Published:Updated:

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

ஒட்டுமொத்த விகடனுக்கும் ஒரே ஷார்ட்கட்

Use App
உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்
உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

பிரீமியம் ஸ்டோரி
உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

மிளகு திப்பிலி மசாலா பால்

தேவை:      மிளகுத்தூள் - ஒரு டீஸ்பூன்,  பால் - 2 கப்,  திப்பிலித்தூள் - அரை டீஸ்பூன்,  மஞ்சள்தூள் - ஒரு சிட்டிகை,  பனங்கற்கண்டு (பொடித்தது) - 2 டேபிள்ஸ்பூன்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: அடிகனமான பாத்திரத்தில் பாலை ஊற்றிக் காய்ச்சவும். பால் பொங்கும் நேரம் அடுப்பைக் குறைந்த தீயில் வைத்து மிளகுத்தூள், திப்பிலித்தூள், மஞ்சள்தூள் சேர்த்துக் காய்ச்சி இறக்கி, அந்தச் சூட்டிலேயே பனங்கற்கண்டைப்போட்டு ஓர் ஆற்று ஆற்றி, அது கரைந்ததும் இளம்சூடாகப் பருகவும்.

சிறப்பு:    நமது சுவாச மண்டலத்தைக்காக்கும் அருமருந்தான இந்த மசாலா பாலைத் தினமும் இரவு தூங்கும்முன் அருந்துவது நல்லது.

பிஸ்கட் மில்க்கி ஐஸ்க்ரீம்

தேவை:       குளிர்ந்த ரெடிமேட் விப்பிங் க்ரீம் - அரை கப்  பிளெய்ன் பிஸ்கட் - 15 (மேரி பிஸ்கட், மில்க் பிக்கீஸ்)  ஃப்ரெஷ் க்ரீம் - கால் கப்  கண்டன்ஸ்டு மில்க் - 2 டேபிள்ஸ்பூன்  வெனிலா எசென்ஸ் - ஒரு துளி  செர்ரிப்பழம், வேஃபர் பிஸ்கட் - தேவைக்கேற்ப.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     பிஸ்கட்டுகளை உடைத்து மிக்ஸியில் போட்டுத் தூளாக்கிக்கொள்ளவும். விப்பிங் க்ரீமை வாய் அகன்ற பாத்திரத்தில் போட்டு நன்றாக விப் செய்யவும் (எலெக்ட்ரிக் பிளெண்டரால் விப் செய்யும்போது அதன் அளவு இரு மடங்காகும்). தண்ணீரை வடித்துவிட்டு, அதனுடன் ஃப்ரெஷ் க்ரீம் சேர்த்து அடிக்கவும். பிறகு கண்டன்ஸ்டு மில்க், பொடித்த பிஸ்கட் போட்டு அடித்து எடுத்து வெனிலா எசென்ஸ் சேர்த்துக் கிளறி காற்றுப்புகாத டப்பாவில் போட்டு, ஃப்ரீசரில் 8-10 மணி நேரம் வைத்து எடுக்கவும். இதை ஐஸ்க்ரீம் பவுலுக்கு மாற்றி செர்ரிப்பழம் வைத்து வேஃபர் பிஸ்கட் செருகி அலங்கரித்துப் பரிமாறவும்.

ஈஸி பால் பணியாரம்

தேவை:      பச்சரிசி - அரை கப்,  முழு உளுத்தம்பருப்பு - கால் கப்,  ஏலக்காய் - 3,  நாட்டுச்சர்க்கரை - அரை கப்,  பால் - ஒரு கப்,  தேங்காய்ப்பால் - அரை கப்,  உப்பு - சிறிதளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: அரிசி, உளுந்தை மூன்று மணி நேரம் நீரில் ஊறவைக்கவும். உப்பு சேர்த்து அரைத்து எடுத்து சிறுசிறு உருண்டைகளாக்கி அவற்றை எண்ணெயில் பொரித்தெடுத்துக்கொள்ளவும்.

அடிகனமான பாத்திரத்தில் பால் சேர்த்து, பொங்கிவரும் நேரம் அடுப்பைக் குறைந்த தீயில் வைத்து, ஏலக்காயை உடைத்துப் போட்டு நாட்டுச்சர்க்கரை சேர்த்துக் கிளறவும். அது கரைந்ததும் தேங்காய்ப்பால் ஊற்றி, ஒரு கொதி வந்ததும் அடுப்பை நிறுத்தவும். இதில் பொரித்த பணியாரத்தைப் போட்டுக் கிளறி, அரை மணி நேரம் மூடி வைத்து, பிறகு பரிமாறவும்.

சுரைக்காய் பால் பாயசம்

தேவை:      தோல் சீவி, துருவிய சுரைக்காய் - ஒரு கப்  கண்டன்ஸ்டு மில்க் - அரை கப்  பால் - 2 கப்  பனீர் துருவல் - 2 டேபிள்ஸ்பூன்  வறுத்த விருப்பமான நட்ஸ் துருவல் (பாதாம், முந்திரி, பிஸ்தா) - 2 டேபிள்ஸ்பூன்  ஏலக்காய்த்தூள் - ஒரு சிட்டிகை  நெய் - சிறிதளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     அடிகனமான வாணலியில் நெய்விட்டுச் சூடானதும் துருவிய சுரைக்காய் சேர்த்து வதக்கி, பால்விட்டுக் கிளறி, அடுப்பைக் குறைந்த தீயில் வைக்கவும். சுரைக்காய் நன்கு வெந்ததும் பனீர் துருவல், கண்டன்ஸ்டு மில்க் சேர்த்துக் கிளறி, வறுத்த நட்ஸ் தூவி, ஏலக்காய்த்தூள் சேர்த்து இறக்கிப் பரிமாறவும். ஆறவைத்து ஃப்ரிட்ஜில் வைத்து எடுத்து ஜில்லென்றும் பருகலாம்.

உளுந்து மில்க் குலாப் ஜாமூன்

தேவை:      சர்க்கரை சேர்க்காத கோவா - ஒரு கப்,  வறுத்த உளுந்து மாவு - அரை கப்,  பேக்கிங் பவுடர் - ஒரு சிட்டிகை,  சர்க்கரை - 2 கப்,  சீஸ் துருவல் - ஒரு டேபிள்ஸ்பூன்,  ரோஸ் வொயிட் எசென்ஸ் - ஒரு துளி,  நெய் - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     கோவாவுடன் உளுந்து மாவு, சீஸ் துருவல், பேக்கிங் பவுடர் சேர்த்து, கட்டிதட்டாமல் நன்றாக அழுத்திப் பிசைந்து சிறுசிறு உருண்டைகளாக உருட்டி வைக்கவும் (உருண்டை செய்யும்போது விரிசல் இல்லாமல் செய்துகொள்ளவும்). வாணலியில் நெய்விட்டுச் சூடானதும், அடுப்பைச் சிறுதீயில் வைத்து இந்த உருண்டைகளைப் போட்டுப் பொன்னிறமாகப் பொரித்தெடுத்து ஆறவிடவும். சர்க்கரையில் சிறிதளவு தண்ணீர்விட்டு பாகு காய்ச்சி ஒரு கம்பிப் பதம் வந்ததும் அடுப்பை நிறுத்தி எசென்ஸ் சேர்க்கவும். ஆறிய பொரித்த உருண்டைகளை அதில் போட்டு நன்கு ஊறிய பிறகு எடுத்துப் பரிமாறவும்.

குறிப்பு:     2 லிட்டர் பாலை நன்றாகக் காய்ச்சி, கோவா செய்துகொள்ளலாம். அல்லது ரெடிமேடாகவும் சர்க்கரை சேர்க்காத கோவாவாக வாங்கிக் கொள்ளலாம்.

சீஸ்லிங்க்ஸ்

தேவை:      மைதா மாவு - அரை கப்,  கோதுமை மாவு, கம்பு மாவு - தலா ஒரு டேபிள்ஸ்பூன்,  வெதுவெதுப்பான பால் - மாவு பிசையத் தேவையான அளவு,  சீஸ் துருவல் - கால் கப்,  சர்க்கரை - அரை கப்,  நெய் - பொரிக்கத் தேவையான அளவு,  உப்பு - ஒரு சிட்டிகை.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     வாய் அகன்ற பெரிய பாத்திரத்தில் மாவுகளை ஒன்றாகப் போட்டு, உப்பு, சீஸ் துருவல், சர்க்கரை சேர்த்துப் பிசிறி, வெதுவெதுப்பான பால் சேர்த்துக் கெட்டியான மாவாகப் பிசையவும். அரை மணி நேரம் மூடி வைக்கவும். பிறகு சப்பாத்தியாக அல்லது சதுரமாக ஒரு இன்ச் தடிமனுக்குத் திரட்டி க்யூப் மாதிரி வெட்டி எடுக்கவும் (பிஸ்கட் கட்டர் பயன்படுத்தியும் வெட்டி எடுக்கலாம்). வாணலியில் நெய்விட்டுச் சூடானதும், அடுப்பைக் குறைந்த தீயில் வைத்து இந்த சீஸ் க்யூப்களை போட்டுப் பொன்னிறமாகப் பொரித்தெடுக்கவும்.

சிறப்பு:     இதன் சுவை குழந்தைகளுக்கு மிகவும் பிடிக்கும்.

பீநட் பட்டர் மில்க்‌ஷேக்

தேவை:      பால் - ஒரு கப் (காய்ச்சி ஆறவைத்தது),  பீநட் பட்டர் க்ரீம் - 2, டேபிள்ஸ்பூன்  சர்க்கரை - ஒரு டேபிள்ஸ்பூன்,  வறுத்த வேர்க்கடலைப் பொடி - ஒரு டீஸ்பூன்,  சாக்லேட் துருவல் - ஒரு டீஸ்பூன் (விருப்பப்பட்டால்),  ஐஸ்கட்டிகள் - சிறிதளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     பாலுடன் பீநட் பட்டர் க்ரீம், சர்க்கரை, ஐஸ்கட்டிகள் சேர்த்து மிக்ஸியில் நுரைக்க அடித்து டம்ளரில் ஊற்றி மேலே வேர்க்கடலைப் பொடி, சாக்லேட் துருவல் தூவிப் பருகவும்.

வெள்ளரிக்காய் மில்க் சூப்

தேவை:  சின்ன சைஸ் வெள்ளரிக்காய் - 3 (கசப்பு இல்லாதது),  வெங்காயம் - ஒன்று,  பச்சை மிளகாய் - ஒன்று,  சோள மாவு - ஒரு டேபிள்ஸ்பூன்,  உருளைக்கிழங்கு - ஒன்று (தோல் சீவி, துண்டுகளாக்கவும்) , வெந்தயக்கீரை  - 2 டேபிள்ஸ்பூன்,  பாலக் (பசலை) கீரை - 2 இலை,  மிளகுத்தூள் - ஒரு டீஸ்பூன்,  காய்ச்சி ஆறவைத்த பால் - ஒரு கப்,  ஏலக்காய், பிரியாணி இலை - தலா ஒன்று,  ஃப்ரெஷ் க்ரீம் - ஒரு டேபிள்ஸ்பூன்,  சர்க்கரை - ஒரு டீஸ்பூன்,  வெண்ணெய் - 2 டேபிள்ஸ்பூன்,  உப்பு - சிறிதளவு.

செய்முறை: 2 வெள்ளரிக்காயை மேல் தோல் சீவிக்கொள்ளவும். ஸ்கூப்பரைப் பயன்படுத்திச் சிறிய உருண்டைகளாக வெள்ளரிக்காயிலிருந்து ஸ்கூப் எடுத்துக்கொள்ளவும். தனியே வைக்கவும். மீதமுள்ள ஒரு வெள்ளரிக்காயை மேல் தோல் சீவி, துருவிக்கொள்ளவும். குக்கரில் சிறிதளவு வெண்ணெய் சேர்த்துச் சூடானதும் துருவிய வெள்ளரிக்காய், பாலக்கீரை, ஏலக்காய், வெந்தயக்கீரையைச் சேர்த்து மிதமான தீயில் வதக்கிக்கொள்ளவும்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

    பாத்திரத்தில் 3 கப் தண்ணீர் ஊற்றி, நறுக்கிய வெங்காயம், உருளைக்கிழங்கு, பிரியாணி இலை சேர்த்து உருளைக்கிழங்கு மென்மையாக வேகும்வரை அடுப்பில் வைக்கவும். வெந்த பின் வேகவைத்த காய்கறிகளை வடித்தெடுத்துத் தண்ணீரை மட்டும் சூப்புக்குப் பயன்படுத்த வேண்டும். இதை வெஜிடபிள் ஸ்டாக் என்பார்கள்.

    குக்கரில் உள்ள வெள்ளரி வதக்கலுடன் இந்த வெஜிடபிள் ஸ்டாக் நீரைப் பாதியளவு ஊற்றி, பச்சை மிளகாயைக் கீறிப் போடவும். சோள மாவு தூவிக் கலந்துவிடவும். குக்கரில் வெயிட் போட்டு ஒரு விசில் வந்ததும் நிறுத்தவும். சிறிது ஆறவிட்டு மிக்ஸியில் சேர்த்து ஒரு சுற்றுச் சுற்றவும். இதைப் பெரிய கண் உடைய வடிகட்டியில் வடிகட்டி, பால், மீதமுள்ள ஸ்டாக், உப்பு, மிளகுத்தூள், சர்க்கரை சேர்த்துக் கலந்து மீண்டும் சூடுபடுத்தவும். பிறகு சூப் கிண்ணத்தில் ஊற்றி ஒவ்வொரு கிண்ணத்திலும் சிறிதளவு ஃப்ரெஷ் க்ரீம், வெள்ளரி, வெண்ணெய் போட்டுப் பரிமாறவும். இந்தச் சூப்பைச் சூடாகவும் பருகலாம்; குளிரவைத்தும் பருகலாம்.

சுக்கு தயிர் தோசை

தேவை:     பச்சரிசி - 2 கப்,  உளுத்தம்பருப்பு - அரை கப்,  புளித்த கெட்டித் தயிர் - ஒரு கப்,  சுக்குப்பொடி - ஒரு டீஸ்பூன்,  வெள்ளை வெங்காயம் (நறுக்கியது) - கால் கப்,  சீரகம், மிளகுத்தூள் - தலா ஒரு டீஸ்பூன்,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     அரிசி, பருப்பை 3 மணி நேரம் தண்ணீரில் தனித்தனியே ஊறவைத்து, ஒன்றுசேர்த்து உப்பு போட்டு அரைத்து, தயிர்விட்டுக் கரைத்து, 6 மணி நேரம் அப்படியே மூடிவைக்கவும். மாவு பொங்கி இருக்கும். இதில் சுக்குப்பொடி, சீரகம், மிளகுத்தூள், வெங்காயம் சேர்த்துக் கலக்கவும். தோசைக்கல்லில் எண்ணெய்விட்டுச் சூடானதும் மாவைத் தோசையாக வார்த்துத் திருப்பிப் போட்டு இருபக்கமும் வேகவிட்டு எடுக்கவும்.

கொய்யா லஸ்ஸி

தேவை:      தயிர் - ஒரு கப்,  பழுத்த கொய்யாப்பழம் - ஒன்று,  சர்க்கரை - 2 டேபிள்ஸ்பூன்,  சப்ஜா விதை - அரை டீஸ்பூன்,  ஐஸ் கட்டிகள் - சிறிதளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     தயிருடன் நறுக்கிய கொய்யா, சர்க்கரை, ஐஸ் கட்டிகள் சேர்த்து நன்கு அடித்துக் கூழாக்கிக் கண்ணாடி டம்ளரில் ஊற்றி மேலே சப்ஜா விதை தூவிப் பருகவும்.

தயிர் கீரை போண்டா

தேவை:      முழு உளுந்து - ஒரு கப்,  தயிர் - 2 கப்,  அலசி ஆய்ந்து, நறுக்கிய முளைக்கீரை - கால் கப்,  பெருங்காயத்தூள் - ஒரு சிட்டிகை,  நறுக்கிய கொத்தமல்லித்தழை - 2 டேபிள்ஸ்பூன்,  இஞ்சி - பூண்டு விழுது - ஒரு டீஸ்பூன்,  கடலைப்பருப்பு - 2 டேபிள்ஸ்பூன்,  பெரிய வெங்காயம் (நறுக்கியது) - கால் கப்,  சோம்பு, மிளகு - தலா ஒரு டீஸ்பூன்,  பச்சை மிளகாய் - 2 (பொடியாக நறுக்கவும்),  கறிவேப்பிலை - சிறிதளவு,  கடுகு - ஒரு டீஸ்பூன்,  கேரட் துருவல் - 2 டேபிள்ஸ்பூன்,  காய்ந்த மிளகாய் - ஒன்று,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: உளுந்து, கடலைப்பருப்பை தண்ணீரில் அரை மணி நேரம் ஊறவைத்து எடுத்து, சிறிதளவு உப்பு சேர்த்து அரைத்துக்கொள்ளவும். இந்த மாவுடன் ஆய்ந்த கீரை, இஞ்சி - பூண்டு விழுது, சோம்பு, வெங்காயம், மிளகு, கறிவேப்பிலை, கொத்தமல்லித்தழை, பச்சை மிளகாய் சேர்த்துக் கலக்கவும்.

    வேறு பாத்திரத்தில் தயிர் ஊற்றிச் சிறிதளவு உப்பு சேர்க்கவும். சிறிதளவு எண்ணெயில் கடுகு, பெருங்காயத்தூள், காய்ந்த மிளகாய் தாளித்து, தயிருடன் சேர்க்கவும். கலந்துவைத்துள்ள கீரை மாவைப் போண்டாக்கள் மாதிரி உருட்டிச் சூடான எண்ணெயில் பொன்னிறமாகப் பொரித்தெடுத்து தயிரில் போடவும். மேலே கேரட் துருவல் தூவிப் பரிமாறவும்.

தினை சாமை தயிர் உப்புமா

தேவை:      சாமை அரிசி, தினை அரிசி - தலா அரை கப்,  தயிர் - ஒரு கப் , பச்சை மிளகாய் - 4 (அல்லது காரத்துக்கேற்ப) , தேங்காய்த் துருவல் - அரை கப்,  நறுக்கிய வெங்காயம் - கால் கப்,  கறிவேப்பிலை - சிறிதளவு,  துவரம்பருப்பு - 2 டேபிள்ஸ்பூன்,  கொத்தமல்லித்தழை - தேவையான அளவு,  உப்பு - சிறிதளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

தாளிக்க:     கடுகு - அரை டீஸ்பூன்,  உளுத்தம்பருப்பு - ஒரு டீஸ்பூன்,  பெருங்காயத்தூள் - சிறிதளவு,  கடலைப்பருப்பு - ஒரு டீஸ்பூன்,  எண்ணெய் - சிறிதளவு.

செய்முறை: சாமை, தினை, துவரம்பருப்பைச் சேர்த்து அலசி, தண்ணீரில் 2 மணி நேரம் ஊறவைக்கவும். கொத்தமல்லித்தழையுடன் சிறிதளவு தண்ணீர், தேங்காய்த் துருவல், பச்சை மிளகாய் சேர்த்துக் கொரகொரப்பாக அரைத்து எடுத்து வைக்கவும். தயிருடன் உப்பு சேர்த்துத் தேவையான நீர்விட்டுக் கரைத்துக்கொள்ளவும். குக்கரில் எண்ணெய்விட்டுச் சூடானதும் தாளிக்கக் கொடுத்துள்ள பொருள்களைத் தாளித்து, கறிவேப்பிலை, வெங்காயம் சேர்த்து வதக்கவும். இதனுடன் அரைத்த கலவை, தயிர் சேர்த்து அடுப்பைக் குறைந்த தீயில் வைத்துக் கொதிவந்ததும் ஊறிய அரிசி, பருப்பைச் சேர்த்துக் கிளறி மூடி, 2 விசில் வரும் வரை வேகவிட்டு இறக்கிப் பரிமாறவும்.

நட்ஸ் பால் சாதம்

தேவை:      வடித்த சாதம் - ஒரு கப்,  காய்ச்சி ஆறவைத்த பால் - 2 கப்,  சர்க்கரை - ஒரு டீஸ்பூன்,  நெய்யில் வறுத்த முந்திரி, உடைத்த பாதாம், பிஸ்தா, உலர் பூசணி விதைகள் (சேர்த்து) - ஒரு டேபிள்ஸ்பூன்,  வெண்ணெய் - ஒரு டீஸ்பூன்,  உலர் திராட்சை, செர்ரி - தலா ஒரு டேபிள்ஸ்பூன்,  சாக்கோ சிப்ஸ் - ஒரு டீஸ்பூன்,  குங்குமப்பூ - ஒரு சிட்டிகை (விருப்பப்பட்டால்).

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     வாய் அகன்ற பாத்திரத்தில் சாதத்தைப் போட்டு அதில் வெண்ணெய், சர்க்கரை, பால் சேர்த்துக் கிளறி, சாக்கோ சிப்ஸ் சேர்த்து, முந்திரி, பாதாம், பிஸ்தா, உலர் பூசணி விதைகள், உலர் திராட்சை, செர்ரி தூவிக் கிளறிப் பரிமாறவும். தேவையெனில் மேலே குங்குமப்பூ தூவலாம். 

சிறப்பு:    இது குழந்தைகளுக்கு மிகவும் சத்தான உணவாகும்.

தஹி பைங்கன்

தேவை:  தயிர் - ஒரு கப்,  கடலை மாவு - ஒரு டேபிள்ஸ்பூன்,  காம்பு எடுத்த கத்திரிக்காய் (நீளவாக்கில் நறுக்கியது) - ஒரு கப்,  பொடியாக நறுக்கிய வெங்காயம் - கால் கப்,  மஞ்சள்தூள் - ஒரு சிட்டிகை,  இஞ்சி - பூண்டு விழுது - ஒரு டீஸ்பூன்,  மல்லித்தூள் (தனியாத்தூள்) - ஒரு டீஸ்பூன்,  நல்லெண்ணெய் - சிறிதளவு,  சீரகத்தூள் - ஒரு டீஸ்பூன்,  கறிவேப்பிலை - சிறிதளவு,  காய்ந்த மிளகாய், பச்சை மிளகாய் - தலா - 2,  பெருங்காயத்தூள் - ஒரு சிட்டிகை,  சீரகம் - ஒரு டீஸ்பூன்,  எண்ணெய், உப்பு - தேவையான அளவு.

செய்முறை: பாத்திரத்தில் நறுக்கிய கத்திரிக்காயுடன் இஞ்சி - பூண்டு விழுது, உப்பு, மஞ்சள்தூள், சீரகத்தூள், மல்லித்தூள் சேர்த்து நன்கு பிசிறி, மூடி போட்டு 10 நிமிடங்கள் ஊறவிடவும்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

    வாணலியில் எண்ணெய்விட்டுச் சூடானதும் நறுக்கிய வெங்காயம், கீறிய பச்சை மிளகாய், கறிவேப்பிலையை வதக்கி பிசிறி வைத்துள்ள கத்திரிக்காய் சேர்த்து மேலும் வதக்கி, கடலை மாவு சேர்த்துக் கிளறவும். தயிருடன் சிறிதளவு உப்பு, நீர் சேர்த்து, பெருங்காயத்தூள் போட்டுக் கடைந்து இதில் ஊற்றவும். ஒரு கொதி வந்ததும் இறக்கிவிடவும். மற்றொரு வாணலியில் நல்லெண்ணெய்விட்டுச் சூடானதும் சீரகம், காய்ந்த மிளகாய் தாளித்து இதில் சேர்க்கவும். சூப்பரான தஹி பைங்கன் (தயிர் கத்திரிக்காய்) ரெடி.

ராயல் சோமாசி

தேவை:  பால் - 2 லிட்டர்,  அவல் - அரை கப் (தண்ணீரில் 10 நிமிடங்கள் ஊறவைக்கவும்),  நாட்டுப் பன்னீர் ரோஜா இதழ் - கால் கப்,  நெய்யில் வறுத்து உடைத்த முந்திரி, பாதாம் - தலா 2 டேபிள்ஸ்பூன்,  ஏலக்காய்த்தூள் - சிறிதளவு,  மைதா மாவு - ஒரு கப்,  பொடித்த சர்க்கரை - அரை கப்,  உலர் திராட்சை - ஒரு டேபிள்ஸ்பூன்,  நெய் - ஒரு டீஸ்பூன்,  எண்ணெய் - தேவையான அளவு,  உப்பு - ஒரு சிட்டிகை.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: அடிகனமான பாத்திரத்தில் பால் ஊற்றி வற்றக் காய்ச்சி, அடுப்பைக் குறைந்த தீயில் வைத்துக் கிளறி, கோவா பதத்துக்குக் கிண்டிக்கொள்ளவும். இதில் ஏலக்காய்த்தூள், அவல், பன்னீர் ரோஜா இதழ், நெய்யில் வறுத்த முந்திரி, பாதாம் சேர்த்து, பொடித்த சர்க்கரை, உலர் திராட்சை போட்டுக் கிளறி அனைத்தும் ஒன்றானதும் அடுப்பை நிறுத்தவும். இதுவே பூரணம். இதை மூடி, ஒரு மணி நேரம் அப்படியே வைக்கவும்.

    மைதாவுடன் ஒரு சிட்டிகை உப்பு சேர்த்துச் சிறிதளவு தண்ணீர் சேர்த்து, நெய்விட்டுப் பிசையவும். சிறிய உருண்டை எடுத்து சிறு அப்பளமாக வட்டமாகத் திரட்டி உட்புறம் கோவா பூரணம் சிறிதளவு வைத்து மூடி அழுத்தி சோமாசி கட்டரால் ஓரங்களை கட் செய்து அழுத்தி ஒட்டவும். எல்லாவற்றையும் இதே மாதிரி செய்துகொள்ளவும். வாணலியில் எண்ணெய்விட்டுச் சூடானதும் அடுப்பைக் குறைந்த தீயில் வைத்து, செய்துவைத்துள்ள சோமாசிகளைப் போட்டு இருபுறமும்  பொன்னிறமாகப் பொரித்தெடுக்கவும்.

பொட்டேட்டோ மேத்தி பனீர்

தேவை:      உருளைக்கிழங்கு - ஒன்று (வேகவைத்து, தோல் உரித்து, மசிக்கவும்),  பனீர் துண்டுகள் - ஒரு கப் (சுடுநீரில் 5 நிமிடங்கள் போட்டு எடுக்கவும்),  நறுக்கிய தக்காளி  - கால் கப்,  நறுக்கிய வெங்காயம் - அரை கப்,  வெந்தயக்கீரை - ஒரு கட்டு  மல்லித்தூள் (தனியாத்தூள்), மிளகாய்த்தூள் - தலா ஒரு டீஸ்பூன்,  சோம்புத்தூள் - அரை டீஸ்பூன்,  இஞ்சி - பூண்டு விழுது - ஒரு டீஸ்பூன்,  பச்சை மிளகாய் - ஒன்று,  மஞ்சள்தூள் - ஒரு சிட்டிகை,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     வெங்காயம், தக்காளி, பச்சை மிளகாய், உப்பு ஆகியவற்றை மிக்ஸியில் சேர்த்து விழுதாக அரைக்கவும். வாணலியில் எண்ணெய்விட்டுக் காய்ந்ததும் அரைத்த விழுதைப் போட்டு வதக்கவும். பச்சை வாசனை போனதும் இஞ்சி - பூண்டு விழுது, ஆய்ந்த வெந்தயக்கீரை, மஞ்சள்தூள், மல்லித்தூள், மிளகாய்த்தூள் சேர்த்து மேலும் வதக்கவும். அதனுடன் மசித்த உருளைக்கிழங்கு, பனீர் துண்டுகளைச் சேர்த்து, சோம்புத்தூள் போட்டுக் கிளறி, அனைத்தும் ஒன்றாகச் சேர்ந்து வந்ததும் இறக்கி வைத்துப் பரிமாறவும்.

சிறப்பு:     இதைச் சப்பாத்தி, இட்லி, தோசைக்குத் தொட்டுக்கொள்ளலாம். சாதத்தில் போட்டும் பிசைந்து சாப்பிடலாம்.

பிரெட் தயிர் டோக்ளா

தேவை:  பிரெட் ஸ்லைஸ் - 8,  தோல் சீவிய இஞ்சி - கால் அங்குலத் துண்டு,  பச்சை மிளகாய் - 4 (அல்லது காரத்துக்கேற்ப),  கெட்டித் தயிர் - அரை கப்,  கரம் மசாலாத்தூள் - அரை டீஸ்பூன்,  கோதுமை ரவை - 3, டேபிள்ஸ்பூன்  கடுகு - ஒரு டீஸ்பூன்,  நறுக்கிய கொத்தமல்லித்தழை, கறிவேப்பிலை - தேவையான அளவு,  ஃப்ரூட் சால்ட் - 10 கிராம்,  தக்காளி சாஸ் - ஒரு டேபிள்ஸ்பூன்,  நறுக்கிய வெங்காயம் - 2 டேபிள்ஸ்பூன்,  ஃப்ரெஷ் பச்சைப் பட்டாணி - ஒரு டேபிள்ஸ்பூன்,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: வெங்காயம், இஞ்சி, பச்சை மிளகாயை மிக்ஸியில் விழுதாக அரைக்கவும். பிரெட்டின் ஓரங்களை நீக்கிவிட்டு உதிர்க்கவும். தயிரில் கோதுமை ரவை மற்றும் உதிர்த்த பிரெட் சேர்த்து ஊறவைக்கவும். வாணலியில் எண்ணெய்விட்டுச் சூடானதும் அரைத்த விழுது, உப்பு, தக்காளி சாஸ், கரம் மசாலாத்தூள், பச்சைப் பட்டாணி, கறிவேப்பிலை சேர்த்து வதக்கி அதை பிரெட் - தயிர் கலவையில் சேர்க்கவும். ஃப்ரூட் சால்ட் சேர்த்துக் கலக்கவும். இது பொங்கி வரும். எண்ணெய் தடவிய விருப்ப வடிவப் பாத்திரத்தில் இந்தக் கலவையை ஊற்றிக் கலக்கிவிடவும். ஆவியில் 15 - 20 நிமிடங்கள் வேகவிட்டு, பாத்திரத்தில் இருந்து எடுத்து, தட்டுக்கு மாற்றி கொத்தமல்லித்தழை தூவவும். சிறிதளவு எண்ணெயில் கடுகு தாளித்து மேலே சேர்க்கவும். துண்டுகளாக்கிப் பரிமாறவும்.

பனீர் இட்லி சியாலி

தேவை:      இட்லி - 4 (துண்டுகளாக நறுக்கிக்கொள்ளவும்),  பனீர் துருவல் - அரை கப்,  கடலைப்பருப்பு, துவரம்பருப்பு - தலா 2 டேபிள்ஸ்பூன்,  கடுகு - அரை டீஸ்பூன்,  உளுத்தம்பருப்பு - ஒரு டீஸ்பூன்,
 சாம்பார் பொடி - ஒரு டீஸ்பூன்,  கறிவேப்பிலை, கொத்தமல்லித்தழை - சிறிதளவு,  நீளமாக நறுக்கிய வெங்காயம் - கால் கப்,  காய்ந்த மிளகாய் - 2,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     கடலைப்பருப்பு, துவரம்பருப்பைத் தண்ணீரில் அரை மணி நேரம் ஊறவைத்து, வேகவிட்டு ஒன்றிரண்டாக அரைத்து உதிர்த்துக் கொள்ளவும். வாணலியில் எண்ணெய்விட்டுச் சூடானதும் கடுகு, உளுத்தம்பருப்பு, கறிவேப்பிலை, காய்ந்த மிளகாய் தாளித்து, நறுக்கிய வெங்காயம் சேர்த்து வதக்கவும். இதனுடன் பனீர் துருவல், உப்பு, சாம்பார் பொடி சேர்த்து வதக்கி, உதிர்த்த பருப்புகளைச் சேர்த்துக் கிளறவும். பிறகு கொத்தமல்லித்தழை தூவி, இட்லித் துண்டுகளைப் போட்டு நன்கு புரட்டி, அனைத்தும் ஒன்றோடு ஒன்று சேர்ந்து வந்ததும் இறக்கிப் பரிமாறவும்.

பனீர் பட்டூரா

தேவை:      மைதா - ஒரு கப்,  பனீர் துருவல் - அரை கப்,  காய்ச்சி, ஆறவைத்த பால் - மாவு பிசையத் தேவையான அளவு,  சமையல் சோடா - ஒரு சிட்டிகை,  தயிர் - 2 டேபிள்ஸ்பூன்,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     சிறிதளவு மைதாவைத் தனியே எடுத்து வைக்கவும். மீதமுள்ள மைதாவுடன் உப்பு, சமையல் சோடா, தயிர், பனீர் துருவல் சேர்த்துப் பால்விட்டு நன்கு பிசைந்து 2 மணி நேரம் மூடி வைக்கவும். மாவைப் பெரிய உருண்டைகளாகச் செய்து மைதாவில் புரட்டி, சற்றுக் கனமான சப்பாத்திகளாகத் திரட்டவும்.  வாணலியில் எண்ணெயைக் காயவைத்து எல்லாவற்றையும் ஒவ்வொன்றாகப் பொன்னிறமாகப் பொரித்தெடுக்கவும்.

செக்கலு

தேவை:      மைதா மாவு, அரிசி மாவு - தலா அரை கப்,  வெண்ணெய் - 50 கிராம்,  வெதுவெதுப்பான பால் - மாவு, பிசைய தேவையான அளவு  சியா சீட்ஸ் - ஒரு டேபிள்ஸ்பூன்,  மஞ்சள்தூள் - ஒரு சிட்டிகை,  மிளகாய்த்தூள் - 2 டீஸ்பூன்,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     வாய் அகன்ற பாத்திரத்தில் மைதா மாவு, அரிசி மாவு போட்டு வெண்ணெய், உப்பு, சியா சீட்ஸ், மஞ்சள்தூள், மிளகாய்த்தூள் சேர்த்து வெதுவெதுப்பான பால் ஊற்றிக் கெட்டியான சப்பாத்தி மாவுப் பதத்துக்குப் பிசையவும். மாவைச் சிறிய சிறிய வட்டங்களாகத் திரட்டி, சூடான எண்ணெயில் பொரித்தெடுக்கவும். மொறுமொறுப்பான ஈவினிங் ஸ்நாக்ஸ் ரெடி.

மூங் பனீர்

தேவை:  பனீர் துண்டுகள் - ஒரு கப்,  முழு பச்சைப் பயறு - அரை கப் (2 மணி நேரம் நீரில் ஊறவைக்கவும்),  கொத்தமல்லித்தழை - சிறிதளவு,  தயிர் - 2 டேபிள்ஸ்பூன்,  நெய் - தேவையான அளவு,  மிளகுத்தூள் - ஒரு டீஸ்பூன்,  மல்லித்தூள் (தனியாத்தூள்) - ஒரு டீஸ்பூன்,  கரம் மசாலாத்தூள் - அரை டீஸ்பூன்,  தக்காளி - 2 (பொடியாக நறுக்கவும்,)  எண்ணெய், உப்பு - தேவையான அளவு. 

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

அரைப்பதற்கு:  முந்திரி, பாதாம் - தலா 5,  தோலுரித்த இஞ்சி - கால் அங்குலத் துண்டு,  சின்ன வெங்காயம் - 10 (தோல் உரித்தது),  பச்சை மிளகாய் - 2,  பூண்டு - 5 பல்,  வறுத்த கசகசா - அரை டீஸ்பூன்.

செய்முறை: ஊறிய பச்சைப் பயறை வேகவிட்டு எடுத்துக்கொள்ளவும். வாணலியில் நெய்விட்டுச் சூடானதும் பனீர் துண்டுகளைப் பொரித்தெடுத்துக்கொள்ளவும். அரைக்கக் கொடுத்துள்ளவற்றைச் சிறிதளவு தண்ணீர்விட்டு மையாக அரைத்து எடுக்கவும். வாணலியில் எண்ணெய்விட்டுச் சூடாக்கி, தக்காளியை வதக்கி, அரைத்த மசாலா சேர்த்துக் கிளறி, தயிர் ஊற்றி வதக்கவும். இதனுடன் பச்சைப் பயறைச் சேர்த்துத் தேவையான தண்ணீர்விட்டு கரம் மசாலாத்தூள், மல்லித்தூள், மிளகுத்தூள், உப்பு சேர்த்துக் கிளறி, பொரித்த பனீர் சேர்த்து மேலும் சில நிமிடங்கள் கொதிக்கவிட்டு, கொத்தமல்லித்தழை தூவி இறக்கிப் பரிமாறவும்.
சிறப்பு: பூரி, புல்காவுக்குப் பொருத்தமான சைடிஷ் இது.

நெய் இடியாப்பம்

தேவை:    கார நெய் இடியாப்பத்துக்கு:  ரெடிமேட் இடியாப்பம் - ஒரு கப்,  நெய் - தேவையான அளவு,  கறிவேப்பிலை - சிறிதளவு,  மிளகுத்தூள், சீரகத்தூள் - தலா ஒரு டீஸ்பூன்,  கொத்தமல்லித்தழை - சிறிதளவு,  நெய்யில் வறுத்த முந்திரி - ஒரு டேபிள்ஸ்பூன்,  உப்பு - தேவையான அளவு.

இனிப்பு நெய் இடியாப்பத்துக்கு: ரெடிமேட் இடியாப்பம் - ஒரு கப்,  சர்க்கரை - அரை கப்,  பனீர் துருவல் - கால் கப்,  ஏலக்காய்த்தூள் - ஒரு சிட்டிகை,  நெய் - சிறிதளவு,  விருப்பமான நட்ஸ் - ஒரு டேபிள்ஸ்பூன்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: வாணலியில் தேவையான அளவு தண்ணீர்விட்டுச் சூடாக்கி, கொதி வந்ததும் ரெடிமேட் இடியாப்பத்தைக் கைகளால் உதிர்த்துப்போட்டு வேகவிட்டு எடுத்துக்கொள்ளவும். பிறகு வாணலியில் நெய்விட்டுச் சூடானதும், கறிவேப்பிலை தாளித்து வெந்த இடியாப்பத்தைப் போட்டு உப்பு, மிளகுத்தூள், சீரகத்தூள் சேர்த்துப் புரட்டி வறுத்த முந்திரி, கொத்தமல்லித்தழை தூவி இறக்கிப் பரிமாறவும். கார நெய் இடியாப்பம் தயார்.

    இனிப்பு இடியாப்பம் செய்ய மேற்கூறிய முறைப்படி இடியாப்பத்தை வேகவிட்டு எடுத்துக்கொள்ளவும். வாணலியில் நெய்விட்டுச் சூடானதும் விருப்பமான உடைத்த நட்ஸ் போட்டு வறுத்து, வெந்த இடியாப்பம், பனீர் துருவல் போட்டு வதக்கி,  ஏலக்காய்த்தூள், சர்க்கரைத் தூவிக் கிளறி இறக்கவும்.

குறிப்பு: ரெடிமேட் பாக்கெட் விரும்பாதவர்கள் வழக்கமாகச் செய்வது மாதிரி இடியாப்பம் செய்து எடுத்து, பிறகு மேற்கூறிய முறையில் இனிப்பு, கார இடியாப்பம் தயாரிக்கலாம். 

சீஸ் ரோல்ஸ்

தேவை:      பிரெட் ஸ்லைஸ் - 5,  கொத்தமல்லித்தழை விழுது - ஒரு டேபிள்ஸ்பூன்,  நெய் -  தேவையான அளவு,  சீஸ் துண்டுகள் - 5,  இஞ்சி - பூண்டு விழுது - ஒரு டீஸ்பூன்,  பச்சை மிளகாய் விழுது, தக்காளி சாஸ் - தலா ஒரு டேபிள்ஸ்பூன்,  சாட் மசாலாத்தூள் - அரை டீஸ்பூன்,  உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     வாணலியில் சிறிதளவு நெய்விட்டுச் சூடானதும் இஞ்சி - பூண்டு விழுது, பச்சை மிளகாய் விழுது, கொத்தமல்லித்தழை விழுது, தக்காளி சாஸ், சாட் மசாலாத்தூள், உப்பு சேர்த்துக் கிளறி இறக்கி ஆறவிடவும். பிரெட் ஓரங்களை எடுத்துவிட்டுச் சிறிதளவுத் தண்ணீர் தெளித்துச் சப்பாத்திக் குழவியால் அதன் மீது வைத்து உருட்டினால் சுருளும் தன்மை அடையும். ஒரு பிரெட் துண்டின் மேல் இந்த மசாலாவைத் தடவி அதன் மேல் சீஸ் ஸ்லைஸ் வைத்துச் சுருட்டவும். வாணலியில் நெய்விட்டுச் சூடானதும் அதில் போட்டுப் பொரித்து எடுக்கவும்.

அம்மாஞ்சி குழம்பு

தேவை:      மலபார் சேனைக்கிழங்கு - 150 கிராம்,  சீரகம் - ஒரு டீஸ்பூன்,  சோம்பு - அரை டீஸ்பூன்,  தேங்காய்த் துருவல் - கால் கப்,  பச்சை மிளகாய் - 3,  கெட்டித் தயிர் - 2,கப்,  கடுகு - ஒரு டீஸ்பூன்,  கறிவேப்பிலை - சிறிதளவு,  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     சேனைக்கிழங்கைக் கழுவி வெளித்தோல் சீவி நறுக்கி, வேகவைத்து மசித்துக்கொள்ளவும். பச்சை மிளகாய், சீரகம், தேங்காய்த் துருவல், சோம்பு, உப்பு சேர்த்து மையாக மிக்ஸியில் அரைக்கவும். இதைத் தயிரில் கலக்கவும். மசித்த கிழங்கையும் தயிரில் கலக்கவும். கடாயில் எண்ணெய்விட்டுச் சூடானதும், கடுகு, கறிவேப்பிலை தாளித்து மசாலா தயிர்க் குழம்பை ஊற்றி, வேண்டுமெனில் சிறிதளவு நீர்விட்டுக் கிளறி, சூடு ஏறிய உடனேயே அடுப்பை நிறுத்திவிடவும். இதைத் தயிர்ப் பச்சடி மாதிரி எல்லாவற்றுக்கும் தொட்டுச் சாப்பிடலாம்.

யோகர்ட் ஜில் க்ரீம்

தேவை:      கெட்டித் தயிர் - ஒரு கப்,  சர்க்கரை - 2 டேபிள்ஸ்பூன்,  தோல் உரித்து, மசித்த வாழைப்பழம் - அரை கப்,  வெண்ணெய் - ஒரு டேபிள்ஸ்பூன்,  மாதுளை முத்துகள் - சிறிதளவு (வேண்டுமெனில்), சாக்கோ சிப்ஸ் - ஒரு டேபிள்ஸ்பூன்,  கலர் ஸ்பிரிங்கிள்ஸ் - ஒரு டீஸ்பூன்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     தயிருடன் சர்க்கரை, வெண்ணெய், வாழைப்பழக் கூழ் கலந்து பீட்டரால் (beater) அடித்துக்கொள்ளவும் மாதுளை முத்துகள், சாக்கோ சிப்ஸ், கலர் ஸ்பிரிங்கிள்ஸ் தூவி அரை மணி நேரம் ஃப்ரிட்ஜில் வைத்து எடுத்துப் பரிமாறவும்.

ஃப்ரூட் மஸ்தானி

தேவை:      பெரிய ஆப்பிள் - ஒன்று,  சர்க்கரை - 2 டேபிள்ஸ்பூன்,  வெனிலா ஐஸ்க்ரீம் - ஒரு ஸ்கூப்,  பேரீச்சை சிரப் அல்லது சாக்லேட் சிரப் - ஒரு டேபிள்ஸ்பூன்,  ஏலக்காய்த்தூள் - ஒரு சிட்டிகை,  காய்ச்சி ஆறவைத்த பால் - ஒன்றரை கப்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     ஆப்பிளை சரிபாதியாக வெட்டவும். விதைகளை எடுத்துவிடவும். அதில் ஒரு பாதியை சிறுசிறு துண்டுகளாக நறுக்கிக்கொள்ளவும். மறு பாதியைப் பாலில் நறுக்கிப்போட்டு சர்க்கரை, ஏலக்காய்த்தூள் சேர்த்து மிக்ஸியில் மையாக அரைக்கவும். கண்ணாடி டம்ளரில் முதலில் சிறிதளவு ஆப்பிள் துண்டுகள், பிறகு சிறிதளவு ஐஸ்க்ரீம், பிறகு அரைத்த ஆப்பிள் சாறு என மாற்றி மாற்றி சேர்க்கவும். மேலே சாக்லேட் சிரப் விட்டு அப்படியே பரிமாறவும்.

குறிப்பு:     ஆப்பிளுக்குப் பதில் சீஸனுக்குத் தகுந்த மாதிரி பப்பாளி, கிர்ணி, மாம்பழம் எனப் பழங்களை மாற்றிக்கொள்ளலாம்.

குர்கி காளான்

தேவை:  பட்டன் காளான் (குறுக்காக வெட்டியது) - ஒரு கப்,  தயிர் - அரை கப்,  பனீர் துண்டுகள் - கால் கப்,  நறுக்கிய வெங்காயம் - கால் கப்,  தக்காளி விழுது - 2 டேபிள்ஸ்பூன்,  முந்திரி - ஒரு டேபிள்ஸ்பூன் , சோம்புத்தூள், இஞ்சி - பூண்டு விழுது - தலா ஒரு டீஸ்பூன்,  காய்ந்த மிளகாய் - ஒன்று,  மிளகாய்த்தூள் - ஒரு டீஸ்பூன்,  கறிவேப்பிலை, கொத்தமல்லித்தழை - சிறிதளவு,  சதுரமாக நறுக்கிய குடமிளகாய் - 2 டேபிள்ஸ்பூன்.  கிராம்பு - ஒன்று.  பட்டை - சிறிய துண்டு.  வறுத்துப் பொடித்த வெந்தயப் பொடி - அரை டீஸ்பூன்.  நெய் - சிறிதளவு.  எண்ணெய், உப்பு - தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை: வாணலியில் நெய், எண்ணெய்விட்டுச் சூடானதும் பட்டை, கிராம்பு, இஞ்சி - பூண்டு விழுது, கறிவேப்பிலை, முந்திரி, காய்ந்த மிளகாய் தாளிக்கவும். வெங்காயம், தக்காளி விழுது, காளான், குடமிளகாய் சேர்த்து வதக்கவும். உப்பு, வெந்தயப் பொடி, மிளகாய்த்தூள், சோம்புத்தூள் சேர்த்துக் கிளறி, பனீர் துண்டுகள் சேர்த்து மேலும் கிளறவும். எல்லாம் நன்கு வெந்து ஒன்றாகக் கலந்த பின் தயிர் ஊற்றி, கொத்தமல்லித்தழை சேர்த்துக் கிளறி இறக்கவும்.

சிறப்பு:    பூரி, சப்பாத்தி, நாண், பரோட்டாவுக்குச் சுவையான சைடிஷ் இது. சாதத்திலும் பிசைந்து சாப்பிடலாம்.

தக்காளி தயிர்ப் பச்சடி

தேவை:      தக்காளி - 2.  உடைத்த உளுந்து - ஒரு டீஸ்பூன்.  கெட்டித் தயிர் - ஒரு கப்,  சாட் மசாலாத்தூள் - அரை டீஸ்பூன்,  பச்சை மிளகாய் விழுது - ஒரு டீஸ்பூன்,  கடுகு - கால் டீஸ்பூன்,  இஞ்சித் துருவல் - ஒரு டீஸ்பூன்,  நறுக்கிய கொத்தமல்லித்தழை - ஒரு டேபிள்ஸ்பூன்,  எண்ணெய், உப்பு - சிறிதளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     ஒரு தக்காளியைப் பொடியாக நறுக்கிக்கொள்ளவும். ஒரு தக்காளியை வெதுவெதுப்பான நீரில் சிறிது நேரம் போட்டு எடுத்துத் தோல் உரித்து மசித்து எடுத்து வடிகட்டிக்கொள்ளவும். வாணலியில் எண்ணெய்விட்டுச் சூடானதும் கடுகு, உளுந்து தாளித்து, பச்சை மிளகாய் விழுது சேர்த்துக் கிளறி,  நறுக்கிய தக்காளி, தக்காளி சாறு சேர்த்து வதக்கி, உப்பு, இஞ்சி துருவல் சேர்த்துக் கிளறி இறக்கி, கெட்டித் தயிரில் இதைச் சேர்க்கவும். கொத்தமல்லித்தழை, சாட் மசாலாத்தூள் தூவிக் கலந்து பரிமாறவும்.

சிறப்பு:    இதைக் கலவை சாதம், ஸ்டஃப்டு சப்பாத்தி, பரோட்டாவுக்கு சை‌டிஷ்ஷாக தொட்டுச் சாப்பிடலாம். விருப்பப்பட்டால், வதக்கிய வெங்காயத்தை மேலே தூவிப் பரிமாறலாம்.

பால் அப்பம்

தேவை:      கோதுமை மாவு - ஒரு கப்,  காய்ச்சி ஆறவைத்த பால் - மாவு கரைக்க தேவையான அளவு,  சர்க்கரை - அரை கப்,  ஏலக்காய்த்தூள் - ஒரு சிட்டிகை,  வறுத்துப் பொடித்த பாதாம் - ஒரு டேபிள்ஸ்பூன்,  எண்ணெய் - பொரிப்பதற்குத் தேவையான அளவு.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     கோதுமை மாவுடன், ஏலக்காய்த்தூள், பாதாம் பொடி, சர்க்கரை சேர்த்து, பால்விட்டுக் கரைக்கவும். வாணலியில் எண்ணெய்விட்டுச் சூடானதும், அடுப்பைக் குறைந்த டீயில் வைத்து, குழிக்கரண்டியில் மாவை எடுத்து எண்ணெயில் ஊற்றவும். வெந்ததும் திருப்பிப்போட்டுப் பொன்னிறமானவுடன் எடுக்கவும்.

குறிப்பு:     இனிப்பு அதிகம் வேண்டும் என்பவர்கள் சர்க்கரை அளவை அதிகப்படுத்தலாம். சர்க்கரைக்குப் பதில் நாட்டுச் சர்க்கரை, வெல்லத் துருவல் சேர்த்துச் செய்யலாம். பாலுக்குப் பதில் தேங்காய்ப்பாலிலும் மாவைக் கரைத்து அப்பம் செய்யலாம்.

நியூட்ரி பால் பனீர் பாயசம்

தேவை:      காய்ச்சிய பால் - 2 கப்,  பனீர் துருவல் - அரை கப்,  உலர் பூசணி விதை - ஒரு டீஸ்பூன்,  உடைத்த விருப்பமான நட்ஸ் (பாதாம், பிஸ்தா, முந்திரி, வால்நட்) - 2 டேபிள்ஸ்பூன்,  கண்டன்ஸ்டு மில்க் - அரை கப்,  ஜாதிக்காய்த்தூள் - ஒரு சிட்டிகை,  நெய் - சிறிதளவு,  வறுத்துப் பொடித்த  முந்திரி - ஒரு டீஸ்பூன்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

செய்முறை:     வாணலியில் நெய்விட்டுச் சூடானதும் நட்ஸ் சேர்த்து வறுக்கவும். இதில் பால் ஊற்றிக் கிளறி, அடுப்பைக் குறைந்த தீயில் வைத்து பனீர் துருவல் சேர்க்கவும். இதனுடன் கண்டன்ஸ்டு மில்க் விட்டுக் கிளறி ஜாதிக்காய்த்தூள் சேர்த்து, உலர் பூசணி விதை தூவி இறக்கவும். மேலே முந்திரிப் பொடி தூவிப் பரிமாறவும்.

கால்சியம் கலாட்டா!

`ருசிக்கு ருசி, சத்துக்குச் சத்து’ என்று சிறந்து விளங்கும் உணவு வகைகளில் பால் மற்றும் பால் பொருள்களுக்குத் தனி இடம் உண்டு. குறைந்த செலவில் அதிக சத்துகளை வாரி வழங்குவதும் இவைதான், எலும்பு உறுதிக்கு உறுதுணை புரியும் கால்சியம், உடல் இயக்கத்துக்கு அவசியமான புரோட்டீன் மற்றும் வைட்டமின்களைக் கொண்டுள்ளன. இவற்றை வைத்து விதவிதமான, வித்தியாசமான ரெசிப்பிகளை இங்கே வழங்குகிறார் சென்னையைச் சேர்ந்த சமையல் கலைஞர் சுதா செல்வகுமார்.

உடல் வளர்ச்சிக்கு ஊட்டம் அளிக்கும் பால், தயிர், பனீர், சீஸ் - 30 வகை ரெசிப்பிகள்

    பால் பொருள்களுடன் கோதுமை மாவு, கம்பு மாவு, தினை அரிசி, சாமை அரிசி, பனங்கற்கண்டு, மிளகு, மஞ்சள்தூள், வெள்ளரிக்காய், கீரை, சேனைக்கிழங்கு, கேரட், தக்காளி, நட்ஸ் வகைகள் போன்ற உடல்நலத்துக்குப் பாதுகாவலனாக விளங்கும் பொருள்களையும் சேர்த்துச் சுவையான உணவு வகைகளை அவர் வழங்கியிருக்கிறார்.

    ``பாயசம், இடியாப்பம், சூப், மில்க்‌ஷேக், தோசை, பணியாரம், டோக்ளா, பச்சடி, அப்பம் என இந்த ரெசிப்பிகள் உங்களுக்கு மன நிறைவான சமையல் அனுபவத்தை அளிக்கும்’’ என்று உற்சாகத்துடன் சொல்கிறார் சுதா.


சுதா செல்வகுமார், படங்கள்: தி.குமரகுருபரன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு