Published:Updated:

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!
பிரீமியம் ஸ்டோரி
கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

Published:Updated:
கிச்சன் பேஸிக்ஸ்: புஸு புஸு பூரி... வீட்டிலேயே ரெடி!
பிரீமியம் ஸ்டோரி
கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

விசாலாட்சி இளையபெருமாள்,  படங்கள், வீடியோ : லக்ஷ்மி வெங்கடேஷ்

பெரியவர்கள் முதல் குழந்தைகள் வரை எல்லோருக்கும் மிகவும் பிடித்தது பூரி. அம்மாக்களுக்கோ பூரி எண்ணெயில் பொரித்த பலகாரம் என அதைச் செய்யத் தயக்கம். வாரம் ஒருமுறை குழந்தைகள் மற்றும் வீட்டில் இருக்கும் அனைவருக்கும் அவர்களுக்குப் பிடித்த பூரியைச் சத்தான வகையில் காய்கறி மற்றும் இதர பொருள்கள் சேர்த்துச் செய்து கொடுக்கலாம். பூரிக்குப் பூரியும் ஆச்சு... சத்துக்குச் சத்தும் ஆச்சு!

நாம் இதுவரை `கிச்சன் பேஸிக்ஸ்’ பகுதியில் கோதுமை சப்பாத்தி மற்றும் அதைச் சார்ந்த இதர வகையான சப்பாத்தி, ரொட்டி, பராத்தாக்கள் என வரிசையாகப் பார்த்துக்கொண்டு வந்தோம். இதைத் தொடர்ந்து பூரி மற்றும் அதில் பல வகைகளைச் செய்யக் கற்றுக்கொள்வோம்.

பொதுவாக குழந்தைகள் அம்மாக்களிடம் கேட்பது - `அம்மா எனக்குப் புஸு புஸு பூரி வேணும்’. ஆனால், அம்மாக்களோ `நான் என்னடா ஹோட்டலா நடத்தறேன்... புஸு புஸு பூரி செய்யறதுக்கு’ என்று சொல்கிறோம். புஸு புஸு பூரி செய்வது அவ்வளவு கடினம் அல்ல. சில நுட்பங்களைத் தெரிந்துகொண்டால், அப்புறம் வீட்டிலும் புஸு புஸு பூரிதான்.

கோதுமை மாவு தயாரிப்பதற்கு, கோதுமை வாங்கி ஒருநாள் முழுக்க வெயிலில் காயவைக்கவும். மெஷினில் கொடுத்து நன்கு நைஸாகத் திரித்துக்கொள்ளவும். கோதுமை மாவைக் காற்றுப்புகாத டப்பாவில் சேகரித்து வைத்துக்கொள்ளவும். இப்படித் தயாரிக்கப்படும் மாவில் ‘வீட்ஜெர்ம்’ இருப்பதால் இதில் வெளியே விற்கும் மாவை விட அதிக நார்ச்சத்து, புரதம், இரும்புச்சத்து இருக்கும்.

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

பூரி

தேவையானவை: கோதுமை மாவு – ஒரு கப், எண்ணெய், உப்பு, தண்ணீர் – தேவையான அளவு.

செய்முறை: கோதுமை மாவில் உப்பு சேர்த்துக் கலந்து கொள்ளவும். சிறிது சிறிதாகத் தண்ணீர் தெளித்து மாவைப் பிசறவும். மாவு நன்கு மென்மையான பந்து போல் உருண்டு வரும்வரை பிசையவும். பிசைந்த மாவு நன்கு கெட்டியாக இருக்க வேண்டும். கடைசியாக ஒரு டீஸ்பூன் எண்ணெய் சேர்த்து மீண்டும் பிசைந்துகொள்ளவும். மாவு பிசைந்த உடனேயே பூரி திரட்டலாம், பூரிக்கு மாவை ஊறவைக்கத் தேவையில்லை. மாவைச் சின்னச் சின்ன சம அளவு உருண்டைகளாக உருட்டி வைத்துக்கொள்ளவும். சப்பாத்தி கட்டை மற்றும் சப்பாத்தி குழவியில் எண்ணெய் தேய்த்துக்கொண்டு, ஓர் உருண்டையை எடுத்து, சற்றுக் கனமான பூரியாகத் திரட்டவும். பூரியை ஒரே சீரான தடிமனில் (thickness) திரட்ட வேண்டும். சில இடத்தில் மெலிதாகவும் சில இடங்களில் கனமாகவும் இருந்தால் பூரி உப்பி வராது. அது போலவே பூரியை ரொம்பவும் மெலிதாகத் தேய்த்தாலும் உப்பி வராது.

ஒரு வாணலியில் பூரியைப் பொரிக்கத் தேவையான அளவு எண்ணெய் ஊற்றிச் சூடாக்கவும். எண்ணெய் புகை வரும் அளவுக்குச் சூடு ஏறக் கூடாது. எண்ணெயில் சிறிதளவு மாவைப் போட்டால் மாவு எண்ணெயின் கீழே போய் 2 முதல் 3 நொடிகள் கழித்து மேலே எழும்பி வர வேண்டும். இதுதான் எண்ணெயின் சரியான சூடு, பூரியைச் சுட்டு எடுப்பதற்கு.

ஒரு பூரியை எண்ணெயில் போட்டு கரண்டியால் ஓரிரு நொடிகள் அமிழ்த்திவிடவும். இப்படி செய்தால் பூரி பொங்கி எழும்பி வரும். 15 முதல் 20 நொடிகள் கழித்து, பூரியைத் திருப்பிவிட்டு மேலும் அரை முதல் முக்கால் நிமிஷம் வேகவைத்து அடுத்து எண்ணெயை வடியவிடவும்.

ஒட்டுமொத்த விகடனுக்கும் ஒரே ஷார்ட்கட்!

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

பூரி ஏன் பொங்கி வருகிறது?

பூரியைச் சூடான எண்ணெ யில் போட்டு, அதை ஓரிரு நொடிகள் அமிழ்த்தி பிடித்து வைக்கும்போது, பூரியின் மேல் மற்றும் கீழ்பாகம் உடனடியாக வெந்துவிடும். பிறகு உள் பாகத்தில் இருக்கும் மாவு வெந்து அதில் இருக்கும் தண்ணீர் நீராவியாக மாறிவரும்போது பூரி பொங்கி வரும்.

பூரி ஏன் சில நேரம் எழும்பி வருவதில்லை?

எண்ணெய் சூடு அதிகமாக இருந்தால் பூரி ரொம்ப வெந்துவிடும்; சூடு குறைவாக இருந்தால் பூரி எண்ணெய் குடித்துவிடும். ஒரே சீராகத் திரட்டவில்லை என்றாலும், மாவை ரொம்ப தளர்த்தியாகப் பிசைந்தாலும் பூரி எழும்பி வராது.

பூரி சிறிது நேரம் பொங்கியே இருக்க வேண்டும் என்றால் பூரியைச் சிறிது நேரம் இரு பக்கங்களும் நன்கு வேகவைத்து எடுக்க வேண்டும். மாவில் ஒரு டீஸ்பூன் நைஸ் ரவை சேர்த்துப் பிசைந்து பூரி போட்டால், பூரி அப்படியே இருக்கும்.

எண்ணெய் சூடு அதிகமாக இருந்தால் பூரி ரொம்ப வெந்து விடும், சூடு குறைவாக இருந்தால் பூரி எண்ணெய் குடித்து விடும். ஒரே சீராகத் திரட்டவில்லை என்றாலும், மாவை ரொம்ப தளர்த்தியாகப் பிசைந்தாலும் பூரி எழும்பி வராது. பூரியைச் சப்பாத்தி போல் மெலிதாகத் தேய்த்தால் பூரி எழும்பி வராது.

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

பூரி II

ரவை சேர்த்துச் செய்யும் பூரி

இதற்கு மிகவும் மெல்லிய (நைஸ்) ரவை பயன்படுத்த வேண்டும். மாவில் ரவை மற்றும் உப்பு சேர்த்து நன்கு கலந்துகொள்ளவும். பிறகு மாவில் சிறிது சிறிதாகத் தண்ணீர் ஊற்றி நன்கு கெட்டியான மாவாகப் பிசைந்து 10 நிமிடங்கள் ஊறவைக்கவும். மீண்டும் ஒருமுறை பிசைந்து பூரி இடவும்.

மசாலா சேர்த்துச் செய்யும் பூரி

மாவில் மசாலா பொருள்களைச் சேர்த்து நன்கு கலந்துகொள்ளவும். பிறகு, மாவில் சிறிது சிறிதாகத் தண்ணீர் ஊற்றி நன்கு கெட்டியான மாவாகப் பிசைந்து 10 நிமிடங்கள் ஊறவைக்கவும். மீண்டும் ஒருமுறை பிசைந்து பூரி இடவும்.

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!

காய்கறி சேர்த்துச் செய்யும் பூரி

காய்கறியை நன்கு வேகவைத்து மசித்து அல்லது மிக்ஸியில் கூழ் செய்து மாவில் சேர்த்து, மசாலா பொருள்கள் எவையேனும் இருந்தால் அவற்றையும் சேர்த்துக் கெட்டி யான மாவாகப் பிசைந்துகொள்ளவும்.

10 நிமிடங்கள் ஊறவைக்கவும். காய்கறி சேர்த்துப் பிசைந்திருப்பதால் தண்ணீர் விட்டுக்கொள்ளக் கூடும். ஆதலால் மாவை நன்கு கெட்டியாகப் பிசைவது அவசியம்.

பூரிக்குத் தொட்டுக்கொள்ள...

இந்தியா முழுவதும் பூரிக்கு உருளைக்கிழங்கு மசாலா மிகவும் பிரபலமான காம்பினேஷன். எல்லா மாநிலங்களிலும் உருளைக்கிழங்கு மசாலா செய்யும் விதம் மாறுபடுகிறது. வட மாநிலங்களில் ஸ்ரீகண்ட் உடன் சாப்பிடுவது உண்டு. ஆம்ரஸ் எனப்படும் மாம்பழக் கூழ் உடன் சாப்பிடுவதும் உண்டு. இவை தவிர சன்னா மசாலா, பனீர் மசாலா என அடுக்கிக்கொண்டே போகலாம். தென் மாநிலங்களில் குருமா, பாம்பே சட்னி, காளான் மசாலா என எண்ணற்ற வகையான சைடிஷ்களைச் சொல்லிக்கொண்டே போகலாம்!

கிச்சன் பேஸிக்ஸ்: புஸு புஸு பூரி... வீட்டிலேயே ரெடி!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism