Published:Updated:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

கிட்ஸ் ஸ்பெஷல் - 30 வகை மாலைநேர ஸ்நாக்ஸ்
பிரீமியம் ஸ்டோரி
கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ரூபா ராகவ்

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ரூபா ராகவ்

Published:Updated:
கிட்ஸ் ஸ்பெஷல் - 30 வகை மாலைநேர ஸ்நாக்ஸ்
பிரீமியம் ஸ்டோரி
கிட்ஸ் ஸ்பெஷல் - 30 வகை மாலைநேர ஸ்நாக்ஸ்

கார்ன் கட்லெட்

தேவை: வேகவைத்து உதிர்த்த ஸ்வீட் கார்ன் - ஒரு கப்  வேகவைத்த உருளைக்கிழங்கு - ஒரு கப்  பொடியாக நறுக்கிய வெங்காயம் - கால் கப்  பொடியாக நறுக்கிய குடமிளகாய் - கால் கப்  பொடியாக நறுக்கிய பச்சை மிளகாய் - 2 டேபிள்ஸ்பூன்  இஞ்சி - பூண்டு விழுது - ஒரு டீஸ்பூன்  பிரெட் க்ரம்ப்ஸ் (பிரெட் துகள்கள்) - தேவையான அளவு  கார்ன்ப்ளார் (சோள மாவு) - 2 டேபிள்ஸ்பூன்  மிளகாய்த்தூள் - 2 டீஸ்பூன்  கரம் மசாலாத்தூள் - 2 டீஸ்பூன்  எண்ணெய், உப்பு - தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

வேகவைத்த உருளைக்கிழங்கை நன்றாக மசித்துக்கொள்ளவும். அதில் வேகவைத்த ஸ்வீட் கார்ன், பொடியாக நறுக்கிய வெங்காயம், குடமிளகாய், பச்சை மிளகாய், மிளகாய்த்தூள், கரம் மசாலாத்தூள், இஞ்சி - பூண்டு விழுது, உப்பு, 2 டேபிள்ஸ்பூன் பிரெட் துகள்கள் ஆகியவற்றைச் சேர்த்து நன்றாகப் பிசைந்துகொள்ளவும். பிறகு இதை சிறிய கட்லெட்டுகளாகச் செய்து சிறிது நேரம் ஃப்ரிட்ஜில் வைக்கவும்.

கார்ன்ப்ளாரை 2 டேபிள்ஸ்பூன் தண்ணீர் சேர்த்து கெட்டியான மாவாகக் கரைத்துக்கொள்ளவும். இந்த மாவில் செய்துவைத்துள்ள கட்லெட்டுகளைத் தோய்த்து, பிரெட் துகள்களில் புரட்டி எடுக்கவும். பின்னர் இதை எண்ணெயில் சிவக்கப் பொரித்தெடுக்கவும். அல்லது தோசைக்கல்லில் கட்லெட்டைப் போட்டு அதன் இருபுறம் எண்ணெய்விட்டு வறுத்தும் சாப்பிடலாம்.

ஒட்டுமொத்த விகடனுக்கும் ஒரே ஷார்ட்கட்!

பேபி கார்ன் கிரிஸ்பி பிங்கர்ஸ்

தேவை: பேபி கார்ன் - 250 கிராம்  மிளகுத்தூள் - 2 டீஸ்பூன்  கார்ன்ப்ளார் (சோள மாவு) - 2 டேபிள்ஸ்பூன்  அரிசி மாவு - ஒரு டேபிள்ஸ்பூன்  கோதுமை மாவு - 2 டேபிள்ஸ்பூன் இஞ்சி - பூண்டு விழுது - ஒரு டீஸ்பூன்  மிளகாய்த்தூள் - ஒரு டீஸ்பூன்  கரம் மசாலாத்தூள் - ஒரு டீஸ்பூன்  உப்பு - ஒரு டீஸ்பூன்  எண்ணெய் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

பேபி கார்னை நீளமாக நறுக்கவும். தண்ணீரில் சிறிதளவு உப்பு சேர்த்து அதில் பேபி கார்னைப் போட்டு பேபி கார்ன் மிருதுவாகும் வரை வேகவிடவும். பிறகு தண்ணீரை வடிகட்டி, பேபிகார்னை மட்டும் தனியாக எடுத்து வைத்துக்கொள்ளவும்.அரிசி மாவு, கோதுமை மாவு, கார்ன்ப்ளார், மிளகாய்த்தூள், கரம் மசாலாத்தூள், இஞ்சி - பூண்டு விழுது, உப்பு ஆகியவற்றைச் சேர்க்கவும். அதனுடன் தேவையான தண்ணீர்விட்டு பஜ்ஜி மாவுப் பதத்துக்குக் கரைத்துக்கொள்ளவும். இதில் வேகவைத்துள்ள பேபி கார்னை முக்கியெடுத்து, சூடான எண்ணெயில் பொரித்தெடுத்து, அதன் மேல் மிளகுத்தூள் தூவிப் பரிமாறவும்.

பனீர் பக்கோடா

தேவை:பனீர் - 150 கிராம்  கடலை மாவு - ஒரு கப்  அரிசி மாவு - ஒரு டேபிள்ஸ்பூன்  மிளகாய்த்தூள் - 2 டீஸ்பூன்  கரம் மசாலாத்தூள் - ஒரு டீஸ்பூன்  ஓமம் - சிறிதளவு (விருப்பப்பட்டால்)  உப்பு - ஒரு டீஸ்பூன்  எண்ணெய் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

பனீரை சிறிய துண்டுகளாக நறுக்கிக்கொள்ளவும். கடலை மாவு, அரிசி மாவு, மிளகாய்த்தூள், கரம் மசாலாத்தூள், உப்பு, ஓமம் ஆகியவற்றைச் சேர்க்கவும். இதனுடன் தேவையான தண்ணீர்விட்டு பஜ்ஜி மாவு பதத்துக்குக் கரைத்துக்கொள்ளவும். இதில் நறுக்கிவைத்துள்ள பனீர் துண்டுகளை முக்கியெடுத்து, எண்ணெயில் போட்டுப் பொரித்தெடுக்கவும். இதை கொத்தமல்லி, புதினா சட்னியுடன் பரிமாறினால் மிகவும் ருசியாக இருக்கும்.

கிரீன்பீஸ் சாட்

தேவை: பச்சைப் பட்டாணி - ஒரு கப்  பொடியாக நறுக்கிய வெங்காயம் - கால் கப்  பொடியாக நறுக்கிய தக்காளி – கால் கப்  பொடியாக நறுக்கிய பச்சை மிளகாய் - ஒரு டீஸ்பூன்  எலுமிச்சைச்சாறு - ஒரு டேபிள்ஸ்பூன்  சாட் மசாலாத்தூள் - 2 டீஸ்பூன்  மிளகாய்த்தூள் - அரை டீஸ்பூன்  உப்பு - ஒரு டீஸ்பூன்  நறுக்கிய கொத்தமல்லித்தழை - சிறிதளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

பச்சைப் பட்டாணியை வேகவைத்து எடுத்துக்கொள்ளவும் (காய்ந்த பட்டாணி என்றால் அதை நான்கு மணி நேரம் ஊற வைத்து, குக்கரில் நான்கு விசில் வரும்வரை வேகவைக்கவும்). பின்னர் வேகவைத்த பட்டாணியுடன் மேலே கொடுக்கப்பட்டுள்ள தேவையான பொருள்கள் அனைத்தையும் சேர்த்து நன்றாகக் கலக்கவும். கொத்தமல்லித்தழை தூவிப் பரிமாறவும்.

சுர்முரி

தேவை:அரிசிப் பொரி - 2 கப்  பொடியாக நறுக்கிய வெங்காயம் - கால் கப்  பொடியாக நறுக்கிய பச்சை மிளகாய் - ஒரு டீஸ்பூன்  எலுமிச்சைச்சாறு - ஒரு டேபிள்ஸ்பூன்  துருவிய கேரட் - கால் கப்  சாட் மசாலாத்தூள் - ஒரு டீஸ்பூன்
 மிளகாய்த்தூள் - அரை டீஸ்பூன்  வறுத்த வேர்க்கடலை - 2 டேபிள்ஸ்பூன்  தேங்காய் எண்ணெய் - ஒரு டேபிள்ஸ்பூன்  உப்பு - ஒரு டீஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

அரிசிப் பொரி தவிர, மேலே கொடுக்கப்பட்டுள்ள அனைத்துப் பொருள்களையும் ஒன்றாகச் சேர்த்துக் கலந்துகொள்ளவும். சாப்பிடுவதற்குச் சிறிது நேரம் முன்பு, இதனுடன் அரிசிப் பொரி சேர்த்துக் கலந்து பரிமாறவும்.

வெள்ளரி மிக்ஸ்டு வெஜ் கோசம்பரி

தேவை:ஊறவைத்த பயத்தம்பருப்பு - அரை கப்  துருவிய வெள்ளரிக்காய் - கால் கப்  துருவிய கேரட் - அரை கப்  பொடியாக நறுக்கிய வெங்காயம் - கால் கப்  பொடியாக நறுக்கிய தக்காளி - கால் கப்  பொடியாக நறுக்கிய பச்சை மிளகாய் - ஒரு டீஸ்பூன்  எலுமிச்சைச் சாறு - ஒரு டேபிள்ஸ்பூன்  துருவிய இஞ்சி - ஒரு டீஸ்பூன்  தேங்காய்த் துருவல் - 2 டேபிள்ஸ்பூன்  உப்பு - ஒரு டீஸ்பூன்  நறுக்கிய கொத்தமல்லித்தழை - சிறிதளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ஊறவைத்த பயத்தம்பருப்பை வடிகட்டி எடுத்து வைத்துக் கொள்ளவும். பின்னர் அதனுடன் மேலே கொடுக்கப்பட்டுள்ள தேவையான பொருள்கள் அனைத்தையும் சேர்த்து நன்றாகக் கலக்கவும். கொத்தமல்லித்தழை தூவிப் பரிமாறவும்.

பிரெட் வடை

தேவை:பிரெட் ஸ்லைஸ் - 4  பொடியாக நறுக்கிய வெங்காயம் - கால் கப்  மிளகாய்த்தூள் - ஒரு டீஸ்பூன்  கரம் மசாலாத்தூள் - ஒரு டீஸ்பூன்  பொடியாக நறுக்கிய கேரட் - கால் கப்  பொடியாக நறுக்கிய பீன்ஸ் – கால் கப்  கொத்தமல்லித்தழை - சிறிதளவு  இஞ்சி (தோல் சீவி துருவியது) - ஒரு டீஸ்பூன்  அரிசி மாவு அல்லது கார்ன்ப்ளார் (சோள மாவு) - 3 டேபிள்ஸ்பூன்  உப்பு - தேவையான அளவு  எண்ணெய் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

பிரெட்டை சிறிய துண்டுகளாகப் பிய்த்துக்கொள்ளவும். இதனுடன் பொடியாக நறுக்கிய வெங்காயம், கேரட், பீன்ஸ், மிளகாய்த்தூள், கரம் மசாலாத்தூள், கொத்தமல்லித்தழை, இஞ்சி மற்றும் உப்பு ஆகியவற்றைச் சேர்த்து நன்றாகக் கலந்துகொள்ளவும். தேவைப்பட்டால் சிறிதளவு தண்ணீர் தெளித்து, கூடவே அரிசி மாவையும் சேர்த்து, கெட்டியான வடை மாவுப் பதத்துக்குக் கலந்துகொள்ளவும். வாணலியில் எண்ணெயைச் சூடாக்கி அதில் கலந்துவைத்த மாவை வடை போலத் தட்டிப்போட்டுப் பொரித்தெடுக்கவும்.

வெஜிடபிள் அடை

தேவை:கடலை மாவு - ஒரு கப்  பொடியாக நறுக்கிய வெங்காயம் - கால் கப்  மிளகாய்த்தூள் - ஒரு டீஸ்பூன்  கரம் மசாலாத்தூள் - அரை டீஸ்பூன்  கேரட் - ஒன்று (துருவவும்)  பொடியாக நறுக்கிய பீன்ஸ் - கால் கப்  நறுக்கிய கொத்தமல்லித்தழை - 2 டேபிள்ஸ்பூன்  இஞ்சி (தோல் சீவி துருவியது) - ஒரு டீஸ்பூன்  அரிசி மாவு அல்லது கார்ன்ப்ளார் (சோள மாவு) - 3 டேபிள்ஸ்பூன்  தண்ணீர், உப்பு, எண்ணெய் - தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

கடலை மாவுடன் அரிசி மாவு, மிளகாய்த்தூள், கரம் மசாலாத்தூள் சேர்க்கவும். பின்னர் இதனுடன் தேவையான அளவு உப்பு, தண்ணீர் சேர்த்து அடை மாவுப் பதத்துக்குக் கலந்துகொள்ளவும். பின்னர் இந்த மாவில் நறுக்கிய வெங்காயம், பீன்ஸ், கொத்தமல்லித்தழை, துருவிய கேரட், இஞ்சி ஆகியவற்றைச் சேர்த்துக் கலக்கவும். மாவை சிறுசிறு அடைகளாகத் தோசைக்கல்லில் வார்த்து, எண்ணெய்விட்டுச் சுட்டெடுக்கவும்.

குறிப்பு: தண்ணீருக்குப் பதில், தயிர் சேர்த்தும் அடை மாவைத் தயார் செய்யலாம்.

சீஸ் சாண்ட்விச்

தேவை: சாண்ட்விச் பிரெட் - 10 ஸ்லைஸ்  துருவிய சீஸ் - அரை கப்  பொடியாக நறுக்கிய வெங்காயம், தக்காளி - தலா அரை கப்  பொடியாக நறுக்கிய குடமிளகாய் - கால் கப்  இஞ்சி - பூண்டு விழுது - அரை டீஸ்பூன்  உப்பு - தேவையான அளவு  மிளகுத்தூள் - ஒரு டீஸ்பூன்  ரீபைண்டு ஆயில் - 2 டேபிள்ஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ஒரு வாணலியில் எண்ணெய்விட்டு சூடாக்கி, வெங்காயம், தக்காளியை வதக்கவும். அவை நன்றாக வதங்கியதும் இஞ்சி - பூண்டு விழுது சேர்த்து பச்சை வாசனை போகும் வரை வதக்கவும். பிறகு அதனுடன் குடமிளகாய், உப்பு, மிளகுத்தூள் சேர்த்து ஒரு நிமிடம் வதக்கி அடுப்பை அணைத்துவிடவும். பின்னர் துருவிய சீஸ் சேர்த்துக் கிளறி இரண்டு நிமிடங்கள் அப்படியே மூடிவைக்கவும். பிறகு இந்த பில்லிங்கை இரண்டு பிரெட் துண்டுகளுக்கு நடுவில்வைத்து டோஸ்ட்டரில் பிரெட்டின் இருபுறமும் சிவக்கும் அளவுக்கு டோஸ்ட் செய்துகொள்ளவும். தக்காளி சாஸுடன் பரிமாறவும்.

ரவா ரொட்டி

தேவை: ரவை - ஒரு கப்  தயிர் - ஒரு கப்  துருவிய தேங்காய் - அரை கப்  பொடியாக நறுக்கிய வெங்காயம் - அரை கப்  பொடியாக நறுக்கிய பச்சை மிளகாய் - ஒரு டீஸ்பூன்  பொடியாக நறுக்கிய இஞ்சி – ஒரு டீஸ்பூன்  ரீபைண்டு ஆயில் - 2 டேபிள்ஸ்பூன்  பெருங்காயத்தூள் - சிறிதளவு  உப்பு - தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ரவையைத் தயிரில் கலந்து 15 நிமிடங்கள் ஊறவைக்கவும். பின்னர் இதில் உப்பு, தேங்காய்த் துருவல், நறுக்கிய வெங்காயம், பச்சை மிளகாய், இஞ்சி, பெருங்காயத்தூள் சேர்த்து, சற்று கெட்டியான தோசை மாவுப் பதத்துக்குக் கலந்து கொள்ளவும் (தயிர் இல்லையென்றால் தண்ணீர்கூடச் சேர்க்கலாம்). இந்த மாவைச் சிறிய ரொட்டிகளாக, கையால் தட்டவும். தோசைக்கல்லில் போட்டு, சிறிதளவு எண்ணெய்விட்டு, இருபுறமும் சிவக்க வேகவிட்டு எடுக்கவும். சுவையான ரவா ரொட்டி தயார்.

ரவா பக்கோடா

தேவை: ரவை - ஒரு கப்  தயிர் - அரை கப்  பொடியாக நறுக்கிய வெங்காயம் - கால் கப்  பொடியாக நறுக்கிய குடமிளகாய் - 2 டேபிள்ஸ்பூன்  தோல் சீவி, பொடியாக நறுக்கிய இஞ்சி - 2 டீஸ்பூன்  பொடியாக நறுக்கிய கறிவேப்பிலை மற்றும் கொத்தமல்லித்தழை - சிறிதளவு  பச்சை மிளகாய் - ஒன்று (பொடியாக நறுக்கவும்)  மிளகாய்த்தூள் - அரை டீஸ்பூன்  பொடியாக நறுக்கிய தேங்காய்ப் பற்கள் - கால் டீஸ்பூன்  சமையல் சோடா - 2 சிட்டிகை  பெருங்காயத்தூள் - 2 சிட்டிகை  உப்பு - ஒரு டீஸ்பூன்  ரீபைண்டு ஆயில் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ரவையைத் தயிரில் 15 நிமிடங்கள் ஊறவிடவும். இதனுடன் எண்ணெயைத் தவிர மற்ற பொருள்களைச் சேர்த்து, பக்கோடா மாவுப் பதத்துக்குக் கலந்துகொள்ளவும். பின்னர் மாவைச் சூடான எண்ணெயில் சிறுசிறு பக்கோடாக்களாகப் போட்டுப் பொரித்தெடுக்கவும்.

வெல்ல அவல்

தேவை: தட்டை அவல் - 2 கப்  துருவிய தேங்காய் - ஒரு கப்  பொடித்த வெல்லம் - அரை கப்  ஏலக்காய்த்தூள் - அரை டீஸ்பூன்  நெய் - ஒரு டீஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

நெய்யைத் தவிர மேலே கொடுக்கப்பட்டுள்ள அனைத்துப் பொருள்களையும் ஒன்றாகச் சேர்த்து, கையால் நன்கு கலந்துகொள்ளவும். கடைசியாக நெய் சேர்த்துக் கலந்தால்... சுவையான வெல்ல அவல் தயார்.

வேர்க்கடலை சுண்டல்

தேவை: வேகவைத்த வேர்க்கடலை - ஒரு கப்  துருவிய கேரட் - அரை கப்  பொடியாக நறுக்கிய வெங்காயம் - கால் கப்  பொடியாக நறுக்கிய தக்காளி - கால் கப்  பச்சை மிளகாய் - ஒன்று (பொடியாக நறுக்கவும்)  துருவிய மாங்காய் - 2 டேபிள்ஸ்பூன்  மிளகாய்த்தூள் - அரை டீஸ்பூன்  எலுமிச்சைச்சாறு - ஒரு டேபிள்ஸ்பூன்  பொடியாக நறுக்கிய இஞ்சி - ஒரு டீஸ்பூன் பொடியாக நறுக்கிய கறிவேப்பிலை மற்றும் கொத்தமல்லித்தழை - சிறிதளவு  உப்பு - அரை டீஸ்பூன்  காராபூந்தி - ஒரு டேபிள்ஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

காராபூந்தியைத் தவிர மற்ற அனைத்துப் பொருள்களையும் நன்றாகக் கலந்துகொள்ளவும். பரிமாறுவதற்குச் சிறிது நேரத்துக்கு முன், காராபூந்தியை மேலே தூவிப் பரிமாறவும்.

ஸ்வீட் கார்ன் சுண்டல்

தேவை: உதிர்த்த ஸ்வீட் கார்ன் - ஒரு கப்  தேங்காய்த் துருவல் - ஒரு கப்  தேங்காய் எண்ணெய், கடுகு, உளுத்தம்பருப்பு, காய்ந்த மிளகாய் - தாளிக்கத் தேவையான அளவு  உப்பு - அரை டீஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

உதிர்த்த ஸ்வீட் கார்னை ஒரு கப் தண்ணீர் ஊற்றி ஒரு விசில் வரும்வரை வேகவைத்துக்கொள்ளவும். வெந்த ஸ்வீட் கார்னில் இருக்கும் தண்ணீரை வடிகட்டிக்கொள்ளவும். வாணலியில் தேங்காய் எண்ணெய்விட்டுச் சூடாக்கி, கடுகு, உளுத்தம்பருப்பு, காய்ந்த மிளகாய் தாளிக்கவும். இதனுடன் வேகவைத்த ஸ்வீட்கார்னைச் சேர்த்துக் கிளறவும். பின்னர் உப்பு மற்றும் தேங்காய்த் துருவல் சேர்த்துக் கிளறி இறக்கவும்.

பனீர் பிங்கர்ஸ்

தேவை: பனீர் - 100 கிராம்  மிளகாய்த்தூள் - ஒரு டீஸ்பூன்  மிளகுத்தூள் - ஒரு டீஸ்பூன்  சீரகத்தூள் - அரை டீஸ்பூன்  கார்ன்ப்ளார் (சோள மாவு) – ஒரு டேபிள்ஸ்பூன்  பிரெட் க்ரம்ஸ் (பிரெட் துகள்கள்) - 4 டேபிள்ஸ்பூன்  உப்பு - அரை டீஸ்பூன்  ரீபைண்டு ஆயில் - பொரிப்பதற்குத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

பனீரை சிறிய நீளமான வில்லைகளாக நறுக்கிக்கொள்ளவும். இதனுடன் மிளகாய்த்தூள், மிளகுத்தூள், சீரகத்தூள், உப்பு சேர்த்துப் பிசிறி 15 நிமிடங்கள் ஊறவிடவும். கார்ன்ப்ளார் மாவுடன் சிறிது தண்ணீர் சேர்த்து, கெட்டியான மாவுப் பதத்துக்குக் கரைத்துக்கொள்ளவும். இதில் ஊறிய பன்னீர் வில்லைகளைத் தோய்த்து, பிரெட் துகள்களில் புரட்டி சூடான எண்ணெயில் பொரித்தெடுக்கவும்.

வெண்டைக்காய் பக்கோடா

தேவை: கடலை மாவு - ஒரு கப்  அரிசி மாவு - கால் கப்  பொடியாக நறுக்கிய வெண்டைக்காய் - ஒரு கப்  பொடியாக நறுக்கிய பச்சை மிளகாய் - ஒன்று  தோல் சீவி, பொடியாக நறுக்கிய இஞ்சி - ஒரு டீஸ்பூன்  மிளகாய்த்தூள் - ஒரு டீஸ்பூன்  உப்பு - அரை டீஸ்பூன்  ரீபைண்டு ஆயில் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

எண்ணெயைத் தவிர மற்ற அனைத்துப் பொருள்களையும் தண்ணீர் சேர்க்காமல் பக்கோடா மாவுப் பதத்துக்குப் பிசைந்து கொள்ளவும் (வெண்டைக்காயில் உள்ள தண்ணீரே பக்கோடா மாவுப் பதத்துக்குப் போதுமானது). வாணலியில் எண்ணெயைச் சூடாக்கி இந்த மாவைச் சிறுசிறு உருண்டைகளாகக் கிள்ளிப்போட்டு மிதமான தீயில் பொரித்தெடுக்கவும். ஒருவேளை மாவில் தண்ணீர் சற்று அதிகம் இருந்தால் மாவைக் கையில் எடுத்து, சற்று பிழிந்த பிறகு எண்ணெயில் போட்டுப் பொரிக்கவும்.

மிக்ஸ்டு ஃப்ரூட் சாட்

தேவை: வாழைப்பழம் - ஒன்று (வில்லைகளாக நறுக்கவும்)  பொடியாக நறுக்கிய ஆப்பிள் - ஒரு கப்  பொடியாக நறுக்கிய பைனாப்பிள் - அரை கப்  மாதுளை முத்துகள் - கால் கப்  பொடியாக நறுக்கிய ஆரஞ்சுச்சுளைகள் – அரை கப் (விதைகள் நீக்கவும்)  சாட் மசாலாத்தூள் - அரை டீஸ்பூன்  எலுமிச்சைச்சாறு - ஒரு டேபிள்ஸ்பூன்  மிளகாய்த்தூள் - கால் டீஸ்பூன்  மிளகுத்தூள் - கால் டீஸ்பூன்  உப்பு - அரை டீஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

நறுக்கிவைத்துள்ள அனைத்துப் பழங்களையும் ஒன்றாகச் சேர்க்கவும். இதனுடன் சாட் மசாலாத்தூள், மிளகாய்த்தூள், மிளகுத்தூள், உப்பு சேர்த்துக் கலக்கவும். பின்னர் எலுமிச்சைச் சாறு சேர்த்துக் கலந்து பரிமாறவும்.

சீஸ் பால்ஸ்

தேவை: வேகவைத்து மசித்த உருளைக்கிழங்கு - 2 கப்  துருவிய செடார் சீஸ் - ஒரு கப்  பொடியாக நறுக்கிய பச்சை மிளகாய் - ஒரு டீஸ்பூன்  சாட் மசாலாத்தூள், சீரகத்தூள், மிளகுத்தூள் - தலா அரை டீஸ்பூன்  கார்ன்ப்ளார் (சோள மாவு) - 2 டேபிள்ஸ்பூன்  பிரெட் க்ரம்ஸ் (பிரெட் துகள்கள்) - 4 டேபிள்ஸ்பூன்  உப்பு - அரை டீஸ்பூன்  எண்ணெய் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

மசித்துவைத்துள்ள உருளைக்கிழங்குடன் துருவிய சீஸ், பச்சை மிளகாய், சாட் மசாலாத்தூள், சீரகத்தூள், மிளகுத்தூள், 2 டேபிள்ஸ்பூன் பிரெட் துகள்கள், உப்பு சேர்த்து கெட்டியாகப் பிசைந்துகொள்ளவும். கார்ன்ப்ளாருடன் கால் டீஸ்பூன் உப்பு சேர்த்து, சிறிது தண்ணீர் ஊற்றி கட்டியில்லாமல் மாவுப் பதத்துக்குக் கலந்துகொள்ளவும். பின்னர், மசித்த உருளைக்கிழங்கு கலவையை சிறிய உருண்டைகளாக்கி, அதை கார்ன்ப்ளாரில் தோய்த்து, மீதமுள்ள பிரெட் துகள்களில் புரட்டி, எண்ணெயில் பொரித்தெடுக்கவும். சுவையான சீஸ் பால்ஸ் தயார்.

கேரட் சீஸ் சாண்ட்விச்

தேவை: பிரெட் ஸ்லைஸ் - 10  துருவிய கேரட், துருவிய கோஸ் துருவிய சீஸ் - தலா அரை கப்  பொடியாக நறுக்கிய வெங்காயம் - கால் கப்  மிளகுத்தூள் - ஒரு டீஸ்பூன்  உப்பு - அரை டீஸ்பூன்  வெண்ணெய் - அரை டேபிள்ஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

பிரெட் மற்றும் வெண்ணெய் தவிர மற்ற அனைத்துப் பொருள்களையும் ஒன்றாகக் கலந்து வைத்துக்கொள்ளவும். பிறகு ஒரு பிரெட் ஸ்லைஸ் மேல் வெண்ணெய் தடவி, அதன் மேல் கேரட் கலவையைப் பரப்பி, மற்றொரு பிரெட் ஸ்லைஸ் கொண்டு மூடவும். இதைத் தக்காளி சாஸுடன் அப்படியே பரிமாறலாம். அல்லது டோஸ்ட் செய்தும் பரிமாறலாம்.

ரவா பணியாரம்

தேவை: ரவை - ஒரு கப்  அரிசி மாவு - 2 டேபிள்ஸ்பூன்  தயிர் – ஒரு கப்  துருவிய கேரட் - அரை கப்  பொடியாக நறுக்கிய வெங்காயம் - கால் கப்  பொடியாக நறுக்கிய பச்சை மிளகாய், துருவிய இஞ்சி, கறிவேப்பிலை (மொத்தமாகச் சேர்த்து) - 2 டேபிள்ஸ்பூன்  கடுகு, உளுத்தம்பருப்பு, சீரகம் - தாளிக்கத் தேவையான அளவு  முந்திரிப்பருப்புத் துண்டுகள் - 2 டேபிள்ஸ்பூன்  சமையல் சோடா - 2 சிட்டிகை  எண்ணெய் - தேவையான அளவு  உப்பு - ஒரு டீஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ரவை மற்றும் அரிசி மாவுடன் தயிர், உப்பு, சமையல் சோடா சேர்த்து 15 நிமிடங்கள் ஊறவிடவும். பின்னர் இதில் கேரட், வெங்காயம், பச்சை மிளகாய், இஞ்சி, கறிவேப்பிலை சேர்த்துக் கலந்துகொள்ளவும். வாணலியில் எண்ணெய்விட்டு சூடாக்கி, கடுகு, உளுத்தம்பருப்பு, சீரகம், முந்திரிப்பருப்பு தாளித்து, இதை மாவுக் கலவையில் சேர்க்கவும். பிறகு இட்லி மாவுப் பதத்தைவிட சிறிது தளர்வாக மாவைக் கலந்துகொள்ளவும். பின்னர் பணியாரக்கல்லின் குழிகளில் சிறிதளவு எண்ணெய்விட்டு, மாவைப் பணியாரங்களாக ஊற்றி, இருபுறமும் சுட்டெடுக்கவும். தேங்காய்ச் சட்னி அல்லது தக்காளிச் சட்னியுடன் பரிமாறவும்.

ஆலூ டிக்கி

தேவை: வேகவைத்து மசித்த உருளைக்கிழங்கு - 2 கப்  பொடியாக நறுக்கிய வெங்காயம் - கால் கப்  மிளகாய்த்தூள் - ஒரு டீஸ்பூன்  கரம் மசாலாத்தூள் - ஒரு டீஸ்பூன்  துருவிய கேரட் - கால் கப்  துருவிய கோஸ் – கால் கப்  பொடியாக நறுக்கிய பச்சை மிளகாய் - ஒன்று (விருப்பப்பட்டால்)  எண்ணெய், உப்பு - தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

வேகவைத்து மசித்த உருளைக்கிழங்குடன் உப்பு, மிளகாய்த்தூள், கரம் மசாலாத்தூள் சேர்த்துக் கலக்கவும். பின்னர் இதைச் சிறிய வடை போல் தட்டவும். தோசைக்கல்லில் எண்ணெய்விட்டு, தட்டிவைத்தவற்றைப் போட்டு இருபுறமும் சிவக்க வறுத்து எடுத்துக்கொள்ளவும். இப்படி வறுத்துவைத்த உருளைக்கிழங்கு டிக்கியை சற்று உதிர்த்துவிடவும். அதன்மேல் துருவிய கேரட், கோஸ், நறுக்கிய வெங்காயம், பச்சை மிளகாய் சேர்த்துக் கலக்கவும். இதைத் தக்காளி சாஸுடன் சூடாகப் பரிமாறவும்.

பனீர் ஸ்டப்டு பிரெட் சாண்ட்விச்

தேவை: சாண்ட்விச் பிரெட் - 10 ஸ்லைஸ்  பனீர் (துருவியது) - ஒரு கப்  பொடியாக நறுக்கிய வெங்காயம் - அரை கப்  பொடியாக நறுக்கிய தக்காளி - அரை கப்  வேகவைத்து மசித்த உருளைக்கிழங்கு - அரை கப்  இஞ்சி - பூண்டு விழுது - ஒரு டீஸ்பூன்  பொடியாக நறுக்கிய பச்சை மிளகாய் - ஒரு டீஸ்பூன்  மிளகாய்த்தூள் - ஒரு டீஸ்பூன்  எலுமிச்சைச்சாறு - ஒரு டீஸ்பூன்  ரீபைண்டு ஆயில் - 2 டேபிள்ஸ்பூன்  உப்பு - தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ஒரு வாணலியில் எண்ணெய் ஊற்றி வெங்காயம், தக்காளியை நன்றாக வதக்கவும். அதனுடன் இஞ்சி - பூண்டு விழுது சேர்த்து பச்சை வாசனை போகும் வரை வதக்கவும். பின்னர் மசித்து வைத்துள்ள உருளைக்கிழங்கு, நறுக்கிய பச்சை மிளகாய், மிளகாய்த்தூள், துருவிய பனீர், தேவையான உப்பு சேர்த்து நன்றாக வதக்கவும். பிறகு கலவையைக் கீழே இறக்கி, இதில் எலுமிச்சைச்சாறு சேர்த்துக் கலந்துகொள்ளவும். சாண்ட்விச் பில்லிங் தயார்.

இந்த பில்லிங்கை இரண்டு பிரெட் துண்டுகளுக்கு நடுவில்வைத்து பிரெட் டோஸ்ட்டரில் பிரெட்டின் இருபுறமும் நன்றாகச் சிவக்கும் வரை டோஸ்ட் செய்யவும். தக்காளி சாஸுடன் பரிமாறவும்.

சேமியா இட்லி

தேவை: சேமியா - ஒரு கப்  தயிர் - ஒரு கப்  துருவிய கேரட் - அரை கப்  பொடியாக நறுக்கிய பச்சை மிளகாய் - ஒரு டீஸ்பூன்  தோல் சீவி, பொடியாக நறுக்கிய இஞ்சி – ஒரு டீஸ்பூன் நறுக்கிய கொத்தமல்லித்தழை – 2 டேபிள்ஸ்பூன்  நெய் - ஒரு டேபிள்ஸ்பூன்  சமையல் சோடா - 2 சிட்டிகை  கடுகு, உளுத்தம்பருப்பு, கறிவேப்பிலை, முந்திரிப்பருப்பு, எண்ணெய் - தாளிக்கத் தேவையான அளவு  உப்பு - தேவைக்கேற்ப.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ஒரு வாணலியில் எண்ணெய்விட்டு, கடுகு, உளுத்தம்பருப்பு, கறிவேப்பிலை, முந்திரிப்பருப்பு தாளித்து தனியாக எடுத்துக் கொள்ளவும். பின்னர் வாணலியில் நெய் ஊற்றி சேமியாவைச் சிவக்க வறுத்துக்கொள்ளவும். இதனுடன் தயிர் மற்றும் உப்பு, சமையல் சோடா சேர்த்து அரை மணி நேரம் ஊறவிடவும். பிறகு இதனுடன் துருவிய கேரட், பச்சை மிளகாய், இஞ்சி, கொத்தமல்லித்தழை ஆகியவற்றைச் சேர்த்துக் கலக்கவும். பின்னர் தாளித்து தனியாகவைத்துள்ள பொருள்களையும் இதனுடன் சேர்த்து, இட்லி மாவைவிடச் சற்று கெட்டியான பதத்துக்கு மாவைக் கலந்துகொள்ளவும். பிறகு மாவை இட்லிகளாக வார்த்தெடுக்கவும். தேங்காய்ச் சட்னி, அல்லது தக்காளிச் சட்னியுடன் பரிமாறவும்.

சிவ்டா (அவல் மிக்ஸர்)

தேவை: தட்டை அவல் - 2 கப்  வறுத்த வேர்க்கடலை - அரை கப்  பொட்டுக்கடலை - கால்  கப்  முந்திரிப்பருப்பு - 2 டேபிள்ஸ்பூன்  உலர்திராட்சை - 2 டேபிள்ஸ்பூன்  மஞ்சள்தூள் - ஒரு சிட்டிகை  சர்க்கரை - 2 டீஸ்பூன்  பச்சை மிளகாய் - ஒன்று (பொடியாக நறுக்கவும்)  கறிவேப்பிலை - சிறிதளவு  எண்ணெய், உப்பு - தேவைக்கேற்ப.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

அவலுடன் மஞ்சள்தூள் சேர்த்துக் கலந்துகொள்ளவும். பின்னர் அடி கனமான வெறும் வாணலியில், அவலைச் சேர்த்து மிதமான தீயில் மொறுமொறுவென ஆகும் வரை பொரிக்கவும். பின்னர் இதைத் தனியாக எடுத்துவைத்துக் கொள்ளவும். வாணலியில் எண்ணெய்விட்டு சூடாக்கி வேர்க்கடலை, பொட்டுக்கடலை, முந்திரிப்பருப்பு, உலர்திராட்சை, பச்சை மிளகாய், கறிவேப்பிலை சேர்த்துப் பொரித்து எடுத்துக்கொள்ளவும். பின்னர் இதைப் பொரித்துவைத்திருக்கும் அவல் பொரியுடன் சேர்க்கவும். பிறகு இந்தப் பொரிக்கலவையில் சர்க்கரை, உப்பு சேர்த்து நன்றாகக் கலக்கவும். அவல் மிக்ஸர் தயார்.

பிஸ்கட் சாண்ட்விச்

தேவை: வட்டமான உப்பு பிஸ்கட் - ஒரு பாக்கெட்  சீஸ் ஸ்லைஸ் (வில்லைகளாக வெட்டியவை) - 10  வில்லைகளாக நறுக்கிய வெங்காயம், தக்காளி, வெள்ளரிக்காய் - தேவைக்கேற்ப  கொத்தமல்லி அல்லது புதினாச் சட்னி - 2 டேபிள்ஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ஒரு உப்பு பிஸ்கட்டை எடுத்துக்கொள்ளவும். அதன் மேல், சீஸ் ஸ்லைஸ் ஒன்றை வைக்கவும். பிறகு அதன் மேல் ஒரு வெங்காயம், தக்காளி, வெள்ளரிக்காய் வில்லையை வைக்கவும். அதன் மேல் சிறிதளவு கொத்தமல்லிச் சட்னி தடவி, இன்னொரு பிஸ்கட்டை அதன்மேல் வைத்து மூடி சாண்ட்விச் போல குழந்தைகளுக்குக் கொடுக்கவும்.

குறிப்பு: வெங்காயம், தக்காளி, வெள்ளரிக்காய்க்குப் பதிலாக, துருவிய கேரட் மற்றும் கோஸ்வைத்துக்கூட பரிமாறலாம். அதேபோல கொத்தமல்லிச் சட்னி, புதினாச் சட்னி இல்லை என்றால், தக்காளி சாஸ் தடவியும் இந்த சாண்ட்விச்சைச் செய்யலாம்.

கோலி பாஜே

தேவை: மைதா - ஒரு கப்  தயிர் - ஒரு கப்  சமையல் சோடா - 2 சிட்டிகை  தோல் சீவி பொடியாக நறுக்கிய இஞ்சி - ஒரு டீஸ்பூன்  பச்சை மிளகாய் - ஒன்று (பொடியாக நறுக்கவும்)  கறிவேப்பிலை, கொத்தமல்லித்தழை - சிறிதளவு
 பெருங்காயத்தூள் - சிறிதளவு  உப்பு - தேவையான அளவு  ரீபைண்டு ஆயில் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

மைதாவுடன் உப்பு, தயிர், சமையல் சோடா சேர்த்து இரண்டு மணி நேரம் ஊறவிடவும். இதனுடன் பச்சை மிளகாய், இஞ்சி, கறிவேப்பிலை, கொத்தமல்லித்தழை, பெருங்காயத்தூள் சேர்த்து பஜ்ஜி மாவைவிடச் சிறிது கெட்டியான பதத்துக்குக் கலந்துகொள்ளவும். மாவைச் சூடான எண்ணெயில் சிறிய போண்டாக்களாக உருட்டிப்போட்டுப் பொரித்தெடுக்கவும்.

கீரை வடை

தேவை: கடலைப்பருப்பு - முக்கால் கப்  துவரம்பருப்பு - கால் கப்  காய்ந்த மிளகாய் - 3  சோம்பு - ஒரு டீஸ்பூன்  பெருங்காயத்தூள் - கால் டீஸ்பூன்  பொடியாக நறுக்கிய அரைக்கீரை அல்லது முளைக்கீரை அல்லது முருங்கைக்கீரை - ஒரு கப்  பொடியாக நறுக்கிய இஞ்சி, பச்சை மிளகாய் - தலா ஒரு டீஸ்பூன்  கறிவேப்பிலை, கொத்தமல்லித்தழை - சிறிதளவு  பொடியாக நறுக்கிய வெங்காயம் - அரை கப்  உப்பு - தேவையான அளவு  ரீபைண்டு ஆயில் - பொரிக்கத் தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

கடலைப்பருப்பு மற்றும் துவரம்பருப்பை ஒன்றாகச் சேர்த்து இரண்டு மணி நேரம் ஊறவைக்கவும். இதனுடன் காய்ந்த மிளகாய், சோம்பு, பெருங்காயத்தூள், உப்பு சேர்த்துக் கொரகொரப்பாக, சிறிது கெட்டியாக அரைத்துக்கொள்ளவும். இந்த மாவில் பொடியாக நறுக்கிய கீரை, வெங்காயம், இஞ்சி, பச்சை மிளகாய், கறிவேப்பிலை, கொத்தமல்லித்தழை சேர்த்துக் கலந்து வடைகளாகத் தட்டி, சூடான எண்ணெயில் பொரித்தெடுக்கவும்.

மிக்ஸ்டு ஸ்ப்ரவுட் சாட்

தேவை: முளைகட்டிய பச்சைப் பயறு, முளைகட்டிய கொண்டைக்கடலை - தலா அரை கப்  தோல் சீவி பொடியாக நறுக்கிய இஞ்சி, பொடியாக நறுக்கிய பச்சை மிளகாய் - தலா ஒரு டீஸ்பூன்  நறுக்கிய கொத்தமல்லித்தழை - சிறிதளவு  பொடியாக நறுக்கிய வெங்காயம் - அரை கப்  பொடியாக நறுக்கிய தக்காளி - அரை கப்  சாட் மசாலாத்தூள் - கால் டீஸ்பூன்  எலுமிச்சைச்சாறு - ஒரு டேபிள்ஸ்பூன்  உப்பு - தேவையான அளவு.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

கொடுக்கப்பட்டுள்ள பொருள்கள் அனைத்தையும் (எலுமிச்சைச் சாறு தவிர) ஒன்றாகச் சேர்த்துக் கலந்துகொள்ளவும். இதனுடன் எலுமிச்சைச்சாறு சேர்த்துக் கிளறி பரிமாறவும்.

அவல் உப்புமா

தேவை: சிவப்பு அவல் - ஒரு கப்  தேங்காய்த் துருவல் - கால் கப்  பச்சை மிளகாய் - ஒன்று (பொடியாக நறுக்கவும்)  காய்ந்த மிளகாய் - ஒன்று  கறிவேப்பிலை - சிறிதளவு  தேங்காய் எண்ணெய் - ஒரு டேபிள்ஸ்பூன்  சர்க்கரை - ஒரு டீஸ்பூன்  கடுகு, உளுத்தம்பருப்பு, கடலைப்பருப்பு - தாளிக்கத் தேவையான அளவு  எலுமிச்சைச்சாறு - ஒரு டேபிள்ஸ்பூன்  உப்பு - அரை டீஸ்பூன்.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

சிவப்பு அவலை 15 நிமிடங்கள் தண்ணீரில் ஊறவைத்து வடிகட்டி தனியாக எடுத்து வைத்துக்கொள்ளவும். ஒரு வாணலியில் தேங்காய் எண்ணெய்விட்டு சூடாக்கி கடுகு, உளுத்தம்பருப்பு, கடலைப்பருப்பு, காய்ந்த மிளகாய், பச்சை மிளகாய், கறிவேப்பிலை தாளிக்கவும். இதனுடன் வடிகட்டி வைத்த அவல், உப்பு, சர்க்கரை சேர்த்து இரண்டு நிமிடங்கள் கிளறவும். பின்னர் இதனுடன் தேங்காய்த் துருவல், எலுமிச்சைச் சாறு சேர்த்துக் கிளறி இறக்கவும். உடனே பரிமாறவும்.

மிக்ஸ்டு லெக்யூம் சுண்டல்

தேவை: ஊறவைத்த கறுப்புக் கொண்டைக்கடலை, வெள்ளைக் கொண்டைக்கடலை, வெள்ளை மொச்சை, வேர்க்கடலை (மொத்தமாக சேர்த்து) - ஒரு கப்  தோல் சீவி பொடியாக நறுக்கிய இஞ்சி, பொடியாக நறுக்கிய பச்சை மிளகாய் - தலா ஒரு டீஸ்பூன்  நறுக்கிய கொத்தமல்லித்தழை, கறிவேப்பிலை - சிறிதளவு  பொடியாக நறுக்கிய வெங்காயம் - அரை கப்  தேங்காய்த் துருவல் - கால் கப்  கடுகு, உளுத்தம்பருப்பு, காய்ந்த மிளகாய், எண்ணெய் - தாளிக்கத் தேவையான அளவு  உப்பு - தேவைக்கேற்ப.

செய்முறை:

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

ஊறவைத்த அனைத்துப் பயறு வகைகளையும் குக்கரில் நான்கு விசில் வரும்வரை வேகவிட்டு தண்ணீரை வடிகட்டி எடுத்துக் கொள்ளவும். ஒரு வாணலியில் எண்ணெய்விட்டு சூடாக்கி, கடுகு, உளுத்தம்பருப்பு, காய்ந்த மிளகாய் தாளிக்கவும். பின்னர் இதனுடன் வெங்காயம், பச்சை மிளகாய், கறிவேப்பிலை, கொத்தமல்லித்தழை, இஞ்சி சேர்த்து நன்றாக வதக்கவும். பிறகு இதில் வேகவைத்த பயறு வகைகள், உப்பு சேர்த்து மறுபடியும் நன்கு வதக்கவும். பிறகு தேங்காய்த் துருவலைச் சேர்த்துக் கிளறி இறக்கவும்.

மாலை நேரம்... மகிழ்ச்சி நேரம்!

கிட்ஸ் ஸ்பெஷல் - 30 வகை மாலைநேர ஸ்நாக்ஸ்

``பள்ளி, கல்லூரி சென்று வீடு திரும்பும் பிள்ளைகளில் பெரும்பாலானோர் `சாப்பிட என்ன இருக்கு?’ என்று கேட்டுக்கொண்டே நுழைவார்கள். காலையில் அவசரமாகவும் மதியம் ஆறிப்போன உணவுகளையும் சாப்பிடுகிறவர்கள், மாலைநேர உணவை சூடாகவும் சுவை மிகுந்ததாகவும் எதிர்பார்ப்பார்கள். அவர்கள் எதிர்பார்ப்புக்கேற்ப சுவை நரம்பை சுண்டியிழுக்கும் உணவு அமைந்துவிட்டால், பரிமாறுபவரைக் கொண்டாடுவார்கள். `சூப்பர் சுவையில் தினமும் விதவிதமாக மாலை நேர ஸ்நாக்ஸ் செய்து பரிமாறுவது சாத்தியம்தானா?’ என்று யோசிப்பவர்களுக்கு உதவிபுரிய, உங்கள் வீட்டு டைனிங் அறையில் `இன்னும் கொஞ்சம் கொடுங்க... ப்ளீஸ்’ என்ற குரலை ஒலிக்கவைக்கும் டேஸ்ட்டியான மாலைநேர ஸ்நாக்ஸ் வகை களின் செய்முறைகளை உற்சாகத்துடன் வழங்குகிறார், சென்னையைச் சேர்ந்த சமையற்கலைஞர் ரூபா ராகவ்.

கார்ன் கட்லெட், பனீர் பக்கோடா, சுர்முரி, பிரெட் வடை, சீஸ் பால்ஸ், பனீர் பிங்கர்ஸ், ஆலூ டிக்கி, பனீர் ஸ்டப்டு பிரெட் சாண்ட்விச், கீரை வடை என்று பெயரைக் கேட்கும்போதே சாப்பிடும் ஆவலைத்தூண்டும் உணவு வகைகளைப் பரிமாறினால், நம் இல்லத்தில் மாலை நேரம், மகிழ்ச்சி நேரமாக மாறும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism