Published:Updated:

வாசகிகள் கைமணம்

வாசகிகள் கைமணம்

 'சுள்'ளு னு இருக்கு சில்லி பூரி !

 சில்லி பூரி

தேவையானவை: பூரி - 10, வெங்காயம் - 3, குடமிளகாய், கேரட், தக்காளி - தலா 1, பச்சை மிளகாய் - 2, கரம் மசாலாத்தூள், மிளகாய்த்தூள் - தலா அரை டீஸ்பூன், இஞ்சி- பூண்டு விழுது, சோயா சாஸ் - தக்காளி சாஸ் - தலா ஒரு டீஸ்பூன், பால் - ஒரு கரண்டி, கொத்தமல்லி, எண்ணெய், உப்பு - தேவையான அளவு.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வாசகிகள் கைமணம்
##~##

செய்முறை: வெங்காயம், குடமிளகாய், கேரட், தக்காளியை நீளவாக்கில் நறுக்கவும். பூரியை சிறு துண்டுகளாக கிள்ளி வைக்கவும். கடாயில் எண்ணெய் விட்டு, காய்ந்ததும் வெங்காயம், கரம் மசாலாத்தூள் சேர்த்து வதக்கி... இஞ்சி-பூண்டு விழுது,  கீறிய பச்சை மிளகாய், கேரட், தக்காளி, குடமிளகாய்,  மிளகாய்த்தூள், உப்பு சேர்த்து வதக்கவும். இதில் பால் விட்டு, கொதித்து சுண்டியதும் சோயா சாஸ், தக்காளி சாஸ் சேர்த்து நன்றாகக் கிளறி... பூரி துண்டுகள், கொத்தமல்லி சேர்த்துக் கிளறி இறக்கவும்.

- லஷ்மிதேவி, புத்தூர்

கமலா ஆரஞ்சுத் தோல் கொத்சு

தேவையானவை: சிறு துண்டுகளாக நறுக்கிய கமலா ஆரஞ்சுத் தோல் - 100 கிராம் (அரை கப்), புளி - நெல்லிக்காய் அளவு, பச்சை மிளகாய் - 5 (கீறிக் கொள்ளவும்), பெருங்காயத்தூள் - ஒரு சிட்டிகை, அச்சு வெல்லம் - 1, மஞ்சள்தூள் - சிறிதளவு, கடுகு, வெந்தயம், உளுத்தம்பருப்பு - தலா அரை டீஸ்பூன், வறுத்து அரைத்த எள்ளுப்பொடி - ஒரு டீஸ்பூன், கறிவேப்பிலை - சிறிதளவு, நல்லெண்ணெய் - ஒரு டேபிள்ஸ்பூன், உப்பு - தேவையான அளவு.

வாசகிகள் கைமணம்

செய்முறை: புளியை சிறிது தண்ணீரில் கரைத்துக் கொள்ளவும். கடாயில் எண்ணெய் விட்டு, காய்ந்ததும் கடுகு தாளித்து, உளுத்தம்பருப்பு, வெந்தயத்தை சேர்த்து சிவப்பாக வறுக்கவும். கமலா ஆரஞ்சுத் தோல், பச்சை மிளகாயையும் சேர்த்து நன்றாக சுருள வதக்கவும். இதில் புளிக் கரைசலை விட்டு... உப்பு, மஞ்சள்தூள், பெருங்காயத்தூள் சேர்த்து பச்சை வாசனை போக கொதிக்கவிடவும். பிறகு, வெல்லம், கறிவேப்பிலை, எள்ளுப்பொடியை சேர்த்து, கொதித்ததும் இறக்கவும்.

- சரஸ்வதி ராமசாமி, கோவை

வாசகிகளின் குறிப்புகளைத் தேர்ந்தெடுத்து, சமைத்து, ருசித்து, சர்டிஃபிகேட் தந்திருப்பவர் 'சுவையரசி’ சாந்தி விஜயகிருஷ்ணன் அவருடைய கமென்ட்ஸ்... சில்லி பூரி: சாப்பிடும்போது சீஸ் துருவலை மேலாக தூவி சேர்க்கலாம். டேஸ்ட் அருமையாக இருக்கும். கமலா ஆரஞ்சுத் தோல் கொத்சு: எள்ளுப்பொடிக்கு பதிலாக கசகசாவை வறுத்துப் பொடித்து சேர்த்தால், சுவை வித்தியாசமாக இருக்கும்.

 படங்கள்: வி.செந்தில்குமார்