Published:Updated:

சோயா கொண்டாட்டம்!

ஃபுட்ஸ்ஆதிரை வேணுகோபால், படங்கள்: ஆ.முத்துக்குமார்

பிரீமியம் ஸ்டோரி
##~##
சோயா கொண்டாட்டம்!

ல்வேறு சத்துக்களை உள்ளடக்கி, உடல் நலத்துக்கு உறுதுணையாக நிற்கும் சோயாவில் விதம்விதமான, வாய்க்கு ருசியான ரெசிபிகளை வாரி வழங்குகிறார், சமையல் கலை நிபுணர் ஆதிரை வேணுகோபால். இந்த இதழில் இடம்பெறும் ரெசிபிகள்... சோயா சங்ஸ் செட்டிநாட்டு சுக்கா மற்றும் சோயா கிரானுல்ஸ் மில்க் கீர்.

சோயா கிரானுல்ஸ் மில்க் கீர்

தேவையானவை: சோயா கிரானுல்ஸ் - ஒரு கப், பால் - 2 கப், சர்க்கரை - முக்கால் கப், நெய் - தேவையான அளவு, ஏலக்காய்த் தூள் - சிறிதளவு, வெனிலா எசன்ஸ் - சில துளிகள், நெய்யில் வறுத்து, ஒன்றிரண்டாக பொடித்த முந்திரி - ஒரு டேபிள்ஸ்பூன், கோகோ பவுடர் - ஒரு சிட்டிகை, தேங்காய் துருவல் - ஒரு டேபிள்ஸ்பூன்.

செய்முறை: சோயா கிரானுல்ஸை கொதி நீரில் 2 நிமிடம் போட்டு பிழிந்தெடுத்து, குளிர்ந்த நீரில் 2 முறை அலசி நன்கு பிழிந்து எடுக்கவும். வாணலியில் சிறிது நெய் விட்டு சோயா கிரானுல்ஸை லேசாக வதக்கவும்.

சோயா கொண்டாட்டம்!

கடாயில் பாலை ஊற்றி நன்கு கொதித்ததும் சோயா கிரானுல்ஸைப் போட்டு வேகவிடவும். பிறகு, சர்க்கரை சேர்க்கவும். ஓரளவு பால் கெட்டியானவுடன் இறக்கி... பொடித்த முந்திரி, ஏலக்காய்த்தூள், வெனிலா எசன்ஸ், கோகோ பவுடர், தேங்காய் துருவல் சேர்த்து நன்கு கலந்து... சூடாகவோ, ஃப்ரிட்ஜில் குளிர வைத்தோ பரிமாறவும். 

சோயா கொண்டாட்டம்!

சோயா சங்ஸ் செட்டிநாட்டு சுக்கா

 தேவையானவை: சோயா சங்க்ஸ் - 20, சின்ன  வெங்காயம், பூண்டு பல் -  தலா 15, மிளகாய்த் தூள் - 2 டீஸ்பூன், மிளகுத்தூள் - ஒரு டீஸ்பூன்,  மஞ்சள்தூள் - கால் டீஸ்பூன், பெருஞ்சீரகம் - ஒரு டீஸ்பூன், முந்திரி - 10 (நெய்யில் வறுத்தது), கறிவேப்பிலை, எண்ணெய், உப்பு - தேவையான அளவு.

செய்முறை: சின்ன வெங்காயம், பூண்டு இரண்டையும் தோல் நீக்கி மிகவும் பொடியாக நறுக்கவும். சோயா சங்க்ஸை கொதிக்கும் நீரில் 5 நிமிடம் போட்டு பிழிந்தெடுத்து, குளிர்ந்த நீரில் இரண்டு முறை அலசவும். வாணலியில் எண்ணெய் விட்டு, காய்ந்ததும் பெருஞ்சீரகம், சிறிதளவு கறிவேப்பிலை தாளித்து... சின்ன வெங்காயம், பூண்டு சேர்த்து நன்கு வதக்கவும். பிறகு, சோயா சங்க்ஸை சேர்த்து நன்கு வதக்கி மஞ்சள்தூள், மிளகாய்த் தூள், மிளகுத்தூள், உப்பு சேர்த்து சிறிது நீர் தெளித்து மூடவும். (அடுப்பை 'சிம்’மில் வைக்கவும்).

5 நிமிடம் கழித்து திறந்து நன்கு சிவக்க வறுக்கவும். இறக்கும் சமயத்தில்... வறுத்த முந்திரி, சிறிதளவு கறிவேப்பிலை தூவி  ஒரு புரட்டு புரட்டி இறக்கவும்.

இது, வெங்காய சாம்பாருக்கு சரியான காம்பினேஷன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு