Published:Updated:

கலக்குது காஜு கத்திரிக்காய்!

வாசகிகள் கைமணம், படங்கள்: எம்.உசேன்ஃபுட்ஸ்

கலக்குது காஜு கத்திரிக்காய்!

வாசகிகள் கைமணம், படங்கள்: எம்.உசேன்ஃபுட்ஸ்

Published:Updated:
##~##

ஒவ்வொன்றுக்கும் பரிசு:

கலக்குது காஜு கத்திரிக்காய்!

ஒட்டுமொத்த விகடனுக்கும் ஒரே ஷார்ட்கட்!

125

அன்னாசி அல்வா

தேவையானவை: பழுத்த அன்னாசி பழம் - பாதி அளவு, சர்க்கரை - ஒன்றரை கிலோ, மைதா - 300 கிராம், முந்திரி - 50 கிராம், ஏலக்காய்த்தூள், சீவிய பாதாம்,  மஞ்சள் ஃபுட் கலர் - சிறிதளவு, நெய் - 300 கி.

செய்முறை: அன்னாசியை தோல் சீவி, ஒரு சிறிய துண்டு மட்டும் தனியாக எடுத்து வைக்கவும். மற்ற துண்டுகளை அரைத்து சாறு எடுத்துக் கொள்ளவும். தனியே எடுத்து வைத்த அன்னாசி துண்டை பொடியாக நறுக்கவும்.

மைதாவை நன்கு பிசைந்து மூழ்கும் அளவுக்கு நீர் ஊற்றி ஓர் இரவு வைத்து, மறுநாள் நீரை வடித்துவிட்டு, கீழே படிந்துள்ள மாவில் மீண்டும் நீர் ஊற்றிக் கலக்கவும். சர்க்கரையுடன் தேவையான அளவு நீர் ஊற்றி பாகு காய்ச்சவும். ஒற்றை கம்பி பதம் வந்ததும், கலக்கிய மைதாவை அதில் சேர்த்துக் கிளறவும். இடையிடையே நெய், ஃபுட் கலரை சிறிது சிறிதாக சேர்க்கவும். ஒன்றி வரும்போது அன்னாசி சாறு ஊற்றி, ஏலக்காய்த்தூள், அன்னாசி துண்டுகளை சேர்த்துக் கிளறவும். ஒட்டாத பதம் வந்ததும் முந்திரியை வறுத்துச் சேர்க்கவும்.  சீவிய பாதாம் கொண்டு அலங்கரிக்கவும்.

- வெ.திவ்யா, காட்பாடி 

கலக்குது காஜு கத்திரிக்காய்!

காஜு  கத்திரிக்காய் கிரேவி

தேவையானவை: கத்திரிக்காய் - 4, வெங்காயம் - ஒன்று, தக்காளி - 2, தேங்காய் துருவல் - 3 டீஸ்பூன், கெட்டியான புளிக்கரைசல் - 2 டீஸ்பூன், மிளகாய்த்தூள் - 2 டீஸ்பூன், இஞ்சி - பூண்டு விழுது - ஒரு டீஸ்பூன், வேர்க்கடலைப் பொடி - 3 டீஸ்பூன், எள் பொடி - ஒரு டீஸ்பூன், முந்திரி விழுது - 2 டீஸ்பூன், கடுகு, சீரகம் - தலா அரை டீஸ்பூன், நல்லெண்ணெய் - 4 டீஸ்பூன், உப்பு - தேவைக்கேற்ப,

செய்முறை: கத்திரிக்காயை நீள வாக்கில் மெல்லியதாக நறுக்கவும். தக்காளியை தேங்காய் துருவலுடன் சேர்த்து அரைக்கவும்.

கலக்குது காஜு கத்திரிக்காய்!

வாணலியில் நல்லெண்ணெய் விட்டு... கடுகு, சீரகம் சேர்த்து, பொரிந்ததும் பொடியாக நறுக்கிய வெங்காயம் சேர்த்து வதக்கவும். வெங்காயம் வதங்கியவுடன் நறுக்கிய கத்தரிக்காயைப் போட்டு வதக்கவும். முக்கால் பாகம் வெந்தவுடன் இஞ்சி - பூண்டு விழுது சேர்த்து, நன்கு வதங்கியவுடன் மிளகாய்த்தூள், உப்பு சேர்த்து, புளிக்கரைசலை ஊற்றி கொதிக்கவிடவும். நன்றாக கொதித்ததும் தக்காளி - தேங்காய் துருவல் விழுதைப் போட்டுக் கிளறி, முந்திரி விழுது சேர்த்து... கொதித்ததும் எள் பொடி, வேர்க்கடலைப் பொடி தூவி கிளறி இறக்கவும். சூப்பர் சுவையில் காஜு - கத்திரி கிரேவி தயார்!

- செ.கலைவாணி, மேட்டூர் அணை

வாசகிகளின் குறிப்புகளைத் தேர்ந்தெடுத்து, சமைத்து, ருசித்து சர்டிஃபிகேட் தந்திருப்பவர் 'சுவையரசி’ சாந்தி விஜயகிருஷ்ணன். அவருடைய கமென்ட்ஸ்...

அன்னாசி அல்வா: கொஞ்சம் கோவா சேர்த்து தயாரித்தால், மேலும் ருசியாக இருக்கும்.

காஜு - கத்திரிக்காய் கிரேவி: சிறிதளவு பரங்கிக்காய் சேர்த்து செய்தால்... லேசான இனிப்பு சுவை கிடைப்பதுடன், மணமும் அதிகரிக்கும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism