Published:Updated:

30 வகை ஒன் பாட் குக்கிங்

30 வகை ஒன் பாட் குக்கிங்
பிரீமியம் ஸ்டோரி
30 வகை ஒன் பாட் குக்கிங்

30 வகை ஒன் பாட் குக்கிங்

30 வகை ஒன் பாட் குக்கிங்

30 வகை ஒன் பாட் குக்கிங்

Published:Updated:
30 வகை ஒன் பாட் குக்கிங்
பிரீமியம் ஸ்டோரி
30 வகை ஒன் பாட் குக்கிங்
30 வகை ஒன் பாட் குக்கிங்

திக நேரம் செலவிடாமல், குறைந்த அளவு பொருட்களைக் கொண்டு எளிதாகச் சமைப்பதுதான் ‘ஒன் பாட் குக்கிங்’. புதிதாகச் சமையல் செய்வோரும், பணிக்குச் செல்வோரும் பக்குவமாகவும் ருசியாகவும் சமைக்கும் வகையில் பயனுள்ள ரெசிப்பிகளை படங்களுடன் வழங்கியுள்ளார் சென்னையைச் சேர்ந்த சமையல் கலைஞர் அனிதா கிருபாகரன்.

30 வகை ஒன் பாட் குக்கிங்

ஒட்டுமொத்த விகடனுக்கும் ஒரே ஷார்ட்கட்!

திடீர் திரட்டுப்பால்

தேவையானவை: பால் பவுடர் - 2 கப், சர்க்கரை - கால் கப், நெய் - 2 டேபிள்ஸ்பூன், தண்ணீர் (அ) பால் - அரை கப், ஏலக்காய்த்தூள் – ஒரு சிட்டிகை.

30 வகை ஒன் பாட் குக்கிங்

செய்முறை: கொடுக்கப் பட்டுள்ள பொருள்களை ஒரு பாத்திரத்தில் சேர்த்து தோசை மாவு பதத்துக்குக் கரைக்கவும். இந்த பாத்திரத்தை குக்கரில் வைத்து மூடி 4 (அ) ஐந்து விசில் விட்டு இறக்கினால், திடீர் திரட்டுப்பால் ரெடி.

ஆந்திரா புளியோதரை

தேவையானவை: வடித்த சாதம் - ஒரு கப், கடுகு - அரை டீஸ்பூன், கடலைப்பருப்பு, உளுத்தம்பருப்பு - தலா ஒரு டேபிள்ஸ்பூன், வேர்க்கடலை - 2 டேபிள்ஸ்பூன், முந்திரிப்பருப்பு - 6, பச்சை மிளகாய் – 2 (கீறவும்), தோல் சீவி, துருவிய இஞ்சி - ஒரு டேபிள்ஸ்பூன், காய்ந்த மிளகாய் - 2, பெருங்காயத்தூள், வெல்லம் - தலா அரை டீஸ்பூன், நல்லெண்ணெய் - 2 டேபிள்ஸ்பூன், கெட்டியாகக் கரைத்த புளி - கால் கப், மஞ்சள்தூள் – சிறிதளவு, கறிவேப்பிலை - சிறிதளவு, உப்பு - தேவையான அளவு.

30 வகை ஒன் பாட் குக்கிங்

செய்முறை: வாணலியில் நல்லெண்ணெய் ஊற்றி, காய்ந்ததும் கடுகு தாளித்து, கடலைப்பருப்பு, உளுத்தம்பருப்பு, வேர்க்கடலை, முந்திரி, இஞ்சி, பச்சை மிளகாய், காய்ந்த மிளகாய், பெருங்காயம், கறிவேப்பிலை சேர்த்து பொன்னிறமாக வறுக்கவும். இதனுடன் புளிக்கரைசல், உப்பு, வெல்லம், மஞ்சள்தூள் சேர்த்து நன்கு கொதிக்கவிடவும். கலவை கெட்டியான பிறகு ஆறிய சாதம் சேர்த்து நன்றாகக் கிளறி இறக்கினால்... ஆந்திரா புளியோதரை ரெடி.

இதை அப்பளம், வடாம், சிப்ஸ் உடன் பரிமாறவும்.

அவகாடோ டோஸ்ட்

தேவையானவை: பழுத்த அவகாடோ ஒன்று, வெங்காயத்தாள் - ஒன்று (வெங்காயத்துடன் பொடியாக நறுக்கவும்) பச்சை மிளகாய் - ஒன்று (பொடியாக நறுக்கவும்), மிளகுத்தூள் - அரை டீஸ்பூன், எலுமிச்சைச் சாறு - 2 டேபிள்ஸ்பூன், கொத்தமல்லித்தழை - சிறிதளவு, வெண்ணெய் - ஒரு டேபிள்ஸ்பூன், பிரெட் ஸ்லைஸ் – 2, உப்பு - தேவையான அளவு.

30 வகை ஒன் பாட் குக்கிங்

செய்முறை: பாத்திரத்தில் அவகாடோ, வெங்காயத்தாள், பச்சை மிளகாய், கொத்தமல்லித்தழை, உப்பு, மிளகுத்தூள், எலுமிச்சைச் சாறு சேர்த்து மசிக்கவும். பிரெட்டின் மீது வெண்ணெய் தடவவும். தோசைக்கல்லை காயவைத்து, பிரெட் ஸ்லைஸ்களை டோஸ்ட் செய்து எடுக்கவும். டோஸ்ட் செய்த பிரெட்டின் மீது மசித்த கலவையைத் தடவிப் பரிமாறவும்.

அவல் இனிப்பு பொங்கல்

தேவையானவை:  ஊறவைத்த அவல், வெல்லக் கரைசல் - தலா அரை கப், வேகவைத்த பாசிப்பருப்பு - 2 டேபிள்ஸ்பூன், ஏலக்காய்த்தூள் - அரை டீஸ்பூன், வறுத்த முந்திரி - 4, வறுத்த திராட்சை - 8, கிராம்பு - ஒன்று, பச்சைக் கற்பூரம் - ஒரு சிட்டிகை, நெய் - 4 டேபிள்ஸ்பூன்

30 வகை ஒன் பாட் குக்கிங்

செய்முறை:  வாணலியில் பாசிப்பருப்பு, ஊறவைத்த அவல், வெல்லக் கரைசல், ஏலக்காய்த்தூள், முந்திரி, திராட்சை, கிராம்பு, பச்சைக் கற்பூரம், நெய் சேர்த்து, அடுப்பை சிறுதீயில் வைத்து, 5 அல்லது 6 நிமிடங்கள் கிளறி இறக்கவும்.

மைக்ரோவேவ் சாக்லேட் கேக்

தேவையானவை: கோதுமை மாவு, கோகோ பவுடர் - தலா கால் கப், சர்க்கரை - 2 டேபிள்ஸ்பூன், இன்ஸ்டன்ட் காபி பவுடர் - அரை டீஸ்பூன், பேக்கிங் பவுடர் - அரைக்கால் டீஸ்பூன், பால், சாக்லேட் சிப்ஸ் -  தலா அரை கப், வெண்ணெய் - ஒரு டேபிள்ஸ்பூன், வெனிலா எசன்ஸ் - ஒரு டீஸ்பூன், உப்பு - ஒரு சிட்டிகை.

30 வகை ஒன் பாட் குக்கிங்

செய்முறை:  கொடுக்கப்பட்டுள்ள பொருள்களை மைக்ரோவேவ் கப்பில் சேர்த்து, தோசை மாவு பதத்துக்குக் கரைக்கவும். இதை மைக்ரோவேவ் அவனில் ஒன்றரை நிமிடங்கள் முதல் 2 நிமிடங்கள் வரை வைத்து எடுத்தால், சாக்லேட் கேக் தயார்.

குறிப்பு: ஒரு  டூத் பிக்கால் குத்திப் பார்த்தால் ஒட்டாமல் வர வேண்டும்.

குடமிளகாய் சில்லி சீஸ் டோஸ்ட்

தேவையானவை: பிரெட் ஸ்லைஸ் - 2,  நறுக்கிய குடமிளகாய் - 4 டேபிள்ஸ்பூன், பச்சை மிளகாய் – ஒன்று (பொடியாக நறுக்கவும்), மிளகுத்தூள் - கால் டீஸ்பூன்,  சீஸ்  துருவல் - 2 டேபிள்ஸ்பூன், உப்பு - தேவையான அளவு.

30 வகை ஒன் பாட் குக்கிங்

செய்முறை: பாத்திரத்தில் சீஸ் துருவல், குடமிளகாய், பச்சை மிளகாய், உப்பு, மிளகுத்தூள் சேர்த்து நன்கு கலக்கவும். தோசைக்கல்லை சூடாக்கி பிரெட் ஸ்லைஸ் வைத்து அதன் மீது சீஸ் கலவையைப் பரப்பவும். அடுப்பை சிறு தீயில் வைத்து மூடிபோட்டு, சீஸ் உருகிய உடன் இறக்கவும். சூடாகப் பரிமாறவும்.

காலிஃப்ளவர் - பட்டாணி புர்ஜி

தேவையானவை: பொடியாக நறுக்கிய காலிஃப்ளவர் - 2 கப், பச்சைப் பட்டாணி - கால் கப், பச்சை மிளகாய் – 3 (பொடியாக நறுக்கவும்), கடுகு - அரை டீஸ்பூன், மஞ்சள்தூள் - ஒரு சிட்டிகை, எண்ணெய் - ஒரு டேபிள்ஸ்பூன், உப்பு - தேவையான அளவு.

30 வகை ஒன் பாட் குக்கிங்

செய்முறை: வாணலியில் எண்ணெய்விட்டு கடுகு தாளித்து, பச்சை மிளகாய் சேர்த்து வதக்கவும். இதனுடன் காலிஃப்ளவர், பச்சைப் பட்டாணி, உப்பு, மஞ்சள்தூள் சேர்த்து நன்கு கிளறி, வேகவைத்து இறக்கினால், காலிஃப்ளவர் - பட்டாணி புர்ஜி ரெடி.

புரோக்கோலி ஃப்ரைடு ரைஸ்

தேவையானவை: பாசுமதி அரிசி சாதம் - ஒரு கப், புரோக்கோலி துண்டுகள் - கால் கப், கேரட், பீன்ஸ், குடமிளகாய், பச்சைப் பட்டாணி, வெங்காயத்தாள், முட்டைகோஸ் கலவை - அரை கப், எண்ணெய், சோயா சாஸ், மிளகுத்தூள் - தலா ஒரு டேபிள்ஸ்பூன், உப்பு - தேவையான அளவு.

30 வகை ஒன் பாட் குக்கிங்

செய்முறை: வாணலியில் எண்ணெய் ஊற்றி, காய்கறிகள் சேர்த்து நன்கு வதக்கவும். இதனுடன் உப்பு, மிளகுத்தூள், சோயா சாஸ் சேர்த்துக் கலக்கவும். பிறகு, பாசுமதி அரிசி சாதம் சேர்த்து நன்கு கலந்து இறக்கவும். மஞ்சூரியனுடன் பரிமாறவும் (எல்லாவிதமான மஞ்சூரியனுடனும் பரிமாறலாம்).

பஜ்ஜி மிளகாய் ரைஸ்

தேவையானவை: வடித்த சாதம் - ஒரு கப், பஜ்ஜி மிளகாய் - 4 (பொடியாக நறுக்கவும்), தேங்காய்த் துருவல், கடலைப்பருப்பு - தலா 2 டேபிள்ஸ்பூன், வேர்க்கடலை - 4 டேபிள்ஸ்பூன், காய்ந்த மிளகாய் - 4, எண்ணெய் - 2 டேபிள்ஸ்பூன், கடுகு - அரை டீஸ்பூன், கிராம்பு - 2, கறிவேப்பிலை – சிறிதளவு, மஞ்சள்தூள், உப்பு - தேவையான அளவு.

30 வகை ஒன் பாட் குக்கிங்

செய்முறை: வாணலியில் சிறிதளவு எண்ணெய்விட்டு சூடாக்கி கடலைப்பருப்பு, வேர்க்கடலை, கிராம்பு, காய்ந்த மிளகாய் சேர்த்து பொன்னிறமாக வறுக்கவும். இதனுடன்  தேங்காய்த் துருவல்  சேர்த்து மிக்ஸியில் பொடி செய்துகொள்ளவும். பிறகு, அதே வாணலியில் சிறிதளவு எண்ணெய் விட்டு கடுகு, கறிவேப்பிலை தாளித்து... பஜ்ஜி மிளகாய், உப்பு, மஞ்சள்தூள் சேர்த்து வதக்கவும் இத்துடன் சாதம், அரைத்த பொடி சேர்த்துக் கலந்து இறக்கினால், பஜ்ஜி மிளகாய் சாதம் ரெடி.

பனீர் பாயசம்

தேவையானவை:  பால் - இரண்டரை கப், பனீர் - அரை கப், முந்திரிப்பருப்பு - 5, குங்குமப்பூ - சிறிதளவு, சர்க்கரை - 5 டேபிள்ஸ்பூன், நறுக்கிய பாதாம் – சிறிதளவு.

30 வகை ஒன் பாட் குக்கிங்

செய்முறை: பனீர், முந்திரிப் பருப்பை அரை கப் பாலுடன் சேர்த்து பதினைந்து நிமிடம் ஊறவைத்து விழுதாக அரைத்து எடுக்கவும். சிறிதளவு சூடான பாலில் பாதியளவு  குங்குமப்பூவை சேர்த்துக் கரைக்கவும். மீதமுள்ள பாலை சுண்டக் காய்ச்சவும். இத்துடன் அரைத்த விழுது, குங்குமப்பூ கரைசல், சர்க்கரை சேர்த்து நன்கு கொதிக்கவிட்டு இறக்கவும். நறுக்கிய பாதாமையும் மீதமுள்ள குங்குமப்பூவையும் தூவவும். இதை ஆறவிட்டு ஃப்ரிட்ஜில் குளிரவைத்துப் பரிமாறவும்.

இன்ஸ்டன்ட் கேரட் அல்வா

தேவையானவை: கேரட் துருவல்  - 2 கப், கண்டன்ஸ்டு மில்க் - அரை கப், முந்திரி, பாதாம், திராட்சை – தலா ஒரு டேபிள்ஸ்பூன், ஏலக்காய்த்தூள் - சிறிதளவு, நெய் - ஒரு டேபிள்ஸ்பூன்.

30 வகை ஒன் பாட் குக்கிங்

செய்முறை: குக்கரில் கேரட் துருவல், கண்டன்ஸ்டு மில்க், முந்திரி, பாதாம், திராட்சை, நெய்  சேர்த்து, அடுப்பை மிதமான தீயில் வைத்து, 4 (அ) 5 விசில் விட்டு இறக்கவும். ஆவி அடங்கிய பின் மூடியைத் திறந்து ஏலக்காய்த்தூள் சேர்த்து, அடுப்பை சிறு தீயில் வைத்து, அல்வா பதம் வரும் வரை கிளறி எடுக்கவும். வெனிலா ஐஸ்க்ரீமுடன் பரிமாறவும்.

கடுகு சாதம்

தேவையானவை: வேகவைத்த சாதம் - ஒரு கப், கடுகு - அரை டீஸ்பூன், கடலைப்பருப்பு, உளுத்தம்பருப்பு -  தலா ஒரு டீஸ்பூன், காய்ந்த மிளகாய் - ஒன்று, கறிவேப்பிலை – சிறிதளவு, உப்பு, மஞ்சள்தூள் - தேவையான அளவு, எண்ணெய் - ஒரு டேபிள்ஸ்பூன்.

30 வகை ஒன் பாட் குக்கிங்

பொடி செய்ய: தேங்காய்த் துருவல் - ஒரு டேபிள்ஸ்பூன், கடுகு - ஒரு டீஸ்பூன், புளி - சிறிதளவு, காய்ந்த மிளகாய், பச்சை மிளகாய் - தலா ஒன்று, பெருங்காயத்தூள், வெல்லம் - தலா கால் டீஸ்பூன்.

செய்முறை: பொடி செய்யக் கொடுத்துள்ள பொருள்களை மிக்ஸியில் சேர்த்து (வறுக்க வேண்டாம்) கொரகொரப்பாக அரைத்து எடுக்கவும். வாணலியில் எண்ணெய் ஊற்றி கடுகு, கடலைப்பருப்பு, உளுத்தம்பருப்பு, காய்ந்த மிளகாய், கறிவேப்பிலை தாளித்து, மஞ்சள்தூள்  சேர்த்துக் கிளறி... வேகவைத்த சாதம், அரைத்த பொடி, உப்பு சேர்த்து நன்கு கலந்து இறக்கினால் கடுகு சாதம் ரெடி.

இன்ஸ்டன்ட் பால் பாயசம்

தேவையானவை: பாசுமதி அரிசி - ஒரு டேபிள்ஸ்பூன், சர்க்கரை - 5 (அ) 6 டேபிள்ஸ்பூன், பால் – அரை லிட்டர்.

30 வகை ஒன் பாட் குக்கிங்

செய்முறை: குக்கரில் சற்று அதிகமாக தண்ணீர்  ஊற்றவும். பாசுமதி அரிசியை எவர்சிவர் டப்பாவில் போட்டு பால் விட்டு மூடி குக்கரில் வைக்கவும். அடுப்பை `சிம்’மில் வைத்து 40 நிமிடம் வேகவிடவும். ஆவி அடங்கியவுடன் மூடியைத் திறந்து சர்க்கரை சேர்த்து, கரைந்ததும் பரிமாறவும்.

மசாலா பரோட்டா

தேவையானவை:  பரோட்டா - 2 (பொடியாக நறுக்கவும்), வெங்காயம் - ஒன்று (நீளமாக நறுக்கவும்), பொடியாக நறுக்கிய குடமிளகாய்  - கால் கப், மஞ்சள்தூள் - சிறிதளவு, சோம்பு - ஒரு டீஸ்பூன், கறிவேப்பிலை, கொத்தமல்லித்தழை - சிறிதளவு, உப்பு - தேவையான அளவு, எண்ணெய் - 2 டேபிள்ஸ்பூன்.

அரைக்க: முந்திரிப்பருப்பு - 3, பொட்டுக்கடலை - ஒரு டீஸ்பூன், சோம்பு - அரை டீஸ்பூன், பட்டை - சிறிய துண்டு, தேங்காய்த் துருவல் - 2 டேபிள்ஸ்பூன், பச்சை மிளகாய் – 2.

30 வகை ஒன் பாட் குக்கிங்

செய்முறை: அரைக்கக் கொடுத்துள்ள பொருள்களை மிக்ஸியில் சேர்த்து விழுதாக அரைக்கவும். வாணலியில் எண்ணெய்விட்டு சோம்பு, கறிவேப்பிலை தாளிக்கவும். இதனுடன்  வெங்காயம், குடமிளகாய் சேர்த்து வதக்கவும். பிறகு, அரைத்த விழுது, உப்பு, மஞ்சள்தூள்  சேர்த்து வதக்கவும். இறுதியாக பரோட்டா, கொத்தமல்லித்தழை சேர்த்து நன்கு கிளறி இறக்கவும்.  வெங்காயப் பச்சடியுடன் பரிமாறவும்.

முள்ளங்கி டோஸ்ட்

தேவையானவை: பிரெட் ஸ்லைஸ் – 5, சிவப்பு முள்ளங்கித் துருவல் - அரை கப், வெண்ணெய் - 4 டேபிள்ஸ்பூன், உப்பு, மிளகுத்தூள் - தேவையான அளவு.

30 வகை ஒன் பாட் குக்கிங்

செய்முறை: பிரெட்டின் மீது சிறிதளவு வெண்ணெய் தடவவும். தோசைக்கல்லைக் காயவைத்து மிதமான தீயில் டோஸ்ட் செய்து எடுக்கவும். பாத்திரத்தில் முள்ளங்கி, வெண்ணெய், உப்பு, மிளகுத்தூள் சேர்த்து நன்கு கலக்கவும். இந்தக் கலவையை டோஸ்ட் செய்த பிரெட்டின் மீது வைத்துப் பரிமாறவும்.

பட்டாணி பிலாஃப் (Pilaf)

தேவையானவை:ஊறவைத்த பாசுமதி அரிசி - ஒரு கப், வெங்காயம் – ஒன்று (பொடியாக நறுக்கவும்), பச்சைப் பட்டாணி – அரை கப், முந்திரிப்பருப்பு - 5, திராட்சை - 10, பச்சை மிளகாய் – ஒன்று (பொடியாக நறுக்கவும்), நறுக்கிய புதினா - ஒரு டேபிள்ஸ்பூன், சோம்பு - அரை டேபிள்ஸ்பூன், பிரிஞ்சி இலை - ஒன்று, கிராம்பு - 2, பட்டை - ஒரு துண்டு, அன்னாசிப்பூ, ஏலக்காய் - தலா ஒன்று, நெய், எண்ணெய் - தலா ஒரு டேபிள்ஸ்பூன், உப்பு - தேவையான அளவு.

30 வகை ஒன் பாட் குக்கிங்

செய்முறை: குக்கரில் எண்ணெய், நெய் விட்டு சோம்பு, பிரிஞ்சி இலை, கிராம்பு, பட்டை, அன்னாசிப்பூ, ஏலக்காய், முந்திரிப்பருப்பு, திராட்சை சேர்த்து தாளிக்கவும். இதனுடன் வெங்காயம், பச்சை மிளகாய் சேர்த்து வதக்கவும். வெங்காயம் வதக்கியவுடன் ஊறவைத்த பாசுமதி அரிசி, பச்சைப்பட்டாணி, உப்பு சேர்த்து, இரண்டு கப் தண்ணீர் விட்டு மூடி இரண்டு விசில் விட்டு இறக்கவும். பிறகு, மூடியைத் திறந்து புதினா சேர்த்துக் கலந்து பரிமாறவும்.

சாக்லேட் புடிங்

தேவையானவை:  பால் - இரண்டரை கப், ஃப்ரெஷ் க்ரீம் - முக்கால் கப், கார்ன் ஃப்ளார் (சோள மாவு) - கால் கப், சர்க்கரை - 1/3 கப், கோகோ பவுடர் - கால் கப், சாக்லேட் சிப்ஸ் – 1/3 கப், வெனிலா எசன்ஸ் - ஒன்றரை டீஸ்பூன், அலங்கரிக்க: புதினா இலை, செர்ரி பழம், கோகோ பவுடர் – சிறிதளவு.

30 வகை ஒன் பாட் குக்கிங்

செய்முறை:  வாணலியில் பால், க்ரீம், சோள மாவு, சர்க்கரை, கோகோ பவுடர், சாக்லேட் சிப்ஸ், எசன்ஸ் சேர்த்து நன்கு கலந்து, அடுப்பை மிதமான தீயில் வைத்து, இந்தக் கலவை இட்லி மாவு பதத்துக்கு வரும் வரை கைவிடாமல் நன்கு கிளறவும். பிறகு இதை ஆறவிட்டு, கண்ணாடி டம்ளர்களில் ஊற்றி ஃப்ரிட்ஜில் இரண்டு மணி நேரம் வைத்து எடுக்கவும். செட் ஆனவுடன்  கோகோ பவுடர், புதினா இலை, செர்ரி பழம் கொண்டு அலங்கரிக்கவும்..

குறிப்பு:
பெரிய கண்ணாடி பவுலில் போட்டு ஃப்ரிட்ஜில் வைத்து, செட் ஆனவுடன் ஸ்பூனால் எடுத்தும் பரிமாறலாம்.

சில்லி பிரெட்

தேவையானவை: பிரெட் ஸ்லைஸ்  - 2, நெய் - ஒரு டேபிள்ஸ்பூன், வெங்காயம், பச்சை மிளகாய் - தலா ஒன்று (பொடியாக நறுக்கவும்), கறிவேப்பிலை - சிறிதளவு, தக்காளிப்பழம் – பாதியளவு (பொடியாக நறுக்கவும்), தக்காளி சாஸ் - ஒரு டீஸ்பூன், மஞ்சள்தூள் - கால் டீஸ்பூன், மிளகாய்த்தூள் - அரை டீஸ்பூன், கடுகு - அரை டீஸ்பூன், கொத்தமல்லித்தழை - சிறிதளவு, எண்ணெய் - 2 டேபிள்ஸ்பூன், உப்பு - தேவையான அளவு.

30 வகை ஒன் பாட் குக்கிங்

செய்முறை: தோசைக்கல்லை காயவைத்து நெய் விட்டு பிரெட் ஸ்லைஸ்களை டோஸ்ட் செய்து எடுத்து சிறிய துண்டுகளாக்கவும். வாணலியில் எண்ணெய் விட்டு கடுகு, கறிவேப்பிலை தாளித்து... வெங்காயம், பச்சை மிளகாய் சேர்த்து பொன்னிறமாக வதக்கி... தக்காளிப்பழம், தக்காளி சாஸ், மஞ்சள்தூள், மிளகாய்த்தூள், உப்பு சேர்த்து தொக்கு பதத்துக்கு வரும் வரை வதக்கவும். இதனுடன் பிரெட் துண்டுகளைப் போட்டு நன்கு கலந்து கொத்தமல்லித்தழை  சேர்த்து இறக்கவும்.

புதினா புலாவ்

தேவையானவை: பாசுமதி அரிசி, விரும்பிய காய்கறி கலவை – தலா அரை கப், தேங்காய்ப்பால் - ஒரு கப், மஞ்சள்தூள் - கால் டீஸ்பூன், கரம் மசாலாத்தூள் - அரை டீஸ்பூன், சோம்பு - அரை டேபிள்ஸ்பூன், பிரிஞ்சி இலை - ஒன்று, பட்டை – சிறு துண்டு, கிராம்பு - 3, ஏலக்காய், அன்னாசிப்பூ - தலா ஒன்று, எண்ணெய், நெய் - தலா ஒரு டேபிள்ஸ்பூன், உப்பு - தேவையான அளவு.

அரைக்க: புதினா – ஒரு கட்டு (ஆய்ந்து. தண்ணீரில் அலசவும்), இஞ்சி -  சிறிய துண்டு (தோல் சீவவும்), பச்சை மிளகாய் - 2, காய்ந்த மிளகாய் - ஒன்று, சோம்பு - அரை டீஸ்பூன், வெல்லம் – சிறிதளவு.

30 வகை ஒன் பாட் குக்கிங்

செய்முறை: பாசுமதி அரிசியை இருபது நிமிடங்கள் தண்ணீரில் ஊறவைக்கவும். அரைக்கக் கொடுத்துள்ள பொருள்களை மிக்ஸியில் போட்டு விழுதாக அரைத்து எடுக்கவும். குக்கரில் நெய், எண்ணெய் விட்டு... சோம்பு, பிரிஞ்சி இலை, பட்டை, கிராம்பு, ஏலக்காய், அன்னாசிப்பூ சேர்த்து தாளிக்கவும். இதனுடன் காய்கறிகளைப் போட்டு வதக்கவும். பிறகு அரைத்த விழுது, மஞ்சள்தூள், கரம் மசாலாத்தூள், உப்பு சேர்த்து 2 நிமிடம் வதக்கி... அரிசி, தேங்காய்ப்பால் சேர்த்து குக்கரை மூடி 2 விசில் விட்டு இறக்கினால்... புதினா புலாவ் தயார்.

இதை வெங்காயப் பச்சடியுடன் பரிமாறவும்.

ஓமவல்லி இலை மோர்க்குழம்பு

தேவையானவை: கெட்டித் தயிர் - அரை கப், தண்ணீர் - கால் கப், மஞ்சள்தூள் - சிறிதளவு, தேங்காய் எண்ணெய் - ஒரு டேபிள்ஸ்பூன், கடுகு - அரை டீஸ்பூன், காய்ந்த மிளகாய் - ஒன்று, கறிவேப்பிலை - சிறிதளவு, பெருங்காயத்தூள் - சிறிதளவு, உப்பு - தேவையான அளவு.

அரைக்க: கடலைப்பருப்பு - ஒரு டீஸ்பூன், ஓமவல்லி இலை - 5 - 6, தேங்காய்த் துருவல் - 2 டீஸ்பூன், பச்சை மிளகாய் - 2

30 வகை ஒன் பாட் குக்கிங்

செய்முறை:  அரைக்கக் கொடுத்துள்ள பொருள்களை பத்து நிமிடங்கள் ஊறவைத்து விழுதாக அரைத்து எடுக்கவும். இதனுடன் மஞ்சள்தூள், உப்பு, பெருங்காயத்தூள் சேர்த்துக் கொதிக்கவிடவும். பிறகு, கெட்டித் தயிர் சேர்த்து உடனே இறக்கவும். வாணலியில் தேங்காய் எண்ணெய்விட்டு கடுகு, கறிவேப்பிலை, காய்ந்த மிளகாய் தாளித்து சேர்த்துப் பரிமாறவும்.

வெள்ளரிக்காய் பொரித்த குழம்பு

தேவையானவை: நறுக்கிய வெள்ளரிக்காய் - ஒரு கப், வேகவைத்த துவரம்பருப்பு, பாசிப்பருப்பு - தலா கால் கப், சாம்பார் பொடி - அரை டீஸ்பூன், மஞ்சள்தூள் - சிறிதளவு, உப்பு - தேவையான அளவு.

தாளிக்க: தேங்காய் எண்ணெய் - 2 டேபிள்ஸ்பூன், கடுகு, சீரகம் - தலா ஒரு டீஸ்பூன், காய்ந்த மிளகாய் - 2, கறிவேப்பிலை, பெருங்காயத்தூள் - சிறிதளவு.

வறுத்து அரைக்க: கடலைப்பருப்பு, உளுத்தம்பருப்பு - தலா ஒரு டேபிள்ஸ்பூன், காய்ந்த மிளகாய் - 2, மிளகு - ஒரு டீஸ்பூன், சீரகம் - அரை டீஸ்பூன், தேங்காய்த் துருவல் - 2 டேபிள்ஸ்பூன். 

30 வகை ஒன் பாட் குக்கிங்

செய்முறை: வறுத்து அரைக்கக் கொடுத்துள்ள பொருள்களை வெறும் வாணலியில் வறுக்கவும். ஆறியபின் தண்ணீர் விட்டு விழுதாக அரைத்து எடுக்கவும். அதே வாணலியில் தேங்காய் எண்ணெய்விட்டு... கடுகு, உளுத்தம்பருப்பு, காய்ந்த மிளகாய், கறிவேப்பிலை, பெருங்காயத்தூள் தாளிக்கவும். இதனுடன் தண்ணீர் ஊற்றி வெள்ளரிக்காய், உப்பு, மஞ்சள்தூள், சாம்பார் பொடி சேர்த்து வேகவிடவும். பிறகு, வேகவைத்த பருப்பு, அரைத்த விழுது சேர்த்துக் கலந்து 5-6 நிமிடங்கள் கொதிக்கவிட்டு இறக்கினால்... வெள்ளரிக்காய் பொரித்த குழம்பு தயார்.

முருங்கைக்கீரை புலாவ்

தேவையானவை:  பாசுமதி அரிசி, ஆய்ந்த முருங்கைக்கீரை - தலா ஒரு கப், வெங்காயம் – ஒன்று (பொடியாக நறுக்கவும்), பட்டை - ஒரு துண்டு, பிரிஞ்சி இலை - ஒன்று, கிராம்பு - 2, மிளகுத்தூள் - அரை டீஸ்பூன், எண்ணெய் - 2 டேபிள்ஸ்பூன்,  உப்பு - தேவையான அளவு.

30 வகை ஒன் பாட் குக்கிங்

அரைக்க: தேங்காய்த் துருவல் - 2 டேபிள்ஸ்பூன், சீரகம் - அரை டீஸ்பூன், பச்சை மிளகாய் - 2, வெங்காயம் - சிறிய துண்டு.

செய்முறை: பாசுமதி அரிசியைத் தண்ணீரில் 20 நிமிடம் ஊறவைக்கவும். அரைக்கக் கொடுத்துள்ள பொருள்களைத் தண்ணீர் தெளித்து விழுதாக அரைக்கவும். குக்கரில் எண்ணெய் ஊற்றி... பட்டை, பிரிஞ்சி இலை, கிராம்பு சேர்த்து வறுக்கவும். இதனுடன் வெங்காயம் சேர்த்து பொன்னிறமாக வதக்கவும். பிறகு கீரை, அரைத்த விழுது சேர்த்து 2 நிமிடங்கள் வதக்கி... அரிசி, 2 கப் தண்ணீர், உப்பு, மிளகுத்தூள் சேர்த்து, குக்கரை மூடி 2 விசில் விட்டு இறக்கவும்.

பறங்கிக்காய் புலாவ்

தேவையானவை: நறுக்கிய பறங்கிக்காய், பாசுமதி அரிசி - தலா அரை கப், பச்சை மிளகாய் – 3 (இரண்டாகக் கீறவும்), தேங்காய்த் துருவல் - 4 டேபிள்ஸ்பூன், தண்ணீர் - ஒரு கப், மஞ்சள்தூள், சர்க்கரை, உப்பு - தேவையான அளவு.

தாளிக்க: எண்ணெய் - 2 டேபிள்ஸ்பூன், பிரிஞ்சி இலை, அன்னாசிப்பூ - தலா ஒன்று, கிராம்பு - 2, பட்டை - சின்ன துண்டு, சீரகம் - அரை டீஸ்பூன்.

30 வகை ஒன் பாட் குக்கிங்

செய்முறை: பாசுமதி அரிசியை 20 நிமிடங்கள் ஊறவைக்கவும். குக்கரில் எண்ணெய் விட்டு, தாளிக்கக் கொடுத்துள்ள பொருள்களைச் சேர்த்து தாளிக்கவும். இதனுடன் பறங்கிக்காய், பச்சை மிளகாய், தேங்காய்த் துருவல் சேர்த்து 2 நிமிடங்கள் வதக்கி... அரிசி, உப்பு, மஞ்சள்தூள், சர்க்கரை, ஒரு கப் தண்ணீர் சேர்த்து, குக்கரை மூடி 2 விசில் விட்டு இறக்கவும்.

உருளைக்கிழங்கு கறி

தேவையானவை: தோலுடன் நறுக்கிய உருளைக்கிழங்கு, தோல் உரித்து நறுக்கிய வெங்காயம் - தலா ஒரு கப், பச்சை மிளகாய் – 3 (பொடியாக நறுக்கவும்), எண்ணெய் - 2 டேபிள்ஸ்பூன், கடுகு - அரை டீஸ்பூன், மஞ்சள்தூள், மிளகாய்த்தூள், உப்பு - தேவையான அளவு. 

30 வகை ஒன் பாட் குக்கிங்

செய்முறை: வாணலியில்  எண்ணெய் விட்டு கடுகு தாளித்து... பச்சை மிளகாய், வெங்காயம் சேர்த்துப் பொன்னிறமாக வதக்கவும். இதனுடன் உருளைக்கிழங்கு, உப்பு, மஞ்சள்தூள், மிளகாய்த்தூள் சேர்த்து 5 நிமிடங்கள் வதக்கி இறக்கவும். சப்பாத்தியுடன் தொட்டுக்கொள்ள அருமையாக இருக்கும்.

பனீர் பட்டர் மசாலா

தேவையானவை: பனீர் - 100 கிராம், மிளகாய்த் தூள் - ஒரு டீஸ்பூன், கரம் மசாலாத்தூள், கஸூரி மேத்தி (உலர்ந்த வெந்தயக்கீரை) - தலா அரை டீஸ்பூன், பால் - அரை கப் (காய்ச்சி ஆறவைத்தது), எண்ணெய் - 2 டேபிள்ஸ்பூன், பிரிஞ்சி இலை - ஒன்று, சர்க்கரை, உப்பு - தேவையான அளவு.

அரைக்க: வெங்காயம், தக்காளி, பச்சை மிளகாய் - தலா ஒன்று (பொடியாக நறுக்கவும்), இஞ்சி - பூண்டு விழுது - அரை டீஸ்பூன், பாதாம் - 8, கிராம்பு - 2, ஏலக்காய் - ஒன்று, பட்டை - சிறிய துண்டு.

30 வகை ஒன் பாட் குக்கிங்

செய்முறை: அரைக்கக் கொடுத்துள்ள பொருள்களை விழுதாக அரைத்து எடுக்கவும். குக்கரில் எண்ணெய் விட்டு பிரிஞ்சி இலை தாளிக்கவும். இதனுடன் அரைத்த விழுது, கஸூரி மேத்தி, கரம் மசாலாத்தூள், மிளகாய்த்தூள், சர்க்கரை, உப்பு சேர்த்து 2 நிமிடங்கள் வதக்கவும். பிறகு பனீர், தேவையான அளவு தண்ணீர் சேர்த்து, குக்கரை மூடி 3 விசில் விட்டு இறக்கவும். இதனுடன் பால் சேர்த்துக் கலந்தால்... பனீர் பட்டர் மசாலா தயார்.

உருளைக்கிழங்கு - பிரெட் பிரியாணி

தேவையானவை: பாசுமதி அரிசி - ஒரு கப், புதினா - கைப்பிடியளவு, கிராம்பு - 2, பட்டை - ஒரு துண்டு, ஏலக்காய் - 4, உருளைக்கிழங்கு - 2 (பெரிய துண்டுகளாக நறுக்கவும்), கரம் மசாலாத்தூள், மஞ்சள்தூள் – தலா அரை டீஸ்பூன், மிளகாய்த்தூள் - ஒரு டீஸ்பூன், இஞ்சி - பூண்டு விழுது - அரை டீஸ்பூன்,  பொரித்த வெங்காயம் - 4 டேபிள்ஸ்பூன், தயிர் - கால் கப், புதினா இலை - கைப்பிடியளவு, எண்ணெய், நெய், உப்பு - தேவையான அளவு.

அலங்கரிக்க: பொரித்த பிரட், பொரித்த வெங்காயம், புதினா இலை – தேவையான அளவு.

30 வகை ஒன் பாட் குக்கிங்

செய்முறை: பாசுமதி அரிசியை 20 நிமிடம் தண்ணீரில் ஊறவைக்கவும். உருளைக்கிழங்குடன் கரம் மசாலாத்தூள், மிளகாய்த்தூள், மஞ்சள்தூள், இஞ்சி - பூண்டு விழுது, பொரித்த வெங்காயம், புதினா, தயிர், உப்பு ஆகியவற்றைச் சேர்த்து சிறிது நேரம்  ஊறவைக்கவும். குக்கரில் எண்ணெய், நெய்விட்டு சூடாக்கி... கிராம்பு, பட்டை, ஏலக்காய் தாளித்து, ஊறவைத்த உருளைக்கிழங்கு கலவையைப் போட்டு 2 நிமிடங்கள் வதக்கவும். இதனுடன் பாசுமதி அரிசி, உப்பு சேர்த்து, தேவையான அளவு தண்ணீர் ஊற்றி, குக்கரை  மூடி, 2 விசில் விட்டு இறக்கவும். பரிமாறும் முன் பொரித்த வெங்காயம், பிரெட், புதினா சேர்த்துக் கலந்து பரிமாறவும்.

சாகு

தேவையானவை: வெங்காயம் – ஒன்று (பொடியாக நறுக்கவும்), விரும்பிய காய்கறி கலவை (கேரட், பீன்ஸ், உருளைக்கிழங்கு, பச்சைப் பட்டாணி) - ஒரு கப், மஞ்சள்தூள் - அரை டீஸ்பூன்,   கடுகு - அரை டீஸ்பூன், கறிவேப்பிலை - சிறிதளவு, பெருங்காயத்தூள் - அரை டீஸ்பூன், தேங்காய் எண்ணெய் - 2 டேபிள்ஸ்பூன், உப்பு - தேவையான அளவு.

அரைக்க:
தேங்காய்த் துருவல் - 2 டேபிள்ஸ்பூன், பொட்டுக்கடலை - ஒரு டேபிள்ஸ்பூன், பச்சை மிளகாய் - 3, நறுக்கிய கொத்தமல்லித்தழை - ஒரு டேபிள்ஸ்பூன், நறுக்கிய வெங்காயம் - ஒரு டேபிள்ஸ்பூன்.

30 வகை ஒன் பாட் குக்கிங்

செய்முறை: அரைக்கக் கொடுத்துள்ள பொருள்களை தண்ணீர்விட்டு விழுதாக அரைத்து எடுக்கவும். வாணலியில் எண்ணெய்விட்டு கடுகு, கறிவேப்பிலை, பெருங்காயத்தூள் தாளிக்கவும். இதனுடன்  வெங்காயம் சேர்த்து பொன்னிறமாக வதக்கவும். பிறகு காய்கறிகள், தேவையான தண்ணீர், உப்பு, மஞ்சள்தூள் சேர்த்து வேகவிடவும். வெந்த உடன் அரைத்த விழுது சேர்த்து நான்கு அல்லது ஐந்து நிமிடங்கள் கொதிக்கவிட்டு இறக்கவும்.

கோவைக்காய் மசாலாபாத்

தேவையானவை: பாசுமதி அரிசி - ஒரு கப், நீளமாக நறுக்கிய கோவைக்காய் - அரை கப், கரம் மசாலாத்தூள் - ஒரு டேபிள்ஸ்பூன், மஞ்சள்தூள் - அரை டீஸ்பூன், தேங்காய்த் துருவல் - 2 டேபிள்ஸ்பூன், கொத்தமல்லித்தழை - சிறிதளவு, கடுகு - அரை டீஸ்பூன், கறிவேப்பிலை – சிறிதளவு, வறுத்த முந்திரி – சிறிதளவு, எண்ணெய், நெய் - தலா ஒரு டேபிள்ஸ்பூன், உப்பு - தேவையான அளவு.

30 வகை ஒன் பாட் குக்கிங்

செய்முறை: பாசுமதி அரிசியை 20 நிமிடம் தண்ணீரில் ஊறவைக்கவும். குக்கரில் எண்ணெய், நெய்விட்டு சூடாக்கி... கடுகு, கறிவேப்பிலை தாளிக்கவும். இத்துடன் கோவைக்காய், தேங்காய்த் துருவல், உப்பு, மஞ்சள்தூள், கரம் மசாலாத்தூள் சேர்த்து 2 நிமிடங்கள் வதக்கவும். பிறகு, ஊறவைத்த அரிசி, தேவையான அளவு தண்ணீர் சேர்த்து, குக்கரை மூடி 2 விசில் விட்டு இறக்கவும். வறுத்த முந்திரி, கொத்தமல்லித்தழை சேர்த்து அலங்கரித்து பரிமாறவும்.

தேன் சில்லி கார்ன்

தேவையானவை: சோளம் - 2, தேன், மிளகாய்த்தூள், உப்பு, எலுமிச்சைச்சாறு, கொத்தமல்லித்தழை, வெண்ணெய் - தேவை யான அளவு.

30 வகை ஒன் பாட் குக்கிங்

செய்முறை:  தணலில் கார்னை ரோஸ்ட் செய்து எடுக்கவும். அதன் மேல் வெண்ணெய் தடவி, உப்பு, தேன், எலுமிச்சைச் சாறு சேர்த்து, மிளகாய்த்தூள், கொத்தமல்லித்தழை தூவி சாப்பிடவும்.

கரம் மசாலா ரைஸ்

தேவையானவை:  பாசுமதி அரிசி - ஒரு கப், வெங்காயம் – ஒன்று (பொடியாக நறுக்கவும்), இஞ்சி - பூண்டு விழுது - அரை டேபிள்ஸ்பூன், விரும்பிய காய்கறிக் கலவை (கேரட், பச்சைப் பட்டாணி, பீன்ஸ், உருளைக்கிழங்கு, காலிஃப்ளவர்) - அரை கப், கரம் மசாலாத்தூள் - அரை டீஸ்பூன், சீரகம் – அரை டீஸ்பூன், பச்சை மிளகாய் – ஒன்று (பொடியாக நறுக்கவும்), மஞ்சள்தூள் - ஒரு சிட்டிகை, தேங்காய்த் துருவல் - 2 டேபிள்ஸ்பூன், கொத்தமல்லித்தழை, புதினா - சிறிதளவு, ஏலக்காய்த்தூள் - கால் டீஸ்பூன், எண்ணெய், நெய், உப்பு - தேவையான அளவு.

30 வகை ஒன் பாட் குக்கிங்

செய்முறை: பாசுமதி அரிசியை இருபது நிமிடம் ஊறவைக்கவும். குக்கரில் எண்ணெய், நெய்விட்டு சூடாக்கி, சீரகம் தாளிக்கவும். இதனுடன் வெங்காயம், பச்சை மிளகாய், காய்கறிகள், இஞ்சி - பூண்டு விழுது சேர்த்து வதக்கவும். பிறகு தேங்காய்த் துருவல், கரம் மசாலாத்தூள், புதினா, கொத்தமல்லித்தழை, உப்பு, மஞ்சள்தூள், அரிசி, தேவையான அளவு தண்ணீர் சேர்த்து குக்கரை மூடி, 2 விசில் விட்டு இறக்கவும். மூடியைத் திறந்தவுடன் ஏலக்காய்த்தூள் சேர்த்துக் கிளறி பரிமாறவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism