Published:Updated:

நெடுஞ்சாலை உணவுகள் - ஸ்டார் ஹோட்டல் ரெசிப்பி

ஒட்டுமொத்த விகடனுக்கும் ஒரே ஷார்ட்கட்

Use App
நெடுஞ்சாலை உணவுகள் - ஸ்டார் ஹோட்டல் ரெசிப்பி
நெடுஞ்சாலை உணவுகள் - ஸ்டார் ஹோட்டல் ரெசிப்பி

எம்.ஆர்.ஷோபனா, படங்கள்: கே.ராஜசேகரன்

பிரீமியம் ஸ்டோரி
நெடுஞ்சாலை உணவுகள் - ஸ்டார் ஹோட்டல் ரெசிப்பி

தொலைதூரப் பயணம் செய்யும்போது, நெடுஞ்சாலைகளில் உள்ள ஹோட்டல், சாப்பாட்டுக் கடைகளில் குடும்பமாகவோ, கும்பலாகவோ இறங்கி, பசிக்கும் ருசிக்குமாக பரபரபவென்று சுவைத்து மகிழும் அனுபவமே அலாதிதான். அப்படி நெடுஞ்சாலை உணவகங்களில்  கிடைக்கும் சூப்பர் டேஸ்ட்டில் அசத்தும் டிஷ்கள் சிலவற்றை நமக்காகத் தயாரித்து அளிக்கிறார்  ‘க்ரவுன் பிளாசா’ ரெஸ்டாரென்ட்டின் செஃப் தேவ்குமார்.

நெடுஞ்சாலை உணவுகள் - ஸ்டார் ஹோட்டல் ரெசிப்பி

வெஜிடபிள் நூடுல்ஸ்

தேவையானவை:
ரெடிமேட் எக் நூடுல்ஸ் - 250 கிராம்
நறுக்கிய முட்டைகோஸ் - 50 கிராம்
நறுக்கிய கேரட் - 30 கிராம்
நறுக்கிய வெங்காயம் - 30 கிராம்
நறுக்கிய வெங்காயத்தாள் - 15 கிராம்
நறுக்கிய குடமிளகாய் - 25 கிராம்
வெள்ளை மிளகுத்தூள் - தேவையான அளவு
சோயா சாஸ் - ஒரு டீஸ்பூன்
சர்க்கரை - ஒரு சிட்டிகை
எண்ணெய் - 25 மில்லி
உப்பு - தேவையான அளவு

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
நூடுல்ஸைத் தண்ணீரில் போட்டுக் கொதிக்கவைக்கவும். பிறகு தண்ணீரை வடிகட்டி, நூடுல்ஸைத் தனியாக எடுக்கவும். வாணலியில் எண்ணெய்விட்டு, நறுக்கிய வெங்காயம், கேரட், முட்டைகோஸ், குடமிளகாய் ஆகியவற்றை வதக்கவும். பிறகு, நூடுல்ஸ், உப்பு, வெள்ளை மிளகுத்தூள், சோயா சாஸ், சர்க்கரை சேர்த்துக் கிளறவும். வெங்காயத்தாள் கொண்டு அலங்கரித்துப் பரிமாறவும்.

தாபா தால் தட்கா (Dhaba Dal Tadka)

தேவையானவை:
துவரம்பருப்பு - 200 கிராம்
வெங்காயம் - 200 கிராம் (நறுக்கவும்)
தக்காளி - 100 கிராம் (நறுக்கவும்)
நெய் - 100 கிராம் (அல்லது தேவைக்கேற்ப)
சீரகம் - 10 கிராம்
காய்ந்த மிளகாய் - 10 கிராம்
நறுக்கிய பூண்டு - 50 கிராம்
கறுப்பு உளுந்து - 200 கிராம்
மிளகாய்த்தூள் - 20 கிராம்
மஞ்சள்தூள் - சிறிதளவு
மல்லித்தூள் (தனியாத்தூள்) - 10 கிராம்
நறுக்கிய கொத்தமல்லித்தழை - சிறிதளவு
உப்பு - தேவையான அளவு

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
துவரம்பருப்பு, உளுத்தம்பருப்பை வேகவைத்துக் கொள்ளவும். ஒரு பாத்திரத்தில் நெய்விட்டு, சூடானதும், சீரகத்தையும் காய்ந்த மிளகாயையும் சேர்க்கவும்.

சீரகம் பொரிந்ததும் நறுக்கிய பூண்டு, வெங்காயம், தக்காளி ஆகியவற்றைச் சேர்த்து வதக்கவும். அதன்பிறகு, மிளகாய்த்தூள், மஞ்சள்தூள், மல்லித்தூள், உப்பு சேர்க்கவும். வேகவைத்த பருப்பை, இதனுடன் சேர்த்து நன்றாகக் கலக்கவும். பின்னர், நறுக்கிய கொத்தமல்லித்தழைத் தூவிப் பரிமாறவும்.

ஹெர்ப் க்ரஸ்டட் ஃபிஷ் (Herb Crusted Fish)

தேவையானவை:
மீனின் சதைத் துண்டுகள் (fish fillet) - 200 கிராம்
 பிரெட்தூள் - 10 கிராம்
நறுக்கிய பார்ஸ்லே இலைகள் - 15 கிராம்
நறுக்கிய தைம் இலைகள் - சிறிதளவு
மிளகுத்தூள் - 10 கிராம்
எண்ணெய் - 50 மில்லி
அலங்கரிக்க...
கேரட் (சிறியது) - 3
லெட்யூஸ் இலைகள் - 15 கிராம்
ஆலிவ் ஆயில் - 15 மில்லி
மிகச் சிறிய முட்டை கோஸ் (சூப்பர் மார்க்கெட்டில் கிடைக்கும்) - 4
உப்பு, மிளகுத்தூள் - தேவையான அளவு

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
வாணலியில் பிரெட்தூள், நறுக்கிய பார்ஸ்லே, தைம், உப்பு மற்றும் மிளகுத்தூள் சேர்த்துக் கலவையாக வைத்துக்கொள்ளவும். இக்கலவையை மீனின் மீது பூசி, லேசாக வறுத்துக்கொள்ளவும். பிறகு, நறுக்கிய கேரட், லெட்யூஸ் மற்றும் குட்டி முட்டைகோஸைத் தண்ணீரில் வேகவைக்கவும்.

தவாவில் ஆலிவ் ஆயில் ஊற்றி, வேகவைத்த கேரட், லெட்யூஸ் மற்றும் குட்டி முட்டைகோஸைச் சேர்த்து நன்கு வதக்கி, உப்பு மற்றும் மிளகுத்தூள் சேர்த்து மேலும் வதக்கவும். மீனைத் தனியாக  ‘மைக்ரோவேவ் அவனி’ல் வைத்து ‘கிரில்’ செய்துகொள்ளவும். கிரில் செய்த மீனுடன் வதக்கியக் காய்கறிக் கலவையைச் சேர்த்துப் பரிமாறவும்.

கொத்து பரோட்டா

தேவையானவை: 

பரோட்டாவுக்கு...
மைதா மாவு - 500 கிராம்
பேக்கிங் பவுடர் - ஒரு சிட்டிகை
தண்ணீர் - 180 மில்லி
கிரேவிக்கு...
வெங்காயம் - 250 கிராம் (நறுக்கவும்)
தக்காளி  - 100 கிராம் (நறுக்கவும்)
மிளகாய்த்தூள், மல்லித்தூள் (தனியாத்தூள்), மஞ்சள்தூள் - தலா ஒரு டீஸ்பூன்
மிளகுத்தூள் - தேவையான அளவு
எண்ணெய் - 20 மில்லி
உப்பு - சிறிதளவு
தாளிக்க...
நறுக்கிய வெங்காயம் - 50 கிராம்
நறுக்கிய தக்காளி - 30 கிராம்
பெருஞ்சீரகம்  - ஒரு டீஸ்பூன்
மிளகாய்த்தூள் - ஒரு டீஸ்பூன்
கறிவேப்பிலை - சிறிதளவு
எண்ணெய், உப்பு - தேவையான அளவு

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
ஒரு பாத்திரத்தில் தண்ணீர் எடுத்துக்கொண்டு, அதனுடன் மைதா மாவையும், பேக்கிங் பவுடரையும் சேர்ந்து நன்கு கலந்து பிசையவும். ஒரு மணி நேரம் ஊறவைக்கவும். பிறகு, இந்த மாவை, உருண்டைகளாக்கி பரோட்டாக்களாகத் திரட்டி, சுட்டு எடுக்கவும். 

பிறகு, வாணலியில் எண்ணெய்விட்டு வெங்காயம், தக்காளி, மிளகாய்த்தூள், மஞ்சள்தூள், மல்லித்தூள் சேர்த்துக்கொள்ளவும். இதனுடன் சிறிதளவு தண்ணீர்விட்டு, உப்பு மற்றும் மிளகுத்தூள் சேர்த்து கிரேவியாக செய்துகொள்ளவும். 

தவாவில் எண்ணெய்விட்டு பெருஞ்சீரகம், கறிவேப்பிலை தாளித்து, வெங்காயம், தக்காளி சேர்த்து வதக்கவும். பிறகு மிளகாய்த்தூள், உப்பு, பிய்த்த பரோட்டா சேர்த்துக் கொத்திக்கொத்திக் கிளறவும்.  பின்னர், அதன்மேல் கொத்தமல்லித்தழைத் தூவிப் பரிமாறவும்.

வெஜிடபிள் ஃப்ரைடு ரைஸ்

தேவையானவை:
நறுக்கிய வெங்காயம் - 20 கிராம்
நறுக்கிய செலரி இலைகள் - 10 கிராம்
நறுக்கிய கேரட் - 15 கிராம்
வேகவைத்த சாதம் - 300 கிராம்
நறுக்கிய பீன்ஸ் - 15 கிராம்
நறுக்கிய பூண்டு - 10 கிராம்
நறுக்கிய முட்டைகோஸ் - 30 கிராம்
நறுக்கிய வெங்காயத்தாள் - 15 கிராம்
சோயா சாஸ் - ஒரு டேபிள்ஸ்பூன்
எண்ணெய் - 30 மில்லி
வெள்ளை மிளகுத்தூள், உப்பு - தேவையான அளவு

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
வாணலியில் எண்ணெய் ஊற்றி, நறுக்கிய கேரட், வெங்காயம், செலரி, முட்டைகோஸ் மற்றும் பீன்ஸை நன்றாக வேகும்வரை வதக்கவும். அதனுடன் பூண்டு, உப்பு, வெள்ளை மிளகுத்தூள், சோயா சாஸ், வெங்காயத்தாள் சேர்த்து வதக்கவும். வேகவைத்த சாதத்தை ஆறவிடவும். பிறகு அதனுடன் வதக்கியக் கலவையைச் சேர்த்துக் கிளறி பரிமாறவும். 

ஜிலேபி வித் லச்சா ரபடி

தேவையானவை:
எண்ணெய் – தேவையான அளவு
ஜிலேபி செய்ய...
மைதா மாவு – அரை கிலோ
பேக்கிங் பவுடர் – ஒரு சிட்டிகை
தண்ணீர் – 250 மில்லி
சமையல் சோடா – ஒரு சிட்டிகை
பாகு செய்ய...
குங்குமப்பூ – ஒரு கிராம்
சர்க்கரை – அரை கிலோ
ரபடி செய்ய...
பால் – 2 லிட்டர்
சர்க்கரை – 200 கிராம்

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
மைதா மாவுடன் பேக்கிங் பவுடர், தண்ணீர், சமையல் சோடா சேர்த்துக் கரைத்து 12 மணி நேரம்  ஊறவைக்கவும். அடிகனமான பாத்திரத்தில் பாலுடன் சர்க்கரை சேர்த்து, கெட்டியாகும் வரை சிறு தீயில் வைத்துக் கொதிக்கவிடவும். இதுவே ரபடி. பாகு செய்ய கொடுத்துள்ள சர்க்கரையுடன் மூழ்கும் அளவு தண்ணீர்விட்டு குங்குமப்பூ சேர்த்துப் பிசுக்குப் பதத்துக்குப் பாகு வைத்து இறக்கவும். வாணலியில் எண்ணெயைக் காயவிட்டு, மைதா மாவை சிறிய ஜிலேபிகளாகப் பிழிந்து வேகவிட்டு எடுக்கவும். பிறகு, பொரித்த ஜிலேபிகளைச் சர்க்கரை பாகில் சிறிது நேரம் ஊறவைத்து எடுக்கவும். சூடாக ரபடியுடன் பரிமாறவும்.

மசாலா கொழுக்கட்டை

தேவையானவை:
பச்சரிசி மாவு - அரை கிலோ
ரவை - 100 கிராம்
தண்ணீர் - 200 மில்லி
சமையல் சோடா - ஒரு சிட்டிகை
உப்பு - சிறிதளவு
தாளிக்க:
பொடியாக நறுக்கிய
சின்ன வெங்காயம் - 50 கிராம்
பொடியாக நறுக்கிய
கொத்தமல்லித்தழை - 2 டேபிள்ஸ்பூன்
பொடியாக நறுக்கிய
கறிவேப்பிலை - ஒரு டேபிள்ஸ்பூன்
கடுகு, சீரகம் - தலா ஒரு டீஸ்பூன்
எண்ணெய் - 40 மில்லி

நெடுஞ்சாலை உணவுகள் - ஸ்டார் ஹோட்டல் ரெசிப்பி

செய்முறை:
அடுப்பில் கடாயை வைத்து, பச்சரிசி மாவு மற்றும் ரவையை தனித்தனியாக வறுத்தெடுத்து பிறகு ஆறவிடவும். மற்றொரு கடாயில் தண்ணீர் ஊற்றிச் சுடவைக்கவும். இதில் வறுத்து வைத்த பச்சரிசி மாவு, ரவை, ஒரு சிட்டிகை சமையல் சோடா, சிறிதளவு உப்பு சேர்த்து வேகவிடவும். கலவை வெந்து வந்ததும் இறக்கி ஆறவிடவும். அடுப்பில் வாணலியை வைத்து, எண்ணெய்விட்டு சூடானதும் தாளிக்க வேண்டியதைச் சேர்த்துத் தாளிக்கவும். இதை வெந்த பச்சரிசி - ரவை கலவையில் ஊற்றிக் கிளறிவிடவும். ஆறியதும் சிறிய உருண்டைகளாகப்  பிடித்து விரல்களால் அழுத்திவிடவும். பிறகு உருண்டைகளை இட்லி குக்கரில் வைத்து ஆவியில் வேகவிட்டு எடுத்து, தேங்காய் சட்னியுடன் பரிமாறவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு