Published:Updated:

இது ஃபியூஷன் ஸ்பெஷல்!

இது ஃபியூஷன் ஸ்பெஷல்!
பிரீமியம் ஸ்டோரி
News
இது ஃபியூஷன் ஸ்பெஷல்!

நளினா கண்ணன்

இது ஃபியூஷன் ஸ்பெஷல்!

பியூஷன் உணவுகள் உலகெங்கிலும் பிரபலம். வேறு வேறு நாடுகள்... வேறு வேறு கலாசாரங்கள்... வேறு வேறு சமையல் முறைகள் என எல்லாவற்றின் கலவையும் சேர்ந்ததுதான் ஃபியூஷன் சுவை. டெசர்ட் பீட்சா, சுஷிரிட்டோ, கிராய்சுஷி என உலகின் பிரபல ஃபியூஷன் உணவுகள் எல்லாம் அனைத்துத் தரப்பு மக்களையும் ஈர்க்குமா என்பது சந்தேகம்தான்.

‘`நம்மூரில் எளிதாகக் கிடைக்கும் பொருள்களைவைத்து அசத்தலான ஃபியூஷன் காம்போ தயாரிக்கலாம். பழகிய பொருள்கள் என்பதால் அவை நிச்சயம் எல்லோருக்கும் பிடிக்கும்’’ என்கிறார் சென்னை, மயிலாப்பூரில் உள்ள ‘தளிகை’ உணவகத்தின் உரிமையாளர் நளினா கண்ணன்.

இது ஃபியூஷன் ஸ்பெஷல்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

சர்க்கரைவள்ளிக்கிழங்கைவைத்து சூப்பரான ஃபியூஷன் விருந்து படைத்திருக்கிறார் அவர். பார்ப்பதற்கு மட்டுமல்ல, சுவைப்பதற்கும் அவை ஆஹா.... பிரமாதம்!

படங்கள்: ப.கார்த்திகா

கிரில்டு ஸ்வீட் பொட்டேட்டோ

தேவையானவை:

* சர்க்கரைவள்ளிக்கிழங்கு - 300 கிராம்
* உப்பு - அரை டீஸ்பூன்
* ஒன்றிரண்டாகப் பொடித்த மிளகு - கால் டீஸ்பூன்
* சன்பிளவர் ஆயில் - 3 டீஸ்பூன்
* பொடியாக நறுக்கிய கொத்தமல்லித்தழை - ஒரு டீஸ்பூன்

செய்முறை:

தேவையானவற்றுக்குக் கொடுத்துள்ள அனைத்து பொருள்களையும் ஒன்றாகக் கலக்கவும். 20 நிமிடங்கள் கிரில் அவனில் வைத்து உள்புறம் மற்றும் வெளிப்புறம் வேகும்படி கிரில் செய்து எடுக்கவும். அவன் இல்லாதவர்கள் அடிகனமான தவாவில் தேவை யான அளவு எண்ணெய்விட்டு 25 நிமிடங் களுக்கு நன்கு ரோஸ்ட் செய்து எடுக்கலாம்.

ஸ்பைசி தால்

தேவையானவை:
* மசூர் பருப்பு - 200 கிராம்
* மஞ்சள்தூள் - கால் டீஸ்பூன்
* பொடியாக நறுக்கிய தக்காளி - ஒரு கப்
* தண்ணீர் - 4 கப்
* பிரியாணி இலை - ஒன்று
* சீரகம் - கால் டீஸ்பூன்
* இரண்டாகக் கீறிய பச்சை மிளகாய் - 4
* பொடியாக நறுக்கிய இஞ்சி - அரை டீஸ்பூன்
* மிளகாய்த்தூள் - அரை டீஸ்பூன்
* உப்பு, நெய் - 2 டீஸ்பூன்
* எலுமிச்சைச்சாறு - ஒரு டீஸ்பூன்
* நறுக்கிய கொத்தமல்லித்தழை - ஒரு டீஸ்பூன்

இது ஃபியூஷன் ஸ்பெஷல்!

செய்முறை:

அடுப்பில் வாயகன்ற பாத்திரத்தைவைத்து 4 கப் தண்ணீர் ஊற்றி மசூர் பருப்பு, மஞ்சள் தூள், பிரியாணி இலை சேர்த்து மூடிப் போடாமல் 20 நிமிடங்களுக்கு வேகவிடவும். பிறகு இலையை எடுத்துவிட்டுப் பருப்பை நன்கு மசிக்கவும். கடாயில் நெய்விட்டு சூடாக்கி சீரகம், மிளகாய்த்தூள், பச்சை மிளகாய், இஞ்சி சேர்த்து வதக்கவும். அதனுடன் தக்காளி சேர்த்து வதக்கி, உப்பு சேர்க்கவும். எல்லாம் சேர்ந்து நன்கு வெந்ததும் அடுப்பை அணைத்து கொத்தமல்லித்தழை தூவவும். கடைசியாக எலுமிச்சைச்சாறு சேர்க்கவும்.

பிங்க் சட்னி

தேவையானவை:
* தேங்காய்த்துருவல் - அரை கப்
* வெந்நீர் - அரை கப்
* பொடியாக நறுக்கிய இஞ்சி - கால் டீஸ்பூன்
* பச்சை மிளகாய் - 2
* உப்பு - ஒரு டீஸ்பூன்
* நறுக்கிய பீட்ரூட் - கால் டீஸ்பூன்

தாளிக்க:
* கடுகு, உளுத்தம்பருப்பு - தலா கால் டீஸ்பூன்
* நல்லெண்ணெய் - ஒரு டீஸ்பூன்

செய்முறை:

தாளிக்கும் பொருள்கள் தவிர, மற்ற அனைத்தையும் மிக்ஸியில் சேர்த்து விழுதாக அரைக்கவும். அடுப்பில் வாணலியைவைத்து எண்ணெய்விட்டு கடுகு, உளுத்தம்பருப்பு தாளித்து சட்னியில் சேர்த்துப் பரிமாறவும்.

பரிமாறும் முறை: ஒரு தட்டில் கிரில் செய்த சர்க்கரைவள்ளிக்கிழங்குத் துண்டுகளை வைத்து, அதன் அருகில் தனித்தனி கிண்ணங் களில் தாலையும், சட்னியையும் வைக்கவும். விரும்பினால் கிழங்கின்மீது சிறிது சட்னி, தால் ஊற்றி பரிமாறவும்.

*சர்க்கரைவள்ளிக்கிழங்கில் அதிக அளவு பீட்டா கரோட்டீன் உள்ளதால், இது நோய் எதிர்ப்பு சக்தியை அதிகரிக்க உதவும். சருமம் மற்றும் நரம்பு மண்டல செயல்பாட்டுக்கு இது நல்லது.

ஸ்வீட் பொட்டேட்டோ பிங்கர் சிப்ஸ்

தேவையானவை:
* சர்க்கரைவள்ளிக்கிழங்கு - 50 கிராம் (இரண்டு இன்ச் துண்டுகளாக நறுக்கிக் கொள்ளவும்)
* தண்ணீர் - கால் கப்
* எண்ணெய் - தேவையான அளவு
* உப்பு - ஒரு டீஸ்பூன்

செய்முறை:

தண்ணீரில் உப்பு சேர்த்துக் கலக்கவும். அடுப்பில் வாணலியைவைத்து எண்ணெயைச் சூடாக்கவும். கைநிறைய கிழங்கை அள்ளி சூடான எண்ணெயில் போடவும். உப்பு கலந்த தண்ணீரை ஒரு ஸ்பூன் அளவு எடுத்து சூடான எண்ணெயில் மெதுவாக விடவும். கிழங்கு உப்பை நன்கு உள்வாங்கிக்கொள்ளும். எல்லா கிழங்குகளையும் ஒன்றாகக் கலந்துவிடவும். கிழங்கு நன்கு பொரிந்ததும் வெளியே எடுத்து எண்ணெயை வடிக்கவும்.

பச்சைப்பட்டாணி டிப்

தேவையானவை:
* உறைய வைத்த (ஃப்ரோஸன்) பச்சைப்பட்டாணி - ஒரு கப்
* பச்சை மிளகாய் - 2
* உப்பு - அரை டீஸ்பூன்
* கொத்தமல்லித்தழை - அரை கப்
* புதினா இலை - அரை டீஸ்பூன்
* ஊறவைத்த பாதாம் - 6/10
* எலுமிச்சைச்சாறு - அரை டீஸ்பூன்

இது ஃபியூஷன் ஸ்பெஷல்!

செய்முறை:

ஒரு பாத்திரத்தில் தண்ணீர் ஊற்றி அடுப்பில் வைத்துக் கொதிக்கவிடவும். அப்படியே பச்சைப் பட்டாணி இருக்கும் பாத்திரத்தில் ஊற்றி மூடி போட்டு 10 நிமிடங்கள் தனியாக வைக்கவும். பிறகு, தண்ணீரை வடித்து எலுமிச்சைச்சாறு தவிர, மற்றவற்றைப் பட்டாணியுடன் சேர்த்து அரைக்கவும். எலுமிச்சைச்சாறு பிழிந்தால் பச்சைப்பட்டாணி டிப் ரெடி.

குறிப்பு:

பாதாம் பருப்பு வேண்டாம் என்பவர்கள் அதற்குப் பதிலாக அரை கப் தயிர் சேர்த்துக் கொள்ளலாம்.

டர்மரிக் டீ

தேவையானவை:
* துருவிய பசும்மஞ்சள் - ஒரு டீஸ்பூன்
* இஞ்சித் துருவல் - அரை டீஸ்பூன்
* லெமன் கிராஸ் தண்டு – ஒன்று
* சில்லி ஃப்ளேக்ஸ் - ஒரு சிட்டிகை
* ஒன்றிரண்டாகத் தட்டிய மிளகு - கால் டீஸ்பூன்
* மல்லி (தனியா) - கால் டீஸ்பூன்
* எலுமிச்சை - 2 (விதை நீக்கி துண்டுகளாக்கவும்)
* வெந்நீர் - 600 மில்லி
* சர்க்கரை (அ) தேன் - இனிப்புக்கேற்ப

செய்முறை:

சர்க்கரை (அ) தேன் தவிர அனைத்துப் பொருள்களையும் ஒரு பாத்திரத்தில் போட்டு அவற்றின் மேல் கொதிக்கும் நீரை ஊற்றி, சிறிது நேரம் அப்படியே வைக்கவும். பிறகு வடிகட்டி, தேன் (அ) சர்க்கரை சேர்த்துப் பரிமாறவும்.

பரிமாறும் முறை:

ஒரு தட்டில் ஃபிங்கர் சிப்ஸை அடுக்கவும். சிறிய கிண்ணத்தில் பச்சைப்பட்டாணி டிப்பை வைக்கவும். கூடவே மிக மெலிதாக, நீளமாக நறுக்கிய கேரட் மற்றும் வெள்ளரிக்காய் வைக்கவும். டர்மரிக் டீயுடன் பரிமாறவும்.

*அதிக அளவு நார்ச்சத்தும், புரதமும் நிறைந்துள்ள பச்சைப்பட்டாணி, ரத்த சர்க்கரை அளவைக் கட்டுக்குள் வைக்கவும் உதவுகிறது.

டாஸ்டு எக்ஸாடிக் வெஜிடபிள்

தேவையானவை:
* சர்க்கரைவள்ளிக்கிழங்கு - 200 கிராம்
* புரொக்கோலி - 4 துண்டுகள்
* கேரட் துண்டுகள் - அரை கப்
* மஞ்சள் ஜுகினி துண்டுகள் (zuccini) - அரை கப் (சூப்பர் மார்க்கெட்டிலும் இது கிடைக்கும்)
* நீளமாக நறுக்கிய தக்காளி - ஒரு கப்
* நீளமாக நறுக்கிய இஞ்சித் துண்டுகள் - அரை டீஸ்பூன்
* பீநட் பட்டர் (விருப்பமானால்) - ஒரு டேபிள்ஸ்பூன்
* எண்ணெய் - 4 டீஸ்பூன்
* உப்பு, பொடித்த மிளகு, ரெட் சில்லி ஃப்ளேக்ஸ் - தலா அரை டீஸ்பூன்
* மிக்ஸ்டு ஸ்பைஸி பவுடர் - 1 டீஸ்பூன்
* எலுமிச்சைச்சாறு - 1 டீஸ்பூன்
* ஓரிகானோ பவுடர் - 1 டீஸ்பூன்
* பொடியாக நறுக்கிய கொத்தமல்லி - 2 டீஸ்பூன்

செய்முறை

எண்ணெயைச் சூடாக்கி, சர்க்கரைவள்ளிக் கிழங்குத் துண்டுகளைச் சேர்த்து வதக்கவும். கிழங்கு நன்கு வறுவலாகும் வரை வதக்க வேண்டும். இத்துடன் மற்ற காய்கறிகளையும் சேர்த்து 2 நிமிடங்களுக்கு வதக்கவும். இதனுடன் பீநட் பட்டர், உப்பு, மிளகுத்தூள், ரெட் சில்லி ஃப்ளேக்ஸ், மிக்ஸ்டு ஸ்பைஸி பவுடர், ஓரிகானோ சேர்த்துக் கிளறவும். அடுப்பை அணைத்து எலுமிச்சைச்சாறு விட்டு கொத்தமல்லித்தழை தூவி வைக்கவும்.

சேவை

தேவையானவை:
* சிறுதானிய இன்ஸ்டன்ட் சேவை – ஒரு பாக்கெட்
* உப்பு - ஒரு டீஸ்பூன்
* கேரட் துருவல் - அரை கப்
* துருவிய முட்டைக்கோஸ் - அரை கப்
* தண்ணீர் - 2 லிட்டர்

இது ஃபியூஷன் ஸ்பெஷல்!

செய்முறை:

அகலமான பாத்திரத்தில் தண்ணீர்விட்டு, அதில் சேவையை 3 நிமிடங்களுக்கு ஊறவைக்கவும். பிறகு தண்ணீரை வடித்து, இட்லிப் பாத்திரத்தில் சேவையுடன் கேரட் மற்றும் முட்டைகோஸ் துருவல் சேர்த்து 4 நிமிடங்கள் வேகவிடவும். வெந்த சேவையுடன் உப்பு சேர்த்துத் தனியே எடுத்துவைக்கவும்.

மாதுளை முத்துகள் டீ

தேவையானவை:
* உலர் மாதுளை முத்துகள் - 3 டீஸ்பூன் (`அனார்த்தனா’ என்று சூப்பர் மார்கெட்டில் கேட்கலாம்)
* வெந்நீர் - 4 கப்
* டீ மசாலா - ஒரு சிட்டிகை
* தேன் - 4 டேபிள்ஸ்பூன்
* ஏலக்காய்த்தூள் – ஒரு சிட்டிகை

செய்முறை:

ஒரு பாத்திரத்தில் உலர் மாதுளை முத்துகள், டீ மசாலா, ஏலக்காய்த்தூள் சேர்த்து அதில் கொதிக்கும் தண்ணீரை விடவும். பிறகு, அடுப்பில்வைத்து கலவையை 5 நிமிடங் களுக்குக் கொதிக்கவிடவும். இறக்கி, வடிகட்டி தேன் கலந்து பரிமாறவும்.

பரிமாறும் முறை:

ஒரு பெரிய தட்டில் ஒரு பங்கு சேவை வைக்கவும். அதன் மேல் டாஸ்டு வெஜிடபிள் கலவையைக் கவனமாகவைத்து, மாதுளை முத்துகள் டீயுடன் பரிமாறவும்.

*புரொக்கோலி கொழுப்பைக் குறைக்க உதவும். அதிக அளவு ஆன்டிஆக்ஸிடென்டை இது கொண்டுள்ளதால், தேவையற்ற கொழுப்புகளையும் நச்சுகளையும் வெளியேற்றிவிடும்.

வேகன் பிரவுன் ரைஸ்

தேவையானவை:
* பிரவுன் ரைஸ் (கைக்குத்தல் அரிசி) - 200 கிராம்
* தண்ணீர் - 300 மில்லி
* காய்கறிகள் வேகவைத்த தண்ணீர் - 500 மில்லி
* பாசிப்பருப்பு - 50 கிராம்
* கேரட், பீன்ஸ், காலிஃப்ளவர், பட்டாணி கலவை - அரை கப்
* உப்பு - அரை டீஸ்பூன்
* பாதாம் விழுது - 3 டீஸ்பூன்
* முந்திரி விழுது - 2 டீஸ்பூன்
* பொடித்த மிளகு - அரை டீஸ்பூன்
* முழு மிளகு - அரை டீஸ்பூன்
* பிரியாணி இலை – ஒன்று

செய்முறை:

அரிசியைக் கழுவி தண்ணீர் ஊற்றி ஒரு மணி நேரம் ஊறவிடவும். அடுப்பில் கடாயைவைத்து எண்ணெய் விடாமல் பாசிப்பருப்பைச் சேர்த்து வறுத்து, தண்ணீரில் 2 மணி நேரம் ஊறவைத்து பிறகு, தண்ணீரை வடிக்கவும். அடுப்பில் குக்கரைவைத்து ஊறவைத்த அரிசி, பருப்பைத் தண்ணீர் வடியவைத்த பிறகு வாணலியில் சேர்த்து வறுக்கவும். அரிசி தனித்தனியே தெரியும் அளவுக்கு வறுக்கவும். பிறகு அதில் தண்ணீர், முழு மிளகு, காய்கறிகள் வேகவைத்த தண்ணீர், உப்பு, பிரியாணி இலை, காய்கறிகள் சேர்த்து மூடிபோட்டு நான்கு விசில் வரும் வரை வேகவிட்டு அடுப்பை அணைக்கவும். கலவை வெந்ததும் அதில் பாதாம் விழுது, முந்திரி விழுது, பொடித்த மிளகு சேர்த்துக் கிளறித் தனியேவைக்கவும்.

கிரில்டு ரூட் வெஜிடபிள்ஸ்

தேவையானவை:
* சர்க்கரைவள்ளிக்கிழங்கு மற்றும் உருளைக்கிழங்கு - தலா 8 துண்டுகள்
* தக்காளித்துண்டுகள் - 6
* கேரட் - 10 துண்டுகள் (குறுக்குவாட்டில் நறுக்கவும்)
* மிளகாய்த்தூள், மிளகுத்தூள் - அரை டீஸ்பூன்
* உப்பு - ஒரு டீஸ்பூன்
* வறுக்காத வேர்க்கடலை பவுடர் (அ) முந்திரிப் பவுடர் – ஒரு டீஸ்பூன்
* நறுக்கிய கொத்தமல்லித்தழை - 3 டீஸ்பூன்
* நறுக்கிய பேசில் இலை – ஒரு டீஸ்பூன்
* எண்ணெய் - ஒரு டீஸ்பூன்

இது ஃபியூஷன் ஸ்பெஷல்!

செய்முறை:

மிளகாய்த்தூள், மிளகுத்தூள், உப்பு, எண்ணெய், வேர்க்கடலை (அ) முந்திரிப் பவுடர், கொத்தமல்லித்தழை, பேசில் இலை ஆகிய எல்லாவற்றையும் ஒன்றாகக் கலக்கவும்.

கிரில்லிங் ட்ரேயில் நறுக்கிய காய்கறிகள், கிழங்குகளை அடுக்கவும். அவற்றின் மேல் கலந்துவைத்திருக்கும் மசாலா கலவையை மெலிதான லேயராகப் பரப்பி, 10 நிமிடங் களுக்கு கிரில் செய்யவும்.

மின்ட் துளசி டீ

தேவையானவை:
* துளசி மற்றும் புதினா இலைகள் - தலா ஒரு டீஸ்பூன் (பொடியாக நறுக்கியது)
* லெமன்கிராஸ் இலை மற்றும் தண்டு – ஒன்று (நறுக்கியது)
* பொடித்த மிளகு - அரை டீஸ்பூன்
* பனங்கற்கண்டு - 3 டீஸ்பூன்
* நறுக்கிய எலுமிச்சை - ஒன்றில் பாதி
* வெந்நீர் - ஒரு லிட்டர்

செய்முறை:

ஒரு டீ பாத்திரத்தில் மேலே உள்ள அனைத்துப் பொருள்களையும் சேர்த்து மூடிபோட்டு 5 நிமிடங்களுக்குக் கொதிக்கவைக்கவும்.பிறகு, வடிகட்டி டம்ளர்களில் ஊற்றிப் பரிமாறவும்.

பரிமாறும் முறை:

ஒரு தட்டில் கொஞ்சம் பொங்கல், பாதாம் முந்திரி விழுது சிறிது வைக்கவும், இன்னொரு பக்கத்தில் கிரில்டு வெஜிடபிள்ஸ்வைத்து, சூடான டீயுடன் பரிமாறவும்.

*பிரவுன் ரைஸில் அதிக அளவு நார்ச்சத்து, தாதுக்கள் மற்றும் வைட்டமின்கள் உள்ளன. இது கொலஸ்ட்ராலைக் குறைக்கவும் உதவுகிறது.

ஸ்வீட் பொட்டேட்டோ பீட்சா பேஸ்

தேவையானவை:
* தோல் நீக்கிய சர்க்கரைவள்ளிக்கிழங்கு - 500 கிராம்
* கோதுமை மாவு - 3 டீஸ்பூன்
* உப்பு – ஒரு டீஸ்பூன்
* எண்ணெய் - 3 டீஸ்பூன்

செய்முறை:

பெரிய கண் உள்ள துருவியில் சர்க்கரை வள்ளிக்கிழங்கைத் துருவிக் கொள்ளவும். அத்துடன் கோதுமை மாவு, உப்பு, எண்ணெய் ஆகியவற்றைக் கலந்து பிசைந்து கொள்ளவும். பின்னர், இவற்றை நான்கு பகுதிகளாகப் பிரித்துவைக்கவும். வட்டமான கிரில்லிங் பிளேட்டில் ஒரு பகுதி பிசைந்த மாவைச் சமமாக வட்டமாகப் பரத்தி வைத்து 8 முதல் 10 நிமிடங்களுக்கு கிரில் செய்யவும். பீட்சா பேஸ் ரெடி. இதுபோல் மீதமிருக்கும் மூன்று பகுதிகளையும் பீட்சா பேஸ் கிரில் செய்து எடுக்கவும்.

பீட்சா டாப்பிங்

தேவையானவை:
* பச்சை, மஞ்சள் மற்றும் சிவப்பு குடமிளகாய் – ஒரு கப் (மெலிதாக நறுக்கியது)
* பேபிகார்ன் துண்டுகள் - கால் கப்
* புரொக்கோலி - 3 (அ) 4 பூக்கள்
* டோஃபு - 50 கிராம்
* பாதாம் விழுது - 3 டேபிள்ஸ்பூன்
* ஓரிகானோ பவுடர் - ஒரு டீஸ்பூன்
* பொடியாக நறுக்கிய பேசில் இலைகள் - அரை டீஸ்பூன்
* எலுமிச்சைச்சாறு -– ஒரு டீஸ்பூன்
* சில்லி ஃப்ளேக்ஸ் – ஒரு டீஸ்பூன்
* பொடித்த மிளகு - அரை டீஸ்பூன்
* உப்பு – தேவைக்கேற்ப

செய்முறை:

பீட்சா டாப்பிங்குக்குக் கொடுக்கப்பட்டுள்ள காய்கறிகளுடன், ஓரிகானோ, உப்பு, பொடித்த மிளகு, டோஃபு, பாதாம் விழுது, பேசில் இலைகள், சில்லி ஃப்ளேக்ஸ், எலுமிச்சைச் சாறு எல்லாம் சேர்த்துக் கலந்துவைக்கவும்.

இது ஃபியூஷன் ஸ்பெஷல்!

பீட்ஸா சாஸுக்குத் தேவையானவை:

* தக்காளி - 3 கப் (விதை நீக்கிப் பொடியாக நறுக்கியது)
* பச்சை குடமிளகாய் - அரை கப் (மெலிதாக நறுக்கியது)
* சீரகத்தூள் – ஒரு டீஸ்பூன்
* தனியாத்தூள் – ஒரு டீஸ்பூன்
* பிரியாணி இலை - 2
* மிளகாய்த்தூள் - சிறிது
* கரம் மசாலாத்தூள் - கால் டீஸ்பூன்
* மிளகு – ஒரு டீஸ்பூன் (கொரகொரப்பாக பொடித்தது)
* இஞ்சி விழுது - அரை டீஸ்பூன்
* எண்ணெய் - 3 டீஸ்பூன்

செய்முறை:

அனைத்துப் பொருள்களையும் ஒன்றாகக் கலந்து பெரிய கடாயில் சேர்த்து அடுப்பில் குறைந்த தணலில் வைத்து 15 நிமிடங் களுக்குக் கொதிக்கவிடவும். பிறகு, பிரியாணி இலைகளை அகற்றிவிட்டு, தனியாக வைக்கவும்.

கறுப்பு திராட்சை சில்டு டீ

தேவையானவை:
* கறுப்பு திராட்சை - 24
* கறுப்பு உப்பு - ஒரு சிட்டிகை
* டீ மசாலாத்தூள் - அரை டீஸ்பூன்
* ஐஸ் வாட்டர் - 600 மில்லி
* நாட்டுச்சர்க்கரை - தேவைக்கேற்ப

செய்முறை:


நாட்டுச்சர்க்கரை தவிர மற்ற அனைத்தையும் மிக்ஸியில் ஒன்றாக அடித்து வடிகட்டவும். இதனுடன் தேவையான நாட்டுச்சர்க்கரை சேர்த்து டம்ளர்களில் பரிமாறவும்.

பரிமாறும் முறை:

பீட்சா பேஸில் பீட்ஸா சாஸைத் தடவவும். அதன் மேல் டாப்பிங்குக்குக் கொடுக்கப்பட்டுள்ள பொருள்களைப் பரப்பிவைத்து மீண்டும் கிரில் செய்து, டீயுடன் சூடாகப் பரிமாறவும்.

*தேவையற்ற கொழுப்பைக் குறைக்க டோஃபு உதவும். இதில் துத்தநாகம், இரும்பு, செலினியம், பொட்டாசியம் மற்றும் வைட்டமின்களும் உள்ளன.

ஸ்வீட் பொட்டேட்டோ பன்னகோட்டா

தேவையானவை:
* சர்க்கரைவள்ளிக்கிழங்கு - ஒரு கப் (வேகவைத்து மசித்தது)
* பாதாம் விழுது - ஒரு கப்
* வெனிலா பவுடர் - ஒரு சிட்டிகை
* சர்க்கரை – அரை கப்

செய்முறை:

ஒரு பவுலில் தேவையானவற்றுக்குக் கொடுத்துள்ள எல்லாப் பொருள்களையும் சேர்த்து 2, 3 நிமிடங்களுக்கு நன்றாகக் கலக்கவும். பேக்கிங் பவுலில் எண்ணெய்தடவி, அதில் கலவையை ஊற்றவும். 200 டிகிரி செல்சியஸில் 5 முதல் 6 நிமிடங்களுக்கு பேக் செய்யவும். இதுதான் பன்னகோட்டா.


ஸ்ட்ராபெர்ரி பேர்ள்ஸ்

தேவையானவை:
* ஸ்ட்ராபெர்ரி க்ரஷ் - ஒரு கப்
* தண்ணீர் - அரை கப்
* அகர் அகர் – இரண்டு டீஸ்பூன்
* சன் ஃபிளவர் ஆயில் - 250 மில்லி (ஃப்ரிட்ஜில் வைத்தது)

இது ஃபியூஷன் ஸ்பெஷல்!

செய்முறை:

அடுப்பில் வாணலியில்வைத்து, தேவையான வற்றில் கொடுக்கப்பட்டுள்ள எண்ணெய் தவிர மற்ற பொருள்களையெல்லாம் சேர்த்து 3 நிமிடங்களுக்குக் கொதிக்க விடவும். அடிஆழமான கிண்ணத்தில் குளிர்ந்த எண்ணெயை எடுத்துக் கொள்ளவும். கொதித்துக்கொண்டிருக்கும் ஸ்ட்ராபெர்ரி க்ரஷ் கலவையை சூடாக இருக்கும்போதே எடுத்து, எண்ணெய் கிண்ணத்தில் சொட்டுச் சொட்டாக விட்டால் குட்டிக்குட்டி முத்துகளாக உருவாகும். இவைதான் ஸ்ட்ராபெர்ரி பேர்ள்ஸ். அவற்றை எண்ணெயிலிருந்து கவனமாக வடிகட்டி குளிர்ந்த நீரில் அலசிவைக்கவும்.

ஸ்பைஸ்டு டீ

தேவையானவை:
* சுக்குத்தூள் - 2 டீஸ்பூன்
* ஏலக்காய் - 4
* மராத்தி மொக்கு - ஒன்று
* வறுத்த மல்லி (தனியா) - 2 டீஸ்பூன்
* கிராம்பு - 4
* பட்டை - ஒரு துண்டு
* சுடுநீர் - 800 மில்லி
* பனைவெல்லம் - 3 டீஸ்பூன்

செய்முறை:

ஒரு பாத்திரத்தில் தண்ணீர் தவிர மற்ற எல்லாவற்றையும் கொரகொரப்பாக உடைத்து தண்ணீரில் சேர்த்து 5 நிமிடங்களுக்குக் கொதிக்கவைத்து வடிகட்டிப் பரிமாறவும்

பரிமாறும் முறை:

பன்ன கோட்டாவை ஸ்ட்ராபெரி முத்துகள் மற்றும் ஸ்ட்ராபெரி பழத்துண்டுகளால் அலங்கரித்து, ஸ்பைஸ்டு டீயுடன் பரிமாறவும்.

*சைனா கிராஸ், கடல்பாசி ஆகிய பெயர்களிலும் அழைக்கப்படும் அகர் அகர் ஒரு சைவ உணவு. இது உடல் சூட்டைத் தணிக்கும். அல்சர், வாய்ப்புண் மற்றும் வயிற்றுப்புண்ணை ஆற்றும்.

ஸ்வீட் பொட்டேட்டோ ங்யாச்சி

தேவையானவை:

* வேகவைத்து மசித்த சர்க்கரைவள்ளிக்கிழங்கு - ஒரு கப்
* கோதுமை மாவு - அரை கப்
* பாதாம் விழுது - ஒரு டீஸ்பூன்
* உப்பு - ஒரு சிட்டிகை
* எண்ணெய் - 2 டீஸ்பூன்

செய்முறை:

ஒரு பாத்திரத்தில் எல்லா பொருள்களையும் சேர்த்துப் பிசைந்து 10 நிமிடங்களுக்கு மூடிவைக்கவும். பெரிய பாத்திரத்தில் இரண்டு லிட்டர் தண்ணீரைக் கொதிக்க வைக்கவும். தயாராக உள்ள கலவையை மீண்டும் ஒரு முறை பிசைந்து சின்ன சின்ன உருண்டைகளாக்கவும். உருண்டைகளைக் கொதிக்கும் தண்ணீரில் மெதுவாகச் சேர்க்கவும். தீயைக் குறைத்து உருண்டைகள் உப்பி வரும் வரை வேகவிடவும்.

8 முதல் 10 நிமிடங்களுக்குள் இது ரெடியாகி விடும். தண்ணீரை வடித்து உருண்டைகளை எடுத்து லேசாக எண்ணெய் தடவி ஒரு தட்டில் அடுக்கிவைக்கவும்.

தேங்காய்ப்பால்

தேவையானவை:
*  கெட்டியான தேங்காய்ப்பால் - மூன்று கப்
* வெல்லப்பாகு - அரை கப்
* ஏலக்காய்த்தூள் - ஒரு டீஸ்பூன்

செய்முறை:

அடிகனமான பாத்திரத்தில் தேங்காய்ப்பால், வெல்லப்பாகு, ஏலக்காய்த்தூள் சேர்த்துக் குறைந்த தீயில் 5 முதல் 8 நிமிடங்களுக்குக் கொதிக்கவிடவும்.

கேண்டீட் நட்ஸ்

தேவையானவை:
* பொடியாக நறுக்கிய பாதாம், முந்திரி, வால்நட் - அரை கப்
* வெல்லத்தூள் - அரை கப்
* ஏலக்காய்த்தூள் - ஒரு சிட்டிகை

இது ஃபியூஷன் ஸ்பெஷல்!

செய்முறை:

ஒரு பேக்கிங் டிரேயில் மேலே சொன்ன எல்லா பொருள்களையும் வைத்து 180 டிகிரியில் 10 நிமிடங் களுக்கு பேக் செய்யவும். இப்படிச் செய்யும்பொழுது வெல்லம் உருகி நட்ஸில் கலந்துவிடும்.

பேக் செய்த இந்தக் கலவை ஆறிய தும் உடைத்து கொரகொரப்பாகப் பொடித்துக் கொள்ளவும்.

லெமன் கிராஸ் டீ

தேவையானவை:
* லெமன் கிராஸ் தண்டு - 2
* பொடித்த மிளகு, மஞ்சள்தூள் - அரை டீஸ்பூன்
* பட்டை - ஒரு துண்டு
* ஏலக்காய் - 3
* பொடியாக நறுக்கிய இஞ்சி - சிறிது
* வெந்நீர் - 600 மில்லி
* சர்க்கரை - 4 டேபிள்ஸ்பூன்
* குங்குமப்பூ - அலங்கரிக்க 3 அல்லது 4 இதழ்கள்

செய்முறை:

லெமன் கிராஸ், மிளகு, மஞ்சள்தூள், பட்டை, ஏலக்காய், இஞ்சி, குங்குமப்பூ ஆகியவற்றை ஒரு பாத்திரத்தில் எடுத்துக் கொள்ளவும். அதில் வெந்நீர் சேர்த்து மூடிவைத்து 5 நிமிடங்களுக்குக் கொதிக்கவைக்கவும். கடைசியாக சர்க்கரை சேர்க்கவும்.

பரிமாறும் முறை: ஒரு சிறிய கிண்ணத்தில் வேகவைத்த உருண்டைகள் மூன்று அல்லது நான்கு போட்டு ஒரு கரண்டி தேங்காய்ப்பால் விடவும். அதன்மேல் ஒரு டேபிள்ஸ்பூன் பொடித்த நட்ஸ் கலவை தூவவும்.தேவைப்பட்டால் டார்க் சாக்லேட் துருவல் சேர்க்கலாம். சூடான லெமன் கிராஸ் டீயுடன் பரிமாறவும்.

*ரத்தத்துக்கு நன்மை செய்யும் எச்.டி.எல். கொலஸ்ட்ராலை அதிகரிக்கவும், கெட்ட கொலஸ்ட்ராலைக் குறைக்கவும் பாதாம் உதவும்.

ஸ்வீட் பொட்டேட்டோ பிளாட் நூடுல்ஸ்

தேவையானவை:
* சர்க்கரைவள்ளிக்கிழங்கு - ஒரு கப் (வேகவைத்து மசித்தது)
* கோதுமை மாவு - 2 கப்
* உப்பு - 2 டீஸ்பூன்
* எண்ணெய் - 4 முதல் 5 டீஸ்பூன்
* தண்ணீர் - 4 லிட்டர்
* எண்ணெய் - 2 டீஸ்பூன்

செய்முறை:

ஒரு பாத்திரத்தில் தண்ணீர் தவிர கொடுத்துள்ள அனைத்துப் பொருள்களையும் ஒன்றாகச் சேர்த்துக் கெட்டியாகப் பிசையவும்.

4 லிட்டர் தண்ணீரில் சிறிது உப்பும், 2 டீஸ்பூன் எண்ணெயும் சேர்த்துக் கொதிக்கவைக்கவும். பிசைந்துவைத்துள்ள மாவை ஐந்து அல்லது ஆறு பகுதிகளாகப் பிரிக்கவும். அதை மெலிதான சப்பாத்தியாகத் தேய்த்து, அரை இன்ச் ரிப்பன்களாக வெட்டவும்.

தண்ணீர் கொதிக்க ஆரம்பித்ததும், இந்த கோதுமை மாவு ரிப்பன்களை அதில் மெதுவாக, கவனமாகச் சேர்க்கவும். அவை வெந்து மேலெழும்பி வரும்போது கவனமாக எடுத்து நீரை வடித்து, தனியே வைக்கவும். அவற்றின் மேல் லேசாக எண்ணெய் தடவிவைத்தால் ஒன்றோடு ஒன்று ஒட்டிக்கொள்ளாமலிருக்கும். இதேமுறையில் மொத்த மாவையும் நூடுல்ஸாகச் செய்து கொள்ளவும்.

ஸ்வீட் அண்டு சோர் வெஜிடபுள்

தேவையானவை:
* கேரட், காலிஃபிளவர், புரோக்கோலி, பீன்ஸ், தக்காளி, மூவர்ண குடமிளகாய், பேபிகார்ன் துண்டுகள் - மொத்தமாக 3 கப்
* வெள்ளரித்துண்டு - கால் கப்
* பசலைக்கீரை (பொடியாக நறுக்கியது) - அரை கப்
* இஞ்சி விழுது - ஒரு டீஸ்பூன்
* கார்ன்ஃப்ளார் - ஒரு டேபிள்ஸ்பூன்
* தண்ணீர் - 3 டேபிள்ஸ்பூன்
* காய்கறிகள் வேகவைத்த தண்ணீர் - 4 கப்
* உப்பு - 2 டீஸ்பூன்
* தக்காளி சாஸ் - 2 டீஸ்பூன்
* சோயா சாஸ் – ஒரு டீஸ்பூன்
* சில்லி சாஸ் - 1 டீஸ்பூன்
* சர்க்கரை – ஒரு டீஸ்பூன்
* எண்ணெய் - 2 டீஸ்பூன்
* வெள்ளை மிளகுத்தூள் – ஒரு டீஸ்பூன்
* வறுத்த வால்நட்ஸ் மற்றும் சன்ஃபிளவர் சீட்ஸ் - அலங்கரிப்பதற்கு

இது ஃபியூஷன் ஸ்பெஷல்!

செய்முறை:

கடாயை அடுப்பில்வைத்து சூடாக்கி எண்ணெய்விட்டு இஞ்சி விழுது சேர்த்து வதக்கவும். பிறகு, காய்கறிக் கலவையைச் சேர்த்து, தீயை அதிகரித்து  3 நிமிடங்களுக்கு வதக்கவும். காய்கறி வேகவைத்த தண்ணீரை ஊற்றிக் கொதிக்கவிடவும். இத்துடன் சிறிது தண்ணீரில் உப்பு, தக்காளி சாஸ், சோயா சாஸ், சில்லி சாஸ், சர்க்கரை மற்றும் கார்ன்ஃப்ளார் சேர்த்துக் கலக்கவும்.

இந்தக் கலவையை, வெந்துகொண்டிருக்கும் காய்கறிக் கலவையில் கொட்டி, 3 நிமிடங் களுக்குக் கொதிக்கவிடவும். இதனுடன் வெள்ளை மிளகுத்தூள் சேர்க்கவும். பிறகு, பசலைக்கீரையைச் சேர்த்து ஒரு நிமிடம் கொதிக்கவிட்டு, அடுப்பிலிருந்து இறக்கி, வால்நட்ஸ் மற்றும் சன்ஃபிளவர் சீட்களால் அலங்கரிக்கவும்.

லெமன் கிராஸ் டீ

தேவையானவை:
* லெமன் கிராஸ் தண்டு - 4 அல்லது 5
* வெந்நீர் - 1 லிட்டர்

செய்முறை:

வெந்நீரில் லெமன் கிராஸ் தண்டுகளை சேர்த்து 5 நிமிடங்கள் வைத்திருந்து, பிறகு சின்ன கப்புகளில் ஊற்றிப் பரிமாறவும்.

பரிமாறும் முறை:

நூடுல்ஸ்ஸை ஒரு தட்டில் எடுத்துக் கொள்ளவும். ஒரு கிண்ணத்தில் ஸ்வீட் அண்டு சோர் வெஜிடபுளை வைக்கவும். லெமன் கிராஸ் டீயுடன் பரிமாறவும்.

*சரும வறட்சியைத் தடுக்க கேரட் உதவும்.

ஹோம்மேட் சேவை

தேவையானவை:
 அரிசி மாவு - கால் கப்
 சர்க்கரைவள்ளிக்கிழங்கு - கால் கப்
(வேகவைத்து மசிக்கவும்)
 வெந்நீர் - ஒரு கப்
 தேங்காய் எண்ணெய் - ஒரு டீஸ்பூன்
 உப்பு – சிறிதளவு

செய்முறை:

அகலமான பாத்திரத்தில் அரிசி மாவு, உப்பு, எண்ணெய் மூன்றையும் சேர்த்து நன்கு கலக்கவும். சிறிது சிறிதாக வெந்நீர் ஊற்றி கெட்டியான பதத்துக்குப் பிசையவும். இத்துடன் வேகவைத்த சர்க்கரைவள்ளிக் கிழங்கு கலவையுடன் சேர்த்துப் பிசையவும். சிறிது நேரம் மூடி வைக்கவும். பிறகு, சேவை நாழியில் வைத்திருந்து பிறகு சேவை நாழியில் சேவையாகப் பிழிந்து வேகவைத்து எடுத்துக் கொள்ளவும்.

லெமன் சூப்

தேவையானவை:
* இரண்டாக நறுக்கிய பச்சை மிளகாய் - 3
* மெலியதாக நறுக்கிய இஞ்சி - ஒரு டீஸ்பூன்
* மெல்லிய நீளமாக நறுக்கிய கேரட் - 2 டீஸ்பூன்
* மெலிதாக நறுக்கிய புரொக்கோலி - 2 டீஸ்பூன்
* மெல்லிதாக நறுக்கிய காலிஃப்ளவர் - 2 டீஸ்பூன்
* பொடியாக நறுக்கிய தக்காளி - அரை கப்
* பொடித்த மிளகு - அரை டீஸ்பூன்
* பொடியாக நறுக்கிய கறிவேப்பிலை - 10
* மஞ்சள்தூள் - அரை டீஸ்பூன்
* சீரகம் - அரை டீஸ்பூன்
* பெருங்காயத்தூள் - ஒரு சிட்டிகை
* உப்பு - 2 டீஸ்பூன்
* தண்ணீர் - 500 மில்லி
* வேகவைத்து மசித்த துவரம் பருப்பு - 2 டீஸ்பூன்
* எண்ணெய் - தாளிப்பதற்கு

அலங்கரிக்க:
* நறுக்கிய கொத்தமல்லித்தழை - ஒரு டேபிள்ஸ்பூன்
* எலுமிச்சைச்சாறு - 2 டீஸ்பூன்

இது ஃபியூஷன் ஸ்பெஷல்!

செய்முறை:

அகலமான பாத்திரத்தை அடுப்பில்வைத்து எண்ணெய் ஊற்றி சீரகம் தாளிக்கவும். அனைத்து காய்கறிகளையும் சேர்த்து 3 நிமிடங்களுக்கு வதக்கவும். மற்ற எல்லாப் பொருள்களையும் ஒவ்வொன்றாகச் சேர்த்து, தீயைப் பெரிதாக்கி கலவையை 5 நிமிடங்களுக்குக் கொதிக்க விடவும். பிறகு தீயைக் குறைத்து 5 நிமிடங்களுக்கு அடுப்பிலேயே கலவையை வைத்திருந்து அடுப்பை அணைக்கவும்.

ஸ்டீம்டு ஸ்ப்ரவுட்ஸ்

தேவையானவை:
* முளைகட்டிய கறுப்பு, வெள்ளை கொண்டைக்கடலை - ஒரு கப்
* உப்பு - தேவைக்கேற்ப
* தேங்காய் எண்ணெய் - சிறிது

செய்முறை:


கொண்டைக்கடலையை உப்பு சேர்த்து வேக வைக்கவும். பிறகு கொண்டைக்கடலையை சிறிது தேங்காய் எண்ணெயில் புரட்டிவைக்கவும்.

பரிமாறும் முறை: சூப் கிண்ணத்தில் இரண்டு அல்லது மூன்று கரண்டி சூப் நிரப்பவும். அதன் மேல் எலுமிச்சைச்சாறு ஊற்றி, பொடியாக நறுக்கிய கொத்தமல்லியால் அலங்கரிக்கவும். வேகவைத்த கடலையுடன் பரிமாறவும். இது ஒரு முழுமையான உணவு.

*பச்சை மிளகாய் நோய் எதிர்ப்பு சக்தியை அதிகரிக்க உதவும், வைட்டமின் சி அதிகம் கொண்டது.

ஸ்பைஸி டார்ட்

தேவையானவை:

* கடலைப்பருப்பு - ஒரு கப்
* உளுத்தம்பருப்பு - கால் கப்
* சிவப்பு மிளகாய் - 4 (அ) 5
* பெருங்காயத்தூள் - ஒரு சிட்டிகை
* உப்பு - ஒன்றரை டீஸ்பூன்
* தேங்காய்த்துருவல் - அரை கப்
* பொடியாக நறுக்கிய கொத்தமல்லித்தழை - இரண்டு டீஸ்பூன்
* எண்ணெய் - தேவையான அளவு

செய்முறை:

பருப்புகளை ஒரு மணி நேரம் ஊறவைத்து தண்ணீரை வடித்துக் கொள்ளவும். இத்துடன் எண்ணெய் தவிர, தேவையானவற்றில் உள்ள மற்ற பொருள்களைச் சேர்த்து தண்ணீர் விடாமல் கொரகொரப்பாக அரைத்துக் கொள்ளவும். சிறிய பவுல்கள் அல்லது கேக் தயாரிக்க உதவும் மஃபின் கப்களில் எண்ணெய் தடவிக் கொள்ளவும்.

அதன் உள்ளே அரைத்துவைத்த மாவைவைத்து நன்கு அழுத்தி விடவும். அதன் மேல் சிறிது எண்ணெய் தடவி, 180 டிகிரி செல்சியஸில் 10-12 நிமிடங்களுக்கு பேக் செய்யவும். ஆறியதும் கப்பிலிருக்கும் கலவையை மெதுவாக வெளியே எடுத்து அதைச் சுற்றி எண்ணெய் தடவவும். அதை தலைகீழாகக் கவிழ்த்து பேக்கிங் ட்ரேயில் 180 டிகிரி செல்ஷியஸில் 8-10 நிமிடங்களுக்கு மீண்டும் பேக் செய்தால் ஸ்பைசி டார்ட் ரெடி. 

டிக்கி

டிக்கி செய்ய தேவையானவை:

* சர்க்கரைவள்ளிக்கிழங்கு - ஒரு கப் (வேகவிட்டு மசித்தது)
* கார்ன்ஃப்ளார் மாவு - 2 டேபிள்ஸ்பூன்
* பச்சை மிளகாய் - ஒரு டீஸ்பூன் (பொடியாக நறுக்கவும்)
* உப்பு - அரை டீஸ்பூன்
* பச்சைப்பட்டாணி - 3 டீஸ்பூன் (வேகவைத்தது)
* கொத்தமல்லித்தழை - 4 டீஸ்பூன் (பொடியாக நறுக்கவும்)
* புளி சட்னி - சிறிது
* புதினா சட்னி - தேவையான அளவு
* எண்ணெய் - சிறிதளவு

டிக்கி செய்முறை:

எண்ணெய் தவிர்த்து தேவையானவற்றுக்குக் கொடுத்து அனைத்து பொருள்களையும் ஒன்றாகக் கலந்து கட்லெட் வடிவத்தில் செய்து வைக்கவும். பிறகு, தோசைக்கல்லில் குறைவாக எண்ணெய் விட்டு கட்லெட்டுகளை இருபுறமும் வேகவிட்டு எடுக்கவும்.

இது ஃபியூஷன் ஸ்பெஷல்!

புளிச் சட்னி

தேவையானவை:
* புளி - சிறிது
* மிளகாய்த்தூள் - ஒரு டீஸ்பூன்
* உப்பு - ஒரு டீஸ்பூன்
* வெல்லம் - ஒரு டேபிள்ஸ்பூன்
* பேரீச்சம்பழம் - ஒரு டேபிள்ஸ்பூன்
* கறுப்பு உப்பு - அரை டீஸ்பூன்
* பொட்டுக்கடலை விழுது - ஒரு டீஸ்பூன்
* தண்ணீர் - 2 டீஸ்பூன்

செய்முறை:

புளியுடன் சட்னிக்கு கொடுத்துள்ளவற்றை யெல்லாம் ஒரு பாத்திரத்தில் சேர்த்து குறைந்த தணலில் 5 - 7 நிமிடங்களுக்குக் கொதிக்க வைத்தெடுத்தால் அதுதான் புளிச் சட்னி.

ரைத்தா

தேவையானவை:
* தோல் சீவி பொடியாக நறுக்கிய முள்ளங்கி - அரை கப்
* வறுத்த வெள்ளை எள் - 2 டேபிள்ஸ்பூன்
* வெதுவெதுப்பான நீர் - 6 டேபிள்ஸ்பூன்
* வறுத்த சூரியகாந்தி விதைகள் - 2 டீஸ்பூன்
* உப்பு - ஒரு டீஸ்பூன்
* பொடியாக நறுக்கிய இஞ்சி - அரை டீஸ்பூன்
* சர்க்கரை - ஒரு டீஸ்பூன்
* எலுமிச்சை சாறு - ஒரு டீஸ்பூன்

செய்முறை:

முள்ளங்கி தவிர்த்து அனைத்து பொருள்களையும் மிக்ஸியில் லோ ஸ்பீடில் 1-2 நிமிடங்கள் அரைக்கவும். கடைசியில் முள்ளங்கித் துண்டுகள் சேர்த்து கொத்தமல்லித்தழையால் அலங்கரிக்கவும்.

செம்பருத்தி டீ

தேவையானவை:
* செம்பருத்திப்பூ - 8 முதல் 10
* எலுமிச்சைச்சாறு - ஒரு டேபிள்ஸ்பூன்
* பட்டை - ஒரு துண்டு
* தண்ணீர் - 400 மில்லி மற்றும் 500 மில்லி
* சர்க்கரை (அ) தேன் - 6 டேபிள்ஸ்பூன்
* புதினா - சிறிது

செய்முறை:

400 மில்லி தண்ணீரைக் கொதிக்கவைக்கவும். அதில் செம்பருத்திப்பூவின் இதழ்கள், பட்டை சேர்த்து 8 நிமிடங்களுக்கு மிதமான தீயில் கொதிக்கவிடவும். தண்ணீர் பாதியாக வற்ற வேண்டும். பிறகு இதை வடிகட்டி எலுமிச்சைச்சாறும், தேனும் சேர்த்து 500 மில்லி குளிர்ந்த தண்ணீர் சேர்த்து புதினா இலைகளால் அலங்கரிக்கவும்.

பரிமாறும் முறை:

ஒரு தட்டில் டார்ட்டை வைத்து டிக்கியை அதன் மேல் வைத்து சட்னி வகைகள், கொத்தமல்லித்தழையால் அலங்கரிக்கவும். பக்கத்தில் ஒரு கிண்ணத்தில் ரைத்தா வைக்கவும். தேவைப்பட்டால் சிறிது ஓமப்பொடி மற்றும் புளிச் சட்னி சேர்த்துக் கொள்ளலாம். உயரமான டம்ளரில் செம்பருத்தி டீயை ஊற்றி, உடன் பரிமாறவும்.

*கடலைப்பருப்பில் ஃபோலிக் அமிலம், மாங்கனீஸ், இரும்புச்சத்து, தாமிரம் போன்றவை நிறைந்துள்ளன.