Published:Updated:

பராத்தா பல வகை!

பராத்தா பல வகை!
பிரீமியம் ஸ்டோரி
பராத்தா பல வகை!

கிச்சன் பேஸிக்ஸ்விசாலாட்சி இளையபெருமாள் - படங்கள் : லக்ஷ்மி வெங்கடேஷ்

பராத்தா பல வகை!

கிச்சன் பேஸிக்ஸ்விசாலாட்சி இளையபெருமாள் - படங்கள் : லக்ஷ்மி வெங்கடேஷ்

Published:Updated:
பராத்தா பல வகை!
பிரீமியம் ஸ்டோரி
பராத்தா பல வகை!
பராத்தா பல வகை!

ணவுகள் பல வகை. ஸ்டஃப் செய்யப்பட்ட உணவுகள் அதில் ஒரு வகை. ஸ்டஃப்பிங் உணவுகளில் பராத்தாவுக்குத் தனி இடம் உண்டு. சாப்பிட அழைக்கும்போது சுவாரஸ்யம் இல்லாமல் திரும்பிப் பார்க்கும் குடும்ப உறுப்பினர்கள்கூட, `பராத்தா பண்ணியிருக்கேன்’ என்று குரல் கொடுத்தால், `சட்’ என்று டைனிங் டேபிளில் வந்து உட்கார்ந்துவிடுவார்கள். அந்த அளவுக்குச் சுண்டியிழுக்கும் சுவைகொண்ட பராத்தாவில் பலப்பல வகைகளைச் செய்ய இந்த இதழ் `கிச்சன் பேஸிக்ஸ்’ பகுதியில் கற்றுக்கொள்வோம்... குடும்பம், உறவு, நட்பு வட்டத்தைச் சேர்ந்தவர்களுக்குச் செய்து பரிமாறி குஷிப்படுத்துவோம்.

பராத்தா பல வகை!

ஒட்டுமொத்த விகடனுக்கும் ஒரே ஷார்ட்கட்!

ஸ்டஃப்டு பராத்தா

கோதுமை, உப்பு மற்றும் ஒரு டேபிள் ஸ்பூன் எண்ணெய் சேர்த்து சப்பாத்தி மாவுப் பதத்துக்குப் பிசைந்து அரை மணி நேரமாவது மூடிவைத்து ஊறவிடவும்.

செய்முறை – I

பிசைந்து வைத்த கோதுமை மாவைச் சப்பாத்திக்குச் செய்வது போல உருண்டைகளாக உருட்டி வைத்துக் கொள்ளவும். ஓர் உருண்டை கோதுமை மாவை எடுத்துக் குழவியால் பூரி அளவில் இடவும். அதன் மத்தியில் ஒன்று அல்லது ஒன்றரை டேபிள்ஸ்பூன் கலவையை வைத்து ஓரங்களை இழுத்து மூடவும். நன்றாக மூடியவுடன் கையால் தட்டி, பின்னர் பராத்தாவை உலர் மாவில் புரட்டி (தோய்த்து) எடுத்துக் குழவியால் மெதுவாகத் திரட்டவும். முடிந்தவரை உள்ளே வைத்திருக்கும் கலவை வெளியே வராமல் திரட்டவும்.

பராத்தா பல வகை!

செய்முறை – II

பிசைந்து வைத்த கோதுமை மாவைச் சப்பாத்திக்குச் செய்வது போல உருண்டைகளாகச் உருட்டி வைத்துக் கொள்ளவும். இரண்டு உருண்டை கோதுமை மாவை எடுத்துக் குழவியால் 5 அங்குலம் அகலம் (விட்டம்) உள்ள மெல்லிய சப்பாத்தியாக இடவும். ஒரு சப்பாத்தியின் நடுவில் 2 டேபிள்ஸ்பூன் மசாலாவைப் பரப்பவும். ஓரங்களில் சுற்றிலும் கால் அங்குலம் இடைவெளி இருக்க வேண்டும். ஓரங்களில் சிறிது தண்ணீர் தடவி மற்றொரு சப்பாத்தியை அதன் மீது வைத்து ஒன்றோடு ஒன்றை ஒட்டிவிடவும். நன்றாக ஒட்டியவுடன் உலர் மாவில் புரட்டி எடுத்துக் கையால் சற்று அழுத்தி, பின்னர் குழவியால் மெதுவாகச் சற்று பெரிய பராத்தாவாக கவனமாகத் திரட்டவும். ஓரங்கள் பிரிந்து வராமல் இருக்க வேண்டும்.

பராத்தா பல வகை!

பராத்தாக்களின் ஸ்டஃப்பிங் செய்முறை

ஆலூ பராத்தா – I / காலிஃப்ளவர் பராத்தா / பனீர் பராத்தா / வெங்காய பராத்தா / புரோக்கோலி பனீர் பராத்தா / ஆலிவ் சீஸ் பராத்தா / ஸ்வீட் கார்ன் பராத்தா

ஒரு பாத்திரத்தில் தேவையான காய்கறி / கீரை, கொத்தமல்லித்தழை, இதர பொருள்கள் மற்றும் உப்பு சேர்த்துக் கலந்து வைத்துக்கொள்ளவும்.

குறிப்பு: ஸ்வீட் கார்னை டிஃப்ராஸ்ட் செய்து ஒன்றிரண்டாக மிக்ஸியில் அரைத்துப் பயன்படுத்தவும்.

ஆலூ பராத்தா – II

ஒரு வாணலியில் எண்ணெய் ஊற்றி இஞ்சி - பூண்டு விழுது, மஞ்சள்தூள் சேர்த்து பச்சை வாசனை போகும்வரை வதக்கவும். மசித்த உருளைக்கிழங்கு, வறுத்து அரைத்த சீரகத்தூள், ஓமம், மிளகாய்த்தூள், கரம் மசாலாத்தூள் மற்றும் உப்பு சேர்த்து, எல்லாம் சேர்ந்து வரும் வரை வதக்கி ஆறவைக்கவும்.

பராத்தா பல வகை!

கேரட் பராத்தா, பீட்ரூட் பராத்தா

ஒரு வாணலியில் எண்ணெய் ஊற்றி வெங்காயம் சேர்த்து வதக்கவும். காய்கறி, பச்சை மிளகாய் மற்றும் உப்பு சேர்த்து வதக்கவும். கொத்தமல்லித்தழை சேர்த்துக் கிளறி இறக்கி ஆறவைக்கவும்.

பராத்தா பல வகை!

முட்டைகோஸ் பராத்தா, ஆலூ பராத்தா – III

ஒரு வாணலியில் எண்ணெய் ஊற்றி மஞ்சள்தூள், வெங்காயம் மற்றும் தக்காளி சேர்த்து வதக்கவும். அதனுடன் காய்கறி மற்றும் உப்பு சேர்த்து வதக்கவும். மிளகாய்த்தூள், கரம் மசாலாத்தூள் சேர்த்து பச்சை வாசனை போகும்வரை வதக்கி ஆறவைக்கவும்.

பராத்தா பல வகை!

தால் பராத்தா

ஒரு வாணலியில் எண்ணெய் ஊற்றி இஞ்சி - பூண்டு விழுது, மஞ்சள்தூள், வெங்காயம் மற்றும் தக்காளி சேர்த்து வதக்கவும். மிளகாய்த்தூள், கரம் மசாலாத்தூள், சீரகத்தூள் சேர்த்து பச்சை வாசனை போகும் வரை வதக்கவும். மலர வேகவைத்த பருப்பு மற்றும் கொத்தமல்லித்தழை சேர்த்துக் கிளறி இறக்கி ஆறவைக்கவும்.

பராத்தா பல வகை!

பீஸ் பராத்தா

பச்சைப் பட்டாணியை வேகவைத்து, பச்சை மிளகாயுடன் சேர்த்து ஒன்றிரண்டாக அரைத்துக்கொள்ளவும். ஒரு வாணலியில் எண்ணெய் ஊற்றி மஞ்சள்தூள் மற்றும் அரைத்த விழுதைச் சேர்த்து வதக்கவும்.

சீரகத்தூள் சேர்த்து பச்சை வாசனை போகும்வரை வதக்கவும். கொத்தமல்லித் தழை சேர்த்துக் கிளறி ஆறவைக்கவும்.

பராத்தா பல வகை!

சோயா பராத்தா

ஒரு பாத்திரத்தில் தண்ணீரைக் கொதிக்க வைத்து சோயா கிரானூல்ஸ் மற்றும் ஒரு டீஸ்பூன் உப்பு சேர்த்து மூடிவைத்து 10 நிமிடங்கள் ஊறவைக்கவும். பிறகு பிழிந்து எடுத்து இருமுறை தண்ணீரில் அலசிப் பிழிந்து வைத்துக்கொள்ளவும். ஒரு வாணலியில் சிறிதளவு எண்ணெயைக் காயவைத்து இஞ்சி - பூண்டு விழுது மற்றும் மஞ்சள்தூள் சேர்த்து வதக்கி பச்சை வாசனை போன பிறகு வெங்காயம் சேர்த்து நன்கு வதக்கவும். வதங்கியதும் கால் கப் தண்ணீரில் சீரகத்தூள் மற்றும் மிளகாய்த்தூளைக் கரைத்துச் சேர்க்கவும். எண்ணெய் பிரிந்து வந்ததும் நன்கு உதிர்த்த சோயா கிரானுல்ஸ், உப்பு சேர்த்து, சிறிதளவு தண்ணீர் தெளித்துக் கிளறி, மிதமான சூட்டில் மூடிவைத்து வேகவைக்கவும்.

பராத்தா பல வகை!