Published:Updated:

இடியாப்ப வகைகள்

இடியாப்ப வகைகள்
பிரீமியம் ஸ்டோரி
இடியாப்ப வகைகள்

இடியாப்ப வகைகள்

இடியாப்ப வகைகள்

இடியாப்ப வகைகள்

Published:Updated:
இடியாப்ப வகைகள்
பிரீமியம் ஸ்டோரி
இடியாப்ப வகைகள்

* கத்திரிக்காய் கோசுமல்லி
* செட்டிநாட்டு சொதி
* கோதுமை மாவு இடியாப்பம்
* கோதுமை மாவு இடியாப்பம் – மற்றொரு செய்முறை
* சிவப்பு அரிசி இடியாப்பம்
* கம்பு இடியாப்பம்
* தினை இடியா‌ப்ப‌ம்
* மிக்ஸ்டு நவ சிறுதானியம் இடியா‌ப்ப‌ம்
* முளைகட்டிய கேப்பை இடியா‌ப்ப‌ம்
* கேரட் கொச்சி
* சாமை இடியா‌ப்ப‌ம்

இடியாப்ப வகைகள்

டியாப்பமும் தேங்காய்ப்பாலும் நாம் அறிந்ததே. வெரைட்டியான இடியாப்பங்களையும் அவற்றுக்கு தொட்டுக் கொள்ள அருமையான சைட் டிஷ்களையும் இங்கே தந்திருக்கிறார் லக்ஷ்மி வெங்கடேசன்.

ஒட்டுமொத்த விகடனுக்கும் ஒரே ஷார்ட்கட்!

கத்திரிக்காய் கோசுமல்லி

தேவையானவை:-

 கத்திரிக்காய் - 250 கிராம்
 உருளைக்கிழங்கு - 1
 பெரிய வெங்காயம் - 1
 தக்காளி - 1
 பச்சை மிளகாய் - 10
 காய்ந்த மிளகாய் - 1
 கறிவேப்பிலை - 10 இலை
 புளி - சிறிய எலுமிச்சை அளவு
 உப்பு - 1 டீஸ்பூன்
 எண்ணெய் - 3 டீஸ்பூன்
 கடுகு - 1 டீஸ்பூன்
 உளுத்தம்பருப்பு - 1 டீஸ்பூன்
 பெருங்காயத்தூள் - 1 சிட்டிகை

இடியாப்ப வகைகள்

செய்முறை:
கத்திரிக்காய்களை கழுவி நான்காக நறுக்கவும். பிரஷர் குக்கரில் போதுமான தண்ணீர், தோல் நீக்கிய உருளைக்கிழங்கு, கத்திரிக்காய் சேர்த்து வேகவிடவும். ஆறியதும் கத்திரிக்காயின் தோலை எடுத்துவிட்டு இரண்டையும் மசிக்கவும். புளியை 3 கப் தண்ணீரில் ஊறவைத்து சாறு எடுக்கவும். தக்காளி, வெங்காயத்தைப் பொடியாக நறுக்கவும். பச்சை மிளகாயை இரண்டாகக் கீறிக்கொள்ளவும். கடாயில் எண்ணெய் ஊற்றி சூடானதும் கடுகு, உளுத்தம்பருப்பு, கறிவேப்பிலை, பெருங்காயத்தூள் சேர்த்து தாளிக்கவும். காய்ந்த மிளகாயை பிய்த்துப் போட்டு, நறுக்கிய வெங்காயம், தக்காளி, கீறிய பச்சை மிளகாயைச் சேர்த்து நன்கு வதக்கவும். அதில் புளித்தண்ணீர், உப்பு சேர்க்கவும். இத்துடன் மசித்த கத்திரிக்காய் - உருளைக்கிழங்கையும் சேர்த்துக் கொதிக்கவிடவும். கலவை பச்சை வாசனை போகக் கொதித்ததும் அடுப்பிலிருந்து இறக்கி... இட்லி, தோசை, இடியாப்பத்துடன் சூடாக  பரிமாறவும்.

செட்டிநாட்டு சொதி

தேவையானவை:-
 தேங்காய் (பெரியது) - 1
 உருளைக்கிழங்கு - 1
 சின்ன வெங்காயம் - 7
 எலுமிச்சைச் சாறு - 1 டேபிள்ஸ்பூன்
 பச்சை மிளகாய் (சிறியது) - 4
 எண்ணெய் - 1 டேபிள்ஸ்பூன்
 உப்பு - தேவையான அளவு

இடியாப்ப வகைகள்

செய்முறை:
உருளைக்கிழங்கை தோல் சீவி, உப்பு சேர்த்து குக்கரில் வேகவைக்கவும். ஆறியதும் சிறிய துண்டுகளாக்கிக் கொள்ளவும். வெங்காயத்தைப் பொடியாக நறுக்கிக் கொள்ளவும்.

தேங்காயைத் துருவி ஒரு கப் கெட்டியான பால் எடுத்துக் கொள்ளவும். அரைத்த தேங்காய் விழுதில் சிறிது தண்ணீர் விட்டு இரண்டாவது பால் எடுத்துக் கொள்ளவும். இதே போல மூன்றாம் பாலையும் எடுத்து வைக்கவும். வாணலியில் எண்ணெய் விட்டு, சூடானதும் கீறிய பச்சை மிளகாய், வெங்காயத்தைச் சேர்த்து நிறம் மாற வதக்கவும். இத்துடன் வெந்த உருளைக்கிழங்கைச் சேர்த்து சற்று வதக்கி, இரண்டாம் மற்றும் மூன்றாம் முறை எடுத்து வைத்துள்ள தேங்காய்ப்பாலைச் சேர்க்கவும். நன்றாகக் கொதித்ததும், அடுப்பை சிறு தீயில் வைத்து, திக்கான முதல் தேங்காய்ப்பாலைச் சேர்த்துக் கிளறி, ஓரிரு நிமிடங்கள் அடுப்பில் வைத்திருந்து விட்டு இறக்கி வைக்கவும். 5 அல்லது 10 நிமிடங்கள் கழித்து உப்பு, எலுமிச்சைச் சாற்றை சேர்த்துக் கலக்கி விடவும். இதை சூடான இடியாப்பத்துடன் பரிமாறவும்.

கோதுமை மாவு இடியாப்பம்

தேவையானவை:-
 கோதுமை மாவு - ஒன்றரை கப்
 தண்ணீர் – அரை கப்
 உப்பு – தேவையான அளவு

இடியாப்ப வகைகள்

செய்முறை:
ஒரு கிலோ முழு கோதுமையை தூசி, கல் நீக்கி வாணலியில் இரண்டு கப் கோதுமையை மட்டும் சேர்த்து வறுக்கவும். கோதுமை பொன்னிறமாக மாறி வெடிக்க ஆரம்பிக்கும். இதுதான் சரியான பதம். இப்போது வறுத்த கோதுமையை அகன்ற தட்டில் கொட்டி ஆறவிடவும். இதே போல மீதமிருக்கும் கோதுமையை இரண்டு இரண்டு கப்பாக சேர்த்து வறுத்து ஆறவிட்டு அரைத்து வைக்கவும். அரைத்ததை சலித்தெடுத்து வைத்துக்கொள்ளவும். இந்த மாவை இடியாப்பம் மற்றும் இனிப்புக் கொழுக்கட்டை செய்ய பயன்படுத்தலாம். இதிலிருந்து இடியாப்பம் செய்ய ஒன்றரை கப் மாவெடுத்துக் கொள்ளவும்.

இடியாப்பம் செய்முறை:

ஒரு அகன்ற பாத்திரத்தில், ஒன்றரை கப் மாவுடன் தேவையான அளவு உப்பு போட்டு பிசிறவும். பிறகு, சிறிது சிறிதாக தண்ணீர் ஊற்றி நன்றாக பிசைந்துகொள்ளவும். மாவு மென்மையாக இருக்க வேண்டும். ஆனால், கையில் ஒட்டக் கூடாது. இந்தப் பதத்துக்கு வந்த பிறகு, மாவை இடியாப்ப அச்சில் வைத்து இட்லித் தட்டில் பிழியவும். பிறகு, 5 நிமிடம் ஆவியில் வேக வைக்கவும். சாப்பிடும்போது நாட்டுச் சர்க்கரை, தேங்காய்த் துருவல், ஒரு ஸ்பூன் நெய் (விருப்பப்பட்டால்) ஊற்றி, நன்றாக கலந்து சாப்பிடவும்.

கோதுமை மாவு இடியாப்பம் – மற்றொரு செய்முறை

தேவையானவை:-:
கோதுமை மாவு – 1 கப்
அரிசி மாவு – கால் கப்
உப்பு – தேவையான அளவு
தண்ணீர் – முக்கால் கப்
நல்லெண்ணெய் – 1 டீஸ்பூன்

இடியாப்ப வகைகள்

செய்முறை:
கோதுமை மாவை வாசம் வரும் வரை வறுத்துக்கொள்ளவும். தீயை அணைத்துவிட்டு அதனுடன் அரிசி மாவு, உப்பு சேர்த்து நன்கு கிளறவும். ஒரு பாத்திரத்தில் நீர் விட்டு கொதிக்கவிடவும். அதை கிளறிய மாவுடன் சேர்த்து நன்கு பிசைந்து மூடி 5 நிமிடம் வைக்கவும். சிறிது எண்ணெய் விட்டு மாவை மீண்டும் பிசையவும். இடியாப்ப அச்சில் வைத்து இட்லித் தட்டில் பிழிந்து, மாவை ஆவியில் 5 நிமிடம் வரை வேக வைக்கவும். மென்மையான, சுவையான கோதுமை இடியாப்பம் தயார். குருமாவுடன் சாப்பிடலாம்.

சிவப்பு அரிசி இடியாப்பம்

தேவையானவை:-
 சிவப்பு பச்சரிசி மாவு - ஒன்றரை கப்
 தேங்காய்த் துருவல் - தேவையான அளவு
 உப்பு - தேவையான அளவு
 தண்ணீர் - முக்கால் கப்
 சர்க்கரை - தேவையான அளவு

இடியாப்ப வகைகள்

செய்முறை:
ஒரு கிலோ சிவப்பு பச்சரிசியை அரை மணி நேரம் ஊறவைத்து நிழலில் உலரவைக்கவும். அரிசி நன்றாக உலர்ந்ததும் மிக்ஸியில் அல்லது மாவு மில்லில் கொடுத்து நைஸாக அரைத்துக்கொள்ளவும். அதிலிருந்து ஒன்றரை கப் மாவை எடுத்துக்கொள்ளவும். இனி அதனுடன், தேவையான அளவு உப்பு சேர்த்துக் கலந்து, மிதமான சூட்டில் உள்ள நீரை விட்டு மாவை கெட்டியாக பிசைந்து கொள்ளவும். மாவு மென்மையாக இருக்க வேண்டும். ஆனால், கையில் ஒட்டக் கூடாது. பி்றகு, இடியாப்ப அச்சில் மாவைப் போட்டு இட்லித் தட்டில் மாவை பிழிந்துவிட்டு 5 நிமிடம் ஆவியில் வேகவைத்து இறக்கினால் சுவையான சிவப்பு அரிசி இடியாப்பம் தயார். சாப்பிடும் போது நாட்டுச் சர்க்கரை, தேங்காய்த் துருவல், ஒரு ஸ்பூன் நெய் (விருப்பப்பட்டால்) ஊற்றி, நன்றாக கலந்து சாப்பிடவும். இதனை கடுகு, உளுந்து, கடலைப்பருப்பு, சீரகம், வெங்காயம், பச்சை மிளகாய், கறிவேப்பிலை, கொத்தமல்லித்தழை, பெருங்காயத்தூள் சேர்த்து தாளித்தும் சாப்பிடலாம்.

கம்பு இடியாப்பம்

தேவையானவை:-
 கம்பு மாவு – 1  கப்
 அரிசி மாவு – அரை கப்
 தண்ணீர் – 1 கப்
 நல்லெண்ணெய் – 4 டீஸ்பூன்
 உப்பு – தேவையான அளவு

இடியாப்ப வகைகள்

செய்முறை:
கம்பு மாவு மாவை வாசம் வரும் வரை வறுத்துக்கொள்ளவும். தீயை அணைத்து விட்டு அதனுடன் அரிசி மாவு, உப்பு சேர்த்து நன்கு கிளறவும். ஒரு கப் தண்ணீரை சூடாக்கி கைபொறுக்கும் சூட்டில் மாவில் ஊற்றி நன்கு பிசையவும். பிறகு, 10 நிமிடம் மூடி வைக்கவும். மீண்டும் கை பொறுக்கும் சூட்டில் பிறகு சிறிது நல்லெண்ணெய் விட்டு மாவை பிசையவும். பிசைந்ததை இடியாப்ப அச்சில் சேர்த்து இட்லித் தட்டில் பிழிந்து, ஆவியில் 10 நிமிடம் மீண்டும் வேகவைத்து எடுக்கவும்.

தினை இடியா‌ப்ப‌ம்

தேவையானவை:-
 தினை அரிசி – ஒன்றரை கப்
 அரிசி மாவு - அரை கப்
 தண்ணீர் – 1 கப்
 நல்லெண்ணெய் – 4 டீஸ்பூன்
 உப்பு –  தேவையான அளவு

இடியாப்ப வகைகள்

செய்முறை:
தினை அரிசியை 5 மணி நேரம் ஊறவைத்து, கிரைண்டரில் சேர்த்து தேவையான அளவு தண்ணீர் விட்டு மைபோல கெட்டியாக அரைத்துக்கொள்ளவும். பிறகு, ஒரு பாத்திரத்தில் அரிசி மாவு, அரைத்து வைத்துள்ள தினை மாவு, உப்பு, ஒரு கப் தண்ணீர் சேர்த்து இட்லி மாவு பதத்துக்கு கரைத்துக் கொள்ளவும். அடிகனமான வாணலியில் நல்லெண்ணெயை விட்டு சூடாக்கி, கரைத்து வைத்துள்ள மாவை அதில் சேர்த்து, மாவு கையில் ஒட்டாமல் வரும் பதம் வரை கிளறவும். பிறகு அடுப்பிலிருந்து இறக்கி சிறிது நேரம் மூடி வைக்கவும். கை பொறுக்கும் சூடு வந்ததும் நன்றாக பிசைந்துகொள்ளவும். இட்லி தட்டில் எண்ணெய் தடவி தயாராக வைக்கவும். இனி அச்சில் மாவைச் சேர்த்து தட்டில் பிழிந்து 10 நிமிடம் ஆவியில் வேகவைத்து எடுத்தால் தினை இடியாப்பம் ரெடி.

மிக்ஸ்டு நவ சிறுதானியம் இடியா‌ப்ப‌ம்

தேவையானவை:-
 சோளம், சாமை, வரகு, குதிரைவாலி, தினை, பனிவரகு – தலா அரை கப்
 கேப்பை (ராகி) – அரை கப்
 பச்சைப்பயறு – கால் கப்
 அரிசி மாவு – அரை கப்
 நல்லெண்ணெய் – 4 டீஸ்பூன்
 உப்பு – தேவையான அளவு
 தண்ணீர் – 1 கப்

இடியாப்ப வகைகள்

செய்முறை:
கேப்பையையும், பச்சைப்பயறையும் நன்றாக கழுவி, முளைகட்ட விடவும். முளைகட்டிய பிறகு இரண்டையும் வெயிலில் நன்கு காய வைக்கவும். இவற்றில் உள்ள ஈரம் போய், நன்கு காய்ந்ததும், அனைத்து தானியங்களையும் ஒன்றுசேர்த்து மெஷினில் கொடுத்து மாவாக அரைத்து வைத்துக்கொள்ளவும். தேவையானபோது இந்த மாவு ஒரு கப், அரிசி மாவு அரை கப், உப்பு, ஒரு கப் தண்ணீர் அனைத்தும் ஒன்று சேர்த்துக் கலக்கவும். அடிகனமான வாணலியில் நல்லெண்ணெய்யை சூடாக்கிக்கொண்டு, கலக்கி வைத்துள்ள மாவை அதில் சேர்த்து கிளறிக் கொள்ளவும். மாவு கையில் ஒட்டாத பதத்துக்கு வரும்போது அடுப்பிலிருந்து இறக்கி சிறிது நேரம் மூடி வைக்கவும். பிறகு, கைப்பொறுக்கும் சூட்டில் மாவை நன்கு பிசைந்து இடியாப்ப அச்சில் சேர்த்து எண்ணெய் தடவிய இட்லித் தட்டில் பிழிந்து விடவும். 10 நிமிடம் ஆவியில் வேகவைத்து எடுத்தால், இடியாப்பம் ரெடி.

முளைகட்டிய கேப்பை இடியா‌ப்ப‌ம்

தேவையானவை:-
 முளைகட்டிய கேப்பை மாவு –
ஒன்றரை கப்
 அரிசி மாவு  – அரை கப்
 தண்ணீர் – 1 கப்
 நல்லெண்ணெய் – 4 டீஸ்பூன்
 உப்பு – தேவையான அளவு

இடியாப்ப வகைகள்

மாவு செய்முறை:
கேப்பையை நன்றாக கழுவி ஒரு ஈரத்துணியில் கட்டி ஒரு இரவு முளைகட்டவிடவும். பிறகு, முளைகட்டியதை வெயிலில் நன்கு காயவைக்கவும். ஈரம் போக காய்ந்ததும், மெஷினில் கொடுத்து மாவாக அரைத்து, சலித்து வைத்துக்கொள்ளவும். அதிலிருந்து ஒன்றரை கப் மாவை இடியாப்பத்துக்காக எடுத்துக்கொள்ளவும்.

செய்முறை:
ஒரு பாத்திரத்தில் முளைகட்டிய கேப்பை மாவு, அரிசி மாவு, உப்பு, தண்ணீர் அனைத்தையும் ஒன்றாகச் சேர்த்துக் கலக்கவும். அடிகனமான வாணலியில் நல்லெண்ணெயைச் சூடாக்கிக் கொண்டு, கரைத்து வைத்துள்ள மாவை அதில் சேர்த்து மாவு கையில் ஒட்டாத பதம் வரும் வரை கிளறி, பிறகு இறக்கி சிறிது நேரம் மூடி வைக்கவும். பிறகு, கைபொறுக்கும் சூட்டில் மாவை நன்றாக பிசைந்து இடியாப்ப அச்சில் சேர்த்து எண்ணெய் தடவிய இட்லித் தட்டில் பிழியவும். 10 நிமிடம் ஆவியில் வேகவைத்து எடுத்தால் சூப்பரான இடியாப்பம் ரெடி.

கேரட் கொச்சி

தேவையானவை:-
 பாசிப்பருப்பு – அரை கப்
 கேரட் - 250 கிராம்
 உருளைக்கிழங்கு - 1
 பெரிய வெங்காயம் - 1
 தக்காளி - 1
 பச்சை மிளகாய் - 8
 கறிவேப்பிலை - 10
 கொத்தமல்லித்தழை – சிறிது
 மஞ்சள் தூள் - அரை டீஸ்பூன்
 உப்பு - தேவையான அளவு
 எண்ணெய் - 3 டீஸ்பூன்
 கடுகு - 1 டீஸ்பூன்
 உளுத்தம்பருப்பு - 1 டீஸ்பூன்
 பெருங்காயத்தூள் - 2 சிட்டிகை

இடியாப்ப வகைகள்

செய்முறை:
பாசிப்பருப்புடன் மஞ்சள்தூள், ஒரு சிட்டிகை பெருங்காயத்தூள், போதுமான அளவு தண்ணீர் சேர்த்து பிரஷர் குக்கரில் குழைய வேகவைக்கவும். கேரட், உருளைக்கிழங்கு, தக்காளி, வெங்காயம் மற்றும் பச்சை மிளகாயை பொடியாக நறுக்கிக் கொள்ளவும். கடாயில் எண்ணெயைக் காயவைத்து கடுகு, உளுத்தம்பருப்பு, கறிவேப்பிலை, மீதமிருக்கும் பெருங்காயத்தூள் சேர்த்து தாளித்து, நறுக்கிய வெங்காயம், தக்காளி மற்றும் பச்சை மிளகாயைச் சேர்த்து வதக்கவும். இத்துடன் கேரட், உருளைக்கிழங்கு சேர்த்து நன்கு வதக்கவும். அதில் வெந்த பாசிப்பருப்பு, 2 கப் தண்ணீர் சேர்த்துக் கொதிக்க விடவும். நன்கு பச்சை வாசனை போகக் கொதித்ததும் கொத்தமல்லித்தழை தூவி இறக்கி, இடியாப்பத்துடன் பரிமாறவும்.

சாமை இடியா‌ப்ப‌ம்

தேவையானவை:-
 சாமை மாவு – 1  கப்
 அரிசி மாவு  – அரை கப்
 தண்ணீர் – 1 கப்
 நல்லெண்ணெய் – 4 டீஸ்பூன்
 உப்பு – தேவையான அளவு

இடியாப்ப வகைகள்

செய்முறை:
சாமை மாவு, அரிசி மாவு, உப்பு, தண்ணீர் அனைத்தையும் ஒன்றுசேர்த்து கலக்கவும்.  அடிகனமான வாணலியில் நல்லெண்ணெய்யைச் சூடாக்கிக்கொண்டு, கரைத்து வைத்துள்ள மாவை அதில் சேர்த்து நன்கு கிளறவும். மாவு கையில் ஒட்டாமல் வரும்போது, அடுப்பிலிருந்து இறக்கி சிறிது நேரம் மூடி வைக்கவும். பிறகு, கைபொறுக்கும் சூடாக இருக்கும்போது மாவை நன்கு பிசைந்துகொள்ளவும். இட்லித் தட்டில் எண்ணெய் தடவி, பிசைந்து வைத்த மாவை இடியாப்ப குழலில் சேர்த்துப் பிழிந்து 10 நிமிடம் ஆவியில் வேகவைத்து எடுக்கவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism