Published:Updated:

எது நல்ல வெல்லம்?

எது நல்ல வெல்லம்?
பிரீமியம் ஸ்டோரி
எது நல்ல வெல்லம்?

எது நல்ல வெல்லம்?

எது நல்ல வெல்லம்?

எது நல்ல வெல்லம்?

Published:Updated:
எது நல்ல வெல்லம்?
பிரீமியம் ஸ்டோரி
எது நல்ல வெல்லம்?

ன்று தெருவுக்குத் தெரு ‘ஸ்வீட்கடைகள்’ திறந்திருக்கின்றன. அந்தக்காலத்தில் வாரச்சந்தைகளில் கிடைக்கும் அச்சு வெல்லமும், வறுகடலையும்தான் குழந்தைகளுக்கான முக்கிய தீனி. ஒருவாய் வறுகடலையை மென்று, ஒரு கடி வெல்லத்தையும் சேர்த்துக்கொண்டால் அந்த சுவைக்கு வேறு ஏதும் ஈடில்லை.

எது நல்ல வெல்லம்?

இப்படி காலம்காலமாக நம் வாழ்வில் ஒர் அங்கமாக இருந்து வந்த வெல்லத்தின் பயன்பாடு கொஞ்சம் குறைந்திருந்தாலும், இன்றும் பட்சணங்கள் பல செய்ய, அது மூலப்பொருளாக இருக்கிறது. ஆனால், அந்தக்காலம் போல் இன்று கண்ணை மூடிக்கொண்டு எல்லா பொருட்களையும் வாங்கிட முடியாது.

இது கலப்படங்களின் காலம். நல்லது, கெட்டது கண்டுதான் வாங்கி பயன்படுத்தமுடியும். அந்த  வகையில் எது நல்லம் வெல்லம், அதை எப்படி கண்டுபிடிப்பது என்பது குறித்து விளக்குகிறார். கோயம்புத்தூர் மாவட்டம் சூலூர் பகுதியைச் சேர்ந்த உணவு வல்லுநர் மோகன்ராஜ்.

‘‘கரும்பை வெட்டி ஆலையில் அரைத்து சாறு பிழிந்து, அதை காய்ச்சி பக்குவமாக பாகு செய்து, அந்த சுடு பாகுவை அச்சுப்பலகையில் ஊற்றி எடுத்தால் அடர் கறு நிறத்தில் அச்சு வெல்லம் கிடைக்கும். பாரம்பர்ய விவசாயத்தில் விளைந்த நஞ்சில்லா வெல்லம் அது. கறுப்பு கெட்டது, சிவப்புதான் நல்லது என்கிற கண்கவர்ச்சிக் காலம் இது. அதனால் கறுஞ்சிவப்பு நிறத்தில் இருந்த வெல்லத்தை, வெளிர் மஞ்சள் நிறத்துக்கு மாற்றி விட்டார்கள் சில வியாபாரிகள். மக்களும் பளீர் நிறத்தில் மயங்கி அதை நோக்கி போய்கொண்டிருக்கிறார்கள்.

கரும்புச்சாறு காய்ச்சும்போது கசடுகள் கலந்து இருக்கும். அதைச் சுத்தப்படுத்த சோடியம் ஹைட்ரோ சல்ஃபேட் ரசாயனம் கலக்கபடுகிறது. காய்ச்சப்படும் வெல்லம் கண்கவர் நிறத்தில் இருக்க வேண்டும் என்று ரசாயனங்களை சேர்த்துத்தான் இன்றைக்கு கிடைக்கும் வெல்லம், சர்க்கரை இரண்டும் தயாரிக்கப்படுகிறது. இப்படியான ரசாயன வெல்லம் நமக்கு கெடுதலையே விளைவிக்கும். 

சரி, கடையில் விற்கும் எல்லா வெல்லமும் ரசாயனக் கலவையில் உருவானதா? என்றால் இல்லை. இன்னும் பாரம்பரிய முறையில் தயாரிக்கப்பட்ட வெல்லம் விற்பனையில் இருந்து கொண்டுதான் உள்ளது. குறிப்பாக கேரள மாநில வியாபாரிகள் அதை விரும்பி கொள்முதல் செய்துகொண்டு போகிறார்கள். அந்த மாநில மக்கள் அச்சு வெல்லம் பயன்பாட்டில் முதலிடத்தில் உள்ளார்கள்.

நல்ல வெல்லம் என்பது கறுஞ்சிவப்பு வண்ணத்தில் இருக்கும், நைசாக இருக்காது. இப்போது புதிதாக கண்டுபிடிக்கப்பட்டுள்ள சில கரும்பு ரகங்களில் தயாரிக்கப்படும் வெல்லம், வெளிர் கறுப்பு நிறத்தில் காட்சி அளிக்கும். அதையும் கேட்டு தெரிந்துதான் வாங்க வேண்டும். வெல்லத்தை வாயில் போட்டால் உப்பு சுவை இருக்கக்கூடாது. உடனே கரைய வேண்டும்.

வெல்லக்கட்டி ஒன்றை எடுத்து தரையில் போட்டால், சிறிது நேரத்தில் உருகும் அந்த கட்டியை எறும்பு மொய்க்க வேண்டும். அப்படி இருந்தால் அது நல்ல வெல்லம். அப்படி உருகாமல் கல்லைப்போல தரையில் கிடந்தால் அது ரசாயனம் கலந்த வெல்லம்  என்பதை மேற்சொன்ன பரிசோதனைகள் மூலம் தெரிந்து கொள்ள முடியும்” என்று நல்லதோர் வெல்லம் குறித்து பேசி முடித்தார் மோகன்ராஜ்.

- ஜி.பழனிச்சாமி, படம்: வி.சிவக்குமார்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism