Published:Updated:

30 வகை குட்டீஸ் கிச்சன் ரெசிப்பி!

30 வகை குட்டீஸ் கிச்சன் ரெசிப்பி!
பிரீமியம் ஸ்டோரி
News
30 வகை குட்டீஸ் கிச்சன் ரெசிப்பி!

30 வகை குட்டீஸ் கிச்சன் ரெசிப்பி!

30 வகை குட்டீஸ் கிச்சன் ரெசிப்பி!

``ஏதாவது செஞ்சு கொடும்மா என இன்னும் எத்தனை நாளைக்குத்தான் அம்மாவிடம் கேட்பது? ரொம்ப ரொம்ப சிம்பிளான, நமக்குப் பிடித்த டிஷ்களை நாமே தயாரிச்சு அசத்துவோம்... வாங்க!’’ - உற்சாகத்துடன் அழைக்கிறார்கள் அடுப்பில்லாத சமையலில் அசத்தும் சுட்டிகள் ஸ்ருதி & ஸ்மிருதி.

30 வகை குட்டீஸ் கிச்சன் ரெசிப்பி!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

குறிப்பு: மிக்ஸி போன்ற கருவி களைப் பெரியவர்கள் உதவியோடு தான் பயன்படுத்த வேண்டும்.

கேக் பாப்ஸ்

தேவையானவை:

ஸ்பாஞ்ச் கேக் - ஒன்று, மில்க்மெய்ட் - தேவையான அளவு, சாக்லேட் சாஸ் - ஒரு கப், சீரக மிட்டாய் - ஒரு பாக்கெட், லாலிபாப் ஸ்டிக் – தேவையான அளவு.   

30 வகை குட்டீஸ் கிச்சன் ரெசிப்பி!

செய்முறை: 

ஸ்பாஞ்ச் கேக்கைச் சிறிய துண்டுகளாக்கி, பெரியவர்கள் உதவியுடன் மிக்ஸியில் பொடிக்கவும். இதனுடன் மில்க்மெய்ட் சேர்த்து உருட்டும் பதத்துக்குப் பிசையவும். பிறகு, அந்தக் கலவையை விரும்பிய வடிவில் உருட்டி, லாலிபாப் ஸ்டிக்கை நடுவே குத்தவும். இதை சாக்லேட் சாஸில் முக்கி எடுத்து, மேலே சீரக மிட்டாய் தூவி சுவைக்கலாம்.

பூந்தி சாட்

தேவையானவை:

தயிர் - ஒரு கப், காராபூந்தி - அரை கப், கொத்தமல்லித்தழை - சிறிதளவு, சாட் மசாலாத்தூள், உப்பு - தேவையான அளவு.   

30 வகை குட்டீஸ் கிச்சன் ரெசிப்பி!

செய்முறை:

தயிருடன் சாட் மசாலாத்தூள், உப்பு சேர்த்து நன்கு கரைக்கவும். இதனுடன் காராபூந்தி சேர்த்துக் கலக்கவும். மேலே கொத்தமல்லித்தழைத் தூவி அலங்கரித்துப் பரிமாறவும்.

ரோஸ்மில்க் குல்ஃபி

தேவையானவை:

பால் - ஒரு கப் (காய்ச்சி ஆறவைத்தது), ரோஸ் சிரப் - தேவையான அளவு, சர்க்கரை - 5 டீஸ்பூன்,
குல்ஃபி மோல்டு - 5.   

30 வகை குட்டீஸ் கிச்சன் ரெசிப்பி!

செய்முறை:

பாலுடன் ரோஸ் சிரப், சர்க்கரைச் சேர்த்து நன்கு கலக்கவும். குல்ஃபி மோல்டுகளில் இந்த ரோஸ்மில்க்கை ஊற்றி, ஃப்ரீசரில் எட்டு மணி நேரம் வைத்து எடுக்கவும். பிறகு மோல்டுகளைக் குழாய் நீரில் காட்டினால், குல்ஃபியை எளிதாக வெளியே எடுக்க வரும்.

வேர்க்கடலை லட்டு

தேவையானவை:

வறுத்த வேர்க்கடலை, வெல்லத்தூள் - தலா ஒரு கப், நெய், பொட்டுக் கடலை - தலா ஒரு டீஸ்பூன்.

30 வகை குட்டீஸ் கிச்சன் ரெசிப்பி!

செய்முறை:

பொட்டுக்கடலையை மிக்ஸியில் ஒன்றிரண்டாகப் பொடிக்கவும். வேர்க்கடலையு டன் வெல்லத்தூள் சேர்த்து, பெரியவர்கள் உதவியுடன் மிக்ஸியில் அரைத்து எடுக்கவும். இதனுடன் பொட்டுக் கடலைப் பொடி, நெய் சேர்த்துக் கலந்து சிறிய உருண்டை களாகப் பிடித்தால், வேர்க் கடலை லட்டு ரெடி.

பிரெட் ஐஸ்க்ரீம்

தேவையானவை:


பிரெட் ஸ்லைஸ்கள் - 4, பால் - 2 கப் (காய்ச்சி ஆறவைத்தது), க்ரீம், சர்க்கரை - தலா அரை கப், ஏலக்காய்த்தூள் - ஒரு சிட்டிகை, விரும்பிய நட்ஸ் வகைகள் - தேவையான அளவு.

30 வகை குட்டீஸ் கிச்சன் ரெசிப்பி!

செய்முறை:

பிரெட் ஸ்லைஸ்களின் ஓரத்தை நீக்கிவிடவும். இதனுடன் பால், க்ரீம், சர்க்கரைச் சேர்த்து, பெரியவர்கள் உதவியுடன் மிக்ஸியில் நன்கு அடிக்கவும். பிறகு, நட்ஸ் வகைகள், ஏலக்காய்த்தூள் சேர்த்துக் கலந்து, பிளாஸ்டிக் டப்பாவில் போட்டு மூடி, ஃப்ரீசரில் வைத்து, செட்டான பிறகு எடுத்து, `கட்’ செய்து பரிமாறவும்.

பப்பாயா ப்யூரி

தேவையானவை:

நன்கு பழுத்த பப்பாளிப்பழம் - ஒன்று, சர்க்கரை - தேவையான அளவு. 

30 வகை குட்டீஸ் கிச்சன் ரெசிப்பி!

செய்முறை:

பப்பாளிப்பழத்தின் தோல், விதைகளை நீக்கிவிட்டு நன்கு மசிக்கவும். இதனுடன் சர்க்கரை சேர்த்து கலந் தால், ப்யூரி ரெடி. ஃப்ரீசரில் வைத்து குளிர்ந்தப் பின்னர் சாப்பிடலாம். பிரெட் அல்லது சப்பாத்தியின் மீது தடவியும் சாப்பிடலாம்.

அவல் ஸ்நாக்ஸ்

தேவையானவை:

கெட்டி அவல் - ஒரு கப், தேங்காய்த் துருவல் - கால் கப், ஏலக்காய்த்தூள் - ஒரு சிட்டிகை, சர்க்கரை - தேவையான அளவு.  

30 வகை குட்டீஸ் கிச்சன் ரெசிப்பி!

செய்முறை:

அவலை இரண்டு நிமிடங்கள் ஊறவைத்து, களைந்து வடிகட்டவும். இதனுடன் தேங்காய்த் துருவல், ஏலக்காய்த் தூள், சர்க்கரை சேர்த்துக் கலந்து சுவைக்கலாம்.

பனானா ட்ரீட்

தேவையானவை:

வாழைப்பழம் - 2, ஃப்ரூட் ஜாம் - தேவையான அளவு, மேரி பிஸ்கட் - 5.  

30 வகை குட்டீஸ் கிச்சன் ரெசிப்பி!

செய்முறை:

பிஸ்கட்டை ஜிப்லாக் கவரினுள் போட்டு மூடி, அப்பளக் குழவியால் தேய்த்து தூளாக்கவும். வாழைப்பழத்தின் தோலை உரித்து சிறிய சதுர துண்டுகளாக்கவும். அகலமான பாத்திரத்தில் வாழைப்பழத் துண்டுகள், ஜாம், பிஸ்கட் தூள் சேர்த்துக் கலக்கவும். சிறிய கிண்ணங்களில் போட்டுப் பரிமாறவும்.

நட்ஸ் லாலிபாப் வித் ஹனி

தேவையானவை:

வறுத்த பாதாம், முந்திரி, வேர்க்கடலை, பொட்டுக்கடலை கலவை - ஒரு கப், தேன், டூத் பிக் - தேவையான அளவு.   

30 வகை குட்டீஸ் கிச்சன் ரெசிப்பி!

செய்முறை:

வறுத்த பாதாம், முந்திரி, வேர்க்கடலை, பொட்டுக்கடலை ஆகியவற்றைப் பெரியவர்கள் உதவியுடன் மிக்ஸியில் பொடித்து எடுக்கவும். இதனுடன் தேவையான அளவு தேன் விட்டுப் பிசைந்து சிறிய உருண்டைகளாக்கி, டூத் பிக்கில் குத்தி லாலிபாப் போல் செய்து பரிமாறலாம்.

தஹி சட்னி

தேவையானவை:

புளிப்பில்லாத தயிர் - ஒரு கப், இட்லி மிளகாய்ப்பொடி - அரை கப் (அல்லது தேவைக்கேற்ப), உப்பு - சிறிதளவு.   

30 வகை குட்டீஸ் கிச்சன் ரெசிப்பி!

செய்முறை:

தயிருடன் உப்பு, இட்லி மிளகாய்ப் பொடி சேர்த்து நன்கு கலக்கவும். இது... இட்லி, தோசைக்குத் தொட்டுக் கொள்ளச் சுவையாக இருக்கும்.

பிரெட் ஜாம் ரோல்ஸ்

தேவையானவை:

பிரெட் ஸ்லைஸ்கள் - 10, ஃப்ரூட் ஜாம், சாக்லேட் ஸ்ப்ரெட்  - தேவையான அளவு.  

30 வகை குட்டீஸ் கிச்சன் ரெசிப்பி!

செய்முறை:

பிரெட்டின் ஓரங்களை வெட்டி எடுக்கவும். பிறகு, அப்பளக் குழவியால் பிரெட்டைத் தேய்க்க வும். ஒரு பிரெட்டின் ஓரத்தில் மற்றொரு பிரெட் வைத்து நன்கு அழுத்தி தேய்த்து இரண்டு துண்டுகளையும் இணைக்கவும். இதன் மீது ஜாம், சாக்லேட் ஸ்ப்ரெட் தடவி பாய் போல சுருட்டவும்.

இது பார்ட்டிகளில் பரிமாற ஏற்றது.

பனானா ஐஸ்க்ரீம்

தேவையானவை:
 
கெட்டியான வாழைப்பழம் - 2, தேன் - 4 டீஸ்பூன் , சாக்லேட் சிரப் - சிறிதளவு, பாதாம் துருவல், பிஸ்தா துருவல் - தலா 2 டீஸ்பூன்.  

30 வகை குட்டீஸ் கிச்சன் ரெசிப்பி!

செய்முறை:

வாழைப்பழத்தின் தோலை உரித்து சிறிய துண்டுகளாக்கி, ஃப்ரீசரில் இரண்டு மணி நேரம் வைத்து எடுக்கவும். இதனுடன் தேன், சாக்லேட் சிரப் சேர்த்து மிக்ஸியில் அரைக்கவும். பிறகு பாதாம், பிஸ்தா துருவல்கள் சேர்த்துக் கலந்து பிளாஸ்டிக் டப்பாவில் போட்டு ஃப்ரீசரில் வைத்து செட்டான பிறகு எடுத்துச் சாப்பிடலாம்.

குறிப்பு: பரிமாறும்போது மேலே சிறிதளவு சாக்லேட் சிரப் விட்டுப் பரிமாறவும்.

ஃப்ரூட்ஸ் கபாப்

தேவையானவை:


விரும்பிய பழத்துண்டுகள் கலவை (வாழைப்பழம், கிவி, பப்பாளி) - ஒரு கப், தேன், டூத் பிக் - தேவையான அளவு.   

30 வகை குட்டீஸ் கிச்சன் ரெசிப்பி!

செய்முறை:

டூத் பிக்கில் பப்பாளித் துண்டு, வாழைப்பழத்துண்டு, கிவித்துண்டு என வரிசையாகக் குத்தி வைக்கவும். இதன் மீது தேன் ஊற்றிப் பரிமாறலாம்.

ஸ்வீட் பொரி

தேவையானவை:

பொரி - ஒரு கப், அவல், பொட்டுக்கடலை, வறுத்த வேர்க்கடலை கலவை - கால் கப், நாட்டுச்சர்க்கரை - கால் கப்.  

30 வகை குட்டீஸ் கிச்சன் ரெசிப்பி!

செய்முறை:

பொரியுடன் வேர்க்கடலை, அவல், பொட்டுக்கடலை, நாட்டுச்சர்க்கரை சேர்த்துக் கலந்து சுவைக்கலாம்.

தொக்குப் பச்சடி

தேவையானவை:


ஏதாவது ஒரு வகை தொக்கு (மாங்காய், எலுமிச்சை, நெல்லி) - 5 டீஸ்பூன், தயிர் - ஒரு கப், உப்பு - தேவையான அளவு.  

30 வகை குட்டீஸ் கிச்சன் ரெசிப்பி!

செய்முறை:

தொக்குடன் தயிர், உப்பு சேர்த்து மிக்ஸியில் அடித்து எடுத்தால்... பச்சடி ரெடி.

பிஸ்கட் ஃபலூடா

தேவையானவை:

பிஸ்கட் தூள் - ஒரு கப், மில்க்மெய்ட் - கால் கப், டூட்டி ஃப்ரூட்டி - 4 டீஸ்பூன், பாதாம் துருவல், பிஸ்தா துருவல் - தேவையான அளவு, விரும்பிய பழக்கலவை (மாம்பழம், அன்னாசி, வாழைப்பழம்) - கால் கப், ஜெல்லித் துண்டுகள், - சிறிதளவு, ஐஸ்க்ரீம் - ஒரு கப், ரோஸ் சிரப் - ஒரு டீஸ்பூன்.  

30 வகை குட்டீஸ் கிச்சன் ரெசிப்பி!

செய்முறை:

ஒரு கண்ணாடி டம்ளரில் முதலில் சிறிதளவு பழக்கலவையைப் போடவும். இதன் மீது சிறிதளவு மில்க்மெய்ட், பிஸ்கட் தூள், ஜெல்லித்துண்டுகள், டூட்டி ஃப்ரூட்டி என வரிசையாகச் சேர்க்கவும். பிறகு பாதியளவு ஐஸ்க்ரீம் வைக்கவும். மீண்டும் இதே போல பழக்கலவை, மில்க்மெய்ட், பிஸ்கட் தூள், ஜெல்லித்துண்டுகள், டூட்டி ஃப்ரூட்டி சேர்த்து மேலே மீதி ஐஸ்க்ரீம் வைத்து... பாதாம், முந்திரி துருவல்கள் தூவி,  ரோஸ் சிரப் விட்டுப் பரிமாறவும்.

சாக்லேட் லட்டு

தேவையானவை:

மேரி பிஸ்கட் தூள் - ஒரு கப், மில்க்மெய்ட் - கால் கப், விரும்பிய நட்ஸ் வகைகள் - தேவையான அளவு,  கோகோ பவுடர் - 2 டீஸ்பூன், சீரக மிட்டாய் - ஒரு பாக்கெட்.   

30 வகை குட்டீஸ் கிச்சன் ரெசிப்பி!

செய்முறை:

பிஸ்கட் தூளுடன் நட்ஸ் வகைகள், கோகோ பவுடர், பாதியளவு மில்க்மெய்ட் சேர்த்துப் பிசைந்து உருண்டைகளாக்கவும். இதை மீதமுள்ள மில்க்மெய்டில் முக்கி எடுத்து, சீரக மிட்டாயில் புரட்டி எடுத்தால்... சாக்லேட் லட்டு ரெடி.

க்ரீமி ஃப்ரூட்ஸ் அண்ட் நட்ஸ்

தேவையானவை:

விரும்பிய பழக்கலவை (ஆப்பிள், திராட்சை, மாதுளை) - ஒரு கப், தயிர் - ஒரு கப்,  சர்க்கரை - 2 டீஸ்பூன், க்ரீம் - கால் கப், விரும்பிய நட்ஸ் துருவல் - தேவையான அளவு, உப்பு - ஒரு சிட்டிகை.

30 வகை குட்டீஸ் கிச்சன் ரெசிப்பி!

செய்முறை:

அகலமான பாத்திரத்தில் தயிர், உப்பு, சர்க்கரை, க்ரீம் சேர்த்து நன்கு கலக்கவும். இதனுடன் பழக்கலவை, நட்ஸ் துருவல் சேர்த்து ஃப்ரிட்ஜில் வைத்து குளிர்ந்த பின் எடுத்துப் பரிமாறவும்.

சாக்லேட் டெசர்ட்

தேவையானவை:

பிஸ்கட் தூள் - ஒரு கப், க்ரீம் - அரை கப், சாக்லேட் சாஸ் - தேவையான அளவு.  

30 வகை குட்டீஸ் கிச்சன் ரெசிப்பி!

செய்முறை:

கண்ணாடி கோப்பை யில் முதலில் பாதியளவு பிஸ்கட் தூள் சேர்க்கவும். இதன் மீது சிறிதளவு க்ரீம், சாக்லேட் சாஸ் ஊற்றவும். பிறகு, இதேபோல பிஸ்கட் தூள், க்ரீம், சாக்லேட் சாஸ் என சேர்த்து ஃப்ரிட்ஜில் வைத்து, குளிர்ந்தப் பிறகு பரிமாறவும்.

சாக்லேட் - ஃப்ரூட் பானி பூரி

தேவையானவை:

குட்டி பானி பூரி - 5, சாக்லேட் சிரப் - ஒரு கப், விரும்பிய பழக் கலவை (மாதுளை, ஆப்பிள், அன்னாசி) - கால் கப், தேன் - 5 டீஸ்பூன், பாதாம், பிஸ்தா துருவல் - தேவையான அளவு.  

30 வகை குட்டீஸ் கிச்சன் ரெசிப்பி!

செய்முறை:

பானி பூரியின் மேல் பகுதியில் துளையிடவும். பிறகு பூரிகளை சாக்லேட் சிரப்பில் முக்கி எடுத்து, அதனுள் பழக்கலவையை வைத்து நிரப்பவும். மேலே பாதாம், பிஸ்தா துருவல்கள் தூவி அலங்கரித்து, தேன் விட்டுப் பரிமாறவும்.

பனானா - பீநட் மில்க்‌ஷேக்

தேவையானவை:


பால் - 2 கப் (காய்ச்சி ஆறவைத்தது), வாழைப்பழம் - ஒன்று, பீநட் பட்டர் - ஒரு டீஸ்பூன், சாக்லேட் சாஸ் - 3 டீஸ்பூன், ஐஸ் க்யூப்ஸ் - தேவையான அளவு.   

30 வகை குட்டீஸ் கிச்சன் ரெசிப்பி!

செய்முறை:

வாழைப்பழத்தின் தோலை உரித்து சிறிய துண்டுகளாக்கவும். மிக்ஸியில் வாழைப்பழம், ஐஸ் க்யூப்ஸ், பீநட் பட்டர், சாக்லேட் சாஸ், பால் சேர்த்து நுரை வர அடித்துப் பருகவும்.

ரெயின்போ பின்வீல்

தேவையானவை:

பிரெட் ஸ்லைஸ்கள் - 5, வெண்ணெய் - 5 டீஸ்பூன், சீரக மிட்டாய் - ஒரு பாக்கெட்.  

30 வகை குட்டீஸ் கிச்சன் ரெசிப்பி!

செய்முறை:

பிரெட்டின் ஓரங்களை நறுக்கி எடுக்கவும். பிறகு, பிரெட் ஸ்லைஸ்களை அப்பளக்குழவியால் தேய்த்து, அதன் மீது வெண்ணெய் தடவி, சீரக மிட்டாய் தூவி பாய் போல சுருட்டவும். பிறகு ஒரு இன்ச் அளவு துண்டுகளாக்கிப் பரிமாறவும்.

பிரெட் ரசமலாய்

தேவையானவை:

பிரெட் ஸ்லைஸ்கள் - 5, பால் - ஒரு கப் (காய்ச்சி ஆறவைத்தது), பாதாம் துருவல், பிஸ்தா துருவல் - தலா 2 டீஸ்பூன், ரெடிமேட் பாதாம் பால் மிக்ஸ் - 2 டீஸ்பூன்.  

30 வகை குட்டீஸ் கிச்சன் ரெசிப்பி!

செய்முறை:

பிரெட்டை விரும்பிய வடிவில் துண்டு களாக்கவும். பாலுடன், பாதாம் மிக்ஸ் பவுடர் சேர்த்து கலக்கவும். அகலமான தட்டில் பிரெட் துண்டுகளை அடுக்கி, அதன் மீது பாதாம் பால் ஊற்றவும். மேலே பாதாம் துருவல், பிஸ்தா துருவல்கள் சேர்த்து அலங்கரித்துப் பரிமாறவும்.

பிஸ்கட் சாண்ட்விச்

தேவையானவை:


க்ரீம் பிஸ்கட் - 10, கேரட், வெள்ளரிக்காய் - தலா ஒன்று (வட்ட வடிவில் நறுக்கவும்).  

30 வகை குட்டீஸ் கிச்சன் ரெசிப்பி!

செய்முறை:

க்ரீம் பிஸ்கட்டின் நடுவே கேரட், வெள்ளரிக்காய் துண்டுகள் வைத்துப் பரிமாறவும்.

கேரட் கோசுமல்லி

தேவையானவை:

கேரட் துருவல் - ஒரு கப், எலுமிச்சைச் சாறு - ஒரு டீஸ்பூன், உப்பு - தேவையான அளவு, 

30 வகை குட்டீஸ் கிச்சன் ரெசிப்பி!

செய்முறை:

கேரட் துருவலுடன் உப்பு, எலுமிச்சைச் சாறு சேர்த்துக் கலந்து சாப்பிடலாம்.

ஜாக் ஃப்ரூட் சர்ப்ரைஸ்

தேவையானவை:

பலாச்சுளை - 10 (கொட்டை, நார் நீக்கவும்), முந்திரி, பாதாம், பிஸ்தா, கொட்டை நீக்கிய பேரீச்சை - தலா 5 (பொடியாக நறுக்கவும்), தேன் - தேவையான அளவு.   

30 வகை குட்டீஸ் கிச்சன் ரெசிப்பி!

செய்முறை:

முந்திரி, பாதாம், பிஸ்தா, பேரீச்சையை ஒன்றாகக் கலக்கவும். பலாச்சுளையின் கொட்டை இருந்த இடத்தில் அந்தக் கலவையை வைத்து மூடவும். சுளைகளை தட்டில் அடுக்கி மேலே தேன் ஊற்றிப் பரிமாறவும்.

கிவி வித் சாக்லேட் சிரப்

தேவையானவை:

கிவிப் பழம் - 2, சாக்லேட் சிரப் - கால் கப், பிஸ்கட் தூள், டூத் பிக் - தேவையான அளவு. 

30 வகை குட்டீஸ் கிச்சன் ரெசிப்பி!

செய்முறை:

கிவிப் பழத்தின் தோலை நீக்கி சதுரத் துண்டுகளாக்கவும். டூத் பிக்கில் கிவித் துண்டை குத்தி சாக்லேட் சிரப்பில் முக்கி எடுத்து, பிஸ்கட் தூளில் புரட்டி எடுத்துப் பரிமாறவும்.

குறிப்பு: பிஸ்கட்டை ஜிப் லாக் கவரினுள் போட்டு மூடி அப்பளக் குழவியால் தேய்த்து தூளாக்கவும்.

ஹோம்மேட் சாக்லேட்

தேவையானவை:

பாதாம் பருப்பு, பால் பவுடர் - தலா ஒரு கப், பொடித்த சர்க்கரை - 2 கப், வெண்ணெய், கோகோ பவுடர் -  தலா 2 டீஸ்பூன்.  

30 வகை குட்டீஸ் கிச்சன் ரெசிப்பி!

செய்முறை:

பாதாம் பருப்பை மிக்ஸியில் பொடித்து எடுக்கவும். இதனுடன் பால் பவுடர், பொடித்த சர்க்கரை, வெண்ணெய், கோகோ பவுடர் சேர்த்துப் பிசையவும். பிறகு, இந்தக் கலவையை விரும்பிய வடிவில் துண்டுகளாக்கவும்.

ஆப்பிள் - டேட்ஸ் ஷேக்

தேவையானவை:

ஆப்பிள் - ஒன்று (தோல் சீவி, பொடியாக நறுக்கவும்), பேரீச்சை - 5 (கொட்டை நீக்கவும்), தேன் (விருப்பப்பட்டால்) -  சிறிதளவு.  

30 வகை குட்டீஸ் கிச்சன் ரெசிப்பி!

செய்முறை:

ஆப்பிளுடன் பேரீச்சை துண்டுகள், கொஞ்சம் தண்னீர் சேர்த்து மிக்ஸியில் அரைத்துப் பரிமாறவும். விருப்பப்பட்டால் தேன் சேர்த்துக்கொள்ளலாம்.

டபிள் ஃப்ரூட் பாப்சிகல்

தேவையானவை: மாம்பழம், கிவி - தலா ஒன்று, சர்க்கரை - தேவையான அளவு, பாப்சிகல் மோல்டு - 5.  

30 வகை குட்டீஸ் கிச்சன் ரெசிப்பி!

செய்முறை:

மாம்பழத் துண்டுகளுடன் சர்க்கரை சேர்த்து விழுதாக அரைத்து தனியாக வைக்கவும். கிவிப் பழத் துண்டுகளுடன் சர்க்கரை சேர்த்து விழுதாக அரைத்து தனியாக வைக்கவும். பாப்சிகல் மோல்டில் பாதியளவு மாம்பழ விழுது ஊற்றி, ஃப்ரீசரில் மூன்று மணி நேரம் வைத்து எடுக்கவும். பிறகு, அதன் மீது கிவி விழுது சேர்த்து மீண்டும் ஃப்ரீசரில் மூன்று மணி நேரம் வைத்து, செட் ஆன பின் எடுத்தால்... டபிள் ஃப்ரூட் பாப்சிகல் ரெடி.

குறிப்பு: பாப்சிகல் மோல்டுகளை குழாய் நீரில் காட்டினால் பாப்சிகலை எளிதாக வெளியே எடுக்க வரும்.

படங்கள்: சொ.பாலசுப்ரமணியன்


அட்டைப்படம்: தி.குமரகுருபரன்