Published:Updated:

புதுமையான பானங்கள்!

புதுமையான பானங்கள்!
பிரீமியம் ஸ்டோரி
News
புதுமையான பானங்கள்!

நளினா கண்ணன்

புதுமையான பானங்கள்!

டிப்படைத் தேவையான தண்ணீரைத் தாண்டி மனிதனின் தாகம் தீர்க்கும் பானங்களில்தாம் எத்தனை வகை! ஆதிகாலம் முதல் அவசர யுகம் வரை மனிதக் கலாசாரத்தில் பானங்கள் முக்கிய பங்கு வகிக்கின்றன. மினரல் வாட்டர், பால், சூப் வகைகள், சாறு வகைள், காப்பி, தேநீர், பழரசங்கள், மென்பானங்கள், ஆற்றல் பானங்கள், மது என நம் வாழ்க்கையில் 8,000 ஆண்டுகளாக பானங்கள் இடம்பெற்று வருகின்றன.

பழங்கள் ஜூஸாகும்... தயிர் லஸ்ஸியாகும்... பாலே பல்வேறு ருசிகளில் பானங்களாக மாறும்... மோரும்கூட வணிகரீதியில் பானமாக வெற்றிபெறும்... இதையும் அதையும் கலக்க முடியுமா என யோசிப்பதற்குள் `மாக்டெயில்’ வந்து சேரும். இப்படி ஒவ்வொன்றும் இன்னபிற பொருள்களோடு கைகோத்துக்கொண்டு இன்சுவை  பானங்களாகக் காட்சியளிக்கும்.

புதுமையான பானங்கள்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

`வழக்கமான பானங்கள் பலவற்றையும் பலமுறை ருசிபார்த்தாயிற்றே. இன்னும் புதுமையாக என்ன இருக்கு?’ என்கிறவர்களுக்காக ஜில் விருந்து படைக்கிறார் மயிலாப்பூரிலுள்ள தளிகை ரெஸ்டாரென்ட் உரிமையாளர் நளினா கண்ணன். இவர் அளிக்கும் பானங்கள் புதுமையானவை மட்டுமல்ல... சத்துக்கும் சுவைக்கும் உத்தரவாதம் அளிப்பவை... குழந்தைகளின் ஆர்வத்தைத் தூண்டுபவை... சீனியர் சிட்டிசன்களின் பசி, தாகம் தீர்ப்பவை. கோடை விடைபெற்றாலும் கொண்டாட்டங்கள் தொடரட்டுமே... ஜில் அல்லவா!

படங்கள்: பா.கார்த்திகா

பட்டர் ஃப்ரூட் சாக்கோ

தேவையானவை:
* நன்கு கனிந்த பட்டர் ஃப்ரூட் (அவகாடோ) - 2
* கெட்டியான பாதாம் மில்க் - அரை கப்
* கோகோ பவுடர் - அரை கப்
* துருவிய டார்க் சாக்லேட் - கால் கப்
* நாட்டுச் சர்க்கரை - அரை கப்

அலங்கரிக்க:
 சாக்கோ சிப்ஸ், பழத்துண்டுகள், வீட்டிலேயே செய்த கோதுமை வேஃபல், ஐஸ்க்ரீம் -  தேவைக்கேற்ப

புதுமையான பானங்கள்!

செய்முறை:

அலங்கரிக்கக் கொடுத்துள்ள பொருள்களைத் தவிர மற்ற எல்லாவற்றையும் பிளெண்டரில் போட்டு நான்கு நிமிடங்களுக்கு அடிக்கவும். குளிரவைத்து, அழகான டம்ளர்களில் ஊற்றி, அலங்கரிக்கக்கொடுத்துள்ள பொருள்களில் உங்களுக்கு விருப்பமானவற்றைத் தூவிப் பரிமாறவும்.

*அவகாடோ என்கிற பட்டர் ஃப்ரூட் மெக்ஸிகோ நாட்டின் தென் மத்தியப் பகுதியிலிருந்தே உலகெங்கும் பரவியது.

வாழைப்பழம் வேர்க்கடலை மில்க்‌ஷேக்

தேவையானவை:
* பச்சை வேர்க்கடலை (தோலுடன்) - 100 கிராம்
* பேரீச்சம்பழம் - 3 (கொட்டை நீக்கவும்)
* வாழைப்பழம் - 2
* தண்ணீர் - 2 கப்
* லவங்கப்பட்டைத்தூள் - அரை சிட்டிகை

புதுமையான பானங்கள்!

செய்முறை:

வேர்க்கடலையை முதல் நாள் இரவே ஊறவைக்கவும். மறுநாள் காலை ஊறவைத்த வேர்க்கடலையுடன் மற்ற எல்லா பொருள்களையும் சேர்த்து மிக்ஸியில் அரைக்கவும். வடிகட்டிப் பரிமாறவும்.

*இந்தியாவும் சீனாவுமே உலகின் முன்னணி வாழைப்பழ ஏற்றுமதி நாடுகள். உலகத் தேவையில் 38% இங்கிருந்தே கிடைக்கின்றன.

ஃப்ரெஷ் கோகனட் பிஸ்தா க்ரீம் வித் ஹோல் ஸ்ட்ராபெர்ரி

தேவையானவை:
* கெட்டியான தேங்காய்ப்பால் - ஒரு கப் (கடைகளிலும் ரெடிமேடாகக் கிடைக்கிறது)
* வறுத்த பிஸ்தா - 150 கிராம்
* நாட்டுச் சர்க்கரை - ஒரு கப்
* ஃபிரஷ்ஷான ஸ்ட்ராபெர்ரி - ஒரு கப்

புதுமையான பானங்கள்!

செய்முறை:

ஸ்ட்ராபெர்ரி தவிர மற்ற பொருள்களை ஒன்றாகச் சேர்த்து அரைக்கவும்.  இந்த டிப்பை ஒரு மணி நேரம் குளிரவைக்கவும். ஸ்ட்ரா பெர்ரியை அதில் டிப் செய்து சாப்பிடும்படி இரண்டையும் ஒன்றாகப் பரிமாறவும்.

*தாவரங்களின் வளர்ச்சி வேகத்தை அதிகரிக்கவும் தேங்காய்ப்பால் பயன்படும் என ஆராய்ச்சி முடிவுகள் உறுதிப்படுத்தி உள்ளன.

மஞ்சள் சோயா மில்க்

தேவையானவை:
* சோயா மில்க் - 2 கப் (கடைகளில் ரெடிமேடாகக் கிடைக்கும்)
* தேன் அல்லது பனங்கற்கண்டு - 2 டேபிள்ஸ்பூன்
* மஞ்சள்சாறு (பசுமஞ்சளை அரைத்து சாறு எடுக்கவும்) - 2 டீஸ்பூன்
* இஞ்சிச்சாறு - ஒரு டீஸ்பூன்
* ஏலக்காய்த்தூள் - ஒரு சிட்டிகை
* மிளகுத்தூள் - ஒரு சிட்டிகை

புதுமையான பானங்கள்!

செய்முறை:

சோயா மில்க்கை வெதுவெதுப்பாகச் சூடாக்கவும். அதில் மற்ற பொருள்களைச் சேர்த்து 5 நிமிடங்களுக்கு மூடிவைக்கவும். பிறகு வடிகட்டவும். இத்துடன், வீட்டிலேயே தயார் செய்த சாக்கோ வால்நட் குக்கீஸைப் பரிமாறலாம்.

*17-ம் நூற்றாண்டில் சீனாவிலிருந்து ஐரோப்பாவுக்கு அனுப்பப்பட்ட கடிதங்களில் சோயா மில்க் பற்றிய குறிப்புகள் காணப்படுகின்றன.

பிளம்ஸ் ஸ்மூத்தி

தேவையானவை:
* குளிரவைத்த கெட்டியான பாதாம் மில்க் - 2 கப் (முதல் நாள் இரவே அரை கப் பாதாமை ஊறவைத்து, மறுநாள் ஒன்றரை கப் தண்ணீர் சேர்த்து அரைத்து வடிகட்டவும்)
* ஸ்லைஸ் செய்த பிளம்ஸ் - 2 டேபிள்ஸ்பூன்
* பொடியாக நறுக்கிய பேரீச்சம்பழம் - 3 டீஸ்பூன்

புதுமையான பானங்கள்!

செய்முறை:

எல்லா பொருள்களையும் பிளெண்டரில் சேர்த்து 3 நிமிடங்களுக்கு அடிக்கவும். ஐஸ்க்ரீம் கோப்பைகளில் நிரப்பி, வீட்டிலேயே செய்த ஃப்ரூட் கேக் உடன் பரிமாறவும்.

*ஆதிமனிதன் ஆரம்ப காலத்தில் உட்கொண்ட பழங்களின் பட்டியலில் பிளம்ஸ் இடம்பெற்றிருக்கிறது.

சாக்கோ கோகோ மில்க்‌ஷேக்

தேவையானவை:
* சாக்கோ சிப்ஸ் - 3 டீஸ்பூன்
* கோகோ பவுடர் - ஒரு டீஸ்பூன்
* குளிரவைத்த தேங்காய்ப்பால் - 2 கப் (கடைகளிலும் ரெடிமேடாக கிடைக்கும்)
* நாட்டுச் சர்க்கரை - 3 டீஸ்பூன்

புதுமையான பானங்கள்!

செய்முறை:

எல்லா பொருள்களையும் பிளெண்டரில் இரண்டு நிமிடங்களுக்கு அடிக்கவும். இதை பனானா வால்நட் கேக் உடன் பரிமாறலாம்.

*கோகோ பீன்ஸைப் பயன்படுத்தி சாக்லேட் மட்டுமல்ல... சாக்லேட் லிக்கர், கோகோ பட்டர் ஆகியவையும் தயாரிக்கப்படுகின்றன.

கேரட் முந்திரி ஸ்மூத்தி

தேவையானவை:
* முந்திரி - 4  டேபிள்ஸ்பூன்
* துருவிய கேரட் - 4 டேபிள்ஸ்பூன்
*  பொடியாக நறுக்கிய பேரீச்சம்பழம் - 3 டேபிள்ஸ்பூன்
* தண்ணீர் - 2 கப்

புதுமையான பானங்கள்!

செய்முறை:

முந்திரியை முதல் நாள் இரவே ஊற வைக்கவும். மறுநாள் நீரை வடித்துவிட்டு மற்ற பொருள்களுடன் சேர்த்து விழுதாக அரைக்கவும்.  விருப்பப்பட்டால் சாக்கோ துருவல் தூவவும். இந்த ஸ்மூத்தியை மல்ட்டிகிரெய்ன் பிரெஞ்ச் டோஸ்ட் உடன் பரிமாறலாம்.

*வியட்நாம், இந்தியா, ஐவரிகோஸ்ட் நாடுகளே அதிக அளவில் முந்திரி உற்பத்தி செய்கின்றன.

கோக்கம் சர்பத் (குடம்புளி சர்பத்)

தேவையானவை:
* குடம்புளி - 2 அல்லது 3
* நாட்டுச் சர்க்கரை - 4 டேபிள்ஸ்பூன்
* குளிர்ந்த நீர் - இரண்டரை கப்
* கறுப்பு உப்பு - ஒரு சிட்டிகை
* புதினா - அலங்கரிக்கத் தேவையான அளவு

புதுமையான பானங்கள்!

செய்முறை:

குடம்புளியை அரை கப் வெந்நீரில் ஊற வைக்கவும். 20 நிமிடங்களுக்கு மூடி வைத்திருந்து, பிறகு சதைப் பகுதியை மட்டும் எடுத்துக்கொள்ளவும். அத்துடன் மற்ற பொருள்களைச் சேர்த்து மிக்ஸியில் அடிக்கவும். உயரமான டம்ளரில் ஊற்றி, புதினா  தூவவும். இதை  பீட்டா பிரெட் உடன் பரிமாறலாம்.

*இந்தியாவில் குடம்புளி 2,000 அடிகள் உயரமுடைய கேரள மலைப்பகுதிகளில் வெகுவாகக் காணப்படுகிறது.