Published:Updated:

சிறுதானிய மேஜிக் மெனு!

சிறுதானிய மேஜிக் மெனு!
பிரீமியம் ஸ்டோரி
சிறுதானிய மேஜிக் மெனு!

சிறுதானிய மேஜிக் மெனு!

சிறுதானிய மேஜிக் மெனு!

சிறுதானிய மேஜிக் மெனு!

Published:Updated:
சிறுதானிய மேஜிக் மெனு!
பிரீமியம் ஸ்டோரி
சிறுதானிய மேஜிக் மெனு!
சிறுதானிய மேஜிக் மெனு!

ம் செரிமான மண்டலத்தில் உள்ள நுண்ணுயிர்கள் பாரம்பர்ய உணவுப்பழக்கத்துக்கேற்ற தகவமைப்பையே கொண்டவை. செரிமான மண்டலத்துக்கும் மூளையின் செயல்பாடுகளுக்கும் நேரடித் தொடர்பு இருப்பதை நவீன ஆய்வுகள் உறுதிசெய்துள்ளன.

சிறுதானியங்கள்தாம் நம் முன்னோர் உண்டுவந்த பாரம்பர்ய உணவு. கார்போஹைட்ரேட், புரதம், நார்ச்சத்து, வைட்டமின்கள், நுண்ணூட்டச்சத்துகள் நிறைந்தவை.

சிறுதானிய மேஜிக் மெனு!

ஒட்டுமொத்த விகடனுக்கும் ஒரே ஷார்ட்கட்!

சிறுதானியங்களான கம்பு, கேழ்வரகு, சாமை, தினை, குதிரைவாலி போன்றவற்றை உண்பதன் மூலம் நமது செரிமான மண்டலம் மேம்படும். நம் உடலும் உள்ளமும் நலம் பெறும். எனவே, நமது தினசரி உணவில் அரிசிக்கு இணையாக சிறுதானிய உணவுகளும் இருக்க வேண்டியது அவசியம்.

உடல்நலம் காக்கும் உன்னதமான சிறுதானியங்களைப் பயன்படுத்தி,  சாதம், தோசை, ரொட்டி, கூழ், கஞ்சி தவிர வேறென்ன செய்ய முடியும்? ஆச்சர்யப்படுத்தும் விதத்தில் மிக நீளமான மில்லட் மேஜிக் மெனு காத்திருக்கிறது.

சென்னையைச் சேர்ந்த சமையற்லைஞர் வழங்கும் இந்த சிறுதானிய ரெசிப்பிகளில் சத்தில் மட்டுமல்ல... சுவையிலும் குறையொன்றுமில்லை. இது ஆரோக்கிய ருசி!

-ஜெ.கலைவாணி படங்கள்: சொ.பாலசுப்ரமணியன்

பனிவரகு பிரெட் கட்லெட்

தேவையானவை:
* பனிவரகு - அரை கப்
* பிரெட் - 2 ஸ்லைஸ்
* உருளைக்கிழங்கு - 2
* பச்சை மிளகாய் - 2 (பொடியாக நறுக்கவும்)
* வெங்காயம் - ஒன்று (பொடியாக நறுக்கவும்)
* இஞ்சி - பூண்டு விழுது - கால் டீஸ்பூன்
* கரம் மசாலாத்தூள் - அரை டீஸ்பூன்
* மஞ்சள்தூள் - அரை டீஸ்பூன்
* மிளகாய்தூள் - அரை டீஸ்பூன்
* உப்பு - முக்கால் டீஸ்பூன்
* எண்ணெய் - தேவையான அளவு

கரைத்துவைக்க:
* கார்ன்ஃப்ளார் (சோள மாவு) - கால் கப்
* மைதா மாவு - கால் கப்
* மிளகுத்தூள் - அரை டீஸ்பூன்

புரட்டி எடுக்க:
* ரஸ்க்தூள் அல்லது மிக்ஸியில் பொடித்த கான்கிரஞ்ச் - தேவையான அளவு

சிறுதானிய மேஜிக் மெனு!

செய்முறை:

பனிவரகை வேகவைத்துக்கொள்ளவும். பிரெட்டை மிக்ஸில் பொடித்துக் கொள்ளவும். உருளைக்கிழங்கை வேக வைத்துக்கொள்ளவும். வாணலியில் எண்ணெய்விட்டு சூடாக்கி வெங்காயம், பச்சை மிளகாய், இஞ்சி - பூண்டு விழுது சேர்த்து வதக்கிக்கொள்ளவும்.

பின்பு வேகவைத்த உருளைக்கிழங்கை மசித்து அதனுடன் சேர்க்கவும். பின்னர் அதில் உப்பு, மிளகாய்த்தூள், கரம் மசாலாத்தூள், மஞ்சள்தூள் சேர்த்துக் கிளறவும். அதனுடன் வேகவைத்த பனிவரகு, பிரெட் தூளைச் சேர்த்துக் கிளறி இறக்கி ஆறவிடவும்.

கரைக்கக் கொடுக்கப்பட்டுள்ளவற்றைத் தேவையான நீர்விட்டு பஜ்ஜி மாவை விட சற்று தளர்வான பதத்தில் கரைத்துவைக்கவும். பின்னர் ஆறிய உருளைக்கிழங்கு - பனிவரகு கலவையை விரும்பிய வடிவத்தில் கட்லெட்டுகளாக செய்து அவற்றை கரைத்து வைத்த மாவில் தோய்க்கவும்.

பின்னர் அவற்றை ரஸ்க்தூள் (அ) கான்கிரஞ்ச் தூளில் புரட்டி வைத்துக்கொள்ளவும். வாணலியில் எண்ணெயைக் காயவிட்டு புரட்டிவைத்திருக்கும் கட்லெட்டைப் போட்டுப் பொன்னிறமாகப் பொரித்து எடுக்கவும். அல்லது தோசைக்கல்லில் எண்ணெய்விட்டு இரண்டு பக்கங்களிலும் சிவக்க சுட்டெடுக்கலாம்.

குறிப்பு:
வறுக்காத கார்ன்ஃப்ளேக்ஸ்தான் கான் கிரஞ்ச் என்று அழைக்கப்படுகிறது. இது மளிகைக் கடைகள், டிபார்ட்மென்டல் ஸ்டோர்களில் கிடைக்கும்.

*மாவுச்சத்தோடு புரதம், கொழுப்பு, நார்ச்சத்து, தாது உப்புகள் ஆகியவையும் பனிவரகில் அடங்கியுள்ளன.

உருளைக்கிழங்கு கம்பு தட்டை

தேவையானவை:
* உருளைக்கிழங்கு - 3 (வேகவைக்கவும்)
* கம்பு - அரை கப் (வேகவைக்கவும்)
* பிரெட் - 2 ஸ்லைஸ்
* பச்சை மிளகாய் - 2 (பொடியாக நறுக்கவும்)
* சீரகத்தூள் - அரை டீஸ்பூன்
* உப்பு - அரை டீஸ்பூன்
* எண்ணெய் - ஒரு கப் (பொரிக்க)

கரைத்து வைக்க :
* கார்ன்ஃப்ளார் (சோள மாவு) - கால் கப்
* மைதா - கால் கப்
* மிளகு - கால் டீஸ்பூன் (பொடிக்கவும்)

சிறுதானிய மேஜிக் மெனு!

செய்முறை:

பிரெட்டைத் தண்ணீரில் நனைத்துப் பிழிந்துவைக்கவும். ஒரு பாத்திரத்தில் உருளைக்கிழங்கு, வேகவைத்த கம்பு, பிரெட், நறுக்கிய பச்சை மிளகாய், சீரகத்தூள், உப்பு ஆகியவற்றைச் சேர்த்துப் பிசைந்து சிறிய உருண்டைகளாகப் பிடித்துவைக்கவும். இன்னொரு சிறிய பாத்திரத்தில் கார்ன்ஃப்ளார், மைதா மாவு, மிளகுத்தூள் ஆகியவற்றைக் கொஞ்சம் தண்ணீர்விட்டுக் கரைத்து வைக்கவும்.

பின்னர் பிடித்துவைத்த உருண்டைகளை கைகளில் தட்டையாகத் தட்டி, கரைத்து வைத் திருக்கும் மாவுக் கலவையில் தோய்க்கவும். வாணலியில் எண்ணெயைக் காயவிட்டுப் பொன்னிறமாகப் பொரித்தெடுக்கவும்.

தவாவில் எண்ணெய்விட்டு இதை வறுத்தும் எடுக்கலாம்.

*எல்லா வகை மண்ணிலும் விளையும் தன்மைகொண்டது கம்பு.

கம்பு கேழ்வரகு தேங்காய்ப் புட்டு

தேவையானவை:
* கம்பு மாவு - ஒரு கப்
* கேழ்வரகு மாவு - அரை கப்
* தேங்காய்த் துருவல் - அரை கப்
* பொடித்த நாட்டுச்சர்க்கரை - அரை கப்
* ஏலக்காய் - 2 (பொடிக்கவும்)
* சர்க்கரை - அரை டீஸ்பூன்
* உப்பு - அரை டீஸ்பூன்

சிறுதானிய மேஜிக் மெனு!

செய்முறை:

ஒரு பாத்திரத்தில் கம்பு மாவையும் கேழ்வரகு மாவையும் சேர்த்துக் கலந்து வைக்கவும். முக்கால் டம்ளர் தண்ணீரில் அரை டீஸ்பூன் சர்க்கரை, அரை டீஸ்பூன் உப்பு சேர்த்துக் கரைக்கவும். பின்னர் அதை மாவில் தெளித்து மாவு முழுவதும் தண்ணீர்ப்பதம் ஆகும்வரை கட்டிகள் இல்லாதவாறு பிசிறவும். இட்லித்தட்டை துணியால் கட்டி அதில் மாவைப் பரப்பவும். பிறகு இட்லி பாத்திரத்தில் 15 நிமிடங்கள் வேகவிட்டு இறக்கவும். ஏலக்காய்த்தூளுடன் பொடித்த நாட்டுச் சர்க்கரை, தேங்காய்த் துருவல் சேர்த்துக் கலக்கவும். பின்னர் இதை வேகவைத்த புட்டுடன் கலந்து சூடாகப் பரிமாறவும்.

குறிப்பு:
கேழ்வரகு மாவு குளிர்ச்சித்தன்மை கொண்டது என்பதால் அதனுடன் கம்பு சேர்க்கிறோம். கம்பு சூடுத்தன்மையைக் கொண்டது. இது கோடைக்காலத்தில் வரும் இருமல், சளி, தலைவலி, ஜலதோஷம் ஆகியவற்றைத் தடுக்கும்.

*இந்தியாவில் தோன்றிய கேழ்வரகு, பின்னர் அரேபியாவுக்கும் ஆப்பிரிக்காவுக்கும் சென்றதாகா சில ஆய்வுகள் கூறுகின்றன.

பனிவரகு சில்லி பனீர்

தேவையானவை:
* வேகவைத்த பனிவரகு - அரை கப்
* பனீர் துண்டுகள் - அரை கப்
* மைதா மாவு - 4 டேபிள்ஸ்பூன்
* கார்ன்ஃப்ளார் (சோள மாவு) - 3 டீஸ்பூன்
* சோயா சாஸ் - 2 டீஸ்பூன்
* இஞ்சி - அரை இன்ச் துண்டு (தோல் சீவி நறுக்கவும்)
* பூண்டு - 4 பல் (நறுக்கவும்)
* எண்ணெய் - ஒரு கப்
* பச்சை மிளகாய் - 3 (கீறவும்)
* குடமிளகாய் - ஒன்று (சதுரங்களாக நறுக்கவும்)
* வெங்காயம் - ஒன்று (சதுரங்களாக நறுக்கவும்)
* தக்காளி சாஸ் - ஒரு டீஸ்பூன்
* வினிகர் - ஒரு டீஸ்பூன்
* உப்பு - அரை டீஸ்பூன்

சிறுதானிய மேஜிக் மெனு!

செய்முறை:

ஒரு பாத்திரத்தில் கார்ன்ஃப்ளார், மைதா மாவு, உப்பு, தேவையான நீர் சேர்த்து பஜ்ஜி மாவு பதத்தில் கரைக்கவும். பனீர் துண்டுகளை இதில் தோய்த்து எண்ணெயில் பொரித்துக்கொள்ளவும்.

வாணலியில் எண்ணெயைக் காயவிட்டு இஞ்சி, பூண்டு சேர்த்து வதக்கவும். பின்னர் அதனுடன் நறுக்கிவைத்த குடமிளகாய், வெங்காயம், பச்சை மிளகாய் ஆகியவற்றைச் சேர்த்து வதக்கி, பனிவரகை சேர்த்துக் கிளறவும். கலவை பாதி அளவு வெந்ததும் தக்காளி சாஸ், சோயா சாஸ் சேர்த்துக் கிளறவும். பின்னர் பனீரைத் தோய்த்துப் பொரிப்பதற்குப் பயன்படுத்திய மாவுக் கலவையில் இருக்கும் மிச்சத்தை இதனுடன் சேர்த்துக் கலக்கவும். பிறகு பொரித்த பனீர் சேர்க்கவும். கடைசியாக வினிகர் சேர்த்துக் கலந்து இறக்கிப் பரிமாறவும்.

*ரத்த சர்க்கரை அளவைக் கட்டுப்படுத்தும் தன்மை பனிவரகுக்கு உண்டு.

வரகு பாஸ்மதி மிக்ஸ்டு எக் ரைஸ்

தேவையானவை:
* வரகரிசி - அரை கப்
* பாஸ்மதி அரிசி - அரை கப்
* வெங்காயம் – ஒன்று (நறுக்கவும்)
* முட்டை - 2
* பீன்ஸ் - அரை கப் (பொடியாக நறுக்கவும்)
* கோஸ் - கால் கப் (மெலிதாக நறுக்கவும்)
* நறுக்கிய கொத்தமல்லித்தழை - சிறிதளவு
* சோயா சாஸ் - ஒரு டீஸ்பூன்
* மிளகுத்தூள் - 2 டீஸ்பூன்
* எண்ணெய், உப்பு - தேவையான அளவு

சிறுதானிய மேஜிக் மெனு!

செய்முறை:

வரகு அரிசியை சாதமாக வடித்து ஆறவைக்கவும். பாஸ்மதி அரிசியையும் வேகவைத்து வடித்து ஆறவிடவும். இரண்டு சாதங்களும் உதிரியாக இருக்க வேண்டும். வாணலியில் எண்ணெய்விட்டு வெங்காயத்தைச் சேர்த்து பொன்னிறமாக வதக்கி, முட்டையை உடைத்து அதில் சேர்த்துக் கிளறவும்.

பின்னர் அதில் நறுக்கிய பீன்ஸ், கோஸ் சேர்த்து வதக்கவும். காய்கள் வதங்கிய பிறகு, வரகு சாதம், பாஸ்மதி சாதத்தை சேர்த்து, அடுப்பை `சிம்’மில் வைத்து உப்பு, சோயா சாஸ் சேர்த்து நன்கு கிளறவும். இத்துடன் மிளகுத்தூள், கொத்தமல்லித்தழை சேர்த்துக் கிளறி இறக்கவும்..

*கோதுமையைக் காட்டிலும் வரகரிசியில் நார்ச்சத்து அதிகம்.

சாமை சாதம் - குடமிளகாய் பருப்பு ரசம்

தேவையானவை:
* சாமை சாதம் - ஒரு கப்
* குடமிளகாய் - பாதி (பொடியாக நறுக்கவும்)
* துவரம்பருப்பு - கால் கப்
* மிளகு, சீரகம் - தலா ஒரு டீஸ்பூன்
* கறிவேப்பிலை - சிறிதளவு
* பூண்டு - 4 பல்
* தக்காளி - 2
* காய்ந்த மிளகாய் - 2
* மஞ்சள்தூள், பெருங்காயத்தூள் - கால் டீஸ்பூன்
* புளி - பெரிய நெல்லிக்காய் அளவு
* காய்ந்த மிளகாய் (தாளிக்க) - 2
* கடுகு, கொத்தமல்லி - சிறிதளவு
* உப்பு, எண்ணெய் - அரை டீஸ்பூன்

சிறுதானிய மேஜிக் மெனு!

செய்முறை:

துவரம்பருப்பை வேகவைத்துக்கொள்ளவும். புளியைக் கரைத்துக்கொள்ளவும். மிக்ஸியில் மிளகு, சீரகம், கறிவேப்பிலை, பூண்டு, தக்காளி, காய்ந்த மிளகாய், மஞ்சள்தூள், உப்பு சேர்த்து சிறிதளவு தண்ணீர்விட்டு விழுதாக அரைத்துக்கொள்ளவும்.

வாணலியில் எண்ணெய்விட்டு கடுகு தாளித்து பெருங்காயத்தூள், காய்ந்த மிளகாய் சேர்த்து வதக்கவும். பிறகு புளிக்கரைசலை ஊற்றவும். கொதிவந்ததும் வேகவைத்த பருப்பு, நறுக்கிய குடமிளகாய் சேர்த்து ஒரு கொதிவிடவும். இதனுடன் அரைத்த விழுதையும் சேர்த்துக் கலந்து ஒரு கொதி வந்ததும் கொத்தமல்லித்தழை தூவி இறக்கவும். சாமை சாதத்துடன் பரிமாறவும்.

குறிப்பு:
வேண்டுமெனில் அரைத்த விழுதுடன் அரை டீஸ்பூன் ரசப்பொடியும் சேர்த்துக்கொள்ளலாம்.

*தசைகளுக்கு வலுவளிக்கும் தன்மை சாமைக்கு உண்டு.

கேழ்வரகு முருங்கைக்கீரை அடை

தேவையானவை:
* கேழ்வரகு மாவு - ஒரு கப்
* அரிசி மாவு - ஒரு கப்
* கடலைப்பருப்பு, துவரம்பருப்பு - தலா அரை கப்
* வெங்காயம் - ஒன்று (நறுக்கவும்)
* பச்சை மிளகாய் - 2 (நறுக்கவும்)
* நறுக்கிய முருங்கைக்கீரை - 2 கைப்பிடி அளவு
* கடுகு, உளுத்தம்பருப்பு, சீரகம் - தலா அரை டீஸ்பூன்
* கறிவேப்பிலை - சிறிதளவு
* எண்ணெய், உப்பு - தேவையான அளவு

சிறுதானிய மேஜிக் மெனு!

செய்முறை:

பருப்பு வகைகளை ஒன்றாக ஊறவைத்து அரைத்துக்கொள்ளவும். ஒரு பாத்திரத்தில் அரிசி மாவு, கேழ்வரகு மாவு, அரைத்த பருப்பு விழுது, வெங்காயம், பச்சை மிளகாய், உப்பு அனைத்தையும் ஒன்றாகக் கலந்துகொள்ளவும். வாணலியில் எண்ணெய்விட்டு சூடாக்கி கடுகு, சீரகம், உளுத்தம்பருப்பு, கறிவேப்பிலை தாளிக்கவும்.

அத்துடன் கீரையைச் சேர்த்து லேசாக வதக்கி, கலந்துவைத்திருக்கும் மாவில் சேர்க்கவும். பின்னர் இதனுடன் தேவையான அளவு தண்ணீர்விட்டு கெட்டியாகக் கலந்து வைக்கவும். பின்பு கைகளால் பந்துகளாக உருட்டிவைக்கவும். உருண்டைகளை அடைபோல் தட்டி, தோசைக்கல்லில் போட்டு இருபுறமும் எண்ணெய்விட்டு வேகவைத்து லேசாகச் சிவக்கவிட்டு எடுத்தால் கேழ்வரகு முருங்கைக்கீரை அடை ரெடி.

*கேழ்வரகில் கால்சியம் நிறைந்து காணப்படுகிறது.

ஓட்ஸ் வித் தினை பெப்பர் பாத்

தேவையானவை:
* தினை - அரை கப்
* ஓட்ஸ் - ஒரு கப்
* தக்காளி, வெங்காயம் - ஒன்று (நறுக்கவும்)
* கொத்தமல்லித்தழை - சிறிதளவு
* பச்சை மிளகாய் - 2 (கீறவும்)
* மிளகுத்தூள் - ஒரு டேபிள்ஸ்பூன்
* முட்டை - 2
* மஞ்சள்தூள் - கால் டீஸ்பூன்
* எண்ணெய் - ஒரு டேபிள்ஸ்பூன்
* இஞ்சி - பூண்டு விழுது - கால் டீஸ்பூன்
* உப்பு - அரை டீஸ்பூன்
* நறுக்கிய கொத்தமல்லித்தழை (அலங்கரிக்க) - சிறிதளவு

சிறுதானிய மேஜிக் மெனு!

செய்முறை:

ஒரு பாத்திரத்தில் ஓட்ஸ் மற்றும் தினை சேர்த்து மூழ்கும் அளவுக்குத் தண்ணீர்விட்டு வேகவிடவும். இரண்டும் சேர்த்து வெந்தபிறகு இறக்கிவைக்கவும். வாணலியில் எண்ணெய் விட்டு சூடாக்கி அதில் முட்டையை உடைத்து ஊற்றி கிளறவும். உடனே அதில் வெங்காயம், பச்சை மிளகாய், கொத்தமல்லித்தழை சேர்த்துக் கிளறவும்.  வெங்காயம் பொன்னிறமானதும், இஞ்சி - பூண்டு விழுது சேர்த்துக் கலந்து, தக்காளி சேர்த்துக் கிளறவும். பிறகு மஞ்சள்தூள், மிளகுத்தூள், உப்பு சேர்த்துக் கலக்கவும். இதனுடன் வேகவைத்த தினை - ஓட்ஸ் கலவை யையும் சேர்த்துக் கிளறவும். கலவையில் மசாலா முழுவதுமாகக் கலந்ததும் வாணலியை அடுப்பிலிருந்து இறக்கவும். பின்னர் தட்டில் தேவையான அளவு எடுத்துக்கொண்டு அதன்மீது பொடியாக நறுக்கிய வெங்காயம், கொத்தமல்லித்தழையைத் தூவிச் சாப்பிடவும்.

குறிப்பு:
இஞ்சி - பூண்டு விழுதுக்குப் பதிலாக இரண்டு பூண்டைத் தட்டியும் சேர்க்கலாம். காரம் சற்று அதிகம் தேவைப்பட்டால், சிறிதளவு மிளகாய்த்தூள் சேர்த்தும் செய்யலாம்.

*இதயத்துக்கு இதமானதாக விளங்குகிறது தினை.

கோதுமை கம்பு முந்திரி மிளகாய் பரோட்டா

தேவையானவை:
* கம்பு மாவு - அரை கப்
* கோதுமை மாவு - ஒரு கப்
* கடலை மாவு - கால் கப்
* ஓமம் - கால் டீஸ்பூன்
* மிளகாய்த்தூள் - ஒரு டீஸ்பூன்
* எண்ணெய், உப்பு - தேவையான அளவு

விழுதாக அரைக்க:
* முந்திரி - 4
* பூண்டு - 4 பல்
* காய்ந்த மிளகாய் - 4 (அல்லது காரத்துக்கேற்ப)

சிறுதானிய மேஜிக் மெனு!

செய்முறை:

முந்திரி, பூண்டு, காய்ந்த மிளகாய் ஆகிய மூன்றையும் சிறிதளவு தண்ணீர்விட்டு விழுதாக அரைத்துக்கொள்ளவும். ஒரு பாத்திரத்தில் கோதுமை மாவு, கடலை மாவு, கம்பு மாவு, உப்பு, ஓமம், 2 டீஸ்பூன் எண்ணெய், மிளகாய்த்தூள், முந்திரி - பூண்டு - மிளகாய் விழுது ஆகிய அனைத்தையும் சேர்த்து தேவையான அளவு தண்ணீர்விட்டு சப்பாத்தி மாவுப் பதத்துக்குப் பிசைந்துகொள்ளவும். பிசைந்த மாவைப் பெரிய உருண்டையாக்கி நனைத்துப் பிழிந்த துணியில் சுற்றி 10 நிமிடங்கள் ஊறவைக்கவும்.

பிறகு அவற்றை எடுத்து உருண்டைகளாக்கி ஒவ்வோர் உருண்டையையும் பெரிய வட்டமாக தேய்த்துக்கொள்ளவும். பின்பு ஒரு வட்டத்தின் மேலே ஒரு டீஸ்பூன் எண்ணெய் மற்றும் சிறிதளவு மாவு தூவி வட்டம் முழுவதும் தேய்த்து முன்னும் பின்னுமாக மடித்துச் சுருட்டிவைக்கவும். மற்ற வட்டங்களையும் அதேபோல் செய்துகொள்ளவும். பின்பு சுருட்டிவைத்தவற்றை பரோட்டாக்களாக கைகளாலேயே தட்டி சப்பாத்திக் கல்லில் பொன்னிறமாகச் சுட்டு எடுக்கவும். தொட்டுக் கொள்ள நறுக்கிய வெங்காயம் போதும்.பிரமாதமாக இருக்கும். தேவையானால் தயிர் சேர்த்துக்கொள்ளலாம்.

*உடல் உஷ்ணமடைவதைக் குறைக்கும் தன்மை கம்புக்கு உண்டு.

கருணைக்கிழங்கு கம்பு வறுவல்

தேவையானவை:
* கருணைக்கிழங்கு - கால் கிலோ
* மஞ்சள்தூள் - கால் டீஸ்பூன்
* உப்பு - அரை டேபிள்ஸ்பூன்
* எண்ணெய் - தேவையான அளவு

விழுதாக அரைக்க:
* கம்பு - 2 டேபிள்ஸ்பூன்
* கடலைப்பருப்பு - ஒரு டேபிள்ஸ்பூன்
* மல்லி (தனியா) - 2 டேபிள்ஸ்பூன்
* காய்ந்த மிளகாய் - 4
* பொட்டுக்கடலை - 2 டேபிள்ஸ்பூன்
* கசகசா – அரை டீஸ்பூன்
* பெருங்காயத்தூள் - அரை டீஸ்பூன்

சிறுதானிய மேஜிக் மெனு!

செய்முறை:

கருணைக்கிழங்கைத் தோல் சீவி சதுரங்களாக நறுக்கிக்கொள்ளவும். ஒரு பாத்திரத்தில் அவற்றைவைத்து மூழ்கும் அளவு தண்ணீர் விட்டு மஞ்சள்தூள் சேர்த்து வேகவிடவும். கிழங்கு முக்கால் வேக்காடு பதத்துக்கு வெந்ததும் இறக்கி ஆறவிடவும். வெறும் வாணலியை அடுப்பில் வைத்து அரைக்கக் கொடுத்துள்ளவற்றை (பெருங்காயத்தூள் நீங்கலாக) ஒன்றன் பின் ஒன்றாகச் சேர்த்து பொன்னிறமாக வறுத்துக் கொள்ளவும்.

வறுத்தவற்றை மிக்ஸியில் போட்டு, பெருங்காயத்தூள் சேர்த்து சிறிதளவு நீர் விட்டு விழுதாக அரைத்துக்கொள்ளவும் (மையாக அரைக்கக் கூடாது).

பின்பு அரைத்த விழுதில் உப்பு, ஆறவைத்த கிழங்கைப் புரட்டவும். தோசைக்கல்லில் எண்ணெய்விட்டு காய்ந்ததும் கிழங்கைப் பொன்னிறமாக வறுத்து எடுக்கவும். சுவையான கருணைக்கிழங்கு கம்பு வறுவல் ரெடி.

*கம்பச்சோறு, கம்பங்கூழ், கம்பு கலந்த நீர் ஆகியவை தொன்றுதொட்டுக் கம்பில் செய்யப்பட்டு வருகின்றன.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism