்வுகளுக்கு பட்டு சேலை, நெக்லஸ், பூ மாலை, பல வகை இனிப்புகள் என அனைத்தும் தயார் செய்யப்பட்டு வழங்கப்படுகின்றன. எத்தனை தட்டுகளில் எந்த வடிவங்களில் கேட்டாலும் இனிப்பால் அலங்கரிக்கிறார்கள்.

இனிக்கும் சீர்வரிசைகள் - வகைவகையாய்... விதவிதமாய்!

இந்த ஐடியா எப்படி தோன்றியது... இதற்கு வரவேற்பு எப்படி இருக்கிறது என்பது தொடர்பாக ஸ்ரீகிருஷ்ணா ஸ்வீட்ஸ் இயக்குநர்களில் ஒருவரான வைஷ்ணவியை சந்தித்துப் பேசினோம்.

“பொதுவா சீர்வரிசைங்கறது நம்மோட பாரம்பர்ய சடங்குகள்ல முக்கியமானது. 100 தட்டுகள் வரைக்கும் சீர் வரிசையில வைக்கணும்னா என்னவெல்லாம் வைக்க முடியும்னு யோசிச்சப்ப தான் இந்த ஐடியா கிடைச்சது. அப்படித்தான் இதை ஸ்டார்ட் பண்ணோம். எங்க குடும்ப திருமண நிகழ்வுலதான் இது எங்களுக்கு தோணுச்சு. அப்போதான் எங்களோட பலமும் எங்களுக்கு புரிய ஆரம்பிச்சது. இப்படி எல்லாம் செய்ய முடியுமானு ஆச்சர்யத்தோடுதான் தொடங்குனோம்.

இனிக்கும் சீர்வரிசைகள் - வகைவகையாய்... விதவிதமாய்!

தாம்பூலம், புடவை, பழங்கள், நகைகள், பூ மாலைனு நிறைய செய்ய ஆரம்பிச்சோம். தீமுக்கு தகுந்த மாதிரியும் செய்ய துவங்கினோம். உதாரணத்துக்கு, ஃபுட்பால் பிரியர் ஒருத்தர் கல்யாணத்துக்கு ஃபுட்பால் விளையாட்டு சம்பந்தப்பட்ட ஸ்வீட்ஸ் வேணும்னு கேட்டாங்க. ஃபுட்பால், டி-ஷர்ட்னு விளையாட்டு சார்ந்து ஸ்வீட்ஸ்ல செஞ்சு தந்தோம். இப்படி அவங்க தர்ற தீமுக்கு தகுந்த மாதிரியும் ஸ்வீட்ஸ் செய்யறோம்.

இது சாதாரணம் இல்லை. நிச்சயம் மிகப் பெரிய சேலஞ்ச்தான். மாலையோட வடிவத்தைக் கொண்டு வர்றது. புடவை மாதிரி அச்சு அசலா ஸ்வீட்ஸ் செய்யறதுனு நிறைய சவால் இருந்துச்சு. அத்தனையும் சந்திச்சுதான் இப்படி கொண்டு வந்திருக்கோம். கஸ்டமருக்கு என்ன தேவையோ அதை தர்றோம்.

பொண்ணு பாக்கும்போது என்ன மாதிரி ஸ்வீட்ஸ் வைக்கலாம், நிச்சயதார்த்தம், மாப்பிள்ளை அழைப்பு, முகூர்த்தம் இப்படி ஒவ்வொரு நிகழ்வுக்கும் என்ன மாதிரி ஸ்வீட்ஸ் வைக்கலாம்னு யோசிச்சு, அது மாதிரி செட் ஆஃப் ஸ்வீட்ஸ் வெச்சிருக்கோம். இதுதவிர அவங்க தேவை அறிஞ்சு, அதையும் செஞ்சு தர்றோம். கேக்குகள் மட்டுமில்ல... ஸ்வீட்ஸும் நிறைய வகைகள்ல தர முடியும். அதை நாங்க நிரூபிச்சிருக்கோம்” என்றார்.

- ச.ஜெ.ரவி
படம்: தி.விஜய்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு