Published:Updated:

அசத்துது... ஆலூ சுஜி பீட்டா !

படங்கள்: வி.செந்தில்குமார்

அசத்துது... ஆலூ சுஜி பீட்டா !

படங்கள்: வி.செந்தில்குமார்

Published:Updated:

 வாசகிகள் கைமணம்

 ஆலூ சுஜி பீட்டா

##~##

ஒட்டுமொத்த விகடனுக்கும் ஒரே ஷார்ட்கட்!

தேவையானவை: உருளைக்கிழங்கு, சர்க்கரைவள்ளிக் கிழங்கு  - தலா கால் கிலோ, மைதா மாவு - 2 டீஸ்பூன், ரவை, தேங்காய் துருவல் - தலா ஒரு கப், பொடித்த வெல்லம் - அரை கப், ஏலக்காய்த்தூள் - அரை டீஸ்பூன், நெய் - ஒரு டீஸ்பூன், எண்ணெய் - தேவையான அளவு

செய்முறை: உருளைக்கிழங்கு, சர்க்கரைவள்ளிக் கிழங்கு இரண்டையும் நன்கு வேக வைத்து தோல் உரித்து மசித்துக் கொள்ளவும். அதனுடன் மைதா மாவு சேர்த்து நன்கு பிசையவும். கடாயில் 2 கப் தண்ணீர் விட்டு,  அரை டீஸ்பூன் நெய் சேர்த்து கொதிக்க விடவும். கொதிக்க ஆரம்பித்ததும் ரவையை சிறிது சிறிதாகச் சேர்த்து நன்கு கிளறி, அடுப்பை 'சிம்’மில் வைத்து, 5 நிமிடம் மூடி வைத்து இறக்கவும். இதை, பிசைந்த கிழங்கு - மைதா கலவையுடன் சேர்த்து நன்கு பிசைந்து கொள்ளவும். சிறிய எலுமிச்சை அளவு மாவை எடுத்து சிறு சிறு கிண்ணம் போல் செய்யவும்.

தேங்காய் துருவல், வெல்லம் இரண்டையும் சேர்த்து அடுப்பில் வைத்துக் கிளறி, அரை டீஸ்பூன் நெய்விட்டு சுருண்டு வரும் பதத்தில் இறக்கி, ஏலக்காய்த்தூள் தூவி கலக்கவும். ஆறிய பிறகு சிறு சிறு உருண்டையாக உருட்டி வைக்கவும். கிண்ணம் போல் செய்த மாவின் நடுவில் தேங்காய் - வெல்லம் உருண்டையை வைத்து நன்கு மூடிவிடவும். இதேபோல் ஒவ்வொரு உருண்டை யையும் தயார் செய்யவும். கடாயில் எண்ணெயைக் காய வைத்து, உருண்டைகளை பொன்னிறமாக பொரித்து எடுக்கவும். சுவையான ஆலூ சுஜி பீட்டா ரெடி!

அசத்துது... ஆலூ சுஜி பீட்டா !

- செ.கலைவாணி, மேட்டூர் அணை

பனீர்  பேபிகார்ன் ரோல்

தேவையானவை: பனீர் - 100 கிராம், பேபிகார்ன் சீவிய தூள் - ஒரு கப்,       மஞ்சள்தூள் - கால் டீஸ்பூன், மிளகாய்த்தூள், சாட் மசாலா - தலா அரை டீஸ்பூன், நறுக்கிய வெங்காயம் -  ஒரு கப், கொத்தமல்லி - சிறிதளவு, எண்ணெய், உப்பு - தேவையான அளவு.

பூரி மாவு தயாரிக்க: மைதா மாவு, கோதுமை மாவு - தலா ஒரு கப், ரவை - ஒரு டீஸ்பூன், எண்ணெய், உப்பு - சிறிதளவு

அசத்துது... ஆலூ சுஜி பீட்டா !

செய்முறை: கடாயில் எண்ணெய் விட்டு நறுக்கிய வெங்காயம் சேர்த்து வதக்கவும். பிறகு பேபி கார்ன் சீவிய தூள் சேர்த்து வதக்கி, மஞ்சள்தூள், மிளகாய்த்தூள், சாட் மசாலா, உப்பு சேர்த்துக் கலந்து, துருவிய பனீர் போட்டு கலந்து கொள்ளவும். இறுதியாக கொத்தமல்லி தூவி கலந்து கொள்ள... ஃபில்லிங் மசாலா ரெடி!

பூரி மாவுக்கு கொடுத்துள்ளவற்றை பிசைந்து மெல்லிய பூரிகளாகத் தேய்த்து, நடுவில் பாதி அளவில் ஃபில்லிங் மசாலாவை வைத்து, இறுக்கமாக ரோல் செய்யவும். பிறகு ரோலின் இருபுறமும் கொஞ்சம் நறுக்கி இரு ஓரங்களையும் நன்கு அழுத்தி ஒட்டவும். கடாயில் எண்ணெயைக் காய வைத்து, தயார் செய்துள்ள மசாலா ரோலைப் போட்டு பொன்னிறமாகப் பொரித்து எடுக்கவும். இதைப் போல எல்லாவற்றையும் தயார் செய்து பொரித்து எடுக்கவும்.

இதற்கு தொட்டுக் கொள்ள சட்னி, தக்காளி கெட்சப் சிறந்த சைட் டிஷ்.  

- ஜெயலஷ்மி, புதுச்சேரி

வாசகிகளின் குறிப்புகளைத் தேர்ந்தெடுத்து, சமைத்து, ருசித்து, சர்டிஃபிகேட் தந்திருப்பவர் 'சுவையரசி’ சாந்தி விஜயகிருஷ்ணன். அவருடைய கமென்ட்ஸ்...

ஆலூ சுஜி பீட்டா: தேங்காய் துருவலுக்குப் பதிலாக, கொஞ்சம் கோவா மற்றும் முந்திரித் துண்டுகள் சேர்த்தால் 'ரிச்’சான சுவையுடன் இருக்கும்.

பனீர் - பேபிகார்ன் ரோல்: பனீரை துருவாமல் சிறிய ஸ்லைஸ்களாக்கி மசாலா உடன் கலந்தால் மேலும் ருசியாக இருக்கும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism