Published:Updated:

காலிஃப்ளவர் கோரிஸன்ட்ஸ்

விகடன் விமர்சனக்குழு

சண்டே கிச்சன் மீனா சுதிர் - படங்கள் : ப.சரவணகுமார்

பிரீமியம் ஸ்டோரி
காலிஃப்ளவர் கோரிஸன்ட்ஸ்

தேவையானவை:

மைதா மாவு – ஒரு கப்
காய்ச்சி ஆறவைத்த பால் – அரை கப்
வெண்ணெய் – 2 டேபிள்ஸ்பூன்
பேக்கிங் பவுடர் – அரை டீஸ்பூன்
உப்பு – தேவையான அளவு

ஃபில்லிங் செய்ய:

காலிஃப்ளவர் துருவல் – ஒரு கப்
பொடியாக நறுக்கிய குடமிளகாய் – அரை கப்
ஸ்வீட் கார்ன் முத்துகள் – ஒரு டீஸ்பூன்
ரெட் சில்லி ஃப்ளேக்ஸ் – ஒரு டீஸ்பூன்
சீரகத்தூள் – ஒரு டீஸ்பூன்
இஞ்சி - பூண்டு விழுது – ஒரு டீஸ்பூன்
உப்பு – தேவையான அளவு

செய்முறை:

மைதா மாவுடன் பால், பேக்கிங் பவுடர், உப்பு, சிறிதளவு வெண்ணெய் சேர்த்துக் கெட்டியாகப் பிசையவும். வாணலியில் சிறிதளவு வெண்ணெய்விட்டு உருக்கி, ஃபில்லிங் செய்ய கொடுத்துள்ள பொருள்களைச் சேர்த்து வதக்கி ஆறவிடவும்.

காலிஃப்ளவர் கோரிஸன்ட்ஸ்

மாவை உருண்டைகளாக்கவும். ஓர் உருண்டையைப் பெரிய வட்டமாகத் தேய்க்கவும். அதன்மீது சிறிதளவு வெண்ணெய் தடவி மைதா தூவவும். இதன் ஒரு பாதியை மையப் பகுதியை நோக்கி மடிக்கவும். இரண்டாவது பகுதியையும் அதேபோல் மடிக்கவும். வலது பக்கத்திலிருந்து இடது பக்கமாக, இடது பக்கத்திலிருந்து வலது பக்கமாகக் கிடைமட்டமாக (horizantal) மடிக்கவும். இப்போது சதுர வடிவம் கிடைக்கும். பிறகு, மீண்டும் இதைப் பெரிய சதுரமாகத் தேய்த்து, குறுக்காக வெட்டி மெல்லிய முக்கோண வடிவத் துண்டுகளாக்கவும்.அதன் அகலமான ஓரத்தில் சிறிதளவு ஃபில்லிங்கை வைத்துப் பிறை நிலா வடிவில் உருட்டி, ஓரங்களை லேசாக வளைத்து நிலா வடிவில் செய்யவும். இதேபோல் எல்லா உருண்டைகளையும் செய்துகொள்ளவும். இவற்றை வெண்ணெய் தடவிய பேக்கிங் ட்ரேயில் இடைவெளிவிட்டு அடுக்கவும். பிறகு 180 டிகிரி ப்ரீஹீட் செய்த அவன் (oven) உள்வைத்து 20 நிமிடங்கள் `பேக்’ செய்து எடுக்கவும். மேலே சிறிதளவு வெண்ணெய் தடவி, தக்காளி சாஸ் அல்லது மயோனைஸுடன் பரிமாறவும்.

இன்னும் பல சுவையான ரெசிப்பிகள்...

காலிஃப்ளவர் கோரிஸன்ட்ஸ்
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு