Published:Updated:

ஆஹா ஓஹோ ருசியில் அடுக்கு பராத்தா!

ஒட்டுமொத்த விகடனுக்கும் ஒரே ஷார்ட்கட்

Use App
ஆஹா ஓஹோ ருசியில் அடுக்கு பராத்தா!
ஆஹா ஓஹோ ருசியில் அடுக்கு பராத்தா!

கிச்சன் பேசிக்ஸ்விசாலாட்சி இளையபெருமாள் - படங்கள், வீடியோக்கள் : லக்ஷ்மி வெங்கடேஷ்

பிரீமியம் ஸ்டோரி

குழந்தைகள் முதல் பெரியவர்கள் வரை அனைவருக்கும் சாதாரண சப்பாத்தி சாப்பிடுவதைவிட அடுக்கு பராத்தா அல்லது ஸ்டஃப்டு பராத்தாக்கள் சாப்பிடுவது மிகவும் பிடிக்கும். சென்ற இதழ்களில் விதவிதமான ஸ்டஃப்டு பராத்தாக்கள் செய்யும் விதத்தைப் பார்த்து வந்துள்ளோம். இந்த இதழில் அடுக்கு பராத்தாக்கள் செய்யும் விதம் பற்றி பார்ப்போம்.

அடுக்கு பராத்தாக்களை வடநாட்டில் `லச்சா பராத்தா’ என அழைப்பார்கள்;  நாம் `புரோட்டா’ என அழைக்கிறோம்; கேரளாவில் `மலபார் பொரோட்டா’ என அழைக்கப்படுகிறது; இன்னும் பிற மாநிலங்களில் `ஃபேனி பரான்தா’, `காயின் பரான்தா' என்றும் அழைக்கப்படுகிறது. இதற்குப் பல பெயர் இருப்பது மாதிரி செய்முறைகளும் ஏராளம். அதில் சிலவற்றை இங்கு காண்போம்.

ஆஹா ஓஹோ ருசியில் அடுக்கு பராத்தா!

அடுக்கு பராத்தாக்களைச் செய்வதற்கு அதிகமாக மைதாவைப் பயன்படுத்தினாலும் கோதுமையும் உபயோகிப்பது உண்டு. இப்போது சில ஆண்டுகளாகச் சிறு தானியங்களிலும் செய்யப்படுகின்றன.

நாம் இங்கே அதிகமாக கோதுமையைப் பயன்படுத்தி செய்யலாம். மைதாவைக் குறைவாக உபயோகிப்போம்.

தேவையானவை: கோதுமை மாவு – ஒரு கப் + 4 டேபிள்ஸ்பூன், எண்ணெய் – 3 டேபிள்ஸ்பூன், எண்ணெய் / நெய் – மேலே தடவுவதற்கு மற்றும் சுட்டு எடுப்பதற்குத் தேவையான அளவு, சர்க்கரை – ஒரு டீஸ்பூன், உப்பு, தண்ணீர் – தேவைக்கேற்ப.

 விரும்பினால் ஒரு முட்டையைச் சேர்த்துக்கொள்ளலாம்.

ஆஹா ஓஹோ ருசியில் அடுக்கு பராத்தா!

முதன்முறையாக அடுக்கு பராத்தாக்கள் செய்ய முயற்சி செய்பவர்கள் அரை கப் கோதுமை மாவு மற்றும் அரை கப் மைதா மாவு என்று எடுத்துக்கொள்ளலாம். பிறகு பழகப் பழக மைதாவைக் குறைத்து கோதுமையைக் கூட்டிக்கொண்டே வரலாம். மைதா சேர்ப்பதற்குக் காரணம், அதில் இருக்கும் நெகிழும் தன்மை (gluten). கோதுமையில் நெகிழும் தன்மை குறைவாக இருப்பதால் மைதாவைச்

ஆஹா ஓஹோ ருசியில் அடுக்கு பராத்தா!

சேர்த்துக்கொண்டால் சற்று சுலபமாகச் செய்ய வரும். அடுக்கு பராத்தாக்கள் செய்யும் நுட்பத்தைக் கற்றுகொண்டபின் மைதாவைக் குறைத்து உபயோகிக்கலாம்.

மாவு பிசையும் விதம்: மாவில் உப்பு, சர்க்கரை சேர்த்துக் கலந்துகொள்ளவும். அதில் தண்ணீரைக் கொஞ்சம் கொஞ்சமாகச் சேர்த்து மிருதுவான சப்பாத்தி மாவு போல் பிசையவும். எண்ணெயை மாவில் ஊற்றிப் பிசைந்து குறைந்தபட்சம் அரை மணி நேரமாவது மாவை ஈரத் துணியால் மூடிவைத்து ஊறவிடவும். ஊறிய மாவை எடுத்து மறுபடியும் சற்று பிசைந்து நான்கு அல்லது ஆறு உருண்டைகளாக உருட்டி ஒரு தட்டில் வைத்து மேலே சிறிதளவு எண்ணெய் தடவி ஈரத் துணியால் மூடிவைக்கவும்.

உருண்டைகளை மெல்லிய சப்பாத்தி களாகத் தேய்த்துக்கொள்ளவும். எண்ணெய் / நெய்யை மேலே தடவி, ஒரு டீஸ்பூன் கோதுமை மாவைத் தூவவும்.

ஆஹா ஓஹோ ருசியில் அடுக்கு பராத்தா!

மேலே கொடுத்துள்ள முறைகளைப் பயன்படுத்தி செய்து வைத்திருக்கும் வட்டங்களைச் சற்றுக் கனமான பராத்தாவாக திரட்டுங்கள். தேவைப் பட்டால் எண்ணெய் தொட்டுக்கொண்டு திரட்டவும். மாவு வேண்டாம். இப்படிச் செய்த பராத்தாவை சூடான தோசைக்கல்லில் போட்டு மிதமான சூட்டில் நெய் அல்லது எண்ணெய் விட்டு வேகவைக்கவும். ஒருபக்கம் நன்கு வெந்ததும் திருப்பிப்போட்டு மறுபடியும் நெய் அல்லது எண்ணெய்விடவும். பொன்னிறமாக வந்ததும் தோசைக்கல்லில் இருந்து எடுத்து விருப்பப்பட்டால் மேலே வெண்ணெய் அல்லது நெய் தடவி, சூடாக இருக்கும்போதே இரண்டு பக்கத்தில் இருந்து தட்டினால் அடுக்குகள் அழகாக பிரிந்து வந்துவிடும். பிறகு விரும்பும் சைடிஷ் உடன் பரிமாறவும்.

இதுவரை நாம் பார்த்தது பிளெய்ன் பராத்தாக்களின் செய்முறை. இந்த பராத்தாக்களின் சுவையை எவ்வாறு காய்கறிகள் மற்றும் மசாலாக்கள் சேர்த்து அதிகரிப்பது என்பதை அடுத்த இதழில் காண்போம்.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 1

இருபக்கமும் பிடித்துக்கொண்டு விசிறியைப் போல மடித்துக்கொண்டு வட்டமாகச் சுருட்டி உள்ளங்கையால் அழுத்தி வைத்துக்கொள்ளவும். இதேபோல் மீதம் இருக்கும் மாவை வட்டங்களாக (circular discs) செய்து கொள்ளவும்.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 2

அரை அங்குலம் அகலம் உள்ள துண்டுகளாக நீளவாக்கில் வெட்டி, ஒன்றின் மேல் ஒன்றாக அடுக்கிக்கொள்ள வும். மெதுவாக அடுக்குகளை அழுத்தி, நீளவாக்கில் இழுக்க வேண்டும். இதை வட்டமாகச் சுருட்டி, ஒவ்வொரு துண்டையும் செங்குத்தாக நிறுத்தி உள்ளங்கையால் அழுத்தி வைத்துக் கொள்ளவும். இதேபோல் மீதம் இருக்கும் மாவை வட்டங்களாக (circular discs)செய்துகொள்ளவும்.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 3

சப்பாத்தியின் நடுவில் இருந்து ஓரம் வரை கத்தியால் ஒரு கீறல் (slit) கீறிக்கொள்ளவும். கீறலின் ஒரு பகுதியை உருட்டிக்கொண்டே மறு பகுதி வரை வரவும். இப்போது இது ஐஸ்க்ரீம் கோன் வடிவத்தில் தோற்றம் அளிக்கும். கோனின் மேல் பகுதியைச் சற்று விரித்துவிட்டு மேல் இருந்து கீழே உள்ளங்கையால் அழுத்தி வைத்துக்கொள்ளவும். இதே போல் மீதம் இருக்கும் மாவை வட்டங்களாக (circular discs) செய்துகொள்ளவும்.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 4

இந்த முறை செய்யும்போது எண்ணெயைத் தாராளமாகச் சப்பாத்தியின் மேல் தடவவும். பிறகு மிகவும் மெல்லிய துண்டுகளாக நீளவாக்கில் முழு சப்பாத்தியையும் வெட்டிக்கொள்ளவும். ஒரு கத்தியால் அல்லது ஒரு தோசைக்கரண்டியால் எல்லாத் துண்டுகளையும் ஒன்று சேர்க்கவும். மெதுவாக அடுக்குகளை அழுத்தி, நீளவாக்கில் இழுக்க வேண்டும். இதை வட்டமாகச் சுருட்டி உள்ளங்கையால் அழுத்தி வைத்துக்கொள்ளவும். இதே போல் மீதம் இருக்கும் மாவை வட்டங்களாக (circular discs) செய்துகொள்ளவும்.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 5

இந்த முறையில் பராத்தாக்கள் தயாரிப் பதற்கு மாவைச் சப்பாத்தி போல் திரட்டத் தேவையில்லை. உலர் கோதுமை மாவை ஒரு தட்டில் பரப்பி வைத்துக்கொள்ளவும். மாவைப் பிசைந்து ஊறவைத்துக்கொள்ளவும். தேன்குழல் செய்யும் கட்டை அல்லது கருவியில் மாவை வைத்து, தேன்குழல் போல் உலர் கோதுமை மாவில் பிழிந்துகொள்ளவும். ஒரு தேன்குழல் அளவு பிழிந்த உடன் அதை எடுத்து வட்டமாகச் சுற்றி வைத்துக்கொள்ள வும். மேலும் விவரங்களுக்கு இத்துடன் கொடுக்கப்பட்டிருக்கும் வீடியோ லிங்க்கை காணவும் இந்த முறையில் பராத்தாக்கள் செய்வது மிகவும் சுலபம்.

குறிப்பு: மாவில் மசாலா சேர்த்துச் செய்யும் பராத்தாக்களை இந்த முறையில் செய்ய இயலாது.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 6

சப்பாத்தியைப் பாதியாக மடித்து மேலே நெய்/எண்ணெய் தடவவும், அரை டீஸ்பூன் உலர் மாவு தூவவும். மீண்டும் நீளவாக்கில் பாதியாக மடிக்கவும். பிறகு மேலே நெய்/எண்ணெய் தடவவும். அரை டீஸ்பூன் உலர் மாவு தூவி நீளவாக்கில் பாதியாக மடிக்கவும். சப்பாத்தி அரை அங்குலம் அகலம் உள்ள நீள ஸ்ட்ரிப் (strip) ஆகும் வரை இதே போன்று மடித்துக்கொண்டே இருக்க வேண்டும். இதை வட்டமாகச் சுருட்டி, செங்குத்தாக நிறுத்தி உள்ளங்கையால் அழுத்தி வைத்துக்கொள்ளவும். இதேபோல் மீதம் இருக்கும் மாவை வட்டங்களாக (circular discs) செய்துகொள்ளவும்.

ஆஹா ஓஹோ ருசியில் அடுக்கு பராத்தா!

செய்முறை – அடுக்கு 7

இந்த முறையில் பராத்தாக்கள் தயாரிப் பதற்கு நான்கு அல்லது ஐந்து சப்பாத்திகளை ஒன்றன் மேல் ஒன்றாக வைத்து இன்னும் பெரிய சப்பாத்தியாகத் திரட்டவும். பிறகு ஒரு பக்கத்திலிருந்து ஆரம்பித்து, கடைசி வரை நன்கு கெட்டியாக உருட்டு வடிவம் போல் உருட்டிக்கொண்டே வரவும். பிறகு இதை எட்டு சம பாகங்களாக வெட்டிக்கொள்ளவும். ஒவ்வொன்றையும் செங்குத்தாக நிற்க வைத்து உள்ளங்கையால் அழுத்தி வைத்துக்கொள்ளவும். இதேபோல் மீதம் இருக்கும் மாவை வட்டங்களாக (circular discs) செய்துகொள்ளவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு