Published:Updated:

இட்லி ரெசிப்பி

இட்லி ரெசிப்பி
பிரீமியம் ஸ்டோரி
இட்லி ரெசிப்பி

இட்லி ரெசிப்பி

இட்லி ரெசிப்பி

இட்லி ரெசிப்பி

Published:Updated:
இட்லி ரெசிப்பி
பிரீமியம் ஸ்டோரி
இட்லி ரெசிப்பி

* இட்லி மஃபின்ஸ்
* ஆலு இட்லி
* மஷ்ரூம் - பனீர் இட்லி
* இட்லி போண்டா
* பிரௌனி இட்லி
* பீட்ஸா இட்லி
* இட்லி பர்கர்
* தேங்காய் - வெல்லம்
*ஸ்டஃப்டு இட்லி
* இட்லி ஃபிங்கர் ஃப்ரைஸ்
* கார்ன் அண்ட் சீஸ் இட்லி
* பாலக் இட்லி

இட்லி ரெசிப்பி

‘இத்தாலியின் பீட்ஸாவை நம்ம ஸ்டைலில் மாற்றி நாம் சாப்பிடுவது போல, நம்முடைய ஆரோக்கிய உணவான இட்லியை ஏன் அதுபோல வெரைட்டியாகக் கொடுக்கக்கூடாது?’ என்ற எண்ணத்தில், மதுரையில் இதற்கெனவே ஒரு ரெஸ்ட்டாரன்ட் ஆரம்பித்திருக்கும் நித்யா காயத்ரி ‘அவள் கிச்சன்’ வாசகிகளுக்காக வழங்கியிருக்கும் சில இட்லி ரெசிப்பிகள்...

‘இட்லியா.. அய்யே.. வேணாம்...!’ என்று உதடு சுழித்து ஓடும் குழந்தைகளைக் கவர்ந்து இழுக்கும் கலர்ஃபுல், டேஸ்ட்ஃபுல் இட்லி வகைகள் இதோ...

ஒட்டுமொத்த விகடனுக்கும் ஒரே ஷார்ட்கட்!

இட்லி மஃபின்ஸ்

தேவையானவை:

 இட்லி மாவு - ஒரு கப்
 சர்க்கரை - கால் கப்
 வெனிலா எசன்ஸ் - ஒரு மூடி
 கொக்கோ பவுடர் - ஒரு டேபிள்ஸ்பூன்
 உலர் பேரீச்சை, உலர் திராட்சை - விருப்பத்துக்கேற்ப
 நட்ஸ் (முந்திரி, பாதாம், வால்நட்) - விருப்பத்துக்கேற்ப
 மஃபின் லைனர்ஸ், மஃபின் மோல்டு - தேவையான அளவு

இட்லி ரெசிப்பி

செய்முறை: 

இட்லி மாவில் வெனிலா எசன்ஸ், சர்க்கரை, உலர் திராட்சை, உலர் பேரீச்சை, பொடியாக நறுக்கிய நட்ஸ், கொக்கோ பவுடர் அனைத்தையும் சேர்த்துக் கலக்கவும். மஃபின்ஸ் செய்யும் மோல்டுகள் கடைகளில் கிடைக்கும். அவற்றில், முக்கால் பாகத்துக்கு, இட்லி மாவுக் கலவையை ஊற்றி, 10, 15 நிமிடத்துக்கு வேகவிட்டு எடுக்கவும்.
 
குறிப்பு:
மஃபின்ஸ் அச்சு வாங்க முடியாதவர்கள், சிறிய கிண்ணங்களில், மஃபின்ஸ் லைனர்களை வைத்து, அதில் மாவை ஊற்றி வேகவைக்கலாம்.

ஆலு இட்லி

தேவையானவை:

 இட்லி மாவு - ஒரு கப்
 வேகவைத்த உருளைக்கிழங்கு - 4
 பெரிய வெங்காயம் - 2
 இஞ்சி-பூண்டு விழுது - ஒரு டீஸ்பூன்
 உப்பு, மிளகாய்த்தூள், கரம் மசாலாத்தூள் - தலா ஒரு டீஸ்பூன்
 எண்ணெய் - ஒரு டேபிள்ஸ்பூன்

இட்லி ரெசிப்பி

செய்முறை:

வெங்காயத்தைப் பொடியாக நறுக்கவும். உருளைக்கிழங்கை மசித்துக்கொள்ளவும். வாணலியில் எண்ணெய் விட்டு, வெங்காயத்தைச் சேர்த்து வதக்கவும். நன்கு வதங்கியதும், இஞ்சி-பூண்டு விழுது சேர்த்து வதக்கி, உப்பு, மிளகாய்தூள், கரம் மசாலாத்தூள் சேர்த்து பச்சை வாசனை போக வதக்கவும். பிறகு, மசித்த உருளைக்கிழங்கைச் சேர்த்து நன்கு வதக்கவும். வாணலியை இறக்கி, மசாலாவை ஆறவிடவும்.
ஆறிய மசாலாவில் சிறிதளவு எடுத்து, சிறு சிறு உருண்டைகளாக உருட்டி, தட்டையாக கட்லெட் வடிவில் தட்டிக்கொள்ளவும். இட்லித் தட்டில், முதலில் அரை கரண்டி மாவை ஊற்றி, அதன் மீது தட்டிய உருளைக்கிழங்கு கட்லெட்டை வைக்கவும். பிறகு, மீண்டும் இட்லி மாவை ஊற்றி மூடிப்போட்டு ஆவியில் 10 நிமிடம் வேகவைத்தெடுக்கவும். வெந்ததும் எடுத்து, புதினா சட்னி அல்லது தக்காளி சாஸுடன் பரிமாறவும்.

குறிப்பு:
இந்த ஆலு மசாலாவை வைத்து இட்லி பர்கர் செய்யலாம். எப்படி என்பதை இட்லி பர்கர் ரெசிப்பியில் பாருங்கள்.

மஷ்ரூம் - பனீர் இட்லி

தேவையானவை:

 இட்லி மாவு - ஒரு கப்

 ஸ்டஃப் செய்வதற்கு:
 பொடியாக நறுக்கிய மஷ்ரூம், பனீர் சேர்த்து - அரை கப்
 பொடியாக நறுக்கிய பெரிய வெங்காயம் - அரை கப்
 நறுக்கிய குடமிளகாய் - அரை கப்
 நறுக்கிய தக்காளி - அரை கப்
 உப்பு - தேவையான அளவு
 மிளகாய்த்தூள் - ஒரு டீஸ்பூன்
 இஞ்சி-பூண்டு விழுது - ஒரு டீஸ்பூன்
 கரம் மசாலாத்தூள் - ஒரு டீஸ்பூன்
 கொத்தமல்லித்தழை - சிறிதளவு
 எண்ணெய் - ஒரு டீஸ்பூன்

இட்லி ரெசிப்பி

செய்முறை:

வெங்காயம், தக்காளி, குடமிளகாய், கொத்தமல்லித்தழை ஆகியவற்றைப் பொடியாக நறுக்கவும். வாணலியில் எண்ணெய் விட்டு சூடானதும் வெங்காயத்தை வதக்கி, இஞ்சி-பூண்டு விழுது சேர்த்து நன்கு கிளறவும். பிறகு, நறுக்கிய பனீர், மஷ்ரூம் மற்றும் நறுக்கிய தக்காளி, குடமிளகாய் காய்களைப் போட்டு வதக்கவும். இத்துடன் உப்பு, மிளகாய்த்தூள், கரம் மசாலாத்தூள் ஆகியவற்றைச் சேர்த்து வதக்கி, பச்சை வாசனை போனதும், கொத்தமல்லித்தழை சேர்த்துக் கிளறவும். இப்போது மசாலா ரெடி.

இட்லித் தட்டில், முதலில் கால் பாகத்துக்கு மாவை ஊற்றி, ஒரு டேபிள்ஸ்பூன் மசாலாவை வைத்து, அதன் மேல் மேலும் மாவை ஊற்றி, வேகவைக்கவும். நன்கு வெந்ததும் எடுத்து, குறுக்காக துண்டுகளைப் போட்டு பரிமாறவும்.

இட்லி போண்டா

தேவையானவை:

 இட்லி - 5
 எண்ணெய் - தேவையான அளவு

 மசாலாவுக்கு:

 கேரட் - 1
 உருளைக்கிழங்கு - 1
 பச்சைப் பட்டாணி - ஒரு டேபிள்ஸ்பூன்
 பெரிய வெங்காயம் - 1
 கொத்தமல்லித்தழை - சிறிதளவு

 மேல் மாவுக்கு:


 அரிசி மாவு, மைதா - தலா ஒரு டேபிள்ஸ்பூன்
 கார்ன்ஃப்ளார் மாவு - அரை டேபிள்ஸ்பூன்
 மிளகாய்த்தூள் - 1 டேபிள்ஸ்பூன்
 உப்பு - தேவையான அளவு

இட்லி ரெசிப்பி

செய்முறை:

இட்லிகளை உதிர்த்து வைத்துக்கொள்ளவும். கேரட் மற்றும் உருளைக்கிழங்கை வேகவைத்து மசித்துக்கொள்ளவும். பட்டாணியை தனியாக வேகவைத்துக் கொள்ளவும். கொத்தமல்லித்தழை, வெங்காயத்தைப் பொடியாக நறுக்கவும். வேகவைத்த காய்கறிகள் மற்றும் உதிர்த்த இட்லிகளை எல்லாம் ஒன்றாக சேர்த்து மசிக்கவும். இத்துடன் நறுக்கிய வெங்காயம், கொத்தமல்லித்தழை, உப்பு, மிளகாய்த்தூள் சேர்த்து பிசைந்து சிறு சிறு உருண்டைகளாக உருட்டிக்கொள்ளவும். அரிசி மாவு, மைதா மாவு மற்றும் கார்ன்ஃப்ளார் மூன்றையும் சிறிது தண்ணீர் ஊற்றி, தோசை மாவு பதத்துக்கு கரைத்துக்கொள்ளவும். உருட்டிய உருண்டைகளை தோசை மாவில் முக்கியெடுத்து சூடான எண்ணெயில் சேர்த்து பொரித்தெடுக்கவும். சாஸ் தொட்டு சூடாகச் சாப்பிட சுவையாக இருக்கும். சாஸ் இல்லாமலும் சாப்பிடலாம் சூப்பராக இருக்கும்.

பிரௌனி இட்லி

தேவையானவை:

 இட்லி மாவு - ஒரு கப்
 பிரௌனி / பிளம் கேக் / டீ கேக் - 3

இட்லி ரெசிப்பி

செய்முறை:

வீட்டிலேயே பிரௌனி செய்துகொள்ளலாம். இயலாதவர்கள், நல்ல தரமான பேக்கரிகளில் பிரௌனி அல்லடு பிளம் கேக் அல்லது டீ கேக் வாங்கி, அதை சிறிய சதுரத் துண்டுகளாக நறுக்கி வைத்துக்கொள்ளவும். சிறிய அச்சுகள் அல்லது லைனர் வைத்த கிண்ணங்களில் முதலில் அரைக் கரண்டி இட்லி மாவை ஊற்றி, அதன் மேல் கேக் துண்டு ஒன்றை வைக்கவும். மீண்டும் அரை கரண்டி மாவை ஊற்றி நன்கு வேகவிட்டு எடுக்கவும்.

வெந்ததும், கிண்ணங்களில் இருந்து எடுத்து, மேலே சாக்லேட் சாஸ் ஊற்றி அலங்கரித்தால், குழந்தைகள் மனதைக் கொள்ளை கொள்வதுடன், இட்லியும் காலியாகும்.

குறிப்பு:

சாக்லேட் சாஸ் இல்லாமலும் சாப்பிடலாம். நல்ல சுவையுடன் இருக்கும்.

பீட்ஸா இட்லி

தேவையானவை:

 இட்லி மாவு - ஒரு கப்
 பெரிய வெங்காயம் - 1 (துண்டுகளாக்கி கொள்ளவும்)
 குடமிளகாய் - 1 (துண்டுகளாக்கி கொள்ளவும்)
 தக்காளி - 1 (துண்டுகளாக்கி கொள்ளவும்)
 சீஸ் துண்டுகள் - கால் கப்

இட்லி ரெசிப்பி

செய்முறை:

வெங்காயம், குடமிளகாய், தக்காளி ஆகியவற்றை சிறிய சதுரத் துண்டுகளாக நறுக்கிக் கொள்ளவும். இட்லிப் பாத்திரத்தில் தட்டையான தட்டுகளில் இட்லி மாவை ஊற்றி, அதன் மேலே நறுக்கியவற்றை அழகாக பரப்பி வைத்து, மூடி போட்டு வேகவிடவும். 5 நிமிடம் வெந்தபிறகு, எல்லா இட்லிகள் மேலும் தலா ஒரு சீஸ் துண்டு வைத்து, மீண்டும் மூடி 5 நிமிடம் வேகவிட்டு எடுக்கவும். தக்காளி சாஸுடன் பரிமாறவும்.

குறிப்பு:
மஷ்ரூம் துண்டுகள், ஸ்வீட்கார்ன் மணிகள் என உங்கள் விருப்பத்துக்கேற்ப காய்களைச் சேர்க்கலாம்.

இட்லி பர்கர்

தேவையானவை:

 இட்லி - 5
 பெரிய வெங்காய ஸ்லைஸ்கள் - 2
 தக்காளி ஸ்லைஸ்கள் - 2
 முட்டைகோஸ் இதழ் - 1
 தக்காளி சாஸ் - ஒரு டீஸ்பூன்
 சீஸ் ஸ்லைஸ் - ஒரு துண்டு
 ஆலு இட்லிக்கு செய்த ஆலு மசாலா -  எலுமிச்சை அளவு

இட்லி ரெசிப்பி

செய்முறை:

இட்லிகளை வழக்கமான அளவை விட சற்றுப் பெரியதாக ஊற்றி எடுத்துக்கொள்ளவும். இட்லியை குறுக்காக இரண்டாக நறுக்கவும். ஆலு மசாலாவை கட்லெட் போல செய்து, தோசை தவாவில் போட்டு, இருபுறமும் சுட்டெடுக்கவும். இட்லி ஒரு பாகத்தில் தக்காளி சாஸை பரப்பவும். அதன் மேல் சீஸ் ஸ்லைஸை வைக்கவும். பிறகு வெங்காயம், தக்காளி மற்றும் முட்டைகோஸ் ஸ்லைஸ்களை பரப்பவும். அதன் மேல் கட்லெட்டை வைத்து, சீஸ் துண்டை வைக்கவும். பிறகு மற்றொரு இட்லி துண்டால் மூடவும். நம்ம தென்னிந்திய உணவிலும் அசத்தல் பர்கர் ரெடி.

தேங்காய் - வெல்லம்  ஸ்டஃப்டு இட்லி

தேவையானவை:

 இட்லி மாவு - ஒரு கப்
 தேங்காய்த் துருவல், துருவிய வெல்லம் - தலா 2 டேபிள்ஸ்பூன்
 மில்க்மெயிட் (அ) தேன் - 2 டேபிள்ஸ்பூன்

இட்லி ரெசிப்பி

செய்முறை:

தேங்காய்த் துருவல் மற்றும் துருவிய வெல்லம் இரண்டையும் சேர்த்துப் பிசைந்து, சிறு உருண்டைகளாக உருட்டிக்கொள்ளவும். இட்லித்தட்டில் கால் பகுதி அளவுக்கு மாவை ஊற்றி, உருட்டிய தேங்காய்த் துருவல் - வெல்லக் கலவையை வைக்கவும். அதன் மீது மீண்டும் மாவை ஊற்றவும். பிறகு, ஆவியில் பத்து நிமிடம் வேகவைத்து எடுத்து இட்லிகளின் மேல் மில்க்மெயிட் அல்லது தேன் ஊற்றி பரிமாறினால் அருமையான தேங்காய் - வெல்லம் ஸ்டஃப்டு இட்லி ரெடி.

இட்லி ஃபிங்கர் ஃப்ரைஸ்

தேவையானவை:

 இட்லி - 4
 மிளகாய்த்தூள் (அ) மிளகுத்தூள் - தேவையான அளவு
 எண்ணெய் - பொரிக்கத் தேவையான அளவு.

இட்லி ரெசிப்பி

செய்முறை:

இட்லிகளை ஃப்ரீஸரில் ஒரு மணி நேரம் வைக்கவும். பிறகு எடுத்து, நீளமான செவ்வகத் தூண்டுகளாக நறுக்கிக் கொள்ளவும். எண்ணெயைக் காயவைத்து, இட்லி துண்டுகளைப் போட்டு, பொன்னிறமாகப் பொரித்து எடுக்கவும். அதன் மீது மிளகாய்த்தூள் அல்லது மிளகுத்தூள் தூவி பரிமாறவும்.

கார்ன் அண்ட் சீஸ் இட்லி

தேவையானவை:

 வேகவைத்த ஸ்வீட்கார்ன் முத்துக்கள் - அரை கப்
 இட்லி மாவு - ஒரு கப்
 துருவிய சீஸ் - கால் கப்

இட்லி ரெசிப்பி

செய்முறை:

இட்லி மாவில் ஸ்வீட்கார்ன் முத்துக்களைச் சேர்த்துக் கலந்துகொள்ளவும். மினி இட்லித் தட்டில், மாவை ஊற்றி 5 நிமிடம் வேகவிட்டு எடுக்கவும். வெந்தபிறகு எடுத்து, சூடாக இருக்கும்போதே, சீஸ் துருவலைத் தூவவும். இட்லியின் சூட்டில் சீஸ் உருகி, சுவை நன்றாக இருக்கும்போது சூடாகப் பரிமாறவும்.

பாலக் இட்லி

தேவையானவை:

 பாலக்கீரை - ஒரு கைப்பிடி
 இட்லி மாவு - ஒரு கப்
 உப்பு - ஒரு சிட்டிகை
 மிளகாய்த்தூள் - ஒரு டீஸ்பூன்

இட்லி ரெசிப்பி

செய்முறை:

பாலக்கீரையை கழுவி, வேகவிட்டு ஒரு கொதி வந்ததும் தண்ணீரை வடித்துவிட்டு, உப்பு, மிளகாய்த்தூள் சேர்த்து அரைத்துக்கொள்ளவும். இட்லித் தட்டில் அரை கரண்டி மாவை ஊற்றி, நடுவே ஒரு ஸ்பூன் பாலக் மசியலை வைத்து, மீண்டும் அரை கரண்டி மாவை ஊற்றி மூடவும். வெந்ததும் எடுத்து இட்லியை குறுக்காக துண்டுகள் போட்டு பரிமாறவும்.

- பிரேமா நாராயணன்,
படங்கள்: வீ.சதீஷ்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism