Published:Updated:

கருங்குறுவை உணவுகள்

கருங்குறுவை உணவுகள்
பிரீமியம் ஸ்டோரி
கருங்குறுவை உணவுகள்

கருங்குறுவை உணவுகள்

கருங்குறுவை உணவுகள்

கருங்குறுவை உணவுகள்

Published:Updated:
கருங்குறுவை உணவுகள்
பிரீமியம் ஸ்டோரி
கருங்குறுவை உணவுகள்

இடியாப்பம் - காரம்
பருப்புப் புட்டு - இனிப்பு
கருங்குறுவை பால் பாயசம்
புட்டு - காரம்
கருங்குறுவை - உன்னியப்பம்
காய்கறிப் பணியாரம்
கார பாத்
இலை அடை
ஆளி விதை (Flax seeds) சுகியன்
கருங்குறுவை - உளுந்து போண்டா

கருங்குறுவை உணவுகள்

“கருங்குறுவை அரிசி, ஆயுர்வேத மருத்துவத்தில் ஆரோக்கியத்துக்குப் பரிந்துரைக்கப்படும் முக்கியமான அரிசி. கெட்ட கொலஸ்ட்ராலைத் தடுக்கும். நரம்புகளைப் பலப்படுத்தும். இழந்த சக்தியை மீட்டுத் தரும் காயகல்பம் இது. அந்த அரிசியில், நாவுக்கும் வயிற்றுக்கும் நல்ல ரெசிப்பிகள் தருகிறார், சென்னையைச் சேர்ந்த கிருஷ்ணகுமாரி ஜெயக்குமார்.

ஒட்டுமொத்த விகடனுக்கும் ஒரே ஷார்ட்கட்!

கருங்குறுவை அரிசி இடியாப்பம் - காரம்

தேவையானவை:

 கருங்குறுவை
அரிசி மாவு - 2 கப்
 நெய் - அரை டீஸ்பூன்
 உப்பு - கால் டீஸ்பூன்
 தேங்காய்த் துருவல் - 2 டேபிள்ஸ்பூன்
 எலுமிச்சைச் சாறு - ஒரு டீஸ்பூன்

தாளிக்க:
 பெரிய வெங்காயம் - ஒன்று
 கடுகு, உளுத்தம்பருப்பு - தலா அரை டீஸ்பூன்
 கடலைப்பருப்பு, வேர்க்கடலை - தலா அரை டீஸ்பூன்
 பச்சை மிளகாய் - 2
 பெருங்காயத்தூள் - 1 சிட்டிகை
 கறிவேப்பிலை - சிறிதளவு
 எண்ணெய் - 2 டேபிள்ஸ்பூன்
 உப்பு - தேவையான அளவு

கருங்குறுவை உணவுகள்

செய்முறை:

அரிசி மாவைப் பிசைவதற்கு தேவையான அளவு தண்ணீர், நெய், உப்பு சேர்த்து அடுப்பில் வைத்து சூடாக்கவும். பிறகு கொஞ்சம் கொஞ்சமாக சுடுநீரை மாவில் சேர்த்து கெட்டியாகப் பிசையவும். பிசைந்த மாவை இடியாப்ப அச்சில் சேர்த்து, இட்லித் தட்டில் பிழிந்து, ஆவியில் 10 நிமிடம் வேகவிடவும். வெந்த இடியாப்பத்தை எடுத்து ஆறவிடவும். வெங்காயத்தைப் பொடியாக நறுக்கவும். பச்சை மிளகாயைக் கீறிக்கொள்ளவும்.

வாணலியை அடுப்பில் வைத்து எண்ணெய் விட்டு சூடாக்கி, கடுகு, உளுத்தம்பருப்பு, கடலைப்பருப்பு, வேர்க்கடலை, கறிவேப்பிலை, பெருங்காயத்தூள் சேர்த்து தாளிக்கவும். பிறகு, நறுக்கிய வெங்காயம், கீறிய பச்சை மிளகாய், உப்பு சேர்த்து வதக்கவும். இதனுடன் இடியாப்பத்தைச் சேர்த்துக் கலந்து, தேங்காய்த் துருவல் தூவி இறக்கவும். பரிமாறும்போது எலுமிச்சைச் சாறு சேர்த்துப் பரிமாறவும்.

பருப்புப் புட்டு - இனிப்பு

தேவையானவை:

கருங்குறுவை அரிசி - ஒரு கப்
 பாசிப்பருப்பு - அரை கப்
 வெல்லம் - ஒரு கப்
 தேங்காய்த் துருவல் - கால் கப்
 நெய் - 2 டேபிள்ஸ்பூன்
 முந்திரி, திராட்சை - சிறிதளவு
 ஏலக்காய்த்தூள் - சிறிதளவு
 உப்பு - தேவையான அளவு

கருங்குறுவை உணவுகள்

செய்முறை:

கருங்குறுவை அரிசி மற்றும் பாசிப்பருப்பை தனித்தனியே 2 மணி நேரம் ஊறவைத்து, பிறகு மிக்ஸியில் ஒன்றாகச் சேர்க்கவும். இத்துடன் தேவையான அளவு உப்பு, தண்ணீர் விட்டு கொரகொரப்பாக அரைக்கவும். வெல்லத்தை ஒரு பாத்திரத்தில் சேர்த்து சிறிதளவு தண்ணீர் ஊற்றி கரைய விடவும். கரைந்ததும் வடிகட்டி தனியாக எடுத்து வைக்கவும். அடுப்பில் வாணலியை வைத்து நெய் சேர்த்துச் சூடாக்கி முந்திரி, திராட்சையை வறுத்து தனியே வைக்கவும். இதே வாணலியில் அரைத்த மாவைச் சேர்த்து, நன்கு உதிரியாக வரும் வரை, மிதமான தீயில் கிளறவும். மற்றொரு பாத்திரத்தில் வடிகட்டிய வெல்லப்பாகைச் சேர்த்து சூடாக்கி மாவில் சேர்த்துக் கிளறவும். பிறகு, வறுத்த முந்திரி, திராட்சை, ஏலக்காய்த்தூள், தேங்காய்த் துருவல் சேர்த்துக் கிளறி இறக்கி, ஆறியதும் பரிமாறவும்.

கருங்குறுவை பால் பாயசம்

தேவையானவை:

 உடைத்த கருங்குறுவை அரிசி - 4 டேபிள்ஸ்பூன்
 பால் - அரை லிட்டர்
 மில்க்மெய்ட் - கால் கப்
 பாதாம் பவுடர் - 2 டேபிள்ஸ்பூன்
 தோல் நீக்கி துருவிய பாதாம் - 10
 ரோஸ் எசன்ஸ் - 2 சொட்டுகள்

கருங்குறுவை உணவுகள்

செய்முறை:

கருங்குறுவை அரிசியை ஒரு மணி நேரம் ஊறவைத்து, பிறகு நிழலில் ஈரம் போக உலர்த்தவும். ஈரம் போனதும் மிக்ஸியில் சேர்த்து ரவை பதத்துக்கு உடைத்து வைக்கவும். அடுப்பில் பாத்திரத்தை வைத்து பால், உடைத்த கருங்குறுவை அரிசி சேர்த்து வேகவிடவும். தீயை மிதமாக்கவும். அரிசி  ரவை நன்கு வெந்ததும் பாதாம் பவுடர், மில்க்மெய்ட் கலந்து கொதிக்கவிடவும். கொதி வந்ததும் துருவிய பாதாம் சேர்க்கவும். பிறகு இறக்கி, ரோஸ் எசன்ஸ் சேர்த்துக் கலக்கி, சூடாகவோ, குளிரவைத்தோ பரிமாறவும்.

புட்டு - காரம்

தேவையானவை:

 கருங்குறுவை அரிசி மாவு - 2 கப்
 நெய் - அரை டீஸ்பூன்
 உப்பு - ஒரு சிட்டிகை

தாளிக்க:
 கடுகு, உளுத்தம்பருப்பு - தலா கால் டீஸ்பூன்
 கடலைப்பருப்பு, வேர்க்கடலை - தலா கால் டீஸ்பூன்
 பச்சை மிளகாய் - 2
 கறிவேப்பிலை - சிறிதளவு
 பெரிய வெங்காயம், தக்காளி - தலா ஒன்று
 எண்ணெய் - 2 டீஸ்பூன்
 உப்பு - தேவையான அளவு

கருங்குறுவை உணவுகள்

செய்முறை:

பெரிய வெங்காயம், தக்காளியை நறுக்கவும். பச்சை மிளகாயை கீறிவைக்கவும். ஒரு பாத்திரத்தில் தேவையான அளவு தண்ணீரைச் சூடாக்கி, உப்பு, நெய் சேர்க்கவும். வெதுவெதுப்பான நீரை அரிசி மாவில் தெளித்து, கட்டியில்லாமல் பிசிறிக் கொள்ளவும். பிறகு, ஆவியில் வேகவிட்டு எடுத்து வைக்கவும். அடுப்பில் வாணலியை வைத்து எண்ணெய் விட்டு சூடாக்கி கடுகு, உளுத்தம் பருப்பு, கடலைப்பருப்பு,  வேர்க்கடலை, கறிவேப்பிலை தாளித்து...கீறிய பச்சை மிளகாய், நறுக்கிய வெங்காயம், தக்காளி, உப்பு சேர்த்து வதக்கவும். இதனுடன் வேகவைத்த புட்டு சேர்த்துக் கிளறி, பரிமாறவும்.

கருங்குறுவை - உன்னியப்பம்

தேவையானவை:

 கருங்குறுவை அரிசி மாவு - ஒரு கப்
 கோதுமை மாவு - அரை கப்
 நேந்திரம் பழம் - ஒன்று
 வெல்லம் - கால் கப்
 ஏலக்காய்த்தூள் - ஒரு டீஸ்பூன்
 தேங்காய்த் துருவல் - ஒரு கப்
 பாதாம் பவுடர் - ஒரு டேபிள்ஸ்பூன்
 நெய் - தேவையான அளவு

கருங்குறுவை உணவுகள்

செய்முறை:

அடுப்பில் பாத்திரத்தை வைத்து வெல்லம், சிறிதளவு தண்ணீர் விட்டு வெல்லத்தைக் கரைத்து வடிகட்டவும். நேந்திரம் பழத்தை பொடியாக நறுக்கவும். மிக்ஸியில் அரிசி மாவு, கோதுமை மாவு, நறுக்கிய பழம், ஏலக்காய்த்தூள், வெல்லக் கரைசல் சேர்த்து, ஒரு சுற்று சுற்றி எடுக்கவும். தேவைப்பட்டால் சிறிதளவு நீர் சேர்க்கவும். மாவில் தேங்காய்த் துருவல், பாதாம் பவுடர் சேர்த்துக் கலக்கவும். குழிப்பணியாரக் கல்லைச் சூடாக்கி, சிறிதளவு நெய் ஊற்றி, மாவைக் குழிகளில் ஊற்றி வேகவிட்டு திருப்பிப்போட்டு, மறுபுறமும் வேகவிட்டு எடுக்கவும்.

காய்கறிப் பணியாரம்

தேவையானவை:

 கருங்குறுவை அரிசி - ஒரு கப்
 கைக்குத்தல் அவல் - ஒரு கப்
 உளுத்தம்பருப்பு  - கால் கப்
 வெந்தயம் - கால் டீஸ்பூன்
 நறுக்கிய பெரிய வெங்காயம் - கால் கப்
 கேரட் துருவல் - 4 டேபிள்ஸ்பூன் + சிறிதளவு
 முட்டைகோஸ் துருவல் - 4 டேபிள்ஸ்பூன்
 இஞ்சித் துருவல் - ஒரு டீஸ்பூன்
 கடுகு, உளுத்தம்பருப்பு, கடலைப்பருப்பு - தலா கால் டீஸ்பூன்
 நறுக்கிய புதினா, கொத்தமல்லித்தழை - சிறிதளவு
 உப்பு, எண்ணெய் - தேவையான அளவு

கருங்குறுவை உணவுகள்

செய்முறை:

அரிசியை 3 மணி நேரமும், அவல், உளுந்து மற்றும் வெந்தயத்தை ஒரு மணி நேரமும் ஊறவிடவும். பிறகு எல்லாவற்றையும் ஒன்றாகச் சேர்த்து அரைத்து, உப்பு சேர்த்துக் கலக்கி 4 மணி நேரம் புளிக்கவிடவும். அடுப்பில் வாணலியை வைத்து எண்ணெய் விட்டு சூடாக்கி கடுகு, உளுத்தம்பருப்பு, கடலைப்பருப்பு சேர்த்து தாளிக்கவும். அதனுடன் கேரட்த் துருவல், முட்டைகோஸ் துருவல், இஞ்சித் துருவல், நறுக்கிய வெங்காயம், புதினா, கொத்தமல்லித்தழை, உப்பு சேர்த்து காய்கள் வேகும் வரை மிதமான தீயில் வதக்கவும். வதங்கியவற்றை அப்படியே புளித்த மாவில் சேர்த்துக் கிளறவும். பணியாரக் கல்லைச் சூடாக்கி, குழிகளில் எண்ணெய் ஊற்றவும். பிறகு மாவை குழிகளின் பாதியளவுக்கு ஊற்றி, வெந்ததும் திருப்பிவிட்டு மறுபுறமும் வேகவிட்டு எடுத்து, கேரட் துருவல் தூவி சூடாக சட்னியுடன் பரிமாறவும்.

கார பாத்

தேவையானவை:

 கருங்குறுவை அரிசி ரவை - ஒரு கப்
 நறுக்கிய பெரிய வெங்காயம்,
 தக்காளி - தலா கால் கப்
 நறுக்கிய கேரட், உருளைக்கிழங்கு பச்சைப் பட்டாணி (சேர்த்து) - ஒரு கப்
 இஞ்சித் துருவல் - ஒரு டீஸ்பூன்
 மஞ்சள்தூள் - கால் டீஸ்பூன்
 மிளகாய்த்தூள் - ஒன்றரை டீஸ்பூன்
 கறிவேப்பிலை,
கொத்தமல்லித்தழை - சிறிதளவு
 நெய் - 2 டீஸ்பூன்
 முந்திரி - சிறிதளவு
 கடுகு, உளுத்தம்பருப்பு,
  கடலைப்பருப்பு - தலா அரை   டீஸ்பூன்
 உப்பு, எண்ணெய் - தேவையான அளவு

கருங்குறுவை உணவுகள்

செய்முறை:

கருங்குறுவை அரிசியை ஒரு மணி நேரம் ஊறவிட்டு நீரை வடித்து, நிழலில் உலர்த்தி, மிக்ஸியில் சேர்த்து ரவை பதத்துக்கு உடைத்துக்கொள்ளவும். அதிலிருந்து ஒரு கப்பை எடுத்து வைக்கவும். அடுப்பில் வாணலியை வைத்து ஒரு டீஸ்பூன் நெய் சேர்த்துச் சூடாக்கி, முந்திரியை வறுத்து எடுத்து தனியாக வைக்கவும். அதே நெய்யில் அரிசி ரவையை வாசம் வரும்வரை வறுத்து எடுக்கவும்.
அடுப்பில் மற்றொரு வாணலியை வைத்து எண்ணெய் விட்டு சூடாக்கி, கடுகு, உளுத்தம்பருப்பு, கடலைப்பருப்பு, கறிவேப்பிலை சேர்த்து தாளிக்கவும். அதனுடன் நறுக்கிய வெங்காயம், தக்காளி, காய்கறிகள் சேர்த்து வதக்கவும். பிறகு, இஞ்சித் துருவல், மஞ்சள்தூள், மிளகாய்த்தூள் சேர்த்து வதக்கி 2 கப் தண்ணீர் ஊற்றி உப்பு சேர்த்துக் கொதிக்கவிடவும். பிறகு, வறுத்த அரிசி ரவையைச் சேர்த்து கட்டியில்லாமல் கிளறி, மிதமான தீயில் 10 நிமிடம் மூடி போட்டு வேகவிடவும். வெந்ததும் மூடியைத் திறந்து, மீதமிருக்கும் நெய் மற்றும் கொத்தமல்லித்தழை, வறுத்த முந்திரி சேர்த்துக் கிளறி சூடாகப் பரிமாறவும்.

இலை அடை

தேவையானவை:

 கருங்குறுவை அரிசி - ஒரு கப்
 பச்சரிசி - கால் கப்
 வெல்லம் - கால் கப்
 தேங்காய்த் துருவல் - ஒரு கப்
 ஏலக்காய்த்தூள் - கால் டீஸ்பூன்
 வாழை இலை (சின்னது) - ஒன்று
 நெய் - ஒரு டேபிள்ஸ்பூன்

கருங்குறுவை உணவுகள்

செய்முறை:

கருங்குறுவை அரிசி மற்றும் பச்சரிசியை ஒன்றாக 2 மணி நேரம் ஊறவைத்து, பிறகு நைஸாக அரைக்கவும். மாவு கொழுக்கட்டை பதத்துக்கு இருக்க வேண்டும். அப்போதுதான் அடையாக தட்ட முடியும். வெல்லத்தை சிறிதளவு தண்ணீரில் கெட்டியாக கரைத்து வடிகட்டவும். அடுப்பில் வாணலியை வைத்து நெய் சேர்த்துச் சூடாக்கி, தேங்காய்த் துருவல், ஏலக்காய்த்தூள், வெல்லக் கரைசல் சேர்த்து சுருள வதக்கினால் பூரணம் தயார். வாழை இலையில் சிறிது நெய் தடவி, அரைத்த அரிசி மாவை வைத்து விரல்களால் படத்தில் இருப்பது போல பரப்பி விடவும். நடுவில் தேங்காய்ப் பூரணம் வைத்து, இலையை மூடி, ஆவியில் வேகவிடவும். 10 நிமிடம் கழித்து அடுப்பை அணைத்து அடையை எடுத்துப் பரிமாறவும்.

ஆளி விதை (Flax seeds) சுகியன்

மேல் மாவுக்கு:
 கருங்குறுவை அரிசி - ஒரு கப்
 உளுத்தம்பருப்பு - கால் கப்
 வெந்தயம் - கால் டீஸ்பூன்
 உப்பு - தேவையான அளவு

பூரணத்துக்கு:

 ஆளி விதை - 4 டேபிள்ஸ்பூன்
 தேங்காய்த் துருவல் - 4 டேபிள்ஸ்பூன்
 வெல்லம் - கால் கப்
 பாதாம் பவுடர் - 4 டேபிள்ஸ்பூன்
 நெய் - 2 டேபிள்ஸ்பூன்
 எண்ணெய் - பொரிக்கத் தேவையான அளவு

கருங்குறுவை உணவுகள்

செய்முறை:

அரிசி, வெந்தயம், உளுந்தை ஒன்றாக 4 மணி நேரம் ஊறவைத்து, மாவாக அரைத்து, உப்பு சேர்த்துக் கலக்கவும். வெல்லத்தை தண்ணீரில் கரைத்து வடிகட்டவும். அடுப்பில் வாணலியை வைத்து ஆளி விதை சேர்த்து வாசம்வரும்வரை வறுத்து, ஆறியதும் பொடிக்கவும். மீண்டும் வாணலியில் நெய் விட்டு சூடாக்கி, வறுத்த ஆளிவிதைப் பொடி, தேங்காய்த் துருவல், பாதாம் பவுடர், வெல்லக் கரைசல் சேர்த்துக் கிளறவும். கெட்டியாக ஆனதும் ஆறவிட்டு, சிறு உருண்டைகளாகப் பிடித்து வைக்கவும்.

மற்றொரு வாணலியில் எண்ணெயை சூடாக்கி, செய்து வைத்துள்ள பூரண உருண்டைகளை, அரைத்த அரிசி-வெந்தய-உளுந்து மாவுக் கலவையில் முக்கியெடுத்து, எண்ணெயில் பொரித்து எடுக்கவும்.

கருங்குறுவை - உளுந்து போண்டா

தேவையானவை:

 கருங்குறுவை அரிசி - கால் கப்
 உளுந்து - ஒரு கப்
 பெரிய வெங்காயம் - ஒன்று
 பச்சை மிளகாய் - 2
 கறிவேப்பிலை - சிறிதளவு
 இஞ்சித்துருவல் - ஒரு டீஸ்பூன்
 எண்ணெய் - பொரிக்கத் தேவையான அளவு
 உப்பு - தேவையான அளவு

அலங்கரிக்க:
 தயிர் - ஒரு கப்
 கேரட் துருவல் - சிறிதளவு
 ஓமப்பொடி (ஸ்நாக்ஸ் வகை) - சிறிதளவு
 கொத்தமல்லித்தழை - சிறிதளவு
 சாட் மசாலாத்தூள் - சிறிதளவு

கருங்குறுவை உணவுகள்

செய்முறை:

பெரிய வெங்காயம், பச்சை மிளகாய் மற்றும் கொத்தமல்லித்தழையை பொடியாக நறுக்கவும். அரிசி மற்றும் உளுந்தை ஒன்றாக சேர்த்து, ஒரு மணி நேரம் ஊறவைத்து, அரைத்து, உப்பு சேர்த்துக் கலக்கவும். மாவு கெட்டியாக, நைஸாக வடை மாவு பதத்தில் இருக்க வேண்டும். அதனுடன் நறுக்கிய வெங்காயம், பச்சை மிளகாய், இஞ்சித் துருவல், கறிவேப்பிலை சேர்த்துக் கலக்கவும்,. அடுப்பில் வாணலியை வைத்து எண்ணெய் ஊற்றி சூடாக்கி, மாவுக்கலவையை கையால் எடுத்து கிள்ளி எண்ணெயில் சேர்த்து போண்டாக்களாகப் பொரிக்கவும். அவற்றை தட்டில் அடுக்கி, மேலே தயிர் ஊற்றி, கேரட் துருவல், ஓமப்பொடி, நறுக்கிய கொத்தமல்லித்தழை, சாட் மசாலாத்தூள் தூவிப் பரிமாறவும்.

படங்கள்: தே.அசோக்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism